Ezra 9:3 - Ohiatonhseratokénti

³ Nó꞉ne sakarónhke kí꞉ken, Wakerátson nakatʼtierónhniat tsi natkanikonhrhià꞉ke, watkhatatenonhkwí꞉sare ó꞉ni tsi tewatkhonthonrónhte, tánon wakátsien tewakeʼnikonhrarí꞉hon tsi niwakeʼnikonhratʼtsens.

Ezra 9:3 ပူးပေါင်းရင်းမြစ်များ

2 Samuel 1:11

Eʼthóhʼne ne Táwit wahoseronhniá꞉shion tánon waharatiónko; tánon ratikwé꞉kon ne ronnón꞉kwe ne ratikwekónhne thóh nahatíiere.

2 Kings 18:37

Ethóhʼne ne Eliakim, Shebna, tánon ne Joah wahatiratiónhko ne rahonatʼtserónhniat kanikonratʼtsenhtserákon, tánon iahatiʼiákenʼne nahonwaroriána ne ronnontí꞉io tsi nahó꞉ten ne Assyriaró꞉non rasenhnowánen wahénron.

Nehemiah 1:4

Tánon nó꞉nenh shonkaʼthóntene kí꞉ken owenhnashón꞉ahs wakátsien tánon watkaséntʼto tánon wakaktiónhnion tó꞉ka nón꞉ta nikarí꞉wes; tánon onkwentón꞉tiete tánon wakaterén꞉naien raohénton ne Rawenni꞉io tsi karonhiá꞉te.

Nehemiah 13:25

Káti watsiakwarihwakena tánon wakhekenrenhserón꞉ni; wakhenontsistá꞉hiahakon ótiaʼkes ne ronhnón꞉kwe tánon watekhenonkhísaron. Tánon wakhehiónhnien nahonwarihwaní꞉ratse ne Ní꞉io nahontón꞉heke, “ní꞉se iáh tsiasehiatʼkawe ne sheiohokón꞉as tionattonhwí꞉sens rononhà꞉ke ne raotinekenteronhtsherashón꞉as, khehs niahitsí꞉nonke ne sakotihiohokónhas tsionaʼthonwí꞉sens ne sewanekenterontsherashón꞉as raotirihwà꞉ke, khéhs ní꞉se sewarihwà꞉ke.”

Job Tánon ne Raoronhiakensera 1:20

Tánon ne Job wathá꞉tane tánon waharatión꞉ko ne rahotserónhniah tsi nahoʼnikonrák꞉sen, ranontsistakwé꞉kon wahathatenonhkáronh, tánon ohontsá꞉ke wahahiataiénhtaʼne tánon wahaterénhnaien.

Psalms 119:53

Nó꞉nenh enkhéken ne rononkwetahétkens tehatíʼiaks ne saianerénhsera, kwáh wakatenakwakwenráhtis.

Psalms 143:4

Ká꞉ti wakatateweienhnenhtáhon nakatsakwahríhsi; kwáh í꞉ken tsi tewakanikonhróhkwen.

Psalms 66:3

Tsisehwaʼró꞉ri ne Rawenni꞉io, “Tsi niioriwanerakwaténion tsi nihaié꞉ra! Né aoríhwa tsi nisashaststenserowánen ne iesáhshons waʼhontʼtókerihke ne sahénton.

Isaiah 15:2

Dibon ononsatokentiʼkówaʼne né niehawénon, né èhʼneken tiót꞉te nón꞉we iatahaséntʼtho; ne raoʼrihwáke ne Nebo tánon ne Medeba Moab waʼtiohénrete tsi nahonikonrátsen. Kwáh tsi niaʼtehiakonontsístake tsi iáh othènen tetsakononhkwíseró꞉te, kwáh tsi niaʼtekakonstónrahʼke tsi ronhwatiʼkonsthonrhiá꞉kon;

Jeremiah 36:24

Ók iáh ne ronnonhtí꞉io ó꞉ni ne rahonkwetasón꞉a ne wahonatʼthónteʼne kí꞉ken owenhnahsón꞉a iáh tehothiʼterónhon iáh ó꞉ni thènenh tehonhenésthon né nahotiʼrahtiónkwenʼke ne raonatʼtsherónnia tsi sahonthaʼteriwásthen.

Jeremiah 7:29

“Sehwatʼtsiónnion, tiónkwe ne Jerusalem; sehwahthatenonhkar tánon íseh iasehwáhti. Tesehwahríwak ne hionthatiathatahástha karénna ne onhotoharahkésons, tsioríwa Í꞉i, ne Watiá꞉ner, wakenahkwénʼen tánon wakhekénron nakonhkwetahshón꞉a.

Ezekiel 3:15

Ethòne iahákewe tsi tatináhkere ne Judahró꞉nons ne tonwahnahnakerahkwáhton ne꞉ne Tel Aviv nónhwe, ákta ne Chebar kaniatarahthátse. Thóh skátʼke wahakwáhtien ne꞉ne tsáta nónhta, thitionkeró꞉ronh.

Ezekiel 7:18

Káhiare enhontierónhniate tánon kwáh enhothihiatishónkwaʼke. Ne rathinonhtsínes kwáh akwékon enhonwathinónhkare, tánon kwáh rathikwékon tsi enhonwanatéhate.

Daniel 4:19

Eʼthó꞉ne, Daniel, raónha ó꞉ni Belteshazzar ronwá꞉iats, tsi nontahatónʼneke iáh tehokwénion ne thé꞉non ahá꞉wenke. Ne ronnontí꞉io wahawénhahse, “Belteshazzar, tóhsa natetshénhsera ó꞉ni tsi nikénton tisatonʼnékten.” Belteshazzar tonsaharihwaʼserá꞉ko, “Sanontí꞉io, aiá꞉wens ne eʼtho atetshénhsera tánon tsi nikaʼnikonhraientáhtha né ne iesáhswenhs aiakotónheke nók iáh ní꞉se.

Daniel 8:27

Í꞉i Daniel kwáh wakaʼnikonhrókten ó꞉ni tóhka nón꞉ta onkenonhwákten. Eʼthó꞉ne tonsáktaʼne ionsakatahshónteren sontióʼten tsi nihakenhá꞉on ne ronnontí꞉io, nok wakaterihwakwé꞉ki tsi ní꞉ioht tsi wakatetshén꞉en tánon iáh tewá꞉tons naonkeʼnikonhraién꞉taʼne.

Leviticus 21:5

“Iáh ónhka ne ratsiʼhénstatsi nahathatenónhkare ne ranonhtsíne khés nahatkonsthónriaʼke khés nahatátrene ne rahiatháke narénesʼte tsi rotsiónhnion.

Micah 1:16

Onahónsta tión꞉ni tánon akwé꞉kon sewathatenónkar ne ne raotirihwà꞉ke ne ratitsaokónhas ne ietsinorónhkwas! Ohnahonsta tionhni ne sewanón꞉tsines tsi ní꞉ioht ne akwekskó꞉wa, asè꞉ken é꞉ren roné꞉ton ne shonhà꞉ke.

Joshua 7:6

Ne Joshua tánon ne shakotihenténhse Israerʼró꞉nons wahatiratiónhko ne rahonatʼtserónhniat tsi nihotiʼnikonhráksenhs, ohontsà꞉ke wahonthatiaʼtónhti hohénton ne Roiá꞉ner Raoneró꞉kwah ne ateriwaʼsehronhniá꞉tshera í꞉wa, tánon tsiahó꞉karahwe tsi thóh ratihiaʼtáien, ronahkèn꞉rare ne ratinonhtsí꞉ne nahonhnénesthe tsi rotiʼnikonhráksens.