Ezra 3:1 - Ohiatonhseratokénti

¹ Tsi nió꞉re ne tsatá꞉khaton shiwenhnitakéhaton nonhkweshón꞉as Nisraerró꞉nonhke ó꞉nen ratikwé꞉kon shisatinákeres ne rahotináthakons. Ethò꞉ne ó꞉nen ratikwé꞉kon tsi wahonhnitsiokwahró꞉roke ne Jerusalem nón꞉we,

Ezra 3:1 ပူးပေါင်းရင်းမြစ်များ

Nehemiah 7:72

Ne ronátiaʼkes nonkweshónhas tahatí꞉ieste 337 nikakontserá꞉ke owistanó꞉ron, 2,923 nikakontshera kawistarákens, tánon 67 nikónʼs ratiʼtsihénstatsis raonáhtsatawis wakóses.

Nehemiah 7:73

Káti ne ratiʼtsihénstatsis, tánon ne Levites, tánon ne tehontenhó꞉hanonhne, tánon ne tehatirí꞉wahkwas, tánon otsá꞉kes ne onkweʼokónʼs, tánon ne ononsatokentiʼkówaʼne ratinaskwas, tánon ratikweʼkón ne Israerró꞉nonhke, ne thóh ratinakere raotinatakonʼs. Nó꞉nenh ne tsá꞉takhaton shiʼwenhnítarakwe shiá꞉kahewe, ne ratitsaokón꞉ʼahs Nisraeró꞉nonke thóh ratiteronhtakwe raotinatakónʼs.

Nehemiah 8:1

Ratikwé꞉kon nonkwehó꞉kons wahonhnitsiokwahró꞉roke skátne tsi ní꞉ioht ne tionkweʼtákhok í꞉ken thóh ne kanatakweʼní꞉ioke thóh ohénton nohnékanos tsi iothenhenrakáronhte tánon wahonwénhase ne Ezra né꞉ne rahiatónskwe, ne nahontaháhawe ne teiothiatonhserakwenónhni ne raoianerénhsera Mahís né꞉ne tsi nisakoná꞉hon ne Roiá꞉ner Nisraeró꞉nonʼs.

Nehemiah 8:14

Tánon wahatiʼtshénhri kahiá꞉ton thóh kaianerenhserá꞉kon, tsi niká꞉ien ne Roiá꞉ner thó꞉wi ne Mahís, né꞉tho ne sakotiioʼokón꞉ahs Nisraeró꞉nonʼs kwáh thóh enhatiʼterón꞉take ne tsi waskwahkarénhres tsi nikarí꞉wes wateʼnikonhró꞉ri ne tsatá꞉khaton wenhnì꞉tare.

Leviticus 16:29

Ne tekarihwasonhterónhnions né nahiakonhtanóronste tsi nénhwe. Noieríhaton nenhwenhniserakéhaton Nisraerʼró꞉nons tánon ne tihononhontsátes né skat꞉ke ratinákere ónenk tsi enhonnenhthónhtsete tánon iáh tehiówenhk ne thènen ahotihióten.

Zephaniah 3:9

“Asè꞉ken ethò꞉ne kwáh tensetʼteni nonkweshón꞉as tsi ní꞉ioht tsi ronhtátis né꞉ne orihwí꞉io tsi ahonsahontrorísehke, ne káti ratikwé꞉kon ahónton nahatináton ne raoshén꞉na Roiá꞉ner, ne nahonwahiò꞉tenhse skaʼnikónhrat khók akénhake.

Acts 2:46

Kwáh niaʼtewenniseráke ononsatokentíʼke non naʼtehontátʼkenskwe, tánon skátʼke tsi tehonskáhonsʼkwe tsi rotinonʼshótons, kwáh ronathonʼnáheʼre ne rahonerianésons tsi tehonatskáʼon,

Acts 4:32

Ne kentiókwa ne thonetákwen skanikónrat iéken ó꞉ni seweriásak íken. Iáh ónka tehiáwen tsi nihotiʼiéntakwe kwáh hiatehatihiáti rahonáwenk, nók akwékon wahʼthatihiákons tsi nihotiʼiéntakwe.

1 Corinthians 1:10

Raoshahtstenserákon ne Sonkwahiáner Ié꞉sos Kerístos wahkwahretiáron, tewatenroshónʼa, nahkariwahnonwéʼon tsi naotenshóns sewahtónnions, né꞉ne tóhsa thènen taisewahnenratʼkháshion. Kwáh ieiokontakwénhak tsi skakaríwah kénhak, kwáh sheʼwahnontonnióntshera khók kénhak tánon tioríhwahkhok akénhake.

Deuteronomy 16:16

“Ratikwé꞉kon ne ronhnónhkwe ne sewenhtiókwakons tsi enʼtónhne nahonwasénhnaien ne Roiá꞉ner áhsen nihiorì꞉wake ne tsósehra né꞉ne tsi nón꞉we ne énskak kók tsi nón꞉we nihionterenhnaientákhwa: ne tsi nieskáhes ne watohetstákhwa, tsi nihieientwákwas ne thahonhtenonhwerá꞉ton, tánon ne tehiontenonhweraʼthónkwa ne tsi waskwakarénre. Ne satihiaʼtátsons ó꞉nenk tsi enthatíhawe natatawí꞉tshera

Judges 20:1

Onhkwetaʼkwékon Nisraerró꞉nonhke né꞉ne Dan thontásawen tsi nióre né othoréke nòkwahti ne Beersheba niaháhe thó꞉ne enhtiéne nòkwahti nonhsáwe, kwáh ó꞉ni thóh nihioiánere ne tsi ionhontsáien ne Gilead né꞉ne ná꞉kon nòkwahti, wathatirihwásnieʼne. Énskak khók tsi nónhwe nahonteróhroʼke né rahohénton ne Roiá꞉ner né꞉ne Mizpah nónhwe.