Exodus 16:3 - Ohiatonhseratokénti

³ tánon wahonwanénhase, “Iaʼkwaʼskáneks ne Roiá꞉ner ahontashonʼwanonhwaʼriákonʼke ne Egypt. Ne thóhʼnon kwáh nènhneʼe ahiotónhʼon ahionʼkwahtsiénʼtake tánon ahionʼkwahwaráhkonke tánon ó꞉ni nohiàsons nakakhó꞉tens tsi ahiaʼkwéʼrehke. Ók kènʼen taskwahiatén꞉haʼwe kahentakeʼkowàhne nastsionkáʼrhiakʼte tsi ahiaʼkwénheʼie.”

Exodus 16:3 ပူးပေါင်းရင်းမြစ်များ

2 Samuel 18:33

Ne ronnontí꞉io otsitówa wathaséntʼtho, tánon tsi tsionáktaien niahá꞉re thóh éhʼneken tsi iotenhenrakáronhte, tánon tehaséntʼthos; tánon tsi niahá꞉re, wahén꞉ron, “Ó riʼiénha Absalom, riʼiénha, riʼiénha Absalom! Í꞉i ahonkihé꞉ion tsi ní꞉iot ní꞉se, Ó Absalom, riʼiénha, riʼiénha!”

Job Tánon ne Raoronhiakensera 3:1

Shontóhetste kí꞉ken ne Job sahatá꞉ti tánon wahakenrenhserón꞉ni ne tewenhniserá꞉teʼkwe sarenhnakerá꞉te.

Job Tánon ne Raoronhiakensera 3:10

tiorì꞉wa tsi iáh tehionhó꞉ton ne tsi kanonkáronte nakeʼnisténha tsi iewiraráhkwa, tánon nahonséhte ne kaʼnikonraronhiaʼkénhsera ne khá꞉rakes.

Job Tánon ne Raoronhiakensera 3:20

“Nontié꞉ren tsi tiontathá꞉wi ne kaswathétshera ne iakonrhiáken, tánon nahiakónhneke ne iakawerhiasátʼtsen,

Psalms 107:5

ronhtonkárhiaks tánon rotiniatátʼtens, ó꞉nenh thó꞉wa ahonhníheʼie.

Psalms 78:19

Waʼhonwanikonrák꞉sate ne Rawenni꞉io, rontón꞉nions, “Ahakwéni onhtèken ne Rawenni꞉io nahontahát꞉kawe ne kák꞉khwa ne iahonwenhtsiatʼténhake nón꞉we?

Psalms 78:25

Né thiʼkánionk ónhkwe kwáh ne sahatít꞉kwah tèken tsi tehonskáhons tsi ní꞉ioht ne ratironhiakeró꞉nons; iawetatʼtsáni tasakoteniéten ne káhkhwa.

Exodus 14:11

Wahonwaʼriwahkátaʼtshe ne Mahís, “Iáh kén tekáien ne ionthatsaʼtatahʼahsthe ne Egypt? Kwáh ken kénʼen kahentakeʼkówa ahontaskwahiaténʼa nahiakwénheie? Satʼkátho tsi nasehriʼwakanónhni tsi taskwaʼhiatínekenwe ne Egypt!

Exodus 17:3

Ók kíʼ nonhkweshón꞉ʼa kwáh íken tsi rotiʼniatáthens tánon iahonthaʼsónhteren wahonwariwaʼkátatʼtse ne Mahís. Wahonníron, “Teskwahiaʼtinekénʼen kén ne Egypt? Ne꞉ne kaniaʼtaʼthéntshera tsi ní꞉ioht tsi askwaʼnonhwarhiákon ó꞉ni ne iakhiʼienʼokónhas ó꞉ni nonhkwaʼtsenenhó꞉kons?”

Exodus 2:23

Tó꞉ka nihiosehràhke onahkènke ne Ronhnonhtí꞉io ne Egypt wahrénheie, ók né lsraeró꞉nonhs shé꞉kon nihonnonhsèhnahne tsi nihonwatinaskónhni tánon wahthotihén꞉rete nahonwaʼthiʼhiatakèhna. Tsi tehonséntʼthos Rawenní꞉ioʼke niaháhe,

Exodus 5:21

Wahonwenhnénhaʼse ne Mahís ó꞉ni ne Aaron, “Ne Roiá꞉ner rotʼkáton tsi niʼtsiatiéren tánon kwáh entsiseniréhwathe tsi wahtsisehnónhnien ne Ronhnonhtí꞉io ó꞉ni ne rahonkweʼtashón꞉á nohénton iehonʼnéton nahionkhíson. Waheʼtsiʼiatesenhniʼiósten ne tó꞉sa aonteraiá꞉taʼkwe nahionkhinonhwarhiaʼkónhnion.”

Jeremiah 2:6

Kwáh iáh othèʼnenh kahriwahʼtetionkónhnisʼkwe, ethohʼsáne sehkheniakénhton ne Egypt nónhwe tánon wahkhehiasáhrihne iatsiatsótʼkaʼwe ne kahentahkeʼkówa: né ionwenhtsiáien né꞉ne iahonwentsiát꞉ten tánon onesahrónkwa ioshonʼwénion, iostátʼten ó꞉ni iothonwenhtsiátʼteron thóh nónhwe iáh ónhka tehienáhkeʼre ó꞉ni kwáh iáh ónhka tehiontohétsta né nónhwe.

Jeremiah 44:17

Kwáh oriwahkwékonh éhtho nenhiakwáhieʼre tsi nihionkwahrahrátston. Enhiakwáhtatʼtse ne kariwiʼiosehokónhas ne ionhkwahnonhtí꞉io ne karonhiáke, tánon entsiakwahnekáhwehron notsítsa nahiakwáhtatʼtshe, kwáh tsi ní꞉ioht niʼih nónhwa tánon ne iakhisotʼthonkonhkénʼen, ne ionhkhinonhtiʼió꞉son ó꞉ni ne ionkhihéntenhse, tsi nihatiʼhiérahkwe ne tsi kanahthaʼiéntons ne Judah ó꞉ni ne tsi tekanahtokenhéntons ne Jerusalem. Né sontahkaháwi wéso hionkwahkhwaiénthaʼkwe, hionkwahianeranstaníhaʼkwe, tánon iáh thè꞉nenh thekaiénhthaʼkwe ne tahionkwahnikonhráhren.

Lamentations 4:9

Tsi niháti ne tsi waterí꞉io non nihonenhéion sénha ne tioʼiánere tsi ní꞉ioht ne tsi nikáien nonakènke ronenhéion, ronónha ne ronathonkariákon tánon kwáh skenénha tsi wahonnihéion, kwáh iáh thènen tehothikhwaiéntakwe nahonathonʼnhéston.

Numbers 11:15

Tó꞉ka thóh kíʼ nenstiérase, thaʼkítenr tánon takenonhwariákon, ne káti ne tó꞉sa ské꞉kon ahonsakatakáts꞉taʼte tsi nisehniakáts꞉te.”

Numbers 11:20

ók kíʼ sewenhníta nikaríhwes, tsi nióre ne tsi teshaʼhonthakáronhte tentkahiákenhne, tsi nióre ne kwáh ensonhnákʼshaʼte. Thóh kíʼ nenhiáwenhne tsioríhwa tsi watsʼkénron ne Roiá꞉ner né tsi rahónha kèn í꞉res tsi nónhwe nísehwes tánon rahónha waʼtserihwakátatʼtse né tsi tó꞉sa nonhwènhton tahontesehwaténhtionke ne Egypt.’”

Numbers 14:2

Ronhwatiriwakwenhnískwe ne Mahís tánon ne Aaron, tánon rónhton, “Sénha ne iohianeréhne ne Egypt nónhwe ahonhtahionhkwehéionhke khès né kénʼen karakonkówa!

Numbers 14:3

Onhnonhtiéren ne Roiá꞉ner tsi thóh niashonʼkwahiatenhenhátie ne thóh nónhwe tsionhonhtsáien? Kwáh tsi wateríio enhtsionhkinonhwariákon, tánon ne ionkwaniákhons ó꞉ni ne iethiʼiohʼokónhas enhonwatiʼiéna. Iáh onhtèken tehiohiánere ne Egypt niahonsétewe?”

Numbers 16:13

Iáh kén tshiatekaiéri tsi teʼteskwahiatinekénhʼen ne hiohonhtsiʼióne ne Egypt nónhwe né naskwahnonhwariákon ne karakhonkówa nónhwe? Kwáh kén ó꞉ni ioterihwíson naskwatenonhtí꞉ioste?

Numbers 16:41

Nóia shahiórenhne kanenhrakwékon wahonwarihwakatáʼtshe ne Mahís tánon ne Aaron tánon wahonhníron, “Óhtsiakes wasehnonhwariakhónhnion ne Roiá꞉ner rahonkweʼtashónhas.”

Numbers 21:5

tánon wahonwatirihwákwaʼse ne Rawenni꞉io tá꞉non ne Mahís. Wahatirihwakáthate, “Onhnihiotiéren tsi thontaskwahiatínekenhwe ne Egypt tsi ahiakwénheie ne karakonhkówa, tsi nónhwe ne iáh othènen tekhakwawáien iáh ó꞉ni tekanékaien? Iáh ónenh tahonsahiakwahkwéni nahonsahiakwathakátsʼthate kí꞉ken ioterihónkoʼt kákhwa”

Acts 26:29

“Tóhka kenk nikaríwes tóhka ó꞉ni karíhwes,” Kór waʼtarihwaseráko, “Rihiaterennaʼiénnis ne Rawenni꞉io níse tánon ne ronátiakes neh ionkatahónsate nónwa wenniseráte thóh nahonʼnonkwethótenne tsi ni꞉i ní꞉ioht—nekʼkhók kíʼ ne tóhsa tahathinenstéren noronkwása!”

1 Corinthians 4:8

Ónen kén akwékon sáien tsi natesatonwentióni? Ónenk kén shahkwáhtse? Ronontí꞉io kén wahsháh꞉ton, iawerohátien tsi iáh thóh tethewahiatóten? Ioianeréh꞉ki, Aiawenskén꞉en Aisewahnontí꞉ioke, né káti nahíoʼton skát꞉ke aionkwahnontí꞉ioke.

2 Corinthians 11:1

Kaská꞉neks naió꞉tonʼon ne ahskwateʼnikonhriióste, shé꞉kon ó꞉ni nó꞉nen kwáh ostónha tewakatenonhwarorí꞉tonte. Naisewathontátsheke!

Deuteronomy 28:67

Tenhseweriasisónhkwe tsi nisewatérons tsi nahoʼténhsons sewatkatóhserons. Iatehioronhketserá꞉ke ensehwaskanékseke noʼkarasnéha akénhake; niatehiokaratserá꞉ke ne ensewaskanéksehke noronhkè꞉ne akénhake.

Deuteronomy 8:3

Tsi nió꞉re tsi waʼtsitionhkarià꞉the, tánon ethò꞉ne kákhwa thatsí꞉tson nahí꞉sewake, né꞉ne kákhwa ne ietsisoʼthonkonhkén꞉en iáh nonhwénton tehoné꞉kon ne tiotierénhton. Ne ki aorí꞉wa thóh nahá꞉iere ne naʼtsisewarihón꞉nien né꞉ne tó꞉sa ki kákhwa kók sewaniahesénhak nahitsónhetste, ók né꞉ne kwáh orihwakwé꞉kon tsi nahoʼténhsons ne Roiá꞉ner ratón꞉nions.

Joshua 7:7

Tánon ne Joshua wahèn꞉ron, “Sanonhtí꞉io Saiá꞉ner nonhtié꞉ren tsi kwáh teskwahiaiákton ne Jordan? Né꞉ne iaskwatsakwarí꞉si tsi nòkwah ne Amorʼró꞉nons? Ne nahionkihià꞉tonhte? Onhnonhtié꞉ren tsi iáh í꞉se naʼkaniatharáti ne Jordan teteskwénhteron?