Ezra 3:2 - Ohiatonhseratokénti

² tánon ne Joshua né roʼní꞉ha né꞉ne Jehozadak, né꞉ne skátke ronaterihón꞉te tsi tenitsihénsthatsi, tánon ne Zerubbabel ne roʼní꞉ha né꞉ne Shealtiel, ratikwé꞉kon ne ronhthatenónkwes, sahonhnón꞉ni ne ratsienharáhkwa ne Sakoní꞉io ne Israerró꞉nonke, ne káti nahónton é꞉tho ahonsahonteskónhten tsi entsohianénhawe tsi nikahiá꞉ton ne Mahís rahohianerenhserá꞉kon, ne Rawenni꞉io rahonkwè꞉ta í꞉ken.

Ezra 3:2 ပူးပေါင်းရင်းမြစ်များ

Genesis 12:7

Ethó꞉ne ne Roiá꞉ner wahototáhshien ne Abram tánon wahén꞉ron, “Tsi nienhsathwatsí꞉rine, né kí ne kanakeráhsera kheiawí꞉re.” Sók kíʼ thóh nón꞉we nahaónnien ne ietsenhahráhkwa ne Roiá꞉ner, ne ne rototahshién꞉ni.

1 Chronicles 23:14

Ók kíʼ ne Mahís rahón꞉a nèn꞉ne ne Rawenni꞉io rahonkwé꞉ta í꞉ken, né sakohiohó꞉konhas Leviró꞉nons né iathonwaʼtí꞉iesʼte.)

1 Chronicles 3:17

Né kí꞉ken tsi niehonatwaʼtsiríhnon ne Ronnontí꞉ioʼkwe Jehoiachin, né꞉ne Babyloniaró꞉nons ronhwanó꞉tonhkwe. Né Jehoiachin tsáta nihonekenteronhtsheraʼiéntaʼkwe: né꞉ne Shealtiel,

1 Chronicles 3:19

Né Pedaiah tékeni tehonekenteronhtsheraʼiéntaʼkwe, né꞉ne Zerubbabel tánon ne Shimei. Né Zerubbabel né꞉ne sakohiohokonhkénʼen ne teniʼnekenteronhtseráke, né꞉ne Meshullam tánon ne Hananiah, tánon skaiáta roʼiatasetseraiéntaʼkwe, Shelomith konhwáiatsʼkwe.

2 Chronicles 6:6

Ók kíʼ ó꞉nen Jerusalem nón꞉we nakeráhko tsi nón꞉we nenhiontsenhnaientákwahke, tánon í꞉se, Táwit, ensehiatkóraste nakonkweʼtaʼshón꞉a.’”

Ezra 10:18

Ne kí꞉ken ne ronhnónhkwes ratisenhnarónhnions ne rothiniakʼkhons thihiononhontsá꞉tes: Tsi raotitarasónha ne Joshua ó꞉ni ne rontatekenokónhas, raonekenterontserasónhas Jehozadak: Maaseiah, Eliezer, Jarib, tánon ne Gedaliah.

Ezra 10:20

Ne raotitarasónha ne Immer: Hanani ó꞉ni ne Zebadiah

Ezra 10:21

Tsi raotitarasónha ne Harim: Maaseiah, Elijah, Shemaiah, Jehiel, tánon ne Uzziah

Ezra 10:22

Tsi raotitarasónha ne Pashhur: Elioenai, Maaseiah, Ishmael, Nethanel, Jozabad, tánon ne Elasah Né꞉ne Jozabad, Shimei, Kelaiah (né ó꞉ni ronhwanathónkwah ne Kelita), Pethahiah, Judah, tánon ne Eliezer Né꞉ne Eliashib Né꞉ne Shallum, Telem, tánon ne Uri Tsi raotitarasónha ne Parosh: né꞉ne Ramiah, Izziah, Malchijah, Mijamin, Eleazar, Malchijah, tánon ne Benaiah

Ezra 2:2

Ne shakothihéntenhse né꞉ne Zerubbabel, Joshua, Nehemiah, Seraiah, Reelaiah, Mordecai, Bilshan, Mispar, Bigvai, Rehum, tánon ne Baanah. Ne kí꞉ken ne kentaraʼshón꞉as Nisraerró꞉nonhke, skát꞉ke tsi nihá꞉ti ne skenhtharatʼtsons ne thethoné꞉non ne ronanahkerá꞉kwenhne:

Ezra 3:8

Káti ne tekeníhaton siwenhnitakéhaton ne shihioséhrate ne sonhsahón꞉newe tsi nón꞉we nikanonhsóh꞉thakwe Nononhsatokentikó꞉wa ne Jerusalem nón꞉we, tahonthásawen wahothihiò꞉ten. Né꞉ne Zerubbabel, Joshua, tánon ne ronátiaʼkes ne rahononhkweʼtashón꞉as, ne ratitsihénstatsis, ne Levites, tsi nahá꞉wenhne ratikwé꞉kon ne ronanahkerá꞉kwenhne ne sóh꞉ti ne Jerusalem, wahontsatáren tsi wahonsnié꞉non ne kahioʼténhsera. Ratikwé꞉kon ne Levites né tewáhsen natehonosehrihià꞉kons khés ne sénha thotí꞉ions ne wahonwatirihónten nahothihiò꞉ten ne kahioʼténhsera tsi enskanonhsonhníhake Nononhsatokentihkó꞉wa.

Ezra 5:2

Nó꞉nen ne Zerubbabel ne roʼní꞉ha né꞉ne Shealtiel tánon ne Joshua ne roʼní꞉ha ne nénhne ne Jehozadak wahonathón꞉teʼne ne rahonateriwanothá꞉tsheras, thontahiatháhsawen nahonsahiatenonhsón꞉ni Nononsatokentihkó꞉wa ne Jerusalem nón꞉we, tánon ne tenihiá꞉se rotitokénhse wahonwatisnié꞉non.

Nehemiah 12:1

Tánon ne kí꞉kens ne ratiʼtsihénstatsis tánon ne Levites ronónha thoné꞉non skátne ne Zerubbabel, né꞉ne roʼní꞉ha ne Shealtiel, tánon Joshua, Seraiah, Jeremiah, Ezra,

Nehemiah 12:8

Tánon ne Levites, Jeshua, Binnui, Kadmiel, Sherebiah, Judah, tánon ne Mattaniah, skátne ne rontatekenʼokón꞉as, né꞉ne ronaterihón꞉takwe ne karenhnashón꞉as ne teiontenonweratónhkwa,

Psalms 78:68

Ók ne waʼsakohiataráko tsi ratitáraien ne Judah, tánon ne tsi ionónte ne Zion, tsi nikáien ne kwáh ranorónhkwa.

Exodus 27:1

“Né ietsienharáhkwah ne tsiónhniat ne acacia nikaientó꞉ten. Tahiotekerónhteke. 7½ niwashí꞉take nahiónshonʼke, tánon 4½ niwashí꞉take nahontahiótʼteke.

Haggai 1:1

Ne tekeníhaton sihioseratáhtie né꞉tho Darius siononhtí꞉io, ne iahiá꞉ʼkhaton siwenhnì꞉tahre, ne tiothenhniseratierénhton ne wenhnì꞉tare, ne raowén꞉na ne Roiá꞉ner waohiaʼtó꞉renhne ne Haggai raónha ne rotokénhse roterihóntakwe tsi nokwáh ne Zerubbabel ne roʼní꞉ha né꞉ne Shealtiel, ne rakó꞉rakwe ne Judah, tánon né ó꞉ni raorihwà꞉ke ne Joshua ne roʼní꞉ha né꞉ne Jehozadak, né꞉ne kwáh è꞉neken tókte tsi ratsihénstatsi í꞉ken. Tánon Haggai wahèn꞉ron:

Haggai 1:12

Ethò꞉ne ne Zerubbabel ne roʼní꞉ha né꞉ne Shealtiel, tánon ne Joshua ne roʼní꞉ha né꞉ne Jehozadak, né꞉ne kwáh è꞉neken tokʼte ratsihénstatsi, skátne ne iateonathathénron nonkweshón꞉as, wahontewenhnárakwe ne raowén꞉na ne Roiá꞉ner raotiní꞉io, tánon ne raowenhnaó꞉kons ne rotokénhse Haggai, tsi kí ní꞉ioht ne Roiá꞉ner raotiní꞉io tsi toteniéhton. Tánon nonkweshón꞉as wahonwakwéniensthe ne Roiá꞉ner.

Haggai 1:14

Tánon ne Roiá꞉ner wathonikòn꞉raren ne raotón꞉nhets ne Zerubbabel ne roʼní꞉ha né꞉ne Shealtiel, ne rakórakwe ne Judah, tánon ne raotón꞉nhets ne Joshua né꞉ne roʼní꞉ha ne Jehozadak, né꞉ne kwáh è꞉neken tókʼte ratsihénstatsi, tánon ne raohnatón꞉nhets ratikwé꞉kon ne ietehonathaténhron nonkweshón꞉as. Tánon tahón꞉ne tánon wahotiiò꞉then raononsatokentikowáhne ne Sakoiá꞉ner ne ratironhiaʼkeró꞉nons, raotiní꞉io í꞉ken,

Haggai 2:21

Stá꞉ras né Zerubbabel, ne rakó꞉ra ne Judah, né꞉tho ó꞉nen thó꞉wa akáwake ne tsi karonhiá꞉te ó꞉ni tsi ionwenhtsá꞉te,

Haggai 2:23

Ne thóh enwenhniserá꞉teke rá꞉ton ne Sakoiá꞉ner ne ratironhiakeró꞉nons, kwáh kí ienkoniaténhawe, Zerubbabel nakehnháhtshera, ne roʼní꞉ha né꞉ne Shealtiel, rá꞉ton ne Roiá꞉ner, tánon enkonhiónhnien tsi ní꞉ioht nakatsikwenhtónhke anisnón꞉sawi; asè꞉ken Í꞉ʼi enkoniatará꞉kwen, rá꞉ton ne Sakoiá꞉ner ne ratironhiakeró꞉nons.

Zechariah 3:1

Ne ó꞉iah atettsénsehre ne Roiá꞉ner wahakenaʼtónhase ne Ratsihenstowá꞉nen Joshua í꞉rahte rahohénton ne Roiá꞉ner rahoronhiakeró꞉nonh. Tánon é꞉tho ne rahiatákʼta ne Joshua í꞉rate ne Sakoriwaros, rothatehweiennenhtà꞉on nahorihwáhro.

Zechariah 3:8

Shatahónshatat káti Joshua, i꞉se ne tsihenstowá꞉nen: ki shatahónshatat, i꞉se tánon ne sewahtenroshón꞉a ne kén꞉en skátke sehwenhtskó꞉ton, i꞉se ne tiónkwe ioiánere ne thé꞉nen iahisehwariwáhken: Enhihiathotáhsi nakhenhátshera, né꞉ne Onénhra ronwáhiats!

Zechariah 6:11

Ne shanonhwarohtsherón꞉niat ne kawistará꞉ken ó꞉ni ne owistahnó꞉ron thóh nahkáhwenh, tánon ne tianonhwaró꞉rot ne ratsihenstowá꞉nen, Joshua ne roʼní꞉ha né꞉ne Jehozadak.

Numbers 28:2

nasakorihónhnien NʼIsraerʼró꞉nons nahonthahonwawísehke ne Rawenni꞉io kwáh wató꞉ken tsi nenhkaháwiʼke né꞉ne kákhwa tó꞉kens iahióntkaʼwe né rawerientiʼiostákwah.

Luke 3:27

Johanna roienha, Rhesa roienha, Zorobabel roienha, Salathiel roienha, Nere roienha.

Judges 6:24

Ne Gideon kwáh éhtho nónhwe nahahónhnien ne Roiá꞉ner ietsienharákwah tánon né wahanátonhkwe “Ne Roiá꞉ner Skénnon íken.” (Shé꞉kon kíʼ thóh nónhwe ne Ophrah tkáien, né kíʼ rahonawenkʼhónwe ne Abiezer kentára.)