Genesis 1:24 - Ohiatonhseratokénti

²⁴ Tánon ne Rawenní꞉o wahén꞉ron, “Ánion ne tsi ionhwentsà꞉te ne tiakóhaf ne ronnonhnénion karioʼshón꞉ʼa né꞉ne tsi nihotitiohkoténhshons: né꞉ne ienáhskwaiens tánon ne konté꞉seres tánon ne kontírios ne tsi ionhwentsà꞉te né꞉ne tsi niiotitiohkoténshons.” Tánon tho naʼá꞉wenʼne.

Genesis 1:24 ပူးပေါင်းရင်းမြစ်များ

Genesis 1:23

Tánon iaʼó꞉karahwe tánon iaʼó꞉renhne né꞉ne wískhaton niwenhniserakéhaton.

Genesis 2:19

Sók kiʼ ne Roiá꞉ner Rawenni꞉io wahshakoiatonniánion noʼkenhrà꞉ke nonhtáwe ne niaʼtehá꞉ti karioʼshón꞉ʼa ó꞉ni notsiʼtenʼokón꞉ʼa. Sók tsi í꞉tres ne rón꞉kwe niahshakoiaténhawe oh sí꞉ken nahò꞉ten enhshakoná꞉tonkweʼ; eʼthó kiʼ nitiawé꞉non tsi nahoʼténshon konwatiiátshonʼs.

Genesis 6:20

Notsithenokónhas ne tioianénhaf tsi nihiotitiokothénsons, tanon ne kontitsénhnens ne tioianénhaf tsi nihiotitiokothensons, oni kwáh tsi niatekónti ne konhtéseres nonhwenhtsàke ne tioianénhaf tsi nihiotitiokothénsons, nene tekontihiatakehátie tsi enteshehiathénhawe niaisewatíta, ne nashehiatanónsthate nakonhnón꞉nheke.

Genesis 7:14

ronónha tánon ne kwáh tsik niaʼtekarió꞉takes, ne taioianénhawe tsi niiotitiohkó꞉tenʼs, tánon kontikwé꞉kon ne tiohnhónskwaronʼs ne taioianénhawe tsi niiotitiohkó꞉tenʼs, tánon kwáh tsi niaʼtekón꞉ti ne konté꞉sereʼs nonhwentsá꞉ke ne taioianénhawe tsi niiotitiohkó꞉tenʼs, ó꞉ni notsiʼtenʼokón꞉a tánon kwáh tsik niaʼtekatsiʼtenʼserá꞉ke tsi naʼkontiiaʼtoʼténhake, tánon kwáh tsi nikón꞉ti ne tekontinerahontshón꞉tonʼs notsitén꞉as.

Genesis 8:19

Tánon kontikwé꞉kon ne konhtitshé꞉nens, kontikwé꞉kon ne konté꞉sereʼs, tánon tsi niaʼtekatsiʼtenʼserá꞉ke, kwáh tsi nahó꞉ten ne kontoriá꞉neronʼs tsi ionhwentsá꞉te, skontihwatsirátshonʼs tsi sakontitáhko ne kahón꞉wakon.

Job Tánon ne Raoronhiakensera 39:1

“Saterièn꞉tare ken nó꞉nenh nonontakéha kaiaʼtákeras enwatewí꞉raien; Sateró꞉ronh ken tsi nontewí꞉raien ne karahkón꞉ha oskenón꞉ton?

Job Tánon ne Raoronhiakensera 39:19

“Tesheiá꞉wis ken ne koshá꞉tens naotishatsténhsera? Sheniekwerónhthakwe ken ne ratiniá꞉rakes?

Job Tánon ne Raoronhiakensera 39:5

“Ónhka sakorihwá꞉wis ne karakonró꞉non tewahòn꞉tes nahontatewenní꞉ione, Ónhka sakonerénhshion ne tehió꞉ka tewahòn꞉tes,

Job Tánon ne Raoronhiakensera 39:9

“Ne karakonhró꞉non teonaká꞉res thó꞉ken nionikonró꞉then nahiahiò꞉thenhse? Kwáh ká꞉ti ken thóh enhenteróntake sanaktáktha nón꞉we nenhasontí꞉iake?

Job Tánon ne Raoronhiakensera 40:15

“Skenhénhion thí꞉ken kwís kwís kanawakónha; í꞉i riiatí꞉shon kwáh kí tsi ní꞉se ní꞉ioht tsi konhiatí꞉shon; rahón꞉tats tsi ní꞉ioht ne teonakáres tionhnóns꞉kwaron.

Psalms 104:18

Ne tsiotenonhtatónh꞉nions thóh né nón꞉we nihónhnes ne karakonhró꞉nons kahiatákeras; tánon ne tsikenerehtsotáhrhon tsi ionitstenriákons nón꞉we nihontasehthákwah.

Psalms 104:23

Ethóhʼne nonkweshón꞉ha ienhatihiákenhne nahotiʼióten enhotiʼióten tsi nió꞉re ientsókaraʼwe.

Psalms 148:10

Kontírios tánon kontikwékon ne tionhnónskwahrons, ne kontéseres nikontiʼiatóthens tánon ne kontítses otsithenʼokónhas!