Exodus 13:4 - Ohiatonhseratokénti

⁴ Èhren tsiʼsehwetàʼne ne Egypt nónwa kén wenhnisehràte né꞉ne tioʼtennhiʼtatsherénton, né wenhnítaʼre tsi nikanoráhris nʼonátsia.

Exodus 13:4 ပူးပေါင်းရင်းမြစ်များ

Genesis 15:16

Kwáh kí kaié꞉ri niaʼtenwatereʼserá꞉seren nohén꞉ton tsi niesathwatsirí꞉non ne kén꞉ʼen naʼtaontahón꞉ne, aseʼkénh iáh thakheiaʼtínekenhwe ne Amorʼró꞉nons tsi niió꞉re ne kwáh tokén꞉ʼen enhonnonkweʼtáksenʼne ne entkarihón꞉ni ónenʼk tsi enhonwatihréwahte.”

Exodus 12:2

“Ne kí꞉ken wenhnítare nentewatiérente nʼosehra ne seniriwáhke.

Exodus 23:15

Tsi niwenhnítes ne Abib, né wenhnitarákwe shaʼthontesewahiáʼkenhne ne Egypt, sewatenikonhró꞉ri ne katkhwáhere ne iáh tewatʼthenkwáhton kanátaro né꞉ne tsi ní꞉ioht tsi kwanháhon. Tó꞉sa othènen sewanáhtarak ne takaiéstonke ne iontʼtenkwáhtha tsi nikaríwes ne kí꞉ken tsáta nónhta kaʼkhwáhere. Tó꞉sa nonhwénhton tásehwe naskwasénhnaien ne iáh othènen tástsion.

Exodus 34:18

“Sewakhwaʼhérak ne iáh tewatʼtenhkwáhton kanátaro. Tsi kíʼ nikonhró꞉ri, né sehnátarak ne iáh tewatʼtenhkwáhton kanátaro né꞉ne tsáta nónhta nikaríwes né Abib wenhnítare, tsioríwa tsi thóh niwenhnítarahkwe ne shaʼthontesewahiákenhne ne Egypt.

Exodus 6:4

Káti ó꞉ni wákʼshon naʼkateriwaʼsehronhniátshera skátʼke ne roʼnónha, khehiaʼrahratsʼténhni tsi entekhé꞉ion nonhóntsa ne Canaan nónwe, né ionhontsáien tsi ehʼnónhwe nihatináhkereʼkwe tsi shí꞉ken ní꞉ioht ne thiʼhononhontsáʼte akénhake.