Exodus 17:2 - Ohiatonhseratokénti

² Wahonwariʼwaká꞉tatʼtse ne Mahís tánon wahonníron, “Thakwanékanont nahiakwanekírah,” Wathariwaʼseráko ne Mahís, “Onhʼnonhʼtiéren tsi sewariwakaʼténhʼen? Onhʼnontiéren tsi entsisewateʼniéntha ne Roiá꞉ner?”

Exodus 17:2 ပူးပေါင်းရင်းမြစ်များ

Psalms 106:13

Ók iostóre sahotinikonhrénhseron ne raohiothénhseras; iáh teonaterahrá꞉ton nasakothenhnikónhron.

Psalms 106:14

Ók tsi nahatikwahnónhwaʼke ne iahonwenhtsiatʼthénhke nón꞉we, tánon waʼhonwateniénhthen ne Rawenni꞉io ne iahonwenhtsiatʼthénke nón꞉we;

Psalms 78:18

Kwáh thahónhnere tsi waʼhonwateniénten ne Rawenni꞉io tsi wahatirihwanónton ne kák꞉khwa tsi nihatiʼtkhwanónwatskwe.

Psalms 78:41

Waʼhonwateniénten ne Rawenni꞉io thon tahontashaʼwénhʼses, tánon ronhwanakwí꞉son ne rotokénti í꞉ken Israeronónke.

Psalms 78:56

Nek kík sáka waʼhonwateniénhten ne Kwáh Éhʼneken Tótʼte Rawenni꞉io, tánon waʼhonwateriasaníratʼtse. Iáh tehonatʼthontáton nahotísehron ne raoianerénhseras,

Psalms 95:8

Tó꞉sa sewathenontsistanírat, tsi né nihiawénhen ne Meribah nón꞉we, ne tewenniseráteʼkwe ne iahonwenhtsatʼthénke nón꞉we né Massah nón꞉we.

Psalms 95:9

Nó꞉nen ne ietsisotʼthonkonkénʼen sahonkateniénhten, né nakheriwaʼníratʼtse, ethohʼsáne ronatkáton ne ioriwanerakwahténions tsi niwaʼtiothénʼen.

Exodus 15:24

Nonhkweshón꞉ʼa wahonwariwakáhtatʼtshe ne Mahís tánon wahaʼtiriwanónhton, “Nahó꞉ten káti ónenh entewanekírah?”

Exodus 16:8

Ethòne ne Mahís wahénron, “Kwáh seh Roiá꞉ner enteʼtshítion nowáhron nahísehwake nʼokarasnéha tánon kwáh tsi níkon tesewatonwenhtsóni ne kanátaro noronhkène, tsoríwa tsi wahoʼthóntene tsi nisewariwakátenʼen tsi nókwah ne rahonhàke. Nó꞉nen ensewariwakathate nonhkenonhàke, kwáh seh rahonhàke ne Roiá꞉ner sewariwaká꞉tats”

Exodus 17:7

Né watenáhtaien né konwanahtónkwa Massah ó꞉ni ne Meribah, tioríwa ne lsraerʼró꞉nons tsi wahonwariwakátaʼtse ne Roiá꞉ner ó꞉ni wahonwaʼteniénten nó꞉nen sahonwariwanónhtonhse, “Tewakwékon ken ne Roiá꞉ner káton kén iáh?”

Exodus 5:21

Wahonwenhnénhaʼse ne Mahís ó꞉ni ne Aaron, “Ne Roiá꞉ner rotʼkáton tsi niʼtsiatiéren tánon kwáh entsiseniréhwathe tsi wahtsisehnónhnien ne Ronhnonhtí꞉io ó꞉ni ne rahonkweʼtashón꞉á nohénton iehonʼnéton nahionkhíson. Waheʼtsiʼiatesenhniʼiósten ne tó꞉sa aonteraiá꞉taʼkwe nahionkhinonhwarhiaʼkónhnion.”

Isaiah 7:12

Ók ne Ahaz wahénron, “Iáh takerihwanónton, iáh takatʼthontáte ne Roiá꞉ner aiʼiateniénhten.”

Malachi 3:15

Ó꞉nen nón꞉wa tho iethiʼianontónnionf ne rontatkowanáhtha tsi nihonateraʼswí꞉io; ne karihwahetkénhtshera tsi nihontiéhrha iáh nek khok tsi rotiianerahstén꞉nis, ók nó꞉nen Rawenni꞉io enhonwatenniéhthaʼse iáh oh thé꞉non teiotiiá꞉tawenhs.”

Numbers 14:2

Ronhwatiriwakwenhnískwe ne Mahís tánon ne Aaron, tánon rónhton, “Sénha ne iohianeréhne ne Egypt nónhwe ahonhtahionhkwehéionhke khès né kénʼen karakonkówa!

Numbers 14:22

iáh ne saiáta kíken onhkweshón꞉ʼa thaʼonnónhnheke ne iahonhtáwehiate nètho nónhwe tsionhontsáien. Ronatkáthon natiaʼtanerakwáhtshera tánon ne iorihwanerakwahténions tsi niwakatierá꞉nion ne Egypt tánon ne karakhonkówa, ók shé꞉kon kíʼ tánon shé꞉kon wahonkateniénhten tsi wahatiʼrahiáthakwe nahionhkewénhnarakwe.

Numbers 21:5

tánon wahonwatirihwákwaʼse ne Rawenni꞉io tá꞉non ne Mahís. Wahatirihwakáthate, “Onhnihiotiéren tsi thontaskwahiatínekenhwe ne Egypt tsi ahiakwénheie ne karakonhkówa, tsi nónhwe ne iáh othènen tekhakwawáien iáh ó꞉ni tekanékaien? Iáh ónenh tahonsahiakwahkwéni nahonsahiakwathakátsʼthate kí꞉ken ioterihónkoʼt kákhwa”

Matthew 4:7

Iesos tontahaȣenhase: Kaiaton nah oni: Tsi iah tatatsenikonraseren ne Iaianer, ia Niio.

Luke 15:12

Kkare onen ȣahenron ne kenhniraa: Rakeni, takon onen tsinikon nii akaȣenk. Nok ȣateshakok hasiase tsinikon roien.

Luke 4:12

Tontahenron ne Iesos: Sekon are neneh kaiaton: tsi iah tatsenikonrotako ne Iaianer oni Ianiio.

Acts 15:10

Onhʼkáti, nontiéren tsi ónen ísewehre ahisewátʼkense tóhka kén enhonákwen ne Rawenni꞉io tsi enʼietʼtsihiátsʼten ne iontientaniákstha ne ratikweʼkónʼne, tsi ní꞉i nihionkwahiatawé꞉en ó꞉ni ne ietʼthisotʼthonkonkén꞉en iáh tehionkwakwénion nahionkwá꞉ha?

Acts 5:9

Sók kíʼ ne Tiér warénhase, “Nontiéren níse tánon ne teseníteron hiateseniriwaiéntase nahitiátʼkense ne Roiá꞉ner rahosatsténsera? Ne ronnónkwe ne wahonwahiatátha ne teseníteron tsi kanonkáronte thónʼnete nónwa, ronónha ó꞉ni ieniesahiatínekenwe!”

1 Corinthians 10:9

Iáh tehiówenk nahtsitewahtheniénten ne Kerístos, tsi né nihotiʼiéren ne ronáhtiakes—tánon óniare wahakohnonwahriákon.

Deuteronomy 6:16

“Tó꞉sa thonátser ne Roiá꞉ner saNí꞉io ne tatseʼnikonráhseren, tsi nisewaié꞉ren ne Massah nón꞉we.

Deuteronomy 9:22

“Káti ó꞉ni tsisewanakonhní꞉hon ne Roiá꞉ner sewaNí꞉io ne Taberah, Massah, tánon Kibroth ne Hattaavah shí꞉tisewes.

Hebrews 3:9

Thóh nónwe nahonkíteron ó꞉ni wahonkátʼkense tánon wahonkatheniénten, ráton ne Rawenni꞉io, Ethosáh꞉ne ronatkáton tsi niwahtiéren ne kaiéri-niwáhsen niʼioseráke nikaríwes.

1 Samuel 8:6

Ók kí꞉ken niʼkarihó꞉ten kwáh í꞉ken tsi tahotiérase ne Samuel nó꞉nen sahonní꞉ron, “Takwanontiʼiótseron nashonkwatʼkó꞉rasʼte.” Samuel iahaterénnaien rahonháke ne Roiá꞉ner,