Ezra 10:3 - Ohiatonhseratokénti

³ Nón꞉wa ó꞉nenk tsi kwáh iorihwaní꞉ron tsi entsitewahrahrátsten Nonhkwáh Ní꞉io tsi entsithihiathekwáhthe kí꞉ken konhnónkwe ó꞉ni nakothihiohokón꞉as. Thóh nenhiakwáhiere tsi nahó꞉nenh ní꞉se tánon ne ronátiaʼkes ne rathirihwakweniénstha ne Rawenni꞉io rahorihwatákʼtseras tsi nenskwahtenikónhron. Ánion thoniiá꞉wen tsi niwá꞉ton ne Rawenni꞉io raoianerénhsera.

Ezra 10:3 ပူးပေါင်းရင်းမြစ်များ

2 Kings 11:17

Né ratsihénstatsi Jehoiada wahaónhnien ne Ronnontí꞉io Joash tánon nonkweʼshón꞉as nahontsanerenserónhni skát꞉ke ne Roiá꞉ner né ká꞉ti ne Roiá꞉ner raʼonkwetashón꞉as akénhake; kwáh kí ó꞉ni waʼhaianerenhserónhni tsi nateʼónteres ne ronnontí꞉io tánon nonkweʼshón꞉as.

2 Chronicles 29:10

“Ó꞉nenh kíʼ iatewaʼkerihwaiénhtaʼse nahiaʼtiatienerenhserón꞉ni ne Roiá꞉ner, ne Raʼní꞉io Israerʼró꞉nonke, né ká꞉ti ne tó꞉sa shé꞉kon ahonshonsonhkwahnakwahséhake.

2 Chronicles 30:12

Né Rawenni꞉io kwáh kí rohterihwahtenhtsathonhátie ne Judah nón꞉we tánon shakowenonhnihátie nonhkweʼshón꞉as tsi natehotihiatorehtonhátie nahonhtewénhnarahkwe tsi nihonikonhró꞉ten né nahatísehre ne karihwatátʼtsheras ne ronhtinonhtí꞉ios ó꞉ni ne rohnaterihónhtons, tsi né nihatísehre ne Roiá꞉ner raowenhnahó꞉kons.

2 Chronicles 34:21

“Wáhs iatierihwanón꞉tons ne Roiá꞉ner nakerihwáke tánon nonhkweʼshón꞉a ne Israerʼró꞉nonke tánon ne Judah nón꞉we shé꞉kon nihonathaténhron. Sehrihwísat nahorihonhnienhnítshera kí kén kahiatónhsera. Né Roiá꞉ner shonkwahnákwahse tsioríhwa ne ietisotʼthonkonhkénʼen tsi iáh tehonatewenhnaráhkwenh ne Roiá꞉ner raowénhna tánon iáh éhtho tehotiʼiéren tsi niwá꞉ton kí꞉ken kahiatónhsera tsi nihioterihwíson tsi nahiéiere.”

2 Chronicles 34:27

tánon sehsewatatréhwaʼte tánon ehtàke sesehwathatónhni natkénton, wesehwarahtiónko ne sehwatserón꞉nia tánon tesewaséntʼthos, né sehsewarihwáronhke tsi ní꞉ioht tsi tkherón꞉kwahkwe tsi nenhtréwaʼte ne Jerusalem tánon nahonkweʼtaʼshón꞉a. Onhkatʼthónhteʼne ne sewaterénhnaiet,

Ezra 10:11

Káti ó꞉nenh, sewarihwaní꞉rat ne sewarihwaneraháktsheras rahohén꞉ton ne Roiá꞉ner, ne sáko Ní꞉io ne ietsisoʼthonkonhkén꞉en, tánon thóh nasewá꞉ier tsi nahó꞉ten rawerientiióstha. Tesehwatetʼtkási ne thihononhontsá꞉tes ne otsonhontsá꞉ke ratinákere tánon é꞉ren saieʼtsihiatenháwit ne thihiononhontsá꞉tes sewaniakʼkons.”

Ezra 10:44

Ratikwé꞉kon kí꞉ken ronhnónkwe né꞉ne tihiononhontsaténions ronathateniaktén꞉ni. Thonshsahontetʼkháshion tánon shakonhwanatekwáhte ó꞉ni ne shakotihiohokón꞉as.

Ezra 10:9

Ohén꞉ton nasénhaton shiwenhniserakéhaton, né꞉ne tewasénhaton tsi sikʼkare né tiotonhá꞉ton shiwenhnithakéhaton, ratikwé꞉kon ne ronhnónkwe ne tsi kanakerahserá꞉ien ne Judah ó꞉ni ne Benjamin Jerusalem wahón꞉newe tánon kanát꞉then ne Ononsatokentihkó꞉wane wahontsataró꞉roke. Kwáh í꞉ken tsi ioshátste tsi ní꞉ioht tsi iokenhnóronhkwe, tánon tiorì꞉wa tsi niwenhtatʼtsénhne tánon tsi nihiorihowá꞉nen ne watkenhnisaháthon onhkweʼtakwé꞉kon iakohiatisónhkwahkwe.

Ezra 9:4

Thóh kitskóthe wakekironhratʼtsens tsi nió꞉re iaʼkáhewe noʼkarasné꞉ha ahonterihwathentsáthonke ne karihwiiosehokénhas, tánon nonkweshón꞉as ó꞉nen tahontháhshawenh watsonhkatiáthaton—ratikwé꞉kon ne ronateronhienthén꞉ni tsi nahó꞉ten ne Sakoní꞉io Nisraerró꞉nonhke rá꞉wen tsi nokwáh ne kariwanerenháktseras tsi nihá꞉ti ne sót꞉ti ne ronahnakerá꞉kwenhne.

Nehemiah 10:1

Tánon tsi niká꞉iens ne ronónhas rotinehtahnentáhkon né꞉ne: Nehemiah né꞉ne rakó꞉rah, né꞉ne kaʼní꞉sera í꞉ken ne Hacaliah, tánon Zedekiah,

Nehemiah 8:14

Tánon wahatiʼtshénhri kahiá꞉ton thóh kaianerenhserá꞉kon, tsi niká꞉ien ne Roiá꞉ner thó꞉wi ne Mahís, né꞉tho ne sakotiioʼokón꞉ahs Nisraeró꞉nonʼs kwáh thóh enhatiʼterón꞉take ne tsi waskwahkarénhres tsi nikarí꞉wes wateʼnikonhró꞉ri ne tsatá꞉khaton wenhnì꞉tare.

Nehemiah 9:38

Ne wahkarihón꞉ni akwé꞉kon kí꞉꞉ken tsi nahawénhseron wahatiónhni naterihwasheronhniá꞉tshera tsi onthiá꞉ton, tánon ne ionkhihéntenhse Levites tánon ne ratiʼtsihénstatsis ne wahatinethanenhtákʼthe.

Psalms 119:120

Í꞉se saríhwa tsi wák꞉terons; tánon ne wakteronhkwénhnis ne sarihwenhthátshera.

Psalms 119:59

Tewatiatoréton tsi nikewehienhnó꞉ten, tánon káti wahkaráhratsʼte tsi énkshere ne sarihonhnienhnítsera.

Isaiah 66:2

Oriwaʼkwékon kí ken katsaná꞉ke ioshaʼáhnion, tánon káti orihwaʼkwékon kí꞉kens Í꞉i akáwenk, rá꞉ton né Roiá꞉ner. Ók né kí kíken tsi nikáien né kwáh tenkhehiatʼkáneren, né nehthàke iakotatónhni tánon né teiakawerhiaʼsaríhon, ronón꞉ha rotiʼiatíshonʼkwe nakewenhnaʼókons.

Isaiah 8:20

né꞉ne karihonhnienhnítshera tánon ne tionthateriwiʼiostenhnítha?” Orihwiʼiohónwe, tsi niiákon ne kí thóh ní꞉ioht tsi iontátis kwáh kí iáh tahiakoiéntahne nahiakórenhne!

Ezekiel 9:4

“Wáhs akwékon nonhtáset ne kanatowahnénhne ne Jerusalem tánon rahtikenkwaráhke teshehiáton tsi nihiákon tiakonikonhrénʼen tánon ne tehiakonikónhrareh tioríhwa tsi nihioriwáke ne ioteriwahtéhas tsi kahieráhnion ne kanatowakénke.”

Deuteronomy 29:12

Kén꞉en í꞉sewes nón꞉wa wenhniserá꞉te nahisewatiaʼtáren nateriwaʼseronhniatserá꞉kon né꞉tho Roiá꞉ner sewaNí꞉io rahonhnihátie skátke ní꞉se tánon nahisewaié꞉na tsi nihioterihwaiénhni,

Joshua 9:6

Ethò꞉ne tsi tonaná꞉taien ne Gilgal niahón꞉ne tánon wahonwénhase ne Joshua ó꞉ni ne Israerʼró꞉nons, “Ahí꞉non nió꞉re tsionhontsá꞉ien nitionhkwè꞉non. Tehionkwatonhwenhtsóni nahitewatsanerenhserón꞉ni.”