Ezra 7:5 - Ohiatonhseratokénti

⁵ ne roʼní꞉ha né꞉ne Abishua, ne roʼní꞉ha né꞉ne Phinehas, ne roʼní꞉ha né꞉ne Eleazar, ne roʼní꞉ha né꞉ne Aaron.

Ezra 7:5 ပူးပေါင်းရင်းမြစ်များ

1 Chronicles 6:4

Tsi nitotwatsiríhnon ne Eleazar né꞉ne tsi nonhtahatiʼnekwensatátie kén ní꞉ioht: Né Eleazar né꞉ne ieshó꞉ienha ne Phinehas, né Phinehas né꞉ne ieshoiénha ne Abishua,

2 Chronicles 19:11

Né Amariah ne ratsihenstowánenh kwáh kíʼ rahónha enhahiatakweʼní꞉ioke tsi nòkwah ne karihwiʼiosthóntshera aorihwasónhas, tánon ne Zebadiah né꞉ne roʼníha ne Ishmael, né꞉ne rakó꞉ra í꞉ken ne Judah, kwáh né rahónha enhahiatakwé꞉niiohke tsi nòkwah nonhkweʼshón꞉has akorihwashón꞉has. Né Leviró꞉nons ronónha nenhʼné꞉e enhonahterihwaiénhnike nahatinikonhráraʼke tsi natekahiatorétons ne tsi tehiehiatorehthákwah tsi thóh nenhiáwenhne. Ká꞉ti sewanikonratʼtsanitónhak tánon iaʼthetiókʼten kí꞉ken karihonhniennhítsheras, tánon aiáwens ne Roiá꞉ner thóh nòkwahti tahontahá꞉thaʼne ne tkarihwaiéri í꞉ken!”

2 Chronicles 26:20

Né Azariah tánon ne ronátiakes ratitsihénstatsis watʼthontkáneren ne ronnontí꞉io rakwenhkaráke tsi nahotiterón꞉ne tánon ethòne wahonhiónhnien né꞉ren ahonsáreʼte Nononsatokentiʼkówaʼne. Wathosteríhen kí nahonsahaʼiákenhne, tsioríhwa ne Roiá꞉ner tsi wahoréwaʼte.

Ezra 7:4

ne roʼní꞉ha né꞉ne Zerahiah, ne roʼní꞉ha né꞉ne Uzzi, ne roʼní꞉ha né꞉ne Bukki,

Ezra 7:6

Ne Ezra kwáh í꞉ken tsi rothiathonseraweiénston kwáh teiahonkhó꞉ton tsi rotherienhtáres ne kaianerénhsera tsi niká꞉ien ne Roiá꞉ner, ne Sakowenní꞉io ne Israerró꞉nonke, tsi nitó꞉wi ne Mahís. Tiorì꞉wa ne Ezra rahá꞉we ne rahohiathateríhtsheras ne Roiá꞉ner Rahó꞉ní꞉io, ne rakoraʼkó꞉wa akwé꞉kon thó꞉wi tsi nihorihwanón꞉ton. Ne tsathá꞉khaton nihioserathátse shihononhtí꞉iokwe ne Artaxerxes, ne Ezra Babylonia tahatén꞉ti Jerusalem niaháre rotsiokwí꞉ne ne Ratisí꞉taerró꞉nons thóh rathihiaʼtarátie ne ratsihénstatsis, ó꞉ni ne Levites, Nononhsatokentihkó꞉wane ronhterenhnó꞉tas, Nononsatokentihkó꞉wane rathinikónhrare, tánon ne rothihiò꞉tens.

Exodus 6:25

Ne Eleazar, né꞉ne Aaron roiénha, né rotiniá꞉khon né꞉ne Putiel sakoién꞉ha, né wahoʼtiwiraiénʼtaʼne né꞉ne Phinehas. Né kí꞉ken nonhnontsiʼkowátsons tsi ratiwatsí꞉raien ó꞉ni tsi ratiʼtáraiens ne Levi.

Leviticus 10:12

Ne Mahís waʼshakawénhase ne Aaron tánon ne tenihiáse iateshonathaʼténron sakohiohokónhas, né꞉ne Eleazar tánon ne Ithamar, “Iasehwáhaf nonátsias ne tkaiéston nètho iotekhwathaténron ne ronhwáwi ne Roiá꞉ner, né sewatenatarónhniat ne iáh thaʼtekaiéstons ne watʼthenkwátha tánon thóh sewaná꞉tharat ákta ne ietsienharáhkwahke, tsioríhwa kí꞉ken tkaiesthánions kwáh íken tsi iotokénti.

Leviticus 10:16

Ne Mahís waharihwanónhton tsi nòkwah ne kaiatákeras né꞉ne karihwanerahákʼtsera aorihwáke tánon waharihwáronhke ónenk watʼtsaháton. Né wakarihónhni washakonákwahse ne Eleazar tánon ne Ithamar, tánon waharihwanón꞉hton,

Leviticus 10:6

Ethòne ne Mahís washakawénhase Aaron tánon ne shaʼkohiohokónhas Eleazar tánon ne Ithamar, “Tó꞉sa ne iáh thaʼhisehwatkhorothíʼen tó꞉ka ó꞉ni nahisehwaʼraʼtsiónko ne sehwatʼtserónhnia nahisheʼwénestʼte nahisewatʼtsiónhnionhke. Tó꞉ka thóh nensehwá꞉iere, kwáh kíʼ enshewénheʼie, tánon ne Roiá꞉ner kwáh kanakeraserakwékon tsi enshaʼkonákwahse. Ók ratikwékon ne roná꞉tsiakes Nisraerʼró꞉nons enwáton né nahontsiónhnion tsi nòkwah kíʼ kén kenhéiat tsioríhwa tsi ótsire thóh naká꞉sa ne tsi Roiá꞉ner thotʼtsiratheniéton.

Numbers 27:2

Thóh niahónhne tánon rahohénton ne Mahís wathatítaʼne, né꞉ne Eleazar ne ratsiʼhénstatsi íken, ne sakotihenténhse, tánon ne kanakeraserakwékon ne tsi iehiontawehiatáhkwah natohsehrákon tsi nónhwe nihénteron ne Roiá꞉ner tánon wahonníron,

Numbers 3:32

Ne ranenhraʼkwení꞉io ne Levites né꞉ne Eleazar né roʼní꞉ha né꞉ne Aaron né ratsihénsʼtatsi íken. Rahónha roterihónhthaʼkwe nashaʼkotenhnikónhraren tsi niháti ronateríhonte tsi nónhwe ne Iotokénti íken.

Numbers 31:31

Ne Mahís tánon ne Eleazar thóh kíʼ naíhʼiehre tsi níʼ nisakoríhonte ne Roiá꞉ner.

Numbers 31:54

Káti ne Mahís tánon ne Eleazar atohserákon nianihá꞉we nowistanó꞉rons, né káti ne Roiá꞉ner nahontaʼsakóne nonhkweshón꞉ás NÍsraerʼró꞉nonke.

Numbers 31:6

Ne Mahís iashakoténiete nahonteriʼiósehra né꞉ne Phinehas né roiénha ne Eleazar ne ratsihénstatsi íken ne enteshaʼkoniarotároke, rahónha roterihóntaʼkwe ne iotokéntis nahoténsons tánon ne kahonrawatskówa ensakónaʼne nó꞉nenh enwatewenhnóten.

Hebrews 5:4

Iáh ónhka ne iatehaiáti nahatateráhkwahshe ne kakweniensthátshera nahatsihenstowahnénhahke. Kwáh iekénhak tsi Rawenni꞉io enhonáton nètho rónkwe nahatsihenstowáhnah—kwáh tsi niiawén꞉en ne Aaron.

Joshua 14:1

“Eleazar ne rokhá꞉res, Joshua, tánon ne sakotihentèn꞉se ne kahwá꞉tsires ne Israerʼró꞉nonke ne raotitióhkwas wateshakotihiaʼkhónhase nonhóntsas ne Canaan né꞉ne tsi iaʼtewatséntos nokwá꞉ti iotohetsthákwen ne Jordan Kaniataratátie tsi naʼtehónteres nonhkweshón꞉ʼa ne Israerró꞉nonhke. Tánon ken kí꞉ken nihiawénhen.”

Joshua 22:13

Ethò꞉ne Nisraerʼró꞉nons iahonwaténiethe ne Phinehas, né꞉ne roiénha ne Eleazar ne ratsihénsthatsi í꞉ken, thóh nonhkweshón꞉as tsi rathitióhkwaiens ne Reuben, Gad, tánon ne nà꞉kon nòkwah ne Manasseh né꞉ne tsi ionhontsá꞉ien ne Gilead.

Joshua 22:31

Ne Phinehas, ne roiénha ne Eleazar né꞉ne ratsihénsthatsi, washakawénhase, “Ó꞉nen wahonkwaterienʼtharáne né꞉tho Roiá꞉ner tsi tewakwé꞉kon. Iáh thatetsishekwahnenrarihténhni, tánon káti wahitsinonhstháthe nonhkweshón꞉ʼas Nisraerʼró꞉nonhke tsi iáh thashakoré꞉waʼthe ne Roiá꞉ner.”

Joshua 24:33

Ne Eleazar ne roiénha ne Aaron shá꞉renheie Gibeah né nónhwe iehonwahiathaten, ne tsi kanathaien ne tsi iononhtharonhnions ne Ephraim nónhwe né꞉ne roiénha ne Phinehas.