Exodus 5:2 - Ohiatonhseratokénti

² “Ónhka nènhʼne ne Roiá꞉ner?” ne Ronhnonhtí꞉io wahariʼwahnónhton. “Ónhʼnonhtié꞉ren tsi né nahiʼhiatahónshataʼte tánon nakatʼthóntate akhehiáʼtkawe ne lsraeró꞉nons? Iáh tehiʼientéri ne Roiá꞉ner; tánon iáh kíʼ takhehiátʼkaʼwe nʼIsraerʼró꞉nons.”

Exodus 5:2 ပူးပေါင်းရင်းမြစ်များ

2 Kings 18:35

Kát꞉ke onhtèken kí꞉ken kontiniʼiohokónhas tsi níkons kanakeraseraiéntons nonwénton ahiotinonstátonhke ne raotinakeráseras tsi nòkwah ne onkwahkó꞉ra? Ká꞉ti nahó꞉ten tionhniénhnis naisewanonhtónhnionwe ne Roiá꞉ner nahakwéni nahanóns꞉thate ne Jerusalem?”

2 Chronicles 32:14

Kát꞉ke onhtèken ne ratiní꞉ios né ratinakerasehrakwékon nonwénhton rotinóns꞉thatons ne rahotinakerásehras tsi nòkwah nontionháke? Onhkáti nahó꞉ten tsi né sewanonhtonhniónkwas nètho raní꞉io tsi enhakwéni naʼtsisewanónsthaʼte?

2 Chronicles 32:15

Ók tó꞉sa kíʼ tsisewaríhon ne Hezekiah naʼtsisewanikonhráhten khés naʼtsisewahénhtenhse né thóh nahiotónhake. Tó꞉sa thatsisewéhtat! Iáh ónhka nonwénhton ne sakoní꞉io nonhkweʼshón꞉as tehokwénion nasakonóns꞉thaʼte ne rahonkweʼtashón꞉as tsi nòkwah ne Assyriaró꞉non rakóra. Ká꞉ti orihwiʼiohónhwe kí꞉ken saní꞉io tsi iáh tahakwéni nahianóns꞉thaʼte!”

2 Chronicles 32:19

Né wahonwatháraʼkwe ne Raní꞉io Jerusalem nón꞉we kwáh ki tsi ní꞉ioht tsi ronhwatharáhkwen tsi nòkwah ne sakoní꞉ios né tihononhkweʼtaʼténions, kahiatonhnisónhas né nónhkwe akosnónhsa iosahánions.

Nehemiah 9:10

Tánon ní꞉se thisatkáwenhs tsi nisehnéstons tánon ne iorihwanerakwahténions tsiatkontáhon ne Pharaoh tánon sehiatkontáhon ratikwé꞉kon ne raonhatsherashón꞉as tánon seiatkontáhon ratikwé꞉kon nonkwehó꞉kons ne rahonhontsà꞉ke, tiorì꞉wa ní꞉se saterienʼtá꞉rakwe né꞉tho tsi nahatí꞉iere kanaieshé꞉ra wahakhokʼkónhten. Káti ní꞉se ne wahshón꞉niate ne sashén꞉na né꞉tho akatáhke ne kén꞉en wenhniserá꞉te.

Job Tánon ne Raoronhiakensera 15:25

Tiorì꞉wa tsi iehonwatsikwahtátis ne Rawenni꞉io, tánon ronwanenhrotánis ne roshatstenhserowanenhkó꞉wa,

Job Tánon ne Raoronhiakensera 15:26

ratitát꞉khe teonahtsaktónhtie tsi iatonwaráthate né꞉ne kwáh káthens tehioniatastáhkwa ratí꞉hawe;

Job Tánon ne Raoronhiakensera 21:15

Nahó꞉ten ne ne Roshatstenhserowá꞉nen né꞉ne atsitewaʼhiothénhse? Tánon nahó꞉ten akarihontáko tó꞉ka iahitewaterén꞉naien rahonhà꞉ke?’

Psalms 10:4

Né ronkwetahétken tsi nihotatkowaná꞉thon tsi nihanontónhnions né Rawenni꞉io iáh othènon thahakerihwatsiénriase iáh othènon tehatsterístha.

Psalms 12:4

Ronton, “Né nonkwenhnáson ionkwatsteniáron; í꞉ih onkwáwenh né tsitewashakáronte—ónka ahionkhiʼiatakwení꞉ioke?”

Psalms 12:5

“Tioríhwa tsi nikarihwahétken tsi nihonwatiʼiérase ne tehonthonhnakárias, tioríhwa, tsi niotironhiáken né tehonthonhnakárias, kwáh ónenk thóh nénhtiere,” ráton né Roiá꞉ner; “kwáh entkákʼkakwe né kaienawaséhtshera tsi nithonskáneks.”

Psalms 14:1

Né tiakotónhnokte rontatró꞉ris, “Iáh teʼkáien ne Rawenni꞉io.” Kwáh ratikwékon tsi ronhnonkwetahétkens, karihwák꞉sens tsi nihotiʼieránions; iáh né saiáta nahioianeréhake né thènen ahohióten ne tkarihwaiéri.

Exodus 3:19

Wakaʼterién꞉tare ne Ronhnonhtí꞉io ne Egypt tsi iáh thaʼtsisewátʼkawe tsik toʼkàken enhonhiónʼnien né naháiere.

Exodus 7:17

Nónhwa, Sanonhtí꞉io, ne Roiá꞉ner ráton tsi ensehriwahtsénhri ónhka nènhʼne ne rahónha tsi nenháiere. Satkátho, èhʼneken ne kaniataráhke enkenonhwàhrehʼke kí꞉ken kánia, tánon ne tsi kaniátare onekwénhsa iatenwatʼténi.

Proverbs 30:9

Tókaʼ só꞉tsi wé꞉so aontáhskon nón꞉wa, enkí꞉ron iáh thaʼteskoniatonhwentsó꞉ni. Nok tókaʼ wakí꞉ten, tókaʼ nón꞉wa enkenénhsko tánon enhiiatéhaʼte Akení꞉io.

Jeremiah 42:13

“Ók níse tiónhkwe ne iaʼtesehwahthaténron ne Judah nónhwe ahówenhk ne tó꞉sa ne iáh thaʼtsisehwahʼwenhnahrhákwahʼne ne Roiá꞉ner ne iaNí꞉io tánon ne iáh tahisehwahtʼthónthaʼte ne kénʼen kíʼ ionhwénhtsaien ahisehwenhterónhthake. Iáh tehiówenhk nahisehwénhron iáh, ‘Iáh, kwáh ienhiákwe tánon Egypt nónhwe ientiakwahnáhkerahte, tsi nónhwe ne iáh thaʼtahonshaʼhiakwahtatkonsahkánerahke nateriʼiósehra iáh ó꞉ni tahonsahionkwahthónteʼne nahonthahionkhí꞉nonhke ne tsi wahterí꞉io tó꞉ka ó꞉ni nahiakwahthonkárhiaʼke.’ Tó꞉ka ne kí꞉ken enshí꞉ronh, ethóhʼne kíʼ ne Roiá꞉ner Roshastsʼtenserowáhnenh, ne sahkoʼNí꞉io ne Israel, ráhton, ‘Tó꞉ka ieshaʼnikonhrahkonhtáhkwen ne hiáse tánon Egypt nónhwe iahonshaʼsennhákerahte,

Jeremiah 48:26

“Snekáʼtast, tsioríwa tsi wahatatʼkowánasʼthe tsi nòkwah ne Roiá꞉ner; ne káti ne Moab kwáh thóh enhatesehréhson tsi nónhwe nihotstíkonh, tánon rahónʼa ó꞉ni nonhkweshón꞉a tenhonwahiéron.

Daniel 3:15

Ó꞉nen káti, tsi niiohstó꞉re ensewathón꞉teʼne nenwatewennó꞉ten ne iehonrawátstha, ne oná꞉kare, oʼnówa, ne oʼnowaʼkó꞉wa, ne karensotarahrónnion tánon oiáʼshon niiohtánions ne ionterennotahkwaʼshón꞉ʼa, tesewatshá꞉ket tánon sewahsénnaien ne kaiaʼtón꞉ni. Tánon tókaʼ iáh eʼtho thaeʼsewá꞉iere, kwáh kiʼ óksaʼk ienietshiiaʼtón꞉ti tsi tiotékha. Í꞉sewehre ónhte ken tókaʼ seʼnón꞉wa oknahaniiohseró꞉ten nahakwé꞉ni nahʼtshisewaʼniá꞉kenhte?”

John 16:3

Neh ȣaonni eh nenhietsiierase ne tsi iah teionkhiienterhaon ne Rakeniha, iah oni nii.

Romans 1:28

Nonkwesónha tsi ratiriwásons nahonʼnonthónnionwe ne kwáh thokénʼen ahonwanikonraiéntaʼne ne Rawenni꞉io. Tóh nòkwa iesakotʼkáwen tsi nòkwa neh rathinikonrahétkens, neh tsi éhʼtho nihathiʼiéra tsi nahoténsons neh iáh tatehiotonwentióhon neh nahathiʼiéreh.

2 Thessalonians 1:8

enhiotonʼiotátse, ne nasakoréwahte tsi niháti ne ronwahkenronní꞉on ne Rawenni꞉io ó꞉ni tsi niháti ne iáh tehonatewennarákwen ne kariwí꞉ios tsi nòkwa ne Sonkwahiáner Ié꞉sos.

Judges 2:10

Nó꞉nenh nètho kawatsirathátse shahonhníheie, ó꞉ia kawátsire sahonhnákerate iáh né othènen tehonwaientéri ne Roiá꞉ner ó꞉ni tsi nishakotiéraʼse Israerʼró꞉nons.

1 Samuel 2:12

Nón꞉wa ne raoʼnekenteronhtsheraʼsónhas ne Eli tenonkwetahétʼkens; iáh othènen tehoniónhni ne Roiá꞉ner

1 Samuel 25:10

Ók ne Nabal watesakoriwaserákwahse ne Táwit raonkweʼtashón꞉ʼahs, “Ónhka nènhne ne Táwit? Ónhka ne ne roién꞉ha ne Jesse? Kwáh í꞉ken tsi ronatiokowánen ne ratinhá꞉tsheras nón꞉wa wenhniseraténion ró꞉nonha ne sakonatsá꞉tonhtakwenhnis ne rowatiiá꞉takwení꞉ios.