Ezra 3:3 - Ohiatonhseratokénti

³ Iawerohátien; ne sóhti ne ronanahkerá꞉kwenhne tsi sakothitsá꞉niskwe ne thóh nón꞉we nihiohontsá꞉ien nihatinákereʼkwe, sahonhón꞉ni ne ietsienharáhkwa tsi ki nón꞉we nikahióthakwe ne orihwaká꞉ion. Ethò꞉ne ki thontahontháhsawen sahonteskónhten tsi nihiorenhnahón꞉ne noronhkeʼné꞉ha ó꞉ni noʼkarasné꞉ha nikahá꞉wi.

Ezra 3:3 ပူးပေါင်းရင်းမြစ်များ

1 Chronicles 16:40

Niaʼtehioronhketseráke ó꞉ni iatehiokarahtseráke ónenk tsi enhonteskónten kaiataʼkwékon ne katshénen ne ientienharáhkwahke né entsiósehre tsi ki nahó꞉ten kahiáton ne kaianerenhserákon tsi nithesakó꞉wi ne Roiá꞉ner Nisraeʼró꞉nons.

2 Chronicles 4:1

Né Ronontí꞉ioʼkwe Solomon otsínekwar nikaristóten wahaténhnaʼne ahionhníhake ne ietsienharáhkwa, né꞉ne asenhniwásen niwashí꞉take tahiotekerónhteke tánon wísk-iawénhre niwashí꞉take nahonthaiótʼtheke.

Ezra 4:4

Ethò꞉ne ki nonhkweshón꞉as ne thóh tsi ionhontsá꞉ien ratinákereʼkwe wahonteniénthen ne tasakonanikonhriákʼthen tánon nasakotiʼterónhkwen ne Sitaeró꞉nons tánon tsi tahonwathitásthe tsi ahonsahontenonhsón꞉ni.

Ezra 5:15

Né rakoraʼkó꞉wa wahoró꞉ri niahonsahá꞉ko tánon Ononhsatokentikó꞉wane ne Jerusalem niesáhaf, tánon nahonsakanonhsonhní꞉hake Nononsatokentihkó꞉wa tsi nón꞉we nikanonhsóh꞉thakwe ne tiotierénhton.

Ezekiel 43:16

Ne kwáh éhneken tsi ietsienharáhkwa tehiothokerónhthe, tewáhsen niwahshí꞉thake ne skatísonhs.