Exodus 32:2 - Ohiatonhseratokénti

² Aaron wasakawénhase, “Sewaríhsi nowistanó꞉rons ne watstánions atewáshares ne kontihontaʼkéhsons tsi nikáien ne sewaniákʼkonhs, ietʼtshiienhokónhas ionasthánions, tánon Í꞉i tástsion.”

Exodus 32:2 ပူးပေါင်းရင်းမြစ်များ

Genesis 24:22

Nó꞉nen ne iotiniaʼkwáhere wakontihnekakhwèn꞉tane, né rón꞉kwe wahatáko kaiá꞉rakon ne kwáh tkanó꞉ron ohwistanó꞉ron ne ieʼnionhsà꞉ke teionteʼwahsharáhkwa ahsén꞉non ne skaiènhta niiókste ó꞉ni tékeni né kwáh kowá꞉nens ohwistanó꞉rons atenentsháhnhaʼs oié꞉riʼ ne nikaiènhtake niiókststeʼs,

Genesis 24:47

Eʼthó꞉ne waʼkheriʼwanón꞉tonhse, ‘Ónhka ní꞉se iesaièn꞉ʼa?’ Tánon waʼtierihwaʼserá꞉ko, ‘Ne rakeʼníha ne ne Bethuel ne ne Nahor roièn꞉ʼa í꞉ken tánon ne ne Milcah rawennakerátston.’ Eʼthó꞉ne ó꞉nen waʼtekheʼwahshá꞉ren ne ieʼnionhsà꞉ke tánon waʼtekhenentsháhnhake natenentsháhnha.

Exodus 20:23

Tó꞉sa sewaʼthatiaʼthonniseriónhnien ne kawistaràhke tó꞉ka ó꞉ni nowistanóron nahisewasénhnaien ne thikáʼte tsi nòkwah Ní꞉i.

Exodus 32:3

Káti onhkweʼtakwé꞉kon waherishión꞉ko nowistanó꞉rons ionastánions tánon Aaron tahónhion.

Exodus 35:22

Ratikwékon né ronhskánekʼskwe, né꞉ne ronhnónhkwe ó꞉ni ne konhnónhkwe, tahatiháseron ne tekaieronhnionháton tewathotároks, ateʼwáhshares, anihsnónhsawis, ionhnitsiákstha, tánon niatekónhson ne owistanoronhsónhas tánon Roiá꞉ner wahonwahiathaʼkweníiosthe.

Proverbs 25:12

Nónhka aiesahronká꞉ten ne orihwí꞉io tsi iakoterién꞉tare tánon nónhka iakotateweienentá꞉ʼon aiontahónhsatate, ne sénha shaʼtékena tsi ní꞉ioht ne ohwistanó꞉ron anisnónhsawi tánon ne kwáh tiohskatsténion ohwistanoronʼshón꞉ʼa.

Isaiah 3:19

tánon né satekarákwien konhnitsiástha, tekontenentsawitanátstha, tánon ne tekontniasaniátstha;

Isaiah 30:22

Eʼthòne kwáh ensitákʼsate ne kawistaráken ioterorókston ne sahiatonhnisónhas tánon ne sáwenk owistanó꞉rons iotstánions. Kwáh kí thensaréniaʼte tsi ní꞉ioht ne tehiótsions oniatarahasónhas, kwáh kí ensehiénhase, “Éʼren í꞉sewet!”

Ezekiel 16:17

Iaháshawe ne owistanóronhs ó꞉ni ne kawistaráhkens ne tkhonhiáwi, ne wahshástste ne ashatatsiathonnisehrónhnien ne rónhkwe tahonshahiatiérenhke, tánon né wahshastswáhtakwe nahitsatenahkwahiesathá꞉kwe.

Hosea 2:8

Iáh kí tehioterienʼtá꞉rakwe né꞉tho tsi í꞉i tká꞉wine nonátsa, ne onenhará꞉keri, tánon ne kénhie, tánon í꞉i watseritʼtse ne kawistará꞉kens tánon nowistanoronhshón꞉as tsi ne ronstákwen tsi ronhwasenhnaiénskwe ne Baal.