Exodus 7:5 - Ohiatonhseratokénti

⁵ Tánon ne Egyptró꞉nons thó꞉ne enhoʼnateriéntharaʼne tsi Í꞉i ne Watiá꞉ner, nónenh ènkatsʼte nʼakeshatsʼténshera roʼnonhàke ne Egyptró꞉nons tsi tenthekhehiaʼtínekenhʼwe lsraeró꞉nons ne raotiʼnahkerahserákon.”

Exodus 7:5 ပူးပေါင်းရင်းမြစ်များ

Psalms 138:7

Nó꞉nen ne tewakatiatáton ne takanikonhráhren, í꞉se tatiatanónstats tsi nihotinakwénhen ne iónksons; iateshá꞉nentʼtseste, tánon ne sehseweienhtethákwen sonhkeniákenhte.

Psalms 9:16

Ne Roiá꞉ner waʼhathaténeste, né waʼhaterihwathentsiáte karihwenhthátsera; ne ronhnonkwetahétkens né waʼhotiʼiéhna ne waʼterístaien ne ronnónha roʼnateristaienthákwen. Higgaion. Selah

Exodus 10:2

tánon et nahóntaʼwe nʼaskwéni nahsehró꞉ri ne sehiohoʼkónhas ó꞉ni ne sehiaʼteroʼhokónhas tsi nakhehiaʼenonhwahroʼritónhniaʼte ne Egyptró꞉nons nónenh né sonhtsióten ne ioriwanerahkwahʼténions. Sehwakwékon ensewateriéntarahʼne tsi Í꞉i ne Watiá꞉ner.”

Exodus 10:7

Ne ronhnonhtí꞉io rahoʼnhatsherashónhas wahonwénhase, “Tóh nikaríwes kí꞉ken rónhkwe tenshón꞉kwah nikonhráhrake? Iasehiátkaf ne lsraeró꞉nons ronhnónhkwe, ne káti nahónton nahonwasénhnaien ne Roiá꞉ner raotiʼNí꞉io. Iáh kènh tesatʼtó꞉kas ne Egypt tsi ioriwaʼiesàhon?”

Exodus 14:18

Ne nó꞉nen enkhesènhni, ne Egyptró꞉nons enhoʼnateriéntarahʼne tsi Í꞉i ne Watiá꞉ner.”

Exodus 14:4

Kwáh enhinonhtsisʼthanírahʼte, tánon kwáh enhiaʼsehréson, tánon nahkateʼsenhʼniétshera tsi nʼòkwah ne ronhnonhtí꞉io ó꞉ni ne rahoʼtiókwah ne ronhterí꞉ios entewakʼkhawíten ne kaʼkweniensʼthátshera. Ethòne ne Egyptró꞉nons enhoʼnahteriéntarahne tsi Í꞉i ne Watiá꞉ner.” Ne lsraerʼró꞉nons kwáh et nahaʼtí꞉hiere tsi nihonwatiró꞉ri.

Exodus 18:8

Ne Mahís oriwahkwékon wahoró꞉ri ne Jethro nètho Roiá꞉ner tsi nihohieràse ne Egypt ronhnonhtí꞉io ó꞉ni ne onhkweshón꞉ʼas ne Egypt né nahónton nahonshaʼsakoniákenʼte nIsraerʼró꞉nons. Tánon ó꞉ni wahoró꞉ri tsi nahaʼtironhiáken nonhkweshón꞉á ne tsi nihioháhes tánon ó꞉ni tsi ní꞉ioht ne Roiá꞉ner tsi sashakonónsthaʼte.

Exodus 3:20

Ók kíʼ akeshatsʼténsera ènkatsʼte tánon kwáh enkheréwahthe ne Egyptró꞉nons tsi nihonahtié꞉ren ne ioteriwákʼtherons né nónhwe. Ethòne kí entsisewaríhon né thoʼniahísewe.

Exodus 6:1

Ethòne ne Roiá꞉ner wahawénhase ne Mahís, “Ónenh kíʼ ensatkátho tsi nenhihiérahʼse ne Ronhnonhtí꞉io. Enhiʼhiónhnien nashakótʼkaʼwe nʼakonhkweʼtashón꞉a. Tánon kíʼ ó꞉ni, kwáh enthihiaʼnónhtonʼse nʼashaʼkorékwahʼte ne rahontsàke.”

Exodus 6:6

Káti ietʼtsiró꞉ri lsraeró꞉nons tsi káton, ‘Í꞉i ne Watiá꞉ner; kwáh enkwahniákenʼte tánon enskwahtaʼtewenhniʼiósehron tsi niʼietsinaskónhnis ne Egyptró꞉nons. Enʼtkharahthá꞉the ne kenenshaʼshatsʼte nahontátʼkhawe ne tehioʼtenonhiaʼnhíton karewahthá꞉tshera ne roʼnonhàke tánon enskwaniákenʼte.

Exodus 7:17

Nónhwa, Sanonhtí꞉io, ne Roiá꞉ner ráton tsi ensehriwahtsénhri ónhka nènhʼne ne rahónha tsi nenháiere. Satkátho, èhʼneken ne kaniataráhke enkenonhwàhrehʼke kí꞉ken kánia, tánon ne tsi kaniátare onekwénhsa iatenwatʼténi.

Exodus 8:10

Ne Ronhnonhtí꞉io wathariwaseráko, “Takaterenhnaienhas nenhiorenhne.” Mahís wahénron, “Thóh nentiére tsiʼníseriwanóntonhs, etʼthone ensateriéntaraʼne tsi iáh nó꞉ia tekaʼNiiotsheráne ne thóh naʼiotónhake tsi ní꞉ioht ne Roiá꞉ner, onkwaʼNí꞉io.

Exodus 8:19

tánon káti ne tehontierónhnions wahonwénhase ne Ronhnonhtí꞉io, “Rawenni꞉io kí꞉ken thóh nahása!” Ók ne Ronhnonhtí꞉io roʼtenontsisthaʼniráhton tánon, kwáh kíʼ tsi niháwen ne Roiá꞉ner, ne Ronhnonhtí꞉io iáh seh tasakothahónsaʼtaʼte ne Mahís ó꞉ni ne Aaron.

Exodus 8:22

Ók kíʼ enkenónsthate nènhne tsi kanakerahseráien ne Goshen, tsi nónwe nihatináhkere nakonhkwetashón꞉ʼa, kwáh káti nènhne nʼotsíʼks iáh thóh tsakonhne. Kwáh kíʼ thóh nénhtiere ne káti nahiʼsaterién꞉tarahʼne tsi Í꞉i, ne Watiá꞉ner, tsi wahtió꞉the né kènʼen ionhwenhtsàte.

Ezekiel 25:17

Kwáh í꞉ken tsi ioniíhron enkheréwahte tánon kwáh enkanahnónhake tsi ensehkhekárhiakʼse. Enhóntʼtoke nakenahkwáhtshera. Ethòne enhonahteriéntarahne tsi Í꞉i ne Watiá꞉ner.”

Ezekiel 28:22

Sehró꞉ri né nónhwe nonhkweshón꞉ʼa tsi nahó꞉ten nʼÍ꞉i, ne Wakenonhtí꞉io Watiá꞉ner, káton tsi nòkwah ne ronónha: Í꞉i ne tetewahtátʼtsions, Sidon; nonhkweshón꞉ʼa tehionkenonhweráhton tioríhwa tsi nenhkonhiérahse. Enhonahteriéntarahne tsi Í꞉i ne Watiá꞉ner, nónenh enkénesthe tsi niwatiathatokénti ne tsi nikherewáhtha tsi niháti ne shonháke nónh nihatíteron.

Ezekiel 32:15

Nónenh ne enkónhniate ne Egypt nahiahontsahiéssa tánon ratikwékon enhkhehiáthonte né nónhwe nihatináhkere, kwáh enhonahteriéntarahne tsi ʼI꞉ih ne Watiá꞉ner.

Ezekiel 36:23

Nónenh enkheienésten nonhkweshón꞉ʼa tsi iotokénti natsenhnahkówa—ne kasénhna ne sewahetkénton ne ronhnónhake—ethòne enhonahteriéntarahne tsi Í꞉i ne Watiá꞉ner. Í꞉i, ne Wakenonhtí꞉io Watiá꞉ner, wakatáti. Í꞉se enkónhiatsʼte nasehnésthen nonhkweshón꞉ʼa tsi watiatató꞉kenti.

Ezekiel 39:22

Ne Israerʼró꞉non kwáh kénʼen iewahtásawenh enhonahteriéntarahne tsi Í꞉i ne Watiá꞉ner raotiní꞉io.

Ezekiel 39:7

Kwáh orhiwí꞉io enkónhni nakonhkwetashón꞉ʼas nIsraeró꞉nonhs nahonateriénhtarahne natsenhnahtokénti, tánon iáh tahonsakatʼthóntate ne shé꞉kon naksénhna ahonsakonhwahsenhnáksahthe. Ethòne nonhkweshón꞉ʼas enhonahteriéntarahne tsi Í꞉i, ne Watiá꞉ner, watiathatokénti Ní꞉io ne Israerʼró꞉nonhke.”