Exodus 3:2 - Ohiatonhseratokénti

² Thóh nónhwe ne rahronhiaʼkeróhnon wahoʼthotháshien tsi ní꞉ioht ne iotònkoʼte thóh nonhtaiawenonhátie ahsènhnon nónhwe ne tsi ioʼkwí꞉rote. Ne Mahís wahatʼkáto né ioʼkwí꞉rote tsi iotèkha ók iáh kíʼ tehioʼkwirahté꞉kha.

Exodus 3:2 ပူးပေါင်းရင်းမြစ်များ

Genesis 21:17

Tánon kí ne Rawenni꞉io wahowennà꞉ronke ne raksá꞉ʼa; tánon kíʼ ne raoronhiaʼkehró꞉non ne Rawenni꞉io iahaná꞉ton ne Hagar karonhiá꞉ke nontá꞉we, tánon wahrènhahse, “Nahó꞉ten tesatateʼnikónhrhare, Hagar? Tóhsa sáhteronʼn; asèkenh Rawenni꞉io wahowenná꞉ronhke ne raksá꞉ʼa tsi nón꞉we ní꞉res.

Genesis 22:11

Thontaiawénhstsi ne Roiá꞉ner raoronhiaʼkeró꞉non karonhià꞉ke nontá꞉we tahonà꞉ton, “Abraham, Abraham!” Waʼtharihwaʼserá꞉ko ne Abraham, “Kén꞉ʼen í꞉keʼs.”

Genesis 48:16

Ne raronhiaʼkehró꞉non ráonha ne shatiaʼtákwen tsi nonkwá nakwé꞉kon tsi naiohtónhake ne karihwahetkénhtshera, sheiaʼtaté꞉rihst kí꞉ken ratiksaʼokón꞉ʼa; tánon ronnonhá꞉ke nón꞉we nakhsèn꞉na iaiotkontáhkwen, ó꞉ni ne raotihsennaʼshón꞉ʼa ne khehsothokonʼkénhen Abraham tánon Isaac; tánon sheríhon nahontehiá꞉ron ne nahonatiohkowáhnha tsi ionhwentsá꞉te.”

Psalms 66:12

Í꞉se waʼsehríhon ne ionkhíswenhs ne tahionkhihiatorahrákkon; tehionkwahtohétston ne tsi iotétkha tánon nawénhke; eʼthóhʼsáne thóh nón꞉we nontaskwahiathénhawe tsi nón꞉we niwaʼtenatowáʼnenh.

Exodus 19:18

Ohnonhthakwékon ne Sinai tehioienkwaráien, tsioríwa ne Roiá꞉ner tsi thóh nónhwe nathatásenhthe òtsire nikwekonhátie. Noʼiénkwahra thóh ní꞉ioht tsi onhtharátate tsi ní꞉ioht ne karístakon iohienkwarahkéthothe, tánon onhkwetakwékon tehiotenonhianíton tsi ní꞉ioht tsi wahakohiatísonʼkwe.

Exodus 23:20

“Kwáh enthihiaténienthe rahronhiakeró꞉non naiahéntense nahontaʼhiáʼne tsi natensatʼtháhakwe tánon tsi ienʼiaʼiaténhawe tsi nónhwe tsi niwatenátaien ne wakeweienentáon.

Exodus 3:16

Wáhs sehiaʼtaró꞉rok ne ohénton iehonʼnèton ne lsraeró꞉nonke tánon sehró꞉ri tsi Í꞉i, ne Watiá꞉ner, ne RaotiʼNí꞉io ne sakotiʼsotthonkonhkènʼen, ne RaotiʼNí꞉io ne Abraham, lsaac, tánon ne Jacob, wahiaʼthoʼtáshien. Sehró꞉ri tsi táh꞉ke tánon wakatʼkáton tsi niʼhonwatiʼiérahse ne Egyptró꞉nons.

Isaiah 43:2

Nó꞉nen thenshiá꞉iake ne kwáh tionó꞉tes, kwáh kí entenikweʼkónhake; tánon ne kaniaʼtarakésons, kwáh kí iáh tahiʼsanónwaien; nó꞉nen ienhénse notsiràke tashatóhetste kwáh kí iáh tashatsatáʼtsha, tánon nothón꞉kwa kwáh kí iáh tahiʼsátonhte.

Isaiah 63:9

oriwakwékon ne raoʼtironhiakénsehras. Iáh rariwakaré꞉nies tèken khés ne raronhiakeró꞉non akénhake ók né tsi kwáh thóh í꞉reskwe né sahotiʼnónsthaʼte; raonoronhkwahʼtsherákon tánon raoʼthenratsherákon tsi shaʼsakoniákente; tesakohiatákwen tánon sakoʼhiathenháwiswe kwáh tsi niaʼtewenhniserá꞉keʼkwe né wahónhnise thènhne.

Daniel 3:27

Ratikwé꞉kon ne ronnontí꞉io shakoienʼokón꞉ʼa, ratikó꞉ra, ne ieshonwatiiá꞉tanonhne, ó꞉ni otiaʼkéshon ne ronnontí꞉io raonkwéʼtaʼshón꞉ʼa wahotiataró꞉roke ne ahonwatí꞉ken kí áhsen nihá꞉ti ronnón꞉kwe, né ne kwáh iáh oʼthé꞉nen tehonatkarewáhton tsi iotékha. Ne raotinónhkwis kwáh iáh oʼthé꞉nen tehiotsihenstharíkon, ne raonatsherónnia iáh thaʼteiótson, tánon ó꞉ni kwáh iáh thé꞉nen tehatiienʼkwarákerahs.

Zechariah 13:7

Ne Roiá꞉ner Roshatstenhserowá꞉nen rá꞉ton, “Ih꞉tie, asharehkó꞉wa, tánon iatsiatiaʼthón꞉ti thí꞉ken ranónhnhe ne rahtioténhseh! Tienonhwarhià꞉konh, tánon ne teiotinakarontón꞉a tenkonhrén꞉ni. Kwáh ienkhehiatiaʼthón꞉ti nakonhkweʼtahshón꞉ʼa

Malachi 3:1

Satkáhtho, ienhiiaténniehte ne rakerihwakarenièn꞉nis nahakkhahahserónnien nakhén꞉ton, tánon ne Roiá꞉ner ne tsi sewahrhá꞉re thentiawènhstsi ènrawe ne raononhsatokenhtiʼkowáhne. Ne ne rarihwakarénieʼs naterihwahseronniáhtshera raonhá꞉ke nón꞉we niiontionʼwesáhtha—orihwiioʼón꞉we, tsi tá꞉re, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs.

St. Mark 12:26

Nok kenh kaien ne iakoȣentaon, enseȣanikonraientane tsi tokenske entsiontonnhete; iah kenh nonȣenton teseȣaȣennanote ne Moïs raoiatonserakon, nahoten raȣen nokȣirokon satnitaren ne Niio, sahenron: II ne Abraham Isaak, Jacob, Ronȣa-Niio?

Luke 20:37

Nok kenh kaien tsi tokenske tsiontonnhests niakaȣenheon, Moïs rattrori okȣirokon satnitaren, ȣahenron: II raoti-Niio ne Abraham, Isaak nok Jacob.

John 1:14

Nok Onkȣe rotatonni nʼOȣenna, onȣentsiake ȣarennakerate, nok ionkȣatkatton ne rahoiatanerakȣatsera, eh nihoiatanerakȣatseroten tsini hoiatanerakȣatseroten nʼenskat ok Niio Roienha, titkahere atanitenrasera oni ateriȣakȣarisionsera.

Romans 8:3

Tsi nahóten ne kaianerénsera iáh tehiotónʼon tsi naioiéren, neh iorihónʼni sóhtsi iotsihióhakwe tsi niʼiakonnhóten nónkwe, tsi naháiere ne Rawenni꞉io, waharéwate ne kariwáneren neh꞉ne tsi niwátstha tsi nihiakonnhótens ne ónhkwe tsi tahothéniete nénskat khók roiénha, neh꞉ne ahariwáthonʼne ne kariwáneren.

Deuteronomy 33:16

Aiá꞉wens ne rahononhontsá꞉kes ne ahontakarà꞉ke ne ioiánere, Rohiatateríston ne tsi nithoriwaié꞉ri ne Roiá꞉ner, Raónha rothatí꞉hon ne tsi iokwiratékʼkhakwe. Aiá꞉wens ne kí꞉ken kaiataterí꞉tsheras iahónhwe tsi ratiʼtá꞉raien ne Só꞉se, Tiorì꞉wa tsi raónha shakohentenséhakwe ne ronhtatekenhokón꞉as.

Deuteronomy 4:20

Ók í꞉se kíʼ ne tsónhkwe ne tsi tsiʼsewaniakénton ne Egypt nónhwe, né꞉tho tehiotonʼkwanònhiani ioté꞉kha. Thatsisewahiaʼtínekenhwe natsiʼtsiónhnien ne raónha rahonkweʼtashón꞉a ahisewá꞉ton, tsi ki nónhwa ní꞉ioht nónhwa wenhniserá꞉te.

2 Thessalonians 1:7

tánon ént꞉hion naisatʼrákwase tsi nítion ne sewahronhiáken ó꞉ni nonkwahtiakhéson. Thó꞉ne kíʼ thóh nenháiere nónen ne Roiá꞉ner Ié꞉sos éntʼtho kéh꞉thote tsi karonhiáte skát꞉ke ne rotisatsʼtenserowáhnen raoroniakerononʼókons,

Judges 13:13

Ne Roiá꞉ner rahoronhiakeró꞉non watarihwasehráko, “Né tesehníteron ónenk tsi oriwí꞉io enhiakónhni tsi thóh nenhiéiere tsi nakheró꞉ri.