Ezra 5:3 - Ohiatonhseratokénti

³ Tsi shí꞉ken ní꞉ioht ne kwáh oksáhok ne rakó꞉ra Tattenai ne tsi iaʼtewatsénhtos nokwá꞉ti ne Euphrates, tánon ne Shethar Bozenai, tánon ne skátke ronaterihón꞉tons Jerusalem wahón꞉newe tánon wahatirihwanónhton: “Ónhka ietsihianerenhserá꞉wi nahonsehsewanonhsón꞉ni kí꞉ken Ononsatokentihkó꞉wa tánon ne iahonsehsewásha?”

Ezra 5:3 ပူးပေါင်းရင်းမြစ်များ

Ezra 1:3

Aiá꞉wens ne Rawenni꞉io ahisewakwekónhake tsi rahónha rahonkweʼtashón꞉as í꞉ken. Ó꞉nenk tsi Jerusalem nienhénse tánon sasehnonhsón꞉ni Nononsatokentihkó꞉wa ne Roiá꞉ner rahorihwà꞉ke, ne Rawenni꞉io Israerrónonke, né꞉ne Rawenni꞉io ne ronhwashén꞉naiens ne Jerusalem.

Ezra 4:12

“Tehionkwahtonhontsó꞉ni Sanonhtí꞉io naisaterienʼtá꞉rane né꞉tho Sitaeró꞉nons ne kén꞉en ró꞉ti tsi thóh nón꞉we nithoné꞉non ne aktéson nón꞉we tisanakerahseraké꞉rons tánon Jerusalem nón꞉we nahonthatì꞉teron tánon sohthikwahthakwénhatie né꞉tho karihwahétken tánon waterihiosehranón꞉we kanatowanénhke. Ó꞉nen thóh natháhsawen sohthikwahthakwenhátie ne watenhenró꞉te ne tekanathanákʼtons tánon kwáh iostó꞉re enshatí꞉sa.

Ezra 4:9

“Thontahahiá꞉ton ne Rehum, ne rakó꞉ra, ó꞉ni ne Shimshai, ne shakohiatón꞉nis ne tsi wathonhontsá꞉ien, thontahathihiá꞉ton nónhne ne tehonaterihwasónhteres, ne rathirihwénhthas, tánon ne ó꞉ia ronaterihóntons, né꞉ne kwáh thóh nón꞉we nithoné꞉non ne Erech, Babylon, tánon ne Susa né꞉ne tsi wathonhontsá꞉ien ne Elam,

Ezra 5:6

Ken ki ní꞉ioht tsi hiahonwaterihwaniénhthen ne Rakoraʼkó꞉wa:

Ezra 5:9

“Ethò꞉ne ki ó꞉nenh wahakhirihwanón꞉tonhse nohén꞉ton iehonhnéton ónhka ronhwatihianerenhserá꞉wi nahonsahontenonhsón꞉ni Nononhsatokentihkó꞉wa tánon ne iahatí꞉sha.

Ezra 6:13

Ethò꞉ne ne Rakó꞉ra Tattenai, ó꞉ni ne Shethar Bozenai, tánon ne tehotirihwaienawá꞉kons kwáh ki é꞉tho nahatí꞉iere tsi ki nihoianerenhseríhson ne rakó꞉ra.

Ezra 6:6

Ethò꞉ne ne Ronhnontí꞉io Darius hionshasakohiá꞉tonhse: “Ne Tattenai, rakó꞉ra ne tsi iaʼtewatséntos nokwá꞉ti ne Euphrates, né꞉ne Shethar Bozenai, tánon ne iesahiathánonhne ne tsi iaʼtewatséntos nokwá꞉ti ne Euphrates. “É꞉ren í꞉sewet nononsatokentihkó꞉wane

Ezra 7:21

“Wakeró꞉ri ratikwé꞉kon ne tehontwistanónhna ne Tsi iatewatʼtséntos nokwá꞉ti ne Euphrates wathonhontsá꞉ien nahonthakariwaié꞉rike tsi nahonthahónhion ne Ezra, né꞉ne ratsihénstatsi ó꞉ni rotheweiénston ne rahoianerénhseras ne Rawenni꞉io Karonhiá꞉ke, akwé꞉kon tsi nenhiariwanón꞉tonhse,

Haggai 1:1

Ne tekeníhaton sihioseratáhtie né꞉tho Darius siononhtí꞉io, ne iahiá꞉ʼkhaton siwenhnì꞉tahre, ne tiothenhniseratierénhton ne wenhnì꞉tare, ne raowén꞉na ne Roiá꞉ner waohiaʼtó꞉renhne ne Haggai raónha ne rotokénhse roterihóntakwe tsi nokwáh ne Zerubbabel ne roʼní꞉ha né꞉ne Shealtiel, ne rakó꞉rakwe ne Judah, tánon né ó꞉ni raorihwà꞉ke ne Joshua ne roʼní꞉ha né꞉ne Jehozadak, né꞉ne kwáh è꞉neken tókte tsi ratsihénstatsi í꞉ken. Tánon Haggai wahèn꞉ron:

Matthew 21:23

Nonen Ononsatokentike siiehenteron, eh ȣahonneȣe ne Ratitsihenstakȣeniios oni ne rotikstenhokon nok ȣahonȣenhase; kah nitisakȣeniatserenha tsinisierha nonȣa, onka oni iesakȣeniatseraȣi?

Acts 4:7

Wahonwenʼnónnien ne ratikweʼkónʼne rahothihénton watnítaʼne tánon wahonwatiriwanóntonʼse, “Onh ní꞉ioht kíʼ tsi éntho nisení꞉iere? Onh nakasastenseróten seníʼien, thòka ó꞉ni ónhka rahosénna tsiáststha?”