Ezra 1:2 - Ohiatonhseratokénti

² “Né kí꞉ken ne Cyrus rahorihwisahá꞉tseras, Rakó꞉ra ne Persia. Ne Roiá꞉ner, Rawenni꞉io ne Karonhiá꞉ke, wahatʼkórasthe nohontsakwé꞉kon tánon thaká꞉wi nakaterihwatsté꞉risthe naʼkenonsónhni nononhsatokentihkó꞉wa ne rahorihwà꞉ke ne Jerusalem thóh nón꞉we ne Judah.

Ezra 1:2 ပူးပေါင်းရင်းမြစ်များ

1 Kings 8:27

“Ók askwé꞉ni ken, O Sewenní꞉io, né kwáh tsi ionhwenhtsáte nónhwe nasenákereke? Akwékon iáh tsiatekaiéri tsi níwah ne tsi karonhiáke nahisatsénawasʼthe, onhkáti naiawénhne kí꞉ken Ononsatokentiʼkówa ne wakenonhshí꞉sa ne iaʼtakaiérike tsi náhonske?

2 Chronicles 2:12

Tehonwanonhweráton ne Roiá꞉ner Sakoní꞉io í꞉ken ne Israerʼró꞉nonke, Rahónha ró꞉sons tsi karonhiáte ó꞉ni tsi ionwenhtsáte! Thóhwi ne Ronnontí꞉iokwe Táwit né raoʼnekenterón꞉tshera naʼtenikonhratʼthokhátshera, ne rahónha ó꞉nenh né ratenikonhrón꞉nis nahononhsónhnien nononsatokentiʼkówa ne Roiá꞉ner tánon nahathatenonsónhnien nón꞉neʼe ne rahónha.

Ezra 1:5

Ethò꞉ne nononhtsikowatʼtsons ne tsi kentará꞉iens ne rahothitióhkwakons ne Judah tánon ne Benjamin, ne ratitsihénstatsis ó꞉ni ne Levites, tánon nónhka akorenhakénhake né꞉tho rawé꞉rih ne Rawenni꞉io wahaweriané꞉ron wahathateweienénhthane iaháre tánon sahanonhsónhnoi ne Roiá꞉ner Rahononhsatokentihkó꞉wa ne Jerusalem nón꞉we.

Ezra 3:7

Nonhkweshón꞉as tahiontkawánion nowístas nahonwatikháriakse ne tehatitstenhró꞉thas tánon ne ratiskwenhkarakétas tánon ó꞉ni kákhwa tahontkawáhnion, nienekiráhthas, tánon ne iakenhiewáhtha kénhies ne iahonteniéhthonhke tsitkaná꞉thaiens ne Tyre tánon ne Sidon ne tahonthatawí꞉heke ne onenhthakwénhte okhonré꞉tsas ne Lebanon nón꞉we nahonthakónhne, né꞉ne kaniatarakheʼkó꞉wa nón꞉we nahontahatíhawe tsi nió꞉re ne Joppa. Orihwakwé꞉kon kí꞉ken thóh nahá꞉wenhne tsi ki nihoriwanonhwéhon ne rakó꞉ra Cyrus ne Persia nón꞉we.

Ezra 4:3

Ne Zerubbabel, ne Joshua, tánon ne ononhtsikowátʼtsons ne tsi ratitióhkwaiens wahonwatiró꞉ri, “Iáh thatehionkwahtonhontsó꞉ni ne sewaienawaséhtseras tsi enskanonhsonhní꞉hake Nononsatokentihkó꞉wa ne Roiá꞉ner raorì꞉wake nonkwáh Ní꞉io. Iatehiakwahiá꞉ti tsi entsakwahnonhsón꞉ni, kwáh ki tsi ní꞉ioht ne rakó꞉ra Cyrus ne Persia tsi sonhkwahrihón꞉te.”

Ezra 5:15

Né rakoraʼkó꞉wa wahoró꞉ri niahonsahá꞉ko tánon Ononhsatokentikó꞉wane ne Jerusalem niesáhaf, tánon nahonsakanonhsonhní꞉hake Nononsatokentihkó꞉wa tsi nón꞉we nikanonhsóh꞉thakwe ne tiotierénhton.

Ezra 6:10

Thóh kí꞉ken nakaiérenhke ne káti nahónton nahonthahatí꞉ieste ne karihwihiosehokón꞉as ne nahawerientí꞉iosthe ne Rawenni꞉io ne Karonhiá꞉ke tánon nahionterén꞉naien ne rahohiathateríhtseras nahóntʼrane tánon nakenekenhteronhtserashón꞉as.

Ezra 6:3

“Ne shonthonthosehratié꞉renhte Siharórakwe ne Cyrus wahathénhnane né꞉tho Ononsatokentihkó꞉wa ne Jerusalem nón꞉we nahonsakanonhsón꞉nike tsi thóh nón꞉we ne kariwihiosehokón꞉as nahonterihwathenhtsátonhke tánon nahonteskonhtʼtháke. Nononsatokentihkó꞉wa tióhton niwáhsen niwashí꞉take nahontahiotʼteske tánon tióhton niwáhsen niwashí꞉take natahonthakáronhke.

Ezra 7:12

“Tsi nitsawè꞉non ne raonhà꞉ke ne Rakoraʼkó꞉wa Artaxerxes ne ratsihénstatsi Ezra, rotheweiénston ne rahohianerenhserashón꞉as ne Rawenni꞉io ne tsi Karonhiá꞉te.

Nehemiah 1:4

Tánon nó꞉nenh shonkaʼthóntene kí꞉ken owenhnashón꞉ahs wakátsien tánon watkaséntʼto tánon wakaktiónhnion tó꞉ka nón꞉ta nikarí꞉wes; tánon onkwentón꞉tiete tánon wakaterén꞉naien raohénton ne Rawenni꞉io tsi karonhiá꞉te.

Nehemiah 1:5

Waʼkí꞉ron, “O Saiá꞉ner, rahónha ne Rawenni꞉io ne tsi karonhiá꞉te, teotenonhiatí꞉ton tánon roshatstenhserowanenʼkó꞉wa Rawenni꞉io, Rahónha rateweién꞉tons naterihwaseronhniá꞉tshera ne kenténron tsi nihiá꞉kon ne ronwanorónhkwa tánon iontewenhnaráhkwa ne raorihwatátʼtshera.

Psalms 136:26

Ó tetsisewanonhweráton ne Rawenni꞉io karonhiáke, asèken ne iorihwatóken raonoronhkwáhtshera tsi nénhwe enkátake.

Psalms 85:2

Sehsenikónhrenhse ne shonkwetaʼshónhas raotirihwanerahák꞉tseras; saró꞉ron akwékon ne raotiriwanerahák꞉tshera. Selah

Proverbs 21:1

Roiá꞉ner tho niwatié꞉sen tsi thoʼniaro꞉taro ne ronontí꞉io raoʼnikòn꞉ra tsi kiʼ niwatié꞉sen tsi nithoniaro꞉taro nohnekaʼshón꞉ʼa.

Isaiah 41:2

Ónhka rokétskwen natesenhniénhtshera ne tsitʼkarakwínekens nokwáhti, iehonónhkon nahoterihwatsterístaʼse? Sesakoniakéntha niaʼkahontsakeró꞉nons ne rahonhàke, tánon ne tesakositakenhserákwah ne rontinontiʼióshons; tsi ní꞉ioht nokénra sakahónhnis né꞉ne raoʼsarekówa ráts꞉tha, kwáh tsi ní꞉ioht notsináhara ahiaʼkorehátie né꞉ne raoʼiénhkweri thóh nahioierenhátie.

Isaiah 44:26

ónhka rahrihwanírats ne raoʼtiwenhnaókons ne raonhá꞉tsheras, tánon rarihwaiérits tsi niehatiʼríhwakens ne ronwarihwakareniénhnis; ónhka sakaʼwénhnis tsi nó꞉kwah ne Jerusalem, “Kwáh kí enienákereke,” tánon tsi nòkwah ne tsi kanatowánens ne Judah, “Kwáh kí enskanatonhníhake, tánon thóh thentekétsko tsi káien ne raonatʼkaronhniátsheras”;

Isaiah 44:28

Ónhka sakawénhnis ne Cyrus, “Né kí꞉ken nakonkwéta sakónonne teiotinakarontónha, tánon akwé꞉kon thóh nenhá꞉iere tsi niwakenikonró꞉ten”; tánon ónhka sakawénhnis ne Jerusalem, “Kwáh kí enskakwahtákwenhke,” tánon ó꞉ni nononsatokentiʼkówane, “tánon enkakwahtákwenhke tsi enwanitskwáhren.”

Isaiah 45:1

Né kí aoríhwa rá꞉ton ne Roiá꞉ner rahonhàke né roiatará꞉kwen né꞉ne Cyrus, tsi nikáien ne saweientetákwen riʼnentsawá꞉kon né nasakotsatakwení꞉ioste niaʼkahontsakeró꞉nons ne raohénton tánon naharíhsi ne rontiʼnontí꞉ios raonatiátawis wakóhses, né nahontenontonhkwehá꞉tons ne raohénton— tánon ne ioʼthenhenrenhtónhnions iáh thaʼhonsakanó꞉tonhke:

Isaiah 66:1

Né aoríwa rá꞉ton ne Roiá꞉ner: Né tsi Karonhiáte né nakanitskwáhra í꞉ken tánon né tsi ionwenhtsáte né꞉ne tsi tekarashiʼtarákwah í꞉ken; nakanonshó꞉ten ní꞉se askenonsón꞉nien, tánon nakanatʼtóten tsi nón꞉we nakatorisenhtá꞉kwahke?

Jeremiah 10:11

Í꞉se ne tiónkwe ó꞉nenk tsi enhientʼtsiró꞉ri nètho onkweshón꞉a ne kahiatónnis iáh rohnónha tehothíson ne tsi ionwenhtsiáte ó꞉ni ne tsi karonhiáte ónenhk tsi enhonwanáthonte. Kwáh ónen iáh kahnèka tahonshahatiʼierónnike ne tsi ionwenhtsiáte.)

Jeremiah 27:5

“Né nakeshastsʼténsera ó꞉ni tsi nikeshástsʼte né wakátston tsi wahkonhontiónni, khehiatísons nonhkweshón꞉a, tánon konhtiʼkwékon ne katʼtshénens ne nonhwenhtsiáke nónhwe nikonhnónnhe; tánon kwáh tsík ónhka entekhéhion tsi nenhtkheráhko.

Jeremiah 29:10

“Ne Roiá꞉ner ráton, ‘Ne nónenh ne Babylonia ne tsáta niwáhsen niʼioserahke enwahtók꞉ten, Enkénesthe nakeriswahshón꞉a ne tionháke tánon enkenónhsthaʼte nakwahrahrátʼtshera ne tahonthakwahiaténhaʼwe ne tsi sehwehtherónton.

Daniel 1:21

Daniel eʼ tho renteróntahkwe kanontiioʼtsherá꞉kon tsi niió꞉re ne Cyrus, ne ronnontí꞉io ne Persia, wahshakoʼshén꞉ni ne Babyloniaró꞉nons.

Daniel 2:21

Raónha thoniarotárhon ne tsi nikahwistà꞉eʼks tánon tsi niiawénhserons ne onhwentsià꞉ke ó꞉ni tsi watkwenhrá꞉rons; shakonontiióhstha tánon sehshakonontiiókwahs; à꞉seʼken raónha thahtkà꞉wahs ne attokháhtshera tánon ne kaʼnikonhraientáhtshera.

Daniel 2:28

Ne ók ne Rawenni꞉io karonhià꞉ke thén꞉teron, raónha rotáhshions ne kariʼwahséhtánion. Iatokaʼtén꞉ni Sanontí꞉io tsi neniá꞉wenʼne ne kenʼ eniótiehte. Ó꞉nen kiʼ enkonhró꞉ri ne atetshénhsera, tsi nahsatkáhtho tsi náhe séntahskwe.

Daniel 4:25

Eniesanakerákwahte tsi nón nihón꞉nes nonkwehshón꞉ʼa tánon kontírio skátne entsiʼsewakwekonhatié꞉sheke. Tsá꞉tak niiohserá꞉ke óhonte khók ensesékʼsheke tsi ní꞉ioht ne teiotiná꞉kares tionhónskwaront ó꞉ni kenʼk nón꞉we tsi iówerare non nenhsanonhwétsheke, thoʼ ó꞉ni nón꞉we nensaʼáweiahste. Tsi niaʼtenhsókten ne tsá꞉ta niiohserá꞉ke enhserihwahní꞉rate ne kwáh Roʼshatstenhserowá꞉nen Rawenni꞉io tehshakoniarotárhon onkweʼtakwé꞉kon tsi nón꞉we ne kanontiioʼtsherakéron tsi ionhwentsià꞉te tánon ó꞉ni kwáh thenhanónhton ónkha ahshakoiaʼtará꞉ko naiontenontí꞉iohste.

Daniel 4:32

Eniesarékwahte tsi ratí꞉teron nonkwehshón꞉ʼa, kontírio ientsisewakwekónhake, ó꞉ni óhonte ensehsonʼnhéhkwen né tsá꞉ta niiohserá꞉ke tsi ní꞉ioht ne tiohnhónskwaron teiotinà꞉kares. Eʼthó꞉ne enhserihwaní꞉rate ne Roʼsatsthenhserowá꞉nen Rawenni꞉io tsi raoʼshatsthénhsera í꞉kate tsi kanontiioʼtsheraké꞉ron tsi ionhwensià꞉te tánon raónha enthanónhton ónhka ahshakoiaʼtará꞉ko naiontenontí꞉iohste.”

Daniel 5:23

Wahsatathará꞉tate tsi nonkwá꞉ti ne Roiá꞉ner Rawenni꞉io ne karonhiá꞉ke thén꞉teron tánon táhsionʼte ne kátshe ó꞉ni ne akehraʼshón꞉a ne thotíha ne raononhsatokenhtiʼkowáhne. Í꞉se tánon ne sonkweʼtaʼshón꞉ʼa ne ratihsennowá꞉nens, sewaniákhons, sahskareʼó꞉kon, ne wésewatste tsi wesewahnekí꞉ra ne notsì꞉tsa ó꞉ni wesewahsénnaien ne kaiaʼtón꞉ni ne ionniá꞉ton ne ohwistanó꞉ron, kahwistará꞉ken, ne kahwistárhon ne otsì꞉nekwar nikaristó꞉ten, karístatsi, ó꞉iente, tánon ne onén꞉ia—kaiaʼtón꞉nis ne iáh tekontí꞉ken tánon iáh teionathón꞉te iáh ó꞉ni thé꞉nen teionaterién꞉tare. Nok iáh tehtskweniénhston ne Rawenni꞉io tsi niká꞉ien thoniarotárhon ne tsi sónnhe ó꞉ni tsi satónrie ó꞉ni kwáh tsi ní꞉ioht tsi satoriá꞉nerons.

Daniel 6:25

Shonteweienén꞉taʼne né ronnontí꞉io iashakohiá꞉tonʼse kwáh tsi niaʼteiakaʼonhontsà꞉ke ne onkwehshón꞉ʼa, tsi naienekwenhsó꞉ten, ó꞉ni tsi naiewennoʼténhake ne onhwentsià꞉ke: “Wé꞉so taontnaʼné꞉ta skén꞉nen né tsonhà꞉ke!

Jonah 1:9

“Hebrew nikenekwensó꞉ten,” waʼtharihwaʼserá꞉ko ne Jonah. “Ne ní꞉i rihsénnaiens ne Roiá꞉ner ne Rawenni꞉io tsi karonhiá꞉te, tsi nikáien rohsaʼánion ne onwéntsha ó꞉ni ne kaniataraʼkehkó꞉wa.”