Exodus 13:9 - Ohiatonhseratokénti

⁹ Kíʼ ieskáhes kwáh enhiakawehiarásthen, kwáh tsi ní꞉ioht ne thènnen akawéneʼrenke ne sewaʼnentʼtsàkes tó꞉ka ó꞉ni sewakenkwaràhke; ensewehiaràkwen niaʼhisewakonhtaʼkwénhaʼke nahisewakroʼrísehke ó꞉ni sewatéweiensts ne Roiá꞉ner rahoʼianerénsera, tsioríwa ne Roiá꞉ner né wàratsthe ne rahoʼshatsʼtensheroʼwanátshera tsi thonthatsiʼsewahiatíneʼkenʼwe ne Egypt.

Exodus 13:9 ပူးပေါင်းရင်းမြစ်များ

Nehemiah 1:10

Ronónha ne sanhatsherashónhas í꞉ken tánon shonkweʼtashón꞉as tsi niká꞉ien ne sheshehiathákwen thóh ne shatstenhserowá꞉nenke tánon ne kaʼshátste satiá꞉nake.

Psalms 136:11

tánon thontasakohiatínekenwe nʼIsraerʼró꞉nons né Egypt nónh꞉we, asèken ne iorihwatóken raonoronhkwáhtshera tsi nénhwe enkátake;

Psalms 136:12

né tsi nihanentʼtsashástste tánon iatehonéntʼtsaʼte, asèken ne iorihwatóken raonoronhkwáhtshera tsi nénhwe enkátake;

Psalms 89:13

Kwáh í꞉ken tsi senentʼtsashástste; tsi naʼtehiotenonhiaʼníton ne sashaststénhsera.

Exodus 12:14

Ónenk tsi ensewatenikonhró꞉ri kí꞉ken wenhniseráthe né꞉ne kariwiʼiostóntshera tsi ní꞉ioht tsi ahisewakʼkwáhren nakwehiaráhkwen tsi nahó꞉ten Í꞉i, ne Watiá꞉ner, tsi nakátiere. Iatehioseráhke tsi sewakʼkwahérak.”

Exodus 12:41

Né shiʼwenhnisehráteʼkwe ne 430 niʼiosehràke shiaʼhontókten, rahtiʼtarahkwékon ne Roiá꞉ner rahonkwetashón꞉ʼa é꞉ren wahón꞉nethe ne Egypt.

Exodus 13:14

Né tsi niaʼhawenonhátie, nónen ne ehtsiénha enhariwaʼnónhton nahó꞉ten kèntons kí꞉ken wenhtaʼnóron, tsi tentseriwaʼseráhkwahʼse, ‘Né tsi rósthon ne kashatsʼtenseroʼwánen ne Roiá꞉ner tsi thon thashonʼkwahiaʼtíneʼkenhʼwe ne Egypt, tsi nónhwe niʼtewanáskwahʼkwe.

Exodus 13:16

Kí꞉ken wenhtanóron né entsionkwehiaʼráhkwen, tsi ní꞉ioht ne thènen ahʼkawánerenhke ne tewaʼtsanàhkes tó꞉ka ó꞉ni ne tewaʼkenkwahráhkes; né entionhkwehiaʼráhkwen ne Roiá꞉ner tsi tetheshonʼkwahiaʼtinekènhʼen ne Egypt né rósthon ne kowá꞉nen rahoshatsʼténsera.’”

Exodus 13:3

Ne Mahís wasakawénhaʼse nonhkweshón꞉á, “Sewehiá꞉rak kí꞉ken nonhwaʼwenhniserà꞉te—tsi né wenhniserá꞉teʼkwe sehsewaʼhiákenʼne ne Egypt, tsi nónhwe niʼietʼtshiʼnaskhónhnisʼkwe. Né kíʼ wenhniserá꞉teʼkwe ne Roiá꞉ner wàʼrasthe ne rahoʼshatsʼtenseroʼwanáhtshera tsi thontatsiʼsewahiaʼtínekenhwe. Iáh ne iosherhátʼken kanátaro thaʼtahionskáhonʼkwe.

Exodus 3:20

Ók kíʼ akeshatsʼténsera ènkatsʼte tánon kwáh enkheréwahthe ne Egyptró꞉nons tsi nihonahtié꞉ren ne ioteriwákʼtherons né nónhwe. Ethòne kí entsisewaríhon né thoʼniahísewe.

Proverbs 1:9

Tsi ká꞉ti nahò꞉ten eniesarihónnien ne sénha ioiánere tsi nenhsonkweʼtoʼténhake tsi shí꞉ken ní꞉ioht ne tiokʼnitioiánere teiontenonhwarahnhákstha tókaʼ niʼ ionnihtiákstha sénha watkahthohtsherí꞉io naiesá꞉ken.

Proverbs 3:21

Konién꞉ʼa saienawaʼkónhak ne sattokháhtshera tánon ne sakaʼeniónhtshera. Tóhsa nonwén꞉ton sá꞉ti.

Proverbs 7:23

tsi nón꞉we ne kaièn꞉kwire tenwáweste awerià꞉ne. Thóh ní꞉ioht ne ráonha tsi ní꞉ioht ne tsítenha waʼoié꞉na aʼá꞉rakon—iáh tehattókas tsi iótteron tsi rónhnhe.

Song of Songs 8:6

Eʼtáke takíteron naskehiarasthákwahke ne sehrhiáne, tsi shiatenháwahkwe senenhtsáke: asèken ne kanoronkwáhtsera kashátste tsi ni꞉iot ne kenhéion, iahonweskwenhníhakwe tsi nikatsʼtsániskwe natʼtsatónkwa, Tewatʼtsiraritʼkonhskwe tsi natewatʼtsiraríkʼkonhs notién꞉a, iotonkwatsáni.

Isaiah 27:1

Ne eʼtho entewennhniserateke ne Roiá꞉ner skát꞉ne ne raoniakátstensera tánon ne teotenonhianiton washá꞉rowahne kwáh enhá꞉rewate ne katsinón꞉iowanen ne iotekwenhá꞉tse oniá꞉re, ne ne katsinón꞉iowahnen tewatsiá꞉thatatseons oniá꞉re, tánon kwáh enhanonwa꞉riákon ne ionnonhwarón꞉tietha ne kaniatarakekó꞉wane í꞉wes.

Isaiah 40:10

Satʼkátho, ne Roiá꞉ner Rawenni꞉io tsi tá꞉re nikweʼkonhátie ne kashatsʼténhsera, tánon ne ranenhtsàkes né thoniaró꞉taron; né raoiatateríhtshera nikweʼkonhátie, tánon ne kakarhiátsera raohénton í꞉we.

Isaiah 44:5

Né꞉ne kí kén enhia:íeron, “I꞉i ne Roiá꞉ner rahonkwé꞉ta í꞉ken,” nó꞉ia né꞉ne enhiontatenátonkwe ne Jacob raosénhna, né thiʼhaiátate kwáh né rasnonsàke enhahiáton, “Né꞉ne Roiá꞉ner rahonkwé꞉ta í꞉ken,” tánon né thenhatatʼtsenhnáseren ne Israel raosénhna.

Isaiah 49:16

Satʼkátho, konsénhnare né katshánakon; né shaʼshontahshón꞉ʼahs ieiokonthá꞉kwen tsi akʼkhénton ká꞉ien.

Isaiah 51:9

Í꞉tie, í꞉tie, Saiá꞉ner kashatsʼténhsera tesatewehiáren, Ó tsi nihashátste ne Roiá꞉ner! Í꞉tie, kwáh tsi nitiotón꞉ne ne shiʼtsiotenhniserakáionskwe, tsi nontaienekwenhsatátie ne wahón꞉nise tkènhne! Í꞉se tèken tsi natetsiaʼtiákon ne Rahab, í꞉se tetsiaʼtawehéston ne iononwaronhtsiétha.

Isaiah 59:21

Tánon ní꞉i, né kí꞉ken naʼkaterihwasheʼronhniátshera tsi naʼteiakwáhtere, rá꞉ton ne Roiá꞉ner: nakenikónhra né tionháke káien, tánon nakewenhnaʼshónhas né thóh wakéthen tsi sewasaká꞉ronhtes, kwáh iáh thaʼtahontakaiákenhne né tsi sewahsaká꞉ronhte, iáh ó꞉ni ne tsi ratiʼsakarónhtons ne ietsiʼiohokónhas, iáh ó꞉ni né tsi ratisakaróntons né ietsiʼiatereʼokónhas, rá꞉ton ne Roiá꞉ner, kén ienwatásawen tánon né꞉ne tsi nénhwe enkénhake.

Jeremiah 22:24

Ne Roiá꞉ner wahawénhaʼse ne ronnonhtí꞉io Jehoiachin, ne roiénha ne ronnonhtí꞉io Jehoiakim ne Judah nónhwe, “Kwáh tsi niʼioriwí꞉io tsi Í꞉i ne konnhehónwe Ní꞉io, shé꞉kon ó꞉ni nísek khók nawenésthonke tsi akaierónnike naʼnisnonhsahwiʼtsheráhke ne keweienteʼthákwen nakatianáhti, kwáh kíʼ ienkónhrehke

Daniel 9:15

“O Saiá꞉ner, onkwá꞉wen Ní꞉io, seʼnéhston ne saʼshatsténhsera tsi tahsheiaʼtínekenhwe ne sonkwé꞉ta ne Egypt, tánon ne saʼshatsténhsera shé꞉kon niiakwé꞉iare. Ionkwarihwané꞉ren; teionkwaterientawenrié꞉on.

Joel 2:11

Ne Roiá꞉ner kwáh enhatá꞉ti raotihén꞉ton ne raonkweʼtashón꞉as ronterí꞉ios; ne raonkweʼtashón꞉as ronterí꞉ios iáh tewashé꞉ton tsi nionatiokowanen, nón꞉ka enhatewénhnaraʼkwe ne raorihwatatʼtsera enhashátsteke ki! Asè꞉ken ne rawenhní꞉sera ne Roiá꞉ner tsi enwenhniserowá꞉nen tánon thenhiotenonhianì꞉tonke! Ónhka iaiekwé꞉ni nahiontakátsthate?

Numbers 15:39

Nasehrí꞉ies né nahonsehsewehiaʼrakwenhníheke, tánon kwáh tsi níkonh né ensewatʼkátho né ensewehiarákwen akwékon nakatiawenhrátsheras tánon sewatewénhnarak; ethòne káti iáh thahonsaskwatʼkaraténi tánon né ahisehwásehre ne iatesewahiátis tsi nisewaskáneks ó꞉ni tsi nahontesewanónhweʼheke.

Matthew 23:5

Akȣa oni neok, neok ronesakon ne taonȣatirensaronste nonkȣe okon ne rahotiȣeiennake: Aseken kennoȣanens ronaninaniionton, oni ȣakoses tekafasontakȣen ne rahonatiataȣit.

Romans 10:8

Ne kíʼ kéntons: “Nowén꞉na kwáh í꞉ken tsi tsaʼták꞉ta ká꞉ien, tsá꞉kon í꞉wa tánon seriáhsakon”—thoʼní꞉ioht nahteriwanhothátsera ne tewethákwen iakwateriwanhótha.

Deuteronomy 30:14

Iáh, nowén꞉na kwáh í꞉ken tsi tsaʼták꞉ta ká꞉ien, tsá꞉kon í꞉wa tánon seriáhsakon káti ó꞉nen sewariwanó꞉ronk.

Deuteronomy 5:15

Sewehiárak tsi sewanáskwa kenʼne ne Egypt nónhwe, tánon Í꞉i ne Watiá꞉ner sewaNí꞉io, shakwahniá꞉kente ne wá꞉katste nakeshatstenserowaná꞉tshera ó꞉ni kaʼshatsténshera. Ne ki tiorí꞉wa tsi kwahró꞉ris iahisewehiá꞉rake ne tsatákhaton nónhta.

Deuteronomy 6:21

Ethò꞉ne ietshiró꞉ri, ‘Shonkwanaskón꞉niskwe ne ronhnonhtí꞉io ne Egypt nón꞉we, tánon ne Roiá꞉ner shasonhkwaniákente ne wà꞉ratste ne raosatstenhserowaná꞉tshera.

Deuteronomy 6:6

Akwáh tó꞉sa nonhwénton sasewaʼnikónhren kí꞉ken kariwatà꞉tsheras ne tkwá꞉wis nón꞉wa wenhniserá꞉te.

Deuteronomy 6:8

Onakenshà꞉kes sewahiatón꞉nion tánon sewanentsaʼkéhsons sewawanerénhkons ó꞉ni sewakwenhkarà꞉kes sewahiatón꞉nion ne nahisewehiaraʼkwenhníhake.

Revelation 18:8

né꞉se wahón꞉ni nahohrashón꞉as kwáh enwá꞉we ne nón꞉we sewenhniserák꞉khok enkénhake— kahnrhaó꞉kon tánon nahiontʼtiónhnion tánon natonkarhiá꞉kon— tánon ne raón꞉ha kwáh kíʼ enkonwatsiatatʼtsáhate otsirá꞉ke; asè꞉ken roshatstenhserowá꞉nen seh ne Roiá꞉ner Ní꞉io raón꞉ha rariwenhtáse.”

Judges 2:12

Wahóntkaʼwe tsi ronhwasénhnaiens ne Roiá꞉ner, né Sakoní꞉io ne sakotisotʼthonkonhkénʼen, né꞉ne Rawenni꞉io né tetheshakohiatinekénʼen ne Egypt, tánon tahontháshawenh thikaniʼioserátes wakonhwatisénhnaien, né꞉ne niiohokónhas kakérons rathihiatakʼthóntie. Wakʼkonwatentʼtsiótase tánon né wahonakónhniathe ne Roiá꞉ner.