Ezra 10:2 - Ohiatonhseratokénti

² Ethò꞉ne Shecaniah ne roʼní꞉ha né꞉ne Jehiel, né꞉ne tsi raotitarasónha ne Elam nón꞉we nihahiátare, wahawénhase ne Ezra, “Wathitewáhiake ne tewetákwen rahonhà꞉ke ne Rawenni꞉io tsi wetewathateniákten ne tehiononhontsá꞉tes, ók shé꞉kon ki nénhne narahrátsera iothaténhron tsi nokwáh ne Israerró꞉nonhke.

Ezra 10:2 ပူးပေါင်းရင်းမြစ်များ

Ezra 10:26

Tsi raotitarasónha ne Elam: né꞉ne Mattaniah, Zechariah, Jehiel, Abdi, Jeremoth, tánon ne Elijah

Ezra 9:1

Nó꞉nen nakwé꞉kon kí꞉ken thóh saháwenhne, ótiaʼkes ne sakotihéntenhs nonkweshón꞉as Nisraerró꞉nonke tahónhne tánon wahontʼró꞉ri nonhkweshón꞉as, né꞉ne ratitsihénstatsis, tánon ne Levites tsi iáh nehonatiathotháron tsi nokwáh ne tehonthonhontsanekʼkhánions né꞉ne Ammon, Moab, tánon ne Egypt ók ó꞉ni ne Canaanró꞉nons, Hitró꞉nons, Perizró꞉nons, Jebusró꞉nons, tánon ne Amorʼró꞉nons. Kwáh ki etʼnihotiierenhátie ne ioterihwatehathénions tsi ki nihotiiéren ki onkweshón꞉as.

Ezra 9:2

Ne Sitaeró꞉nons ronhnónkwe ne rotiniakonhátie ne tehiononhontsá꞉tes, tánon káti ne Rawenni꞉io rahonkweʼtatokentí꞉sons wahontatetkénten. Ne shakotihéntense ó꞉ni ne ronaterihóntons ronónha ratihénte nahatihetkénte.

Nehemiah 13:27

Kwáh káti ken í꞉se akwahtahónsathate tánon thóh náshere kí꞉ken kowá꞉nen karihwahetkénhsera niatsatiatónhti nonkwáh Ní꞉io tsi ne asathateniát꞉ten ne thiiononhontsá꞉tes konhnónkwe?

Nehemiah 3:29

Noia neʼne Zadok, né꞉ne roʼiénha ne Immer rahónha ne sahakwahtáko ne teiotihaha tsi ronónshote; tánon ne ó꞉ia Shemaiah né꞉ne roʼiénha ne Shecaniah, rahónha ne ranikónrahre ne tsitkarakwí꞉nekens iotenhenrakaronhte rahónha sahakwahtáko.

Nehemiah 7:12

Ne sakohioʼokón꞉ʼahs ne Elam: 1,254 nihá꞉ti

Nehemiah 7:34

Ne sakohioʼokón꞉áhs ne thí꞉hate Elam: 1,254 nihá꞉ti

Exodus 34:12

Tó꞉sa thènnen sewatianerensehrónhni nonhkweshón꞉á tsi kanakeraseráien tsi nónhwe niahisenonhá꞉tie, tsioríwa nonhtiérenk né꞉ne kenhéion tsi enhesaterístaien.

Proverbs 28:13

Iáh nonwén꞉ton thaiesaterihwahténtiaʼse tókaʼ enhsateʼnién꞉ten ahsáhsehte tsi sarihwanéren. Sasatathré꞉waht tánon é꞉ren shá꞉wit, tho ne ó꞉nen Rawenni꞉io énthion kaiaʼtateríhtshera.

Ne꞉ne Sák Rohiaton 2:9

Nok tóh꞉ka thók tensekwénienste nónkwe ne tsi nihontkathotseróten, wesanontánake ne kariwáneren, tánon ne kaianerénsera ensaréwate tsi tèshiaks ne kaianerénsera.