Ezra 4:4 - Ohiatonhseratokénti

⁴ Ethò꞉ne ki nonhkweshón꞉as ne thóh tsi ionhontsá꞉ien ratinákereʼkwe wahonteniénthen ne tasakonanikonhriákʼthen tánon nasakotiʼterónhkwen ne Sitaeró꞉nons tánon tsi tahonwathitásthe tsi ahonsahontenonhsón꞉ni.

Ezra 4:4 ပူးပေါင်းရင်းမြစ်များ

2 Samuel 4:1

Nó꞉nen ne Saul roién꞉ha Ishbaal sahariwáronhke nètho Abner tsi thawehéion thóh nón꞉we Hebron, wahanikonrók꞉ten, tánon onhkweʼtakwé꞉kon ne Israerʼronónke waonhnikonrók꞉ten.

Ezra 3:3

Iawerohátien; ne sóhti ne ronanahkerá꞉kwenhne tsi sakothitsá꞉niskwe ne thóh nón꞉we nihiohontsá꞉ien nihatinákereʼkwe, sahonhón꞉ni ne ietsienharáhkwa tsi ki nón꞉we nikahióthakwe ne orihwaká꞉ion. Ethò꞉ne ki thontahontháhsawen sahonteskónhten tsi nihiorenhnahón꞉ne noronhkeʼné꞉ha ó꞉ni noʼkarasné꞉ha nikahá꞉wi.

Ezra 4:5

Kwáh ó꞉ni wathonwathitsikhetá꞉roseh ne Persia kakorahsehrakónsons rothihiò꞉te ne nahonwathihiotatʼtse. Thóh ki nihatiié꞉rakwe kwáh tsi nikarì꞉wes ne iehotkoráston ne rakó꞉raʼkwe Cyrus tánon tsi iahononhtí꞉ione ne rakó꞉raʼkwe Darius.

Nehemiah 4:11

Tánon ne ionkhísons wahonhní꞉ron “kwáh iáh tahonaterienʼtá꞉rane, khéhs nahontkáto tsi niió꞉re iatenhietihiatónko tánon enietinonwariá꞉kon tánon ne entionhniáte ne raotiioténhsera taká꞉tahne.”

Nehemiah 4:2

Tánon wahénron rahotihénton ne thonatenró꞉hon tánon ne ronterí꞉ios ne Samaria, “Onhnahó꞉ten ki꞉kenʼs iáh othé꞉nen tehatístas ratishiʼtaehró꞉nons tsi nihontié꞉rah? Kwáh ken ronónha ensatikwathakwenháton ne raonawenhshón꞉as? Kwáh ken tsiknahó꞉ten akénhake nahontahatí꞉ieste? Kwáh ken enhatísa ne sewenhniserákhok? Kwáh ken ahonsahonhnónnhete nononwenhsera ne tsi nihiotonhióte ne iáh othé꞉nen teskarihwástha ne tsi nahó꞉ten ne ioté꞉ken?”

Nehemiah 6:9

Aseʼken ratikwé꞉kon wahón꞉khiionhnien nahionkwahterón꞉ne, rontón꞉nionʼs, “Ne rontsá꞉nakes kwáh kíʼ enhiotsiiohá꞉ne tsi nòkwah ne raotiiotensera tánon iáh thóh thá꞉iawenhne.” Ó꞉nenh kíʼseshaststenseron ne katsá꞉nake.

Jeremiah 38:4

Ethóhʼne ne ronahterihóntons ronnonhtí꞉ioʼke niaʼhónʼne tánon wahonníron, “Kí꞉ken rónkwe ónenhk tsi enhonwáhrhio. Kíʼ tsi ní꞉ioht tsi róhthareh teshaʼnikonhkonhrhiatʼténnis ne ronterí꞉ios kíʼ kénʼen kanatowáhnen, tánon thóh nishaʼkohiérahse tsi nihiákon iaʼtehiakothaténron ne kanatowáhnen. Iáh tehatheniéntha nashaʼkohiénawahse nonhkweshón꞉a; kwáh nek khók írehre nashaʼkokahréwahthe.”

Daniel 10:13

Ne raronhiaʼkehró꞉non ne tehshakónhes tsi kanakerahserá꞉ien ne Persia tewáhsen énska niwenhniserá꞉ke wahatioʼtátshe. Eʼthó꞉ne Wíshe, raónha ó꞉ni nohén꞉ton ié꞉rate ne ratironhiaʼkehró꞉non, tá꞉re wahatié꞉nawaʼse, né tsi iaʼtewatiatístonʼne ne Persia nón꞉we.

Daniel 10:20

Wahén꞉ron, “Saterién꞉tare ken onhnontiéren tsi kén꞉en tá꞉ke? Ne nakonrihotáhshiaʼse tsi ní꞉ioht tsi kahiatónnion ne kahiatonhserá꞉kon norihwiioʼón꞉we. Nón꞉wa ónenk tsi eʼtho iénske tánon eniaʼtiaterí꞉io ne raronhiaʼkehró꞉non ne ránonhne ne Persia. Eʼthó꞉ne ne nónwa ne raronhiaʼkehró꞉non ne ránonhne ne Greece enshatotáhsi. Kwáh iáh ónhka tewátien nahionkshnié꞉non kwáh né khók ne Wíshe, né ne Israerʼró꞉non shakónonhne.