Exodus 40:2 - Ohiatonhseratokénti

² “Nentewaʼtenhniseratiérenʼthe ne tsiotierén꞉ton wenhní꞉tare saʼtoserakétsko tsi nónhwe nihénteron ne Roiá꞉ner.

Exodus 40:2 ပူးပေါင်းရင်းမြစ်များ

1 Chronicles 17:5

Éʼtsiothá꞉saʼwe kheniaʼkénhton nonkweshón꞉as Nisraeʼró꞉nons né Egypt naʼtethonénon tsi niió꞉re nón꞉wa iáh kíʼ nonwénhton ononsatokentiʼkó꞉waʼne tewakathatí꞉teron; tsiotʼkonhónwe athohserákon nón꞉we niʼkiteronhtáties tánon tewakanathakwenháties.

2 Chronicles 29:3

Né sonhtontenhnitatsérenhte né shiʼhioserátekwe nó꞉nen ne Hezekiah sihononhtí꞉io, sahanonhtonhkweháton ne tsi iotenhenrakarónhtons Nononsatokentiʼkówaʼne tánon washakó꞉nhane nahonsahatikwahtakwahniónhko.

Exodus 13:4

Èhren tsiʼsehwetàʼne ne Egypt nónwa kén wenhnisehràte né꞉ne tioʼtennhiʼtatsherénton, né wenhnítaʼre tsi nikanoráhris nʼonátsia.

Exodus 19:1

NIsraerʼró꞉nons èhren sahonhnéthe ne Rephidim nónhwe, tánon sonthontenhniseratiéʼrente ne asenháton siwenhnitaʼkéhaton né nónen sathethotihiakénʼen ne Egypt iahónhneʼwe ne kahentaʼkekowàhne ne Sinai. Thóh nónhwe nahonthatoʼsehróten tsi iononhthaientáhon ne tsi ionónhte ne Sinai,

Exodus 26:1

“Natohsehrákon ne iotosehratokénti, né ne watohsehróthe tsi nónhwe níkes, ne wathaʼharanihióntʼtha né tsiónhniat nʼoiéri nikaʼniatharáke né꞉ne kwáh waniatarí꞉ios tekaiestónhak nʼorónhia, ariwakonhnéha, tánon onekwénhtara ononhwéron. Né tesehwaserihʼiétaront ietsiʼhiátarahst ne tehaʼtinerahóntsionʼte tehnónhne.

Exodus 26:30

Sewatohsehrakétsko tsoʼianénhaf tsi natekenhnaʼríhton ne kwáh nathónhni ne tsi tsiononhtáhere.

Exodus 26:7

“Tsiónhni nahonteró꞉rokste natóhsehra né꞉ne énskaʼiawénhre nikaniataráhke né꞉ne kaiatákeras ononwéron ahionhniáton.

Exodus 27:21

Aaron tánon ne sakohʼiohokónhas enhatiʼkwahtáko ne kahá꞉sehra natohsehrákon ne tsi nónhwe níkes nátsthe nokwáhti tsi ioharénton né nohénton tsi kanorhóʼkwahien naʼteriwasehronhniáʼtshera. Thóh nakʼkhénton enhiotétʼkhake okáras entewathasákwen né꞉ne tsi nióre ienhiórenhne. Kí꞉ken kariwahtátʼtshera thóh nenhiotónhake né꞉ne tsi nénweh enhonteweiénton ne Israerʼró꞉nons tánon tsi wahatiʼwatsiratátie.

Exodus 30:36

Sewaʼwáhek osthónha ohthésehra tsiónhni, atohsehrákon iasehwáhiont tsi nónhwe níkes, tánon ohénton tsi kanorókwahien nateriwaʼsehronhniátshera tesehwaʼtehsehró꞉kwat. Sewakwé꞉nienst kí꞉ken kanetanóron tsi kwáh íken tsi iotokénti.

Exodus 35:11

nahthóhsera, ne wateroʼrókstha tánon nàtsthe nó꞉kwah waterorótkstha, nahoniokwahsónhas tánon ne iosthonterítsheras, ne tekharenhwáhnions, nahonawathasónhas, tánon tsitʼkenskwáhere;

Exodus 36:18

Wísk-niwáhsen níkons onhiókwas wahonhnonhniánion né꞉ne tehiotwístharons karístatsis ne tatsiáterike ne tehioiánakes, né꞉ne énskak waterorókstha iahónhton.

Exodus 40:1

Ne Roiá꞉ner wahawénhase ne Mahís,

Exodus 40:6

Ohénton nató꞉hsera ítsien ne ietsienharákwa né꞉ne konhwanaʼteskonhtákwa ne katʼtshénens.

Ezekiel 40:1

Né꞉ne oieríhaton niwenhnisehrakéhaton ne sihiosehráhse, né꞉ne tewásen-wísk sihiosehrakéhaton ne sihionkinakerahkwáhton tánon né꞉ne kaiéri-iawénhre sihiosehrakéhaton ne Jerusalem sitkonhwaiéhnen. Né shiwenhniseráhte wakátʼtoʼke ne roshaststenserowáhnen Roiá꞉ner tsi eh íreskwe, tánon éhren wahatiatenháwithe.

Ezekiel 45:18

Ne Ronnonhtí꞉io Roiá꞉ner wahénron, “Nentewahtenhniserahtsérenthe ne tsiotserénton wenhníthare enshiateskónhten ne tionónhskwaron rátsinn né꞉ne kwáh iáh othènenh tehohiáthawenhs tánon shasenóhare Nononhsatokentiʼkówa.

Numbers 1:1

Ne tiotenhniseraʼtsherénhton ne tekeníhaton wenhnítare né tekeníhaton ioseráte nó꞉nen nonhkweshón꞉ʼas NIsraerʼronónke èhren shonhsahónnete ne Egypt, ne Roiá꞉ner wahothárase ne Mahís thóh rahothohserákon tsi nónhwe nihenténhron ne Roiá꞉ner né꞉ne iahonwentsaʼthènke ne Sinai nónhwe. Wahénron,

Numbers 7:1

Né wenhniserátehkwe ne Mahís sahá꞉sa wahaʼtosehraʼkétsko tsi nónhwe nihénteron ne Roiá꞉ner, wahaʼrihwanírate tánon wahaʼhiatatéristhe natóhsehra ó꞉ni akwékon tsi niwatsʼthasónhas, ó꞉ni ne ietsienharákwah ó꞉ni akwékon tsi niwatsʼtasónhas.

Numbers 9:1

Ne Roiá꞉ner wahotháraʼse ne Mahís né iahonwenhtsaʼthènke ne Sinai nónhwe né꞉ne tsiotenhniʼtatierénhton né tehiosehrakéhaton nó꞉nen nonhkweshón꞉ʼas NÍsraerʼró꞉nonke shaʼtethonaténhtion ne Egypt. Wahénron,

Numbers 9:15

Né tewenhnisehráteʼkwe natóhsehra ne tsi nónhwe nihénteron ne Roiá꞉ner sontkétsko, otsíkera ónhwe tánon né wakaróhroksʼte. Né shiʼhiokaráhon né tsi iotsíʼkerare thóh niʼiohtónhne tsi ní꞉ioht nó꞉tsire.