Exodus 3:7 - Ohiatonhseratokénti

⁷ Ethòne ne Rawenni꞉io wahénron, “Wakatʼká꞉thon tsi nihonwanaʼteniaʼkatsʼténhni nakonhkweʼtaʼshónʼa tsi nihonwatiʼhierahse ne Egypt nónhwe; Wakaʼthontéhʼon tsi natehonahséntʼthòhʼon nahonsahonwatiʼniákenthe tsi nòkwah ne ronhwatironhiaʼkéntha. Kwáh oriwahkwékon wakateriéntare tsi nihotironhiáken,

Exodus 3:7 ပူးပေါင်းရင်းမြစ်များ

Genesis 16:11

Tánon ne Roiá꞉ner raoronhiaʼkehró꞉non sahrènhahse, satahónhsatat, ó꞉nen sawiraientá꞉sere, tánon ensanekenhteronʼtsheraièn꞉taʼne; ó꞉nenk tsi Ishmael enhtsenà꞉tonhkwe; aseʼkénh ne Roiá꞉ner wahothón꞉teʼne tsi niió꞉re tsi saronhiá꞉ken.

Genesis 18:21

Kwáh kíʼ ienkátsnenhte nakatkenʼsé꞉ra tó꞉ka kenh tsi niwakerihwahrón꞉ken tsi nikonwatirihwáhrhohs tó꞉ka kenh tó꞉kenhske í꞉ken khéhs ne iáh.”

Genesis 21:17

Tánon kí ne Rawenni꞉io wahowennà꞉ronke ne raksá꞉ʼa; tánon kíʼ ne raoronhiaʼkehró꞉non ne Rawenni꞉io iahaná꞉ton ne Hagar karonhiá꞉ke nontá꞉we, tánon wahrènhahse, “Nahó꞉ten tesatateʼnikónhrhare, Hagar? Tóhsa sáhteronʼn; asèkenh Rawenni꞉io wahowenná꞉ronhke ne raksá꞉ʼa tsi nón꞉we ní꞉res.

Genesis 29:32

Leah iowiraientá꞉sere tánon roskenʼrakéhte ne wahonákeratste, tánon Reuben wahoná꞉tonhkwe, “Aseʼkénh,” wakén꞉ron, “Tiorí꞉wa ne Roiá꞉ner rotkáhton nakeʼnikonhranonhwáktshera; orihwiioʼón꞉we tsi ó꞉nen ne teiakení꞉teron enhakenó꞉ronhkwe.”

Genesis 31:12

Tánon wahén꞉ron, ‘Satahrakétsko tánon shé꞉ken ratikwé꞉kon ne kaiaʼtákeras ratí꞉tsiʼn nétho enhshakotiné꞉rontste ne otiʼnhéhtienʼs ne iotihaténionʼs, iotirahkwarónnionʼs, tánon iotitsistohkwarónnionʼs; aseʼkénh orihwakwé꞉kon wakatkahthon ne Laban tsi nihiaieraʼsehátie.

Genesis 31:42

Tóka sí꞉ken ne Raoní꞉io ne rakeʼníha, ne Raoní꞉io ne Abraham ó꞉ni ne Rawenni꞉io nétho Isaac rotshá꞉niskwe, ne iáh í꞉i thaontahakerí꞉wawaʼse, orihwíioʼón꞉we nón꞉wa tsi akwahtsaʼnóskon tsi aonsahskwateʼkwáhton. Rawenni꞉io wahatkáhtho tsi naʼtewakaʼnikónhrahre ó꞉ni tsi niiohní꞉ron tsi niwatioʼtén꞉en, tánon ne shioʼkaráhsha wahiarihwènhthahse.”

2 Samuel 22:28

Asèken sesehniakénton ne kenhnihatisenhnása, ók eʼtàke sehsehiónhni tsi nihiákon ne iontatón꞉ni.

2 Kings 13:4

Ethòne ne Jehoahaz iahaterénhnaien rahonháke ne Roiá꞉ner, tánon ne Roiá꞉ner, rokʼkhatonhátie tsi nihaniakátste ne ronnontí꞉io Syriaró꞉non tsi nisakoronhiakénton Nisraeʼró꞉nons, wathorihwaserákwahse ne raʼoterénhnaient.

2 Kings 20:5

thóh iesréh tsi thénteron ne Hezekiah, ne shakokhóra ne Roiá꞉ner rahonkweʼtashón꞉as, tánon nahawénhaʼse, “Í꞉i ne Watiá꞉ner, ne Rí꞉ní꞉io ne iashotʼkénʼen Táwit, onhkatʼthónteʼne ne saterénhnaient tánon wahkatʼkátho ne saká꞉sehris. Kwáh kíʼ enskóntienhte, tánon nasénhaton nienhwenhniseraʼkéhaton kwáh Ononsatokentiʼkówaʼne nienhénse.

Nehemiah 9:9

“Ní꞉se sátkaton ne raotironhiakénhseras ne Egypt nón꞉we ne iakinihokonhkén꞉ens tánon sathontéhon tsi natehonahséntʼto ákta ne Red Sea.

Psalms 106:44

Nek kík sáka waʼsakóthenhre tsi nihotironhiáken nó꞉nen sahothón꞉tene tsi tehonséntʼthos.

Psalms 12:6

Ne raowenhnashónhas ne Roiá꞉ner né꞉ne kwáh orihwiʼiohónwe í꞉ken, tsi ní꞉ioht ne kawistaráken aóskon iónhni né karistákon, watkénhse tsáta niʼiorihwáken.

Psalms 142:3

Nó꞉nen kwáh wakanikonrotʼtáhon, í꞉se sateriéntare tsi nahonsá꞉tiere. Né tsi hiohatátse tsi nón꞉we nikatahí꞉tahas ronateristakérons nakerihwáke.

Psalms 145:19

Raná꞉nons tsi nihionskáneks tsi nihiákon ne ronhwakweniénstha; kwáh ó꞉ni rothónhtes tsi natehionsénhtʼthos, tánon sehsakonónstats.

Psalms 22:24

Asèken iáh tesakoiatanikonhrénhhen ne iakó꞉ten khés nahatarónhti ne rahotironhiakénhsera; iáh tehotkonhsahséhton tsi nòkwah ní꞉i, ók wahothón꞉tene shakʼkhasénhtho ne rahonháke.

Psalms 34:4

Rahonháke ne Roiá꞉ner iakaterénhnaien, tánon waʼthakerihwasehrákwahse, akwé꞉kon éhʼren sahaháwite nakteronhkwáhtshera.

Psalms 34:6

Kíʼ iáh othènen teharihwástha waʼthaséntʼto, tánon ne Roiá꞉ner waʼhothóntene, tánon sahonónsthate akwé꞉kon éhʼren waʼhaháwite tsi natehonikónhrare.

Psalms 35:22

Í꞉se satkáton, Ó Saiá꞉ner, tó꞉sa sakʼthasathatónhni! Ó Saiá꞉ner, tó꞉sa ahí꞉non nió꞉re taséhsek tsi nón꞉we níkes!

Psalms 9:14

Ne ká꞉ti nahónton nakatró꞉ri akwékon ne sanonweratónhsera, tánon, thóh tsi tiotenhenrakáronhte nakoiénha Zion, kwáh enkatonhnáren tsioríhwa tsi í꞉se sestiatákwen.

Exodus 1:11

Káti ne Egyptró꞉nons né꞉ne ratiʼniakátstes waʼhonwaʼtiriʼhónten ne tashakoʼtishatsʼtenserhiàʼke Né꞉ne iohiotensehrahníron tsi ashaʼkotiʼiótensthe. Ne lsraeró꞉nonhs wahatiʼnahtonhniánion né꞉ne Pithom ó꞉ni ne Rameses né꞉ne tsi nónhwe nenhateweienthónsehke tsi nahoténsons tahothonwenhtsóniʼke ne Ronhnonhtí꞉io.

Exodus 1:8

Ethòne, Ononhtiiosehràse, kwáh iáh othé꞉nen tehoientérihkwe ne Só꞉se.

Exodus 22:23

Tó꞉ka thóh nénhshiere, Í꞉i, ne Watiá꞉ner, tekheriwaserákwahse nónen akonhàke iatenhonsénhtho nakheiénawase,

Exodus 33:13

Ónen kíʼ tó꞉ka íse íken, takró꞉ri tsi nisanikonhró꞉ten, ne káti nahónton nakonhiótense tánon iakatasónhteren nahontakonhnikonhraié꞉rihte. Tánon káti ó꞉ni sehiárak íse sehiaʼtaraáhkwen kí꞉ken onhkweshón꞉ʼa níse shonkwéta akénhake.”

Exodus 5:10

Né toʼtiniarohtàron ne kahioténsehras ó꞉ni ne lsraeró꞉nons ne ohénton iehonhnéton ne kahioténsehras iahatiʼhiákenhne tánon wahsakotiró꞉ri ne lsraeró꞉nons, “Ne Ronhnonhtí꞉io wahénron iáh ó꞉nen thatahónsa tsi sewáhion ne kawàhe.

Exodus 5:6

Kwáh né sahenhnísehra ne Ronhnonhtí꞉io waʼsakòʼnhane ne Egyptró꞉nons né꞉ne sahkotiʼronhiakenʼtha ne ratiʼnhátsheras tánon ó꞉ni ne lsraeró꞉nons nohénton iehonnéton ne kahioténsehras:

Isaiah 63:9

oriwakwékon ne raoʼtironhiakénsehras. Iáh rariwakaré꞉nies tèken khés ne raronhiakeró꞉non akénhake ók né tsi kwáh thóh í꞉reskwe né sahotiʼnónsthaʼte; raonoronhkwahʼtsherákon tánon raoʼthenratsherákon tsi shaʼsakoniákente; tesakohiatákwen tánon sakoʼhiathenháwiswe kwáh tsi niaʼtewenhniserá꞉keʼkwe né wahónhnise thènhne.

Numbers 20:16

tánon iatsionhkwahénrete rahonháke ne Roiá꞉ner nasonhkwahiénawase. Wasonhkwatʼthóntene tánon raronhiakeró꞉nonh tahoténiete, rahón꞉ʼa wasonhkwahéntense tsi thonhtahiakwahiákenhne ne Egypt. Ónenh kíʼ nónhwa Kadesh nónhwe nitsákwes, ne tsi kanatowaʼnénhke ákta ne tsi sateristatátie.

Acts 7:34

Wakatʼkátho tsi nihatiʼiésas nakonkwetaʼsónhas ne Egypt. Wakátʼthonte tsi nihononséhna, nók kiʼ Takátsʼnente nahonsakheniákente. Ónen kí꞉ken nontáse; Egypt nónwe iekonhiatóri.’

Hebrews 4:15

Nonkwahtsihenstowáhnen iáh raónha tèken ne iáh taonikonraientáhseke tsi niʼionkwahtsiʼióha. Onk khèkenk, Rahtsihenstowáhnen ionhkwahtsihénstaien kwáh tsík nitiotieráhton tsi tehʼonwahnikonraʼráskwe kwáh né sháka tsi kíʼ ninihionkwahiátawes, nók iáh teorihwáhneren.

1 Samuel 9:16

“Nenʼióhrhenʼne tó꞉kaʼ kiʼ tonenkaʼhá꞉wiʼke kwáh entiʼiatéʼnié꞉te shonháke rón꞉kwe thóh nèntʼre tsi tionhontsá꞉ien ne Benjamin, tánon kwáh í꞉se entiaʼtaráko naʼsakokʼkóraste nakonkwetaʼshón꞉ʼa Israerʼró꞉nons. Kwáh Rahón꞉ʼa ensakonónsthaʼte tsi nòkwah ne raoʼtishastsʼténsera ne Philistines; asèken kwáh í꞉i wakatká꞉thon ne raoʼtironiakénhsera nakonkwetaʼshón꞉ʼahs, tsioríwa tsi naʼteotihenrétha ontiaʼtórenhne.”