Exodus 5:3 - Ohiatonhseratokénti

³ Ne Mahís tánon ne Aaron watʼniriwaʼsehráko, “Ne SakoʼNí꞉io ne Hebrews wahathatéʼnesthe nonhkenonhàke. Waʼsonkeniríhon ne ásenh nónhta nikaríwes tahiaʼtsiatʼtháhaʼkwe ne kahentaʼkekó꞉wah nónhwe né꞉ne katshé꞉nen ahiaʼtsiateskónten né ahʼsahkenitátʼtse ne Roiá꞉ner onkenhiNí꞉io. Tó꞉ka iáh ètho tahionkeniʼiéren, kannʼrahtharinhétshera tó꞉ka ó꞉ni aterihiosehráhke tsi ashonʼkeniʼnonhwahrhiá꞉khonke.”

Exodus 5:3 ပူးပေါင်းရင်းမြစ်များ

2 Kings 17:25

Ne sonhtontsérenhte ne thóh nón꞉we sahontenátaien, iáh tehonwasénhnaienskwe ne Roiá꞉ner, káti sók kénreks iasakoténiete, né kíʼ ótsiakes wahonwatinonwariakon.

2 Chronicles 30:8

Tó꞉sa sewatenontsistatʼsat tsi né niʼiohtónhne ne roʼnónha, ók tsisewahwénhnarak ne Roiá꞉ner. Tá꞉sehwe Nononsatokentkokowane ne Jerusalem nón꞉we, tsi nikáien ne Roiá꞉ner Sewahní꞉io né꞉ne tsi nénhwe iotokénti rahonniáton, tánon tsi sewahsénhnaien né ká꞉ti ne tó꞉sa shé꞉kon ahonshatsisewanákwahse.

Ezra 7:23

Ó꞉nenk tsi kwáh enshathenhnikónhraren naserihwaié꞉rihte orihwakwé꞉kon ne Rawenni꞉io ne Karonhiá꞉ke tsi nenharihwanón꞉ton tsi nokwáh ne Ranononhsatokentihkó꞉wa, tánon káti orihwí꞉io shón꞉ni ne tóhsa nonhwén꞉ton ahakenákhwahse tánon ó꞉ni tsi nihá꞉ti ne enshontenonhtí꞉iosthe ne tetsonhkenatʼthákwen.

Exodus 3:18

“Nakonkwetashón꞉ʼas kwáh enhontahónsahtaʼte tsi nahó꞉ten ensehró꞉ri. Ethòne ó꞉nenk tsi ensewahteró꞉sen ne ohénton iehonnhéton ne lsraeró꞉nonke tánon Ronnonhtí꞉ioʼke nienhénsewe né Egypt nónhwe tánon entsró꞉ri, ‘Ne Roiá꞉ner, ne SakoNí꞉io ne Hebrews, wahatoʼtáshion nontsionhàke. Ó꞉nen kí takwahríhon ne áhsen nónhta nihioháhes tahiaʼkwahtháhaʼkwe kahentakekówah niehiotʼthaʼhínon né꞉ne katʼtshé꞉nen ahsakwateskóntʼthase ne Roiá꞉ner onhkwa Ní꞉io.’

Exodus 7:16

Ethòne tshiénʼhaʼse ne Ronhnonhtí꞉io, ‘Ne Roiá꞉ner, ne SakoNí꞉io ne Hebrews, tahaʼkatóri nakonhró꞉ri nasehiátʼkaf ne rahonkwetashón꞉ʼa, né káti nahónton ne kahentaʼkekó꞉wa niahónʼne tánon niaʼhonwasénh꞉naien. Ók kíʼ tsi nióre nónhwa iáh tesahtahonʼshá꞉tats.

Exodus 8:1

Ethʼone ne Roiá꞉ner wahawʼenhaʼse ne Mahís, “Wáhs Ronhnonhtí꞉ioʼke niahàse tánon sró꞉ri né Roiá꞉ner ráton, ‘Sehiátʼkaf nakonhkwetashón꞉ʼa, ne káti nahónton nahionkʼsénhnaien.

Exodus 8:20

Ne Roiá꞉ner wahawénhase ne Mahís, “Iostoʼréha nʼoronhkèʼne ne enhiórenhne waáhs tánon iateʼtsataátken ne Ronhnonhtí꞉io tsi nenhénre ne kaniaʼtarahke, tánon sró꞉ri éhtho Roiá꞉ner tsi ráton, ‘Sehiát꞉kaf nʼakonkweʼtashón꞉ʼa, ne káti nahónton nahionkʼsénhnaien.

Exodus 8:27

Ónenk tsi asenhnónta nihioháhes tsi tenhiaʼkwatháʼhaʼkwe tsi kahentaʼkekó꞉wa nʼienhiákwe né nahshakwáʼtatʼtse ne Roiá꞉ner ónhkwaʼNí꞉io nienʼhiakwaʼtiaʼtatʼtsaʼáhthe ne katʼtshénen, kwáh kíʼ tsi nishonʼkwahnáhon.”

Ezekiel 6:11

Ne Ronhnontí꞉io Roiá꞉ner wahénron, “Teshasárok! Shaterahthaienthánion! Teshaséntʼtho kanikonhratsenhtsherákon akwékon ne꞉ne kariwahétken ahoríwah, ioteriwahtéhas tsi nihonahtiéren ne Israerʼró꞉nons. Ateriʼioseráhke tó꞉ka ó꞉ni athonkarhíkon, tó꞉ka ó꞉ni kannrahtarinhétshera nónhwe nenhonníheie.

Leviticus 26:25

Aterihrihiósera enthékhaʼwe ne sonháke ne nakonhréwaʼte tsi watéshiaʼke naʼterihwaseronhniátshera, tánon tó꞉ka tsi kanatowanénhke nienhénse nashatekwáhsen, kwáh kíʼ ienkaténieʼte né꞉ne iáh tetieiewénhtas kannratharihnétsheras ne tionháke, tánon kíʼ entietsihianónhtonse nahisewaniaʼtarakétsko rahotihénton ne tesewatátʼtions.

Deuteronomy 28:21

Tsienhionhnonterátseson ne kannratariné꞉tsheras tsi enʼthaténieten tsi nió꞉re ne kwáh iáh ónhka tsiatahonsehsewathaténhronke ne tsi ionhontsá꞉ien ne ó꞉nen thóhwa iahisewatié꞉nawatste.