Genesis 1:21 - Ohiatonhseratokénti

²¹ Káti Rawenni꞉io shakoiatíson ne katsiʼnoniowá꞉nens ne kaniatarakehkowáhne nón꞉we nikón꞉nes tánon kwáh tsi niiatekarió꞉takes né kaniaʼtarénions nón꞉we nihotiʼonwahraráties, né꞉ne tsi nihotitiohkoténhshons, tánon kwáh tsi nihá꞉ti ne rononhnénion ne awenkéhshon nón꞉we nihón꞉nes, tehatinerahontshón꞉tons otsitenʼokón꞉ʼa né꞉ne tsi nihotitiohkò꞉tens. Tánon ne Rawenni꞉io wahatkáhtho tsi ioiánere.

Genesis 1:21 ပူးပေါင်းရင်းမြစ်များ

Genesis 1:18

ne enkontiiatakweʼní꞉ioke nentieʼkhé꞉ne tánon nokarahsnéha, tánon takakháhsi ne teiohswáthe tsi nonkwá ne tetió꞉karas. Tánon ne Rawenni꞉io wahatkáhtho tsi niioiánere.

Genesis 1:20

Tánon Rawenni꞉io wahén꞉ron, “Ánion, ne tsi kaniatarénions ne tiakóhaf teiakoʼonwarón꞉ni tsi nahò꞉ten kón꞉nes nawénʼke, tánon otsitenʼokón꞉ʼa kontitiéhshon è꞉neken ne tsi ionhontsà꞉te iaʼtekaiá꞉iakt ne tsi iotehró꞉ron ne tsi karonhià꞉te.”

Genesis 1:22

Tánon ne Rawenní꞉o wahshakoiaʼtatériste, ratónnions, “Sewawatsirowáhna tánon sewentiohkowáhna, tánon thontasewá꞉raʼn nawenkéhshons ne kaniatarakehkowáhne, tánon notsitoʼokón꞉ʼa ionatiohkowáhna né tsi ionhwentsà꞉te.”

Genesis 1:25

Tánon ne Rawenni꞉io shakoiatíson ne kontírio ne tsi ionhwentsà꞉te né꞉ne tsi niiotitiohkoténhshons, ó꞉ni ne ienahskwáiens tsi niiotitiohkoténhshons, tánon kwáh tsi niiatehá꞉ti ne ronté꞉seres nonhwentsà꞉ke né꞉ne tsi nihotitiohkò꞉tens. Tánon ne Rawenni꞉io wahatkáhtho tsi niioiánere.

Genesis 1:31

Rawenni꞉io wahatkáhtho orihwakwé꞉kon ne rohsaʼánion, tánon kwáh í꞉ken tsi ioiánere. Tánon tho iaʼókarahwe tánon iaʼóhrenʼne, né꞉ne iaiákhaton niwenhniserakéhaton.

Genesis 2:19

Sók kiʼ ne Roiá꞉ner Rawenni꞉io wahshakoiatonniánion noʼkenhrà꞉ke nonhtáwe ne niaʼtehá꞉ti karioʼshón꞉ʼa ó꞉ni notsiʼtenʼokón꞉ʼa. Sók tsi í꞉tres ne rón꞉kwe niahshakoiaténhawe oh sí꞉ken nahò꞉ten enhshakoná꞉tonkweʼ; eʼthó kiʼ nitiawé꞉non tsi nahoʼténshon konwatiiátshonʼs.

Genesis 6:20

Notsithenokónhas ne tioianénhaf tsi nihiotitiokothénsons, tanon ne kontitsénhnens ne tioianénhaf tsi nihiotitiokothensons, oni kwáh tsi niatekónti ne konhtéseres nonhwenhtsàke ne tioianénhaf tsi nihiotitiokothénsons, nene tekontihiatakehátie tsi enteshehiathénhawe niaisewatíta, ne nashehiatanónsthate nakonhnón꞉nheke.

Genesis 7:14

ronónha tánon ne kwáh tsik niaʼtekarió꞉takes, ne taioianénhawe tsi niiotitiohkó꞉tenʼs, tánon kontikwé꞉kon ne tiohnhónskwaronʼs ne taioianénhawe tsi niiotitiohkó꞉tenʼs, tánon kwáh tsi niaʼtekón꞉ti ne konté꞉sereʼs nonhwentsá꞉ke ne taioianénhawe tsi niiotitiohkó꞉tenʼs, ó꞉ni notsiʼtenʼokón꞉a tánon kwáh tsik niaʼtekatsiʼtenʼserá꞉ke tsi naʼkontiiaʼtoʼténhake, tánon kwáh tsi nikón꞉ti ne tekontinerahontshón꞉tonʼs notsitén꞉as.

Genesis 8:17

Tahsheiaʼtínekenhf kwáh tsi nahó꞉ten ne konnónhnhe ne sewakwé꞉kon ne niaʼtekón꞉tiʼs—ne otsitenʼokón꞉ʼas tánon ne kontitshé꞉nenʼs tánon tsi nikón꞉ti ne konté꞉sereʼs ne tsi ionhwenhtsá꞉te—ne naiotiʼonwarowáhnha nonhwentsá꞉ke, tánon akonthwatsirón꞉ni tánon ionatiohkowáhnha tsi ionhwentsá꞉ke.”

Genesis 8:19

Tánon kontikwé꞉kon ne konhtitshé꞉nens, kontikwé꞉kon ne konté꞉sereʼs, tánon tsi niaʼtekatsiʼtenʼserá꞉ke, kwáh tsi nahó꞉ten ne kontoriá꞉neronʼs tsi ionhwentsá꞉te, skontihwatsirátshonʼs tsi sakontitáhko ne kahón꞉wakon.

Genesis 9:2

Tsi niiesatshá꞉nis tánon kwáh í꞉ken tsi eniesatshahní꞉sheke tho nón꞉we neniotatén꞉ronke ne kwáh tsi niaʼtekón꞉ti ne kontitshé꞉nens ne tsi ionhwentsá꞉te, tánon ne kwáh tsi niaʼtekatsiʼtenʼserá꞉ke ne tsi karonhiá꞉te, ne niatekón꞉ti ne konté꞉seres nonhwentsá꞉ke, ó꞉ni kontikwé꞉kon ne kentsonʼshón꞉ʼa ne kaniataraʼkehkowá꞉ne; sahtsahnà꞉ke nón꞉we nakonwanáhtkaʼwe.

Genesis 9:7

“Ók ní꞉se, sewathwatsirón꞉ni tánon sewentiohkowáhnha, thontasewá꞉raʼn tsi ionwentsá꞉te tánon sewentiohkowáhnha.”

Job Tánon ne Raoronhiakensera 12:7

“Ók sherihwanón꞉tons ne kaʼtshé꞉nens, tánon kwáh eniesarihónhnien; notsithenokónhas ne tsi iówerare kontí꞉tses, tánon kwáh eniesahró꞉ri;

Job Tánon ne Raoronhiakensera 26:5

Ne iakawenhé꞉ion iakoiatisónhkwa nà꞉kon ne tsi kanéko, tánon ne nón꞉we nihatinákere.

Job Tánon ne Raoronhiakensera 7:12

Í꞉ih ken ne kaniatarakeʼkowáhne kátsi nón hiowá꞉nen í꞉ken, khehs ne iononwaronhtsétha, tsi tió꞉konte askeʼnikonrá꞉rake tsi nikatiéra?

Psalms 148:7

Tehonwanonweráton ne Roiá꞉ner ohontsáke nahontáwe, í꞉se ne katsinonhiowanens tánon ne ionhó꞉tesons,

Exodus 1:7

ók ne sakonahterehokónhas, né꞉ne lsraeró꞉nonhs, wéso wahotiʼwirahʼientàsehron tánon tsi nahonahtsiokowàhna tánon wahatiʼtsiokwahnírahne né Egypt nónhwe kwáh ronònhak khók thitahtírahkwe.

Exodus 8:3

Tsi kaniaʼtaraʼtátie ne Nile kwáh thentatírahke otskwà꞉rhe tánon enthonteskó꞉ko sanónskon nienhónhne, tsi sanonhwétstha, sanaktàke, tsi rahtiʼterónhton ne sahnahtsherahó꞉kons ó꞉ni ne shonʼkwetaʼshónhas, tánon iekanihá꞉re ne tsi satenhatharonhtáʼkwas ó꞉ni sehkhonniá꞉tha ienahtsaráhkwas.

Ezekiel 32:2

“Rónhkwe iaiénha,” wahénron, “Kwáh ioriwahníronht tsi tiaronhkáten ne Ronhnontí꞉io ne Egypt. Thá꞉tion ki ken ateriwanhotátshera tsi nitsawehnonh nakonhake: Thóh niseweienhnhóten tsi ní꞉ioht ne kénreks tsi nòkwah nonhkweshón꞉ʼa, ók sénha tewahnikathónton tetsitiatséren tehiotnhekokwáhton ne kaniatarahkéson. Shashitáke sátstha tsi sahnahwasthónhni nawenhkésons tánon sehniatharaksáhtha.

Jonah 1:17

Né ne kwáh Roiá꞉ner waharihwahserón꞉ni ne kentsowá꞉nen iahotiataʼnéhkwane ne Jonah, né káti ne eʼtho kentsowá꞉nen, né ne áhsen niwenhniserá꞉ke tánon áhsen niwahsón꞉take iehotiaʼtahnehkwanónhkwe.

Jonah 2:10

Eʼthóʼne ne Roiá꞉ner wahrón꞉nien ne kéntson ne taonʼtahóstike ne Jonah ne thiióʼke, nok eʼtho naʼká꞉iere.

Matthew 12:40

Aseken asen nonta asen oni niȣasontake tsionnhoȣane kaiatakon iehaiatitakȣe ne Jonas, eh kati oni nehneh nenhiaȣenne nʼOnkȣe Ronȣaienha, asen nenȣata, asen oni niȣasontake onȣentsiakon ienhenterontake.