Ezra 7:1 - Ohiatonhseratokénti

¹ Wé꞉so iosehráke onákenhke, nó꞉nen ne Artaxerxes shiakoraʼkó꞉wa ne Persia nón꞉we, thóh ranakerè꞉kwe rónhkwe Ezra ronhwá꞉iatskwe. Shasakowatsirí꞉shake ne sakosotkén꞉en tsi nió꞉re ne Aaron, né꞉ne ratsihenstowá꞉nenʼne, ken ní꞉ioht: Ezra ne roʼnikén꞉en né꞉ne Seraiah, ne roʼnikén꞉en né꞉ne Azariah, né꞉ne roʼnikén꞉en ne Hilkiah,

Ezra 7:1 ပူးပေါင်းရင်းမြစ်များ

2 Kings 22:4

“Ratsihenstowaʼnénke Hilkiah niaháse tánon iaʼsehrihwanónhton thó ní꞉kon nèthó ne ratsihénstatsi ne ranikonhrárahkwe ne tsi ieionthaweʼiatákwah Nononsatokentiʼkó꞉waʼne rohwistaróhron nonkwé꞉ne.

2 Kings 22:8

Ne Shaphan iaháien ne Ronontí꞉io raoiatónhsera tsi thénteron ne Hilkiah, tánon kíʼ ne Hilkiah wahoʼró꞉ri ne Shaphan tsi waʼhatʼtsénhri ne kaiatónhsera ne Rawenni꞉io raoianerénhsera í꞉ken thó ononsatokentiʼkó꞉waʼne. Ne Hilkiah tahá꞉wen ne kaiatónhsera, tánon ne Shaphan waʼhawenhnaʼnóten.

2 Kings 25:18

Tsiesʼká꞉te, ne Nebuchadnezzar, né rasennowánen, iahoiaténhawe nahonóton ne Seraiah né꞉ne ratsihenstowáʼnen í꞉ken, né Zephaniah rahón꞉ʼa ne thó ísrahte né kwáh é꞉neken tót꞉te ratsihenstowáʼnen, tánon nasén꞉niháti nó꞉ia thó natʼtsénhnates ronaterihónton nononsatokentikóʼwaʼne.

2 Chronicles 34:15

Wahawénhaʼse ne Shaphan, “Waʼkhatonhseratʼtsénhri kénʼen kíʼ Ononsatokentiʼkówaʼne.” Tahá꞉wen ne Shaphan ne kahiatónhsera,

2 Chronicles 34:9

Nowístha ne Leviró꞉nons ratinónhne rotiwistaró꞉ron nononsatokentiʼkówaʼne kanónskon Hilkiah tahón꞉hion né꞉ne ratsihenstatsikénʼen. ( Né꞉ne Ephraimró꞉nonke nón꞉we nikawistaró꞉ron tánon ne Manassehró꞉nonke tánon ne ákte nonwéhson nothorekéson tsi kanonhtihiotsheráien, ó꞉ni ne Judahró꞉nons, Benjaminró꞉nons, tánon ne Jerusalemró꞉nons.)

Ezra 4:7

Tánon shé꞉kon ne tsi iahonhnonhtí꞉ione ne Rakó꞉raʼkwe Artaxerxes ne Persia, ne Bishlam, Mithredath, Tabeel, tánon ne tehothiienawá꞉kons iahonwahiá꞉tonhse ne rakó꞉ra. Ne kahiatónhsera Aramaic kahiathonkwentánon káti ó꞉nenk tsi tekawenhnathénionhke nó꞉nen enkawenhnanó꞉thake.

Ezra 6:14

Ne Sitaeró꞉nons sakotihenténhse wahotiianerásthen tsi shatinonhsón꞉nis Nononsatokentihkó꞉wa, ronhwatinikónhrare ne rotitokénhse né꞉ne Haggai tánon ne Zechariah. Wahatinonhshí꞉sa Nononhsatokentihkó꞉wa kwáh ki tsi nisakorihwatháti ne Rawenni꞉io ne Israerró꞉nonhke ó꞉ni ne Cyrus, Darius, tánon ne Artaxerxes, raónha rakó꞉ra kénʼne ne Persia nón꞉we.

Ezra 7:10

Ezra wahaterihwatokénsthe ne tsi rónhnhe nahatéweiensthe ne Roiá꞉ner rahoianerénhseras, nahahioténsthe, tánon nashakorihónhnien oriwakwé꞉kons ne kaianerénhseras tánon tsi nikaianerenhseró꞉tens nonhkweshón꞉as Nisraerró꞉nonke.

Ezra 7:12

“Tsi nitsawè꞉non ne raonhà꞉ke ne Rakoraʼkó꞉wa Artaxerxes ne ratsihénstatsi Ezra, rotheweiénston ne rahohianerenhserashón꞉as ne Rawenni꞉io ne tsi Karonhiá꞉te.

Ezra 7:2

né꞉ne roʼnikén꞉en ne Shallum, né꞉ne roʼnikén꞉en ne Zadok, ne roʼní꞉ha né꞉ne Ahitub,

Ezra 7:21

“Wakeró꞉ri ratikwé꞉kon ne tehontwistanónhna ne Tsi iatewatʼtséntos nokwá꞉ti ne Euphrates wathonhontsá꞉ien nahonthakariwaié꞉rike tsi nahonthahónhion ne Ezra, né꞉ne ratsihénstatsi ó꞉ni rotheweiénston ne rahoianerénhseras ne Rawenni꞉io Karonhiá꞉ke, akwé꞉kon tsi nenhiariwanón꞉tonhse,

Nehemiah 11:11

Ne Seraiah, né꞉ne roʼiénha ne Hilkiah, né꞉ne roʼiénha ne Meshullam, né꞉ne roʼiénha ne Zadok, né꞉ne roʼiénha ne Meraioth, né꞉ne roʼiénha ne Ahitub, né꞉ne rakó꞉rakwe tsi ronón꞉shote Ní꞉io.

Nehemiah 2:1

Ne tsi niwenhnitarákwe ne Nisan, ne tewáhsen shioserátekwe ne ne Artaxerxes ne ronnontí꞉io í꞉ken, onenharákeri iahinekenhawí꞉ten; tánon ne wahí꞉tatshe nonenharákeri ne ronnontí꞉io. Nón꞉wa iáh nonwén꞉ton tewakeʼnikonratsénhon raohénton ne ronnontí꞉io ne tiotierénhton.

Nehemiah 8:1

Ratikwé꞉kon nonkwehó꞉kons wahonhnitsiokwahró꞉roke skátne tsi ní꞉ioht ne tionkweʼtákhok í꞉ken thóh ne kanatakweʼní꞉ioke thóh ohénton nohnékanos tsi iothenhenrakáronhte tánon wahonwénhase ne Ezra né꞉ne rahiatónskwe, ne nahontaháhawe ne teiothiatonhserakwenónhni ne raoianerénhsera Mahís né꞉ne tsi nisakoná꞉hon ne Roiá꞉ner Nisraeró꞉nonʼs.