Exodus 6:3 - Ohiatonhseratokénti

³ Khehiaʼthotashiénʼni ne Abraham, ó꞉ni ne lsaac, ó꞉ni ne Jacob tsi Wakeshatsʼtenseroʼwáhnen Ní꞉io, ók iáh kíʼ né tewakathatonhniáton Watiá꞉ner ne roʼnonhàke tsi ne naʼiontsenterestaʼkwe natʼsenhnató꞉kenti.

Exodus 6:3 ပူးပေါင်းရင်းမြစ်များ

Genesis 13:18

Sók kíʼ Ne Abram tonsahanatáhkwaʼte ne raoʼtóhsera, tánon tho nón꞉we ionsahatenatón꞉ni tsi tiorón꞉tote ne karíhton, ne ne Mamre nón꞉we, ne꞉ne Hebron nón꞉we; tánon tho nón꞉we nahaónnien ne ietsenhahrákhwa ne Roiá꞉ner.

Genesis 17:1

Ne nó꞉nen ne Abram tióhton niwáhsen tánon tióh-ton shaʼtehaohseriiá꞉kon, ne Roiá꞉ner wahototáhshien ne Abram tánon wahawènhahse, “I꞉i ne Ní꞉io wakeʼshaststenhserowá꞉nen; takewèn꞉narahk tánon kwáh tóhsa ohthé꞉non iesarihwatshènriaʼs.

Genesis 22:14

Káti NʼAbraham neh nón꞉we niwatenà꞉taien ne wahaná꞉tonhkwe, “Roiá꞉ner enthahtkaʼwe.” Tánon shé꞉kon nón꞉wa niwenhniseraténion nonkwehshón꞉ʼa ne ión꞉ton, “Tsi rotenontáhere ne Roiá꞉ner non nithahtká꞉was.”

Genesis 28:3

Aiá꞉wens ne Roʼshatstenhserowá꞉nen Rawenni꞉io ahiaiaʼtaté꞉rihste tánon ahiónnien ne wé꞉so aesawiraién꞉taʼne tánon naesewentiohkowáhnha, í꞉se kaʼníhsera ahsá꞉ton ne iakotiohkowá꞉nen onkwehshón꞉ʼa!

Genesis 35:11

Ne Rawenni꞉io wahawènhahse, “I꞉i ne Ní꞉io wakeʼshatstenhserowá꞉nen: sathwatsirón꞉ni tánon sewentiohkowáhnha; nonkwehshón꞉ʼa tánon niaʼteiakahontsá꞉kes isé꞉ke non entieiènhtahkwe tsi enionthwatsirón꞉ni, tánon ótiaʼks tsi nienhsathwatsirí꞉ne enhotinontí꞉ioʼne.

Genesis 48:3

Tánon ne Jacob wahawènhahse ne Só꞉se, “Ne Rawenni꞉io Roʼshatstenhserowá꞉nen wahakatotáhshiáʼse ne Luz nón꞉we ne tsi tionhontsá꞉ien ne Canaan tánon wahatiaʼtaté꞉rihsteʼ,

Psalms 68:4

Tetsisewarihwá꞉kwas ne Rawenni꞉io, tesehwaríhwak ne kanonwerahtónhtshera ne raosénhnakon; tsi sewahasehrónhnien tsi nikáien ne tsi iohtsikerarónhnion nón꞉we nihathonhwisehréhtha né raosénhna né꞉ne Roiá꞉ner sewatsenhnonníhat ne raohénton.

Psalms 83:18

Tánon sehtokáhten tsi kwáh séh shonháhak khók í꞉ken, né sasénhna né꞉ne Roiá꞉ner í꞉ken, né꞉ne kwáh ohontsakwékon tisaʼshaststenhserowánen.

Exodus 15:3

Ne Roiá꞉ner raterí꞉ios; né꞉ne Roiá꞉ner raosénhna.

Exodus 23:21

Tsi sewakwénienst tánon tsi sewawénhnarat. Tó꞉sa tsi sewathonkwetatsá꞉ton, asè꞉ken Í꞉i iehihiató꞉rion, tánon kwáh iáh tashaʼkothakátsthathe né iáh tehiontewenhnaráhkwa.

Exodus 3:14

Ne Rawenni꞉io wahénron, “Í꞉i ne kwáh oriwi:io íken. Óʼnenk tsi enseró꞉ri: ‘Tsi nikáien nétho ronhwáiats Í꞉i tahakató꞉ri tsionhàke.’

Isaiah 42:8

Í꞉i ne Watiá꞉ner, né naksénhna í꞉ken; natiatanerakwáhtshera kwáh iáh nónka nakóren tethekheʼiáwis, khès naʼkerenhsarónhtshera né satahionkwáhwenhke ne kaiatonhnisónhas.

Isaiah 44:6

Né kí aoríhwa rá꞉ton ne Roiá꞉ner, né Ronnontí꞉io NʼIsraerʼronónke, tánon né shoiatákwen, né꞉ne Sakoiáner ne ratironhiakeró꞉nons: I꞉i ne tiotierénhton ó꞉ni nonàken í꞉ken; Né tiaták꞉ta kwáh iáh tekaniʼioseráien nó꞉ia Rawenni꞉io akénhake.

Jeremiah 16:21

“Éhthoh káti,” ráton ne Roiá꞉ner, “Énskak ienwáteratsʼthe enkhehiónnien nonhkweshón꞉a naʼiakoteriéntahrahne nakeshastsʼténsera ó꞉ni tsi niʼwakeshastsʼtenserowáhnen; enhonaʼteriéntahrahne tsi Í꞉i ne Watiá꞉ner.”

Jeremiah 33:2

Ne Roiá꞉ner, tsi rahónʼa rahonhontsíshon, rahónʼa rahontsiasehrónni tánon wahakwahtháko tsi waháien, wahatʼthárahse. Ne rahónʼa raosénna ne ne Roiá꞉ner wahénron,

Ezekiel 20:5

Sehró꞉ri tsi nahoténson katónhnions. Nónenh shakhehiataráhko ne Israerʼró꞉nons, Wakhehiarahrátsʼten. Wakhehiatothá꞉shen ne Egypt nónhwe tánon wahkheró꞉ri: Í꞉i ne Watiá꞉ner sewahNí꞉io.

Ezekiel 37:13

Nónen enskenonhthónko ne otsathónkwas tsi nónhwe nakonhkwetaʼshón꞉has nihatihiathatárion tánon ensetkhehiathatáko, ethòne kíʼ enhonahteriéntarahne tsi Í꞉i ne Watiá꞉ner.

Ezekiel 37:6

Kwáh entkónion nohtsinhonhiátons óni oserennátas, tánon kanéhonk entkonrórokste. Kwáh enkonionhniserátha, tánon tentkonháwe naonsasónnheke. Ethóhne ensateriéntarane tsi Í꞉i ne Watiá꞉ner í꞉ken.”

John 8:58

Nok ne Iesos tontasakaȣenhase: Oriȣiio oriȣiio tsi kȣaroris ohenton sarennakerate nʼAbraham sikenakere.

Revelation 1:4

Í꞉i Sawátis iakheiá꞉tonhse ne tsá꞉ta nikaʼnónhsakes ne ononsatokénhtis né꞉tho nón꞉we Asia: Ataniténron saién꞉tak shonhà꞉ke ó꞉ni skén꞉non tsi nénhtewe raonhake tsi niká꞉ien ne ronhneón꞉we tánon raónha kénhne tánon kwáh raónha téntʼre, tánon ne tsá꞉ta niwatonhnhetserá꞉ke raohén꞉ton rón꞉nete ne raonitskwáhrane,

Ruth 1:20

“Tóhsa Naomi takwaná꞉tonk,” waʼì꞉ron; “Marah, takwaná꞉tonk, ne kén꞉ton iotskà꞉ra ne tsi Rohsatstenhserowá꞉nen Rawenni꞉io wahakónnien tsi tewakatonhnhakárien tsi kónhnhe.