Exodus 24:3 - Ohiatonhseratokénti

³ Ne Mahís iashaʼkoró꞉ri nonhkweshón꞉ʼa akwékon tsi nahó꞉ten wenhénron ne Roiá꞉ner tánon oriwakwékon ne kaianerenserasónhas, tánon ratikwékon nonhkweshón꞉ʼa tsi wathatiriwasehráko, “Kwáh akwékon thóh nenhiakwáhiere tsi nahó꞉ten ne Roiá꞉ner wahénron.”

Exodus 24:3 ပူးပေါင်းရင်းမြစ်များ

2 Chronicles 15:14

Kwáh rahtiwenhnakaré꞉ni tsi wahatirihwanírahte thóh raosénhnakon ne Roiá꞉ner tsi enhontiénawasʼte naʼterihwasehronhniátshera, tanon ethòne ó꞉nenh wathotihénrete tánon wahatihonráhwate.

2 Chronicles 15:15

Ratikwékon ne Judahró꞉nons ronatʼtsenhnónhni tsioríhwa tsi kí꞉ken wahontianerenhserónhni né꞉ne kwáh ronerhiasakwékon í꞉ken. Kwáh rohnathonhnáhere tsi ronwasénhnaiens ne Roiá꞉ner, tánon shasahkoiénhna tánon ó꞉ni tashakáwenh ne skénnon ne kwáh tsitnahontahiotserátonhke.

Psalms 50:5

“Rawenni꞉io ráton tsíkes nón꞉we nasehwanitsiokwarórok í꞉se nakonkwetashón꞉has ne sewaʼrihwató꞉ken, ronónha rohnón꞉ni nateriwaʼseronniátshera skát꞉ne ne Rawenni꞉io ó꞉ni iehatítats ne kariwiʼioseokónha!

Exodus 19:8

Ethòne ratikwékon nonhkweshón꞉ʼa tehaʼtiwenhnasehrátie tsi waʼthatiriwahseráko, “Kwáh ohriwaʼkwékon thóh nenhiakwáhiere tsi niháwenh ne Roiá꞉ner,” tánon ne Mahís hionsahoʼróhri ne Roiá꞉ner.

Exodus 24:2

Shonʼhaʼáhkok, tánon iáh ónhka ne ronáhtsiakes, né tsiatáktha nahontahónʼne. Nonhkweshón꞉á iáh nònhʼne tehiówenk nahontahatinonhtárahne.”

Exodus 24:7

Ethòne wahatʼtháwa ne kahiatónhsera nateriwasehronhniátshera, tsi nónhwe nikaiatónhnion ne Roiá꞉ner tsi nihotatíhon, tánon tahakwísron tsi wasakowenhnaʼnhóʼthase nonhkweshón꞉ʼa. Wahonníron, “Kwáh enshakwawénhnarahkwe ne Roiá꞉ner tánon thóh nenhiakwáhiere tsi niháwen.”

Jeremiah 11:4

Ne ne ateriwahsehronniátshera ne kheʼhionniénni ne sakothisotʼthonkonkénʼen ne ne sahthontatʼkhehiatínekenʼwe ne Egypt, nonhwénhtsia thóh niʼiotónʼne tsi ní꞉ioht ne kwáh tehiotsenhanonhiáni ne rahotiriwáhke. Kheró꞉ri nahionkewénhnarahkwe tánon éhtho nihatí꞉ier tsi niwahkatenná꞉hon. Kheró꞉ri tó꞉ka enhionkewénhnarahkwe, ronónha ne akonhkwetahshón꞉a enhónton tánon Í꞉i ne Raotí꞉io enkénhake.

Jeremiah 34:13

ne sahkoʼNí꞉io ne Israel, wahatró꞉ri natkheró꞉ri nonhkweshón꞉ʼa: “Ionkwahteriwahsehrónni ne sahsótʼtshera ne sonsahkhehiatháko ne Egypt nónhwe tánon sahonthatewenhní꞉ione tsi rathináskwah kénʼne. Wakheró꞉ri nètho

Haggai 2:5

Ne kí꞉ken nakaterihwaseronhniá꞉tshera nó꞉nen shatontesewaiá꞉kenhne ne tsi tionontsá꞉ien ne Egypt. Tánon nakeshatsténhsera shé꞉kon sewakwé꞉kon. Tánon tó꞉sa sewatéron.

Malachi 2:10

Iáh kenh tewakwé꞉kon shaià꞉ta khok ne tshitewaʼníha í꞉ken? Iáh kenh shaià꞉ta khok ne Rawenni꞉io ne shonkwaiaʼtíson? Oh katí nontié꞉ren tsi iáh teionkwarihwató꞉ken ne tshieiorihwakwé꞉kon tsi nokwá ne tewatateʼkoʼokón꞉ʼahs, ionkwenʼtaksatonhátie ne raonaterihwahseronniáhtshera ne iethihsothokonʼkénhen?

Deuteronomy 11:1

“Tsenó꞉ronk ne Roiá꞉ner saNí꞉io tánon tió꞉konte akwé꞉kon satewénhnarakwak ne raoianerénhseras.

Deuteronomy 4:1

Ethò꞉ne ne Mahís wasakawénhase nonhkweshón꞉ʼa, “Sewatewenhnaráhkwak akwé꞉kon ne kaianerénseras ne kwarihonhnién꞉nis, tánon enhtsónhnheke ó꞉ni ensewatié꞉nawatste nonhóntsa tsi niká꞉ien ne Roiá꞉ner, ne SakoʼNí꞉io ne ietsisothokonhkén꞉en, ne tetsisewá꞉wis.

Deuteronomy 4:45

Ne nó꞉nen satethotihiaʼkén꞉en ne Egypt tánon thóh nón꞉we nihón꞉neskwe nà꞉kon nokwá꞉ti nahonráhkwakon ne Jordan Kaniataratátie, tehiotiná꞉ta ne Bethpeor, ne tashaká꞉wen kí꞉ken kaianerénseras. Thóh ki nón꞉we ne kanakeraserá꞉ien né꞉ne ronhnonhtí꞉io Sihon rahowenhkén꞉en né꞉ne Amorʼró꞉nons nahaiaʼtó꞉ten, raónha rakó꞉raʼkwe ne tsi kaná꞉taien ne Heshbon. Mahís tánon Israerʼró꞉nons ronhwasénhnion sathontahatihiaʼkén꞉en ne Egypt.

Deuteronomy 4:5

“Akwé꞉kon ne kaianerénseras kwarihonhnién꞉ni, ne tsi nihatró꞉ri ne Roiá꞉ner AkeʼNí꞉io thóh nátiere. Sewaioʼténst ne tsi tiohontsá꞉ien ne ó꞉nen kwáh thóhwa iaietsihiatiaʼtónti tánon nahisewatié꞉nawatste.

Deuteronomy 5:1

Mahís ratikwé꞉kon washakohiaʼtaró꞉rohke Israerʼró꞉nons tánon washakawénhase, “SewaʼIsraerʼró꞉nonhs, sewatahónshatat akwé꞉kon ne kaianerénseras nentkwawíhon nón꞉wa wenhniserá꞉te. Sewatéweienst tánon ioriwihióhak tsi sewatewén꞉narak.

Deuteronomy 5:31

Ók ní꞉se, Mahís, kén꞉en shé꞉sek skátke nʼi꞉i, tánon akwé꞉kon entkónion natianerénhseras ó꞉ni nakerihonhnienhnítsheras. Serihón꞉nien nonhkweshón꞉a, ne káti ne kwáh ahontewénhnaraʼkwe ne tsi nón꞉we tiohontsá꞉ien ne tekhehiawì꞉re.’

Deuteronomy 6:1

“Ne kí꞉ken nakwé꞉kon ne kaianerénhseras ne Roiá꞉ner sewaNí꞉io rakró꞉ri nakwarihón꞉nien. Sewatewénhnarak ne tsi tiohontsá꞉ien ne ó꞉nen thó꞉wa thóh niahísewe tánon nahisewatiaʼtakwehní꞉ioste.

Joshua 24:21

Nonhkweshón꞉ʼa wahonwenhase ne Joshua, “Iáh! Kwáh enshá꞉kwahiotense ne Roiá꞉ner.”

Joshua 24:22

Joshua wahshá꞉korohri, “Isek khók thisehwathaterihwanirahtis né nahorihoten tsi wesehwataterahkwahse nahtsisehwahiotense ne Roiá꞉ner.” “Hen,” wahonniron, “iih iakwahtateriwahnirahtse.”

Joshua 24:24

Ethòne nonhkweshón꞉ʼa wahonwenhase ne Joshua, “Enshá꞉kwahiotense ne Roiá꞉ner onhkwa Ní꞉io. Enhiakwathewenhnarahkwe ne rahoriwahtatʼtseras.”