Exodus 3:1 - Ohiatonhseratokénti

¹ Ènska wenhniseráhteʼkwe tsi nikaríwes ne Mahís sakoʼnikonhrahrá꞉tiesʼkwe ne raweʼnónhsa Jethro raotsenenhó꞉kons teiotinakaronhtón꞉ʼa ó꞉ni ne kahiaʼtàkeras, né꞉ne rohkháreskwe ne Midian nónhwe, iasaʼkosáhriʼne ne konhtiʼtshé꞉nens waʼthaʼtihentíhiaʼke ne kahentaʼkekó꞉wa tánon iahonnéwe tsi tionònhte ne Sinai, né iononhtatoʼkénti.

Exodus 3:1 ပူးပေါင်းရင်းမြစ်များ

1 Kings 19:19

Né Elijah é꞉ren sàreʼthe né nónhwe, tánon iahohiatatʼtsénhri ne Elisha renhtharakharátʼthos tsohiána tehiotinákares tsionóns꞉kwahron iothihiathénhton; énska-iawénhre nihioiánakhes ohénton wahothitarakaratʼthonhátse, tánon rahón꞉ha ne oná꞉ken nihotharakharatʼthonhátse. Né Elijah wahatsathawithási ne wakóses rotsathawíton tánon Elisha sahohiatháwithe.

1 Kings 19:8

Né Elijah wahatkétsko, watatskáhon tánon wahanekíra, tánon ne ká꞉khwa iatekaiéri tsi nahoshastsʼténhseron ne tahatʼtháhakwe né kaiéri niwásenh nónhta nikaríhwes nihiohá꞉hes ne Sinai nieʼiawénon, ne ononthathokentíke.

Psalms 106:19

Owistanó꞉ron nahó꞉ten tionhnónskwahron owíra tonhtakonhwateniénstenste tsi waʼhontsatonhnisehrónhni ne Horeb nón꞉we tánon né wakonhwasénhnaien nètho kahiatón꞉hni.

Exodus 17:6

Sahénton ténkʼthane nostenhràhke ne tsi ionónhthe ne Sinai. Ostenhràhke sehnonhwárek, tánon ostenràhke enhʼkanekóten nonhkweshón꞉ʼa ahatineʼkírahte.” Ne Mahís thóh kíʼ naháiere rahotiʼhéntons ne sakotiʼhentènse nʼIsraerʼró꞉nons.

Exodus 18:12

Ethóne Jethro, né꞉ne Mahís rawenónsa, tahátʼkaʼwe ne katshénen nahonwátatʼtse ne Rawenni꞉io tsi enkonwaʼtiatáʼtsaʼahte ó꞉ni nohiásons ní꞉iohtánion ne kariwiʼiosehoʼkónhas nahonwatáʼtse ne Rawenni꞉io; tánon ne Aaron ratikwékon ne sakotiʼhentènse ne lsraerʼró꞉nonhke wahonʼteróhsen né tahonskáhon ne kakhwaʼtokénti skátʼke ne Mahís rahoʼhénton ne Rawenni꞉io ètho ní꞉ioht tsi wahonterénnaien.

Exodus 19:11

tánon sewathateʼweienhnentaʼhónhak nó꞉ia ientsiórenhne. Né wenhniseráhthe tsi ionónhthe ne Sinai tenkaʼtàsenhthe, tsi nónhwe ratiʼkwékon nonhkweshón꞉ás enhiónkʼken.

Exodus 19:3

tánon ne Mahís ohnotoʼharàhke niaháre ne tahiatátken ne Rawenni꞉io. Ne Roiá꞉ner ohnoʼtoharàke nónhwe tahoʼnáton tánon wahó꞉rori nasakoró꞉ri lsraerʼró꞉nons, né꞉ne tsi nitoʼtwatsirí꞉non ne Jacob:

Exodus 2:18

Shionʼsakónhnewe ne ronwaʼninéha, wasakoriwaʼnónhtonse, “Onhʼniʼiohtiéren tsi nihiostóre tonhtésehwe nónhwa wenhnisehráʼte”

Exodus 2:21

Káti ne Mahís iathoʼriwaiénthase né nónhwe nahonsahanáhkereke, tánon káti ne Jethro iasakótʼkaʼwe ne sakoiénha Zipporah nahotìniake ne Mahís,

Exodus 24:13

Ne Mahís ó꞉ni ne roʼsniénons Joshua wahiaʼthatewehienhnenhthàne, tánon Mahís tahatásawenh niahanontárahne.

Exodus 3:12

Ne Rawenni꞉io wahthaʼriwahseràko, “Í꞉i enthenikweʼkónhake, tánon nónenh tenhtesehiaʼtínekenʼwe nonhkweshón꞉ʼa ne Egypt nónhwe, kwáh kènʼen tsi ionónhte ensekʼsénhnaien. Né enkariwahnírahte tsi iekonhiaʼteniéthonʼne.”

Exodus 3:5

Ne Rawenni꞉io wahénron, “Tó꞉sa sénha ákta nenhté꞉seh. Teʼsarahtáhsi, tsiorí꞉wa tsi ioʼhontsaʼtoʼkénti tsi nónhwe nisehràhte.

Exodus 33:6

Káti nónen èren sonhsahónhnete tsi ionónhte ne Sinai, nʼIsraerʼró꞉nons iáh ónen teshoʼnástons nowistanoronhsónhas.

Exodus 4:18

Ethòne ne Mahís Jethro sahonahtaʼrenséhra, né꞉ne rawehnónhsa, tánon wahawénhase, “Ahsatʼthontáʼtsheke tahkeríhon thóh iéske tsiʼthatíteron ne iakwahtátenons né Egypt nónhwe nakatʼkenʼsèra tó꞉ka kén shé꞉kon ronhnònnhe.” Ne Jethro wahariwahnónhweʼne tánon tonsahonónhwehron ó꞉nen kiʼ wáhi.

Exodus 4:27

Kènk nikaríwes ne Roiá꞉ner wahoró꞉ri ne Aaron, “Wáhs kahentaʼkeʼkó꞉wa niahàse tsi tahiʼtsatátken ne Mahís.” Káti thoʼniaháre ne iathahiatátken ne tsi tiononhtaʼtokénti; tánon nó꞉nen sahthiaʼtátʼken, wathoʼnoronhkwáhnion.

Amos 1:1

Ne raowennaʼó꞉kons ne Amos, ne ne teiotinakarontón꞉ʼa shakotiʼnikón꞉rare ratikwekonhátieʼskwe ne ne Tekoa nón꞉we. Ne tsi nahatkáhtho ne Israel aorihwá꞉ke ne ne tsi nihotenhniseraténionʼskwe ne Ronnontí꞉iohkwe Uzziah ne Judah nón꞉we neh nón꞉ne ó꞉ni tsi nihotenhniseraténionʼskwe ne Ronnontí꞉iohkwe Jeroboam ne roʼnihkénhen ne ne Jehoash ráonha ne Ronnontí꞉iohkwe Nʼisraelronón꞉ke, ne ne Teiohserá꞉ke ohén꞉ton shaʼtiaonhtsíshonhkwe neh nón꞉we.

Malachi 4:4

Sewehiá꞉rak ne raorihonnienníhtshera nakehnhá꞉tshera Mahís, ne kaianerènhseraʼs ó꞉ni ne karihwatáhtsheraʼs tsi nithiiá꞉wi ne Horeb nón꞉we ne nonkweʼtakwé꞉kon NʼIsraelró꞉nonʼs raotirihwá꞉ke.

Numbers 10:29

Ne Mahís wahawénhase ne ronatsióha Hobab né꞉ne roʼní꞉ha ne Jethro né꞉ne Midinite nahahiatóten, “Ónen thó꞉wa thóh nónhwe niahítewe tsi nónhwe ne Roiá꞉ner tsi shonkwarakwéni ráwen enteshión꞉tion. Roʼrarátston tsi enshaʼkokwahshéts꞉ten NʼIsraerʼró꞉nons, káti ká꞉ts ítewe, tánon kíʼ shaʼtenhionkwawenhkhónhweke ní꞉se tsi nenhionhkwaʼhianerásten.”

Numbers 10:33

Nó꞉nen nonhkweshón꞉ʼas sonhsahonhténhti ne Sinai nónhwe, ne iononhtatoʼkentíke, áhsenh nónhta nióre niahónne. Ne Roiá꞉ner Rahoneró꞉kwah Naʼteriwasehrionhniátshera tiókonhte ne ohentónhson wá꞉he naʼkaʼtshénhri tsi nónhwe nahonhnátaien.

Luke 2:8

Iah ihnon tehken eh nonȣe, katsenen sakohnaststerista astste ronnonȣestskȣe nok asontakȣekon sakotinonnaties ne raotitsenenhokon.

Acts 7:30

“Shonʼthóhetste ne kaiéri-niwásen nohioseráke, ieronhiakerónon wahonwathotáshiaʼse ne Mahís nehne ótsire íken tsi iotétʼkha tsi iokwíroʼte ne kahentakeʼkówa onontákʼtha ne Sinai.

Deuteronomy 1:2

Énska iawénhre niwenhniserá꞉ke nihiohá꞉hes né꞉ne tsi Tionónhte ne Sinai nón꞉we nonhtahónhne tsi nió꞉re ne Kadesh Barnea nieiawénon ne tsi iononhtaʼrónhnion ne Edom kanakerahseráien.)

Deuteronomy 1:6

“Né꞉ne tsi tionónhte ne Sinai shititewéskwe, ne Roiá꞉ner onkwahʼNí꞉io washonhkwénhase, ‘Thóh tsi nikarí꞉wes ó꞉nenh kén꞉en tsi ionónhthe shisehwénhteron.

Deuteronomy 4:10

tsi nihioʼtónhne ne tewenhniserá꞉teʼkwe raohénton ne Roiá꞉ner waʼtesewá꞉taʼne ne sewaNí꞉io ne tsi tionónhte ne Sinai nó꞉nen sahá꞉kenhse, ‘Ietsihiaʼtaró꞉rok nonhkweshón꞉a naʼkénton. Tewakatonhontsóni nahonaʼthontè꞉ne tsi nahó꞉ten wá꞉tien nakí꞉ron, ne ká꞉ti ne kwáh ahatiweientéʼtaʼne naionkewenhnaráhkwe kwáh tsi nikarí꞉wes enhonʼnónhneke tánon ká꞉ti kwáh ashakotirihón꞉nien ne sakotihioʼonkónhas ne thóh nónhne nahatí꞉iere.’

Judges 4:11

Tsi nikaríhwes kí꞉ken ne Heber né꞉ne Kenró꞉non nahahiathóten wahathatosehróthen ákta ne Kedesh ne ákta tsi iorónhtoʼte ne karíton né꞉ne Zaanannim nónhwe. Shaʼkotsiathonthakwénhni ne ronátsakes ne Kenró꞉nons, né꞉ne Hobab tsi nithotwatsiríhnon, né꞉ne Mahís ronatióha.

1 Samuel 16:11

Ne Samuel wahawénhase ne Jesse, “Ratikwékon kén ne sanekenterontsherashón꞉ahs kén꞉en rón꞉nes?” Tánon ne Jesse wahén꞉ron, “Shé꞉kon ne thóh tsiatótʼte nakatenishó꞉kwah, ók ne raón꞉ʼa ne ne sakonikónrare teiotinakarontón꞉ʼa.” Tánon ne Samuel wahawénhase ne Jesse, “Ónkak ionsasheiaʼténiet nahonsahonwenhnónksa; asèken iáh tahiakwatiénton tsi niʼió꞉re kénʼen énraʼwe.”