Ezra 4:7 - Ohiatonhseratokénti

⁷ Tánon shé꞉kon ne tsi iahonhnonhtí꞉ione ne Rakó꞉raʼkwe Artaxerxes ne Persia, ne Bishlam, Mithredath, Tabeel, tánon ne tehothiienawá꞉kons iahonwahiá꞉tonhse ne rakó꞉ra. Ne kahiatónhsera Aramaic kahiathonkwentánon káti ó꞉nenk tsi tekawenhnathénionhke nó꞉nen enkawenhnanó꞉thake.

Ezra 4:7 ပူးပေါင်းရင်းမြစ်များ

2 Kings 18:26

Ethòne ne Eliakim, Shebna, tánon ne Joah wahonwaró꞉ri ne rasenhnowánen, “Aramaic satewenhnón꞉tat tsi takwátharas, shénʼshion. Iakwahrónkʼkha. Tó꞉sa Hebrew satewenhnón꞉takwa; onhkweʼtakwékon ne tsi watehenró꞉te í꞉iens iakothónte.”

Ezra 4:1

Ne ronhwatí꞉sons nonhkweshón꞉as ne Judah tánon ne Benjamin wahatirihwá꞉ronhke né꞉tho tsi nihá꞉ti ne sóh꞉ti ne ronanahkerá꞉kwenhne tsi sonhtenonhsón꞉nis ne Raohnonhsatokentihkó꞉wa ne Roiá꞉ner, ne Raní꞉io Nisraerró꞉nonke.

Ezra 4:17

Ne rakó꞉ra hionhsahathéniete kí꞉ken tekarihwasehrákwen: “Ne Rehum, ne rakó꞉ra, tánon ne Shimshai, sakohiatón꞉ni ne tsi kanakerahserá꞉ien, tánon ne tehothiienawáhkons né Samaria nón꞉we nihatinákere tánon ne ken iotséton ne tsi iaʼtewatsénhtos ne Euphrates, tekwahnonhwerá꞉tons.

Ezra 4:8

Ó꞉ni ne Rehum, ne rakó꞉ra ó꞉ni ne Shimshai, ne shakohiatónhniskwe ne tsi wathonhontsá꞉ien, hionhshahohiá꞉tonhse ne Rakó꞉ra Artaxerxes tsi nihioterihwatié꞉ren ne Jerusalem:

Ezra 4:9

“Thontahahiá꞉ton ne Rehum, ne rakó꞉ra, ó꞉ni ne Shimshai, ne shakohiatón꞉nis ne tsi wathonhontsá꞉ien, thontahathihiá꞉ton nónhne ne tehonaterihwasónhteres, ne rathirihwénhthas, tánon ne ó꞉ia ronaterihóntons, né꞉ne kwáh thóh nón꞉we nithoné꞉non ne Erech, Babylon, tánon ne Susa né꞉ne tsi wathonhontsá꞉ien ne Elam,

Ezra 5:6

Ken ki ní꞉ioht tsi hiahonwaterihwaniénhthen ne Rakoraʼkó꞉wa:

Ezra 7:1

Wé꞉so iosehráke onákenhke, nó꞉nen ne Artaxerxes shiakoraʼkó꞉wa ne Persia nón꞉we, thóh ranakerè꞉kwe rónhkwe Ezra ronhwá꞉iatskwe. Shasakowatsirí꞉shake ne sakosotkén꞉en tsi nió꞉re ne Aaron, né꞉ne ratsihenstowá꞉nenʼne, ken ní꞉ioht: Ezra ne roʼnikén꞉en né꞉ne Seraiah, ne roʼnikén꞉en né꞉ne Azariah, né꞉ne roʼnikén꞉en ne Hilkiah,

Ezra 8:36

Káti ó꞉ni iahatíhawe ne kaiatónhsera ne ronhnontí꞉io teshakó꞉wi tánon ne tahonwénhnon ne ratikoráhsons ó꞉ni ne ronaterihónʼtons ne tsi iaʼtewatséntos nokwáh ne Euphrates Wathonhontsá꞉ien, ethò꞉ne ó꞉nenh ne ronónha tahonwanatswanónhna nonhkweshón꞉as tánon Nononsatokentihkó꞉wane.

Nehemiah 2:1

Ne tsi niwenhnitarákwe ne Nisan, ne tewáhsen shioserátekwe ne ne Artaxerxes ne ronnontí꞉io í꞉ken, onenharákeri iahinekenhawí꞉ten; tánon ne wahí꞉tatshe nonenharákeri ne ronnontí꞉io. Nón꞉wa iáh nonwén꞉ton tewakeʼnikonratsénhon raohénton ne ronnontí꞉io ne tiotierénhton.

Isaiah 36:11

Ethó꞉ne ó꞉nenh ne Eliakim, ó꞉ni ne Shebna, tánon ne Joah wahonwén꞉hase Rabshakeh, “Asatʼtónhtate né sehiatewenhnontákwen ne Aramaic, asèken né ionkwahnikonraiéntas; tó꞉sa ne takwahtewenhnontáhkwen ne raoʼnahronkhátshera ne Judah né niahonathónhteʼne nonkweshón꞉has ne tsi tekanenhiaserón꞉nion ratitsʼkwarónhnion.”

Daniel 11:2

Tánon tsi nahò꞉ten ó꞉nen enkonhró꞉ri né ne orihwí꞉io.” Ne raronhiaʼkehró꞉non wahén꞉ron, “Shé꞉kon áhsen nikanontiioʼtsherà꞉ke enhsontiaʼtakwení꞉iohste ne Persia, entióhsere né ne kaieríhaton, sénha raónha enhokwáhtsheʼne tsi ní꞉ioht ne ronatiaʼké꞉shon. Né nó꞉nen kwáh enhaʼshátsteke ó꞉ni enhokwahtshéhake eʼthó꞉ne enhshakonenhróthaʼse tsi tkanontiioʼtsherá꞉ien ne Greece.

Daniel 2:4

Waʼthonwarihwaʼserákwaʼse ne ronnontí꞉io né ne Aramaic kawennontáhkwen wáhontste, “Sanontí꞉io tsi nén꞉we sónnhek! Takwahró꞉ri ne satetshénhsera, tánon enkwaʼnikonhraientáhten.”