Exodus 13:3 - Ohiatonhseratokénti

³ Ne Mahís wasakawénhaʼse nonhkweshón꞉á, “Sewehiá꞉rak kí꞉ken nonhwaʼwenhniserà꞉te—tsi né wenhniserá꞉teʼkwe sehsewaʼhiákenʼne ne Egypt, tsi nónhwe niʼietʼtshiʼnaskhónhnisʼkwe. Né kíʼ wenhniserá꞉teʼkwe ne Roiá꞉ner wàʼrasthe ne rahoʼshatsʼtenseroʼwanáhtshera tsi thontatsiʼsewahiaʼtínekenhwe. Iáh ne iosherhátʼken kanátaro thaʼtahionskáhonʼkwe.

Exodus 13:3 ပူးပေါင်းရင်းမြစ်များ

Genesis 15:16

Kwáh kí kaié꞉ri niaʼtenwatereʼserá꞉seren nohén꞉ton tsi niesathwatsirí꞉non ne kén꞉ʼen naʼtaontahón꞉ne, aseʼkénh iáh thakheiaʼtínekenhwe ne Amorʼró꞉nons tsi niió꞉re ne kwáh tokén꞉ʼen enhonnonkweʼtáksenʼne ne entkarihón꞉ni ónenʼk tsi enhonwatihréwahte.”

1 Chronicles 16:12

Sewakwe Jacob nón꞉we nitisewatwatsiríhnon, ne ne Rawenni꞉io raʼonhatshera kenʼne, Israerʼró꞉nonke niʼtisewatwatsiríhnon, rahónʼa ne Rawenni꞉io etʼtsisewaʼiataráhkwen, seweiárak ne iorihwanerahkwahthénions ne Rawenni꞉io tsi nihoieráhnion tánon ne karihwenhthá꞉tsheras tsi nithotkáwen.

Nehemiah 1:10

Ronónha ne sanhatsherashónhas í꞉ken tánon shonkweʼtashón꞉as tsi niká꞉ien ne sheshehiathákwen thóh ne shatstenhserowá꞉nenke tánon ne kaʼshátste satiá꞉nake.

Nehemiah 9:10

Tánon ní꞉se thisatkáwenhs tsi nisehnéstons tánon ne iorihwanerakwahténions tsiatkontáhon ne Pharaoh tánon sehiatkontáhon ratikwé꞉kon ne raonhatsherashón꞉as tánon seiatkontáhon ratikwé꞉kon nonkwehó꞉kons ne rahonhontsà꞉ke, tiorì꞉wa ní꞉se saterienʼtá꞉rakwe né꞉tho tsi nahatí꞉iere kanaieshé꞉ra wahakhokʼkónhten. Káti ní꞉se ne wahshón꞉niate ne sashén꞉na né꞉tho akatáhke ne kén꞉en wenhniserá꞉te.

Psalms 105:5

Sewakwe Abraham nón꞉we niʼtisewatwatsiríhnon ne ne Rawenni꞉io raʼonhatshera kenʼne, Jacob nón꞉we nitisewatwatsiríhnon, rahónʼa ne Rawenni꞉io etʼtsisewaʼiataráhkwen, seweiárak ne iorihwanerahkwahthénions ne Rawenni꞉io tsi nihoieráhnion tánon ne karihwenhthá꞉tsheras tsi nithotkáwen.

Psalms 114:1

Nó꞉nen nʼIsraerʼró꞉nons satonthahatiʼiákenhne ne Egypt, nó꞉nen ne Jacob raowáʼtsire satonhtahonthénhni né nón꞉we thiʼhionhontsáteʼkwe,

Psalms 136:11

tánon thontasakohiatínekenwe nʼIsraerʼró꞉nons né Egypt nónh꞉we, asèken ne iorihwatóken raonoronhkwáhtshera tsi nénhwe enkátake;

Psalms 136:12

né tsi nihanentʼtsashástste tánon iatehonéntʼtsaʼte, asèken ne iorihwatóken raonoronhkwáhtshera tsi nénhwe enkátake;

Psalms 89:14

Karihwaʼkwarihshión꞉tsera tánon kaiáneren nón꞉we nikenskwáheʼre ne sanitskwáhra; né iorihwaʼtóken kanoronkwáhtshera tánon ne karihwaʼtokentítshera sahén꞉ton í꞉ken né iesarihwaʼkareniénhni.

Exodus 12:15

Ne Roiá꞉ner wahénron, “Asèken tsáta nikaríwes tó꞉sa othènnen senátarak ne iontʼtenkwátha tekaiéston tsi kanaʼtarónhni—nék khók senátarak ne iáh thaʼtekaiéston ne ionhtʼtenkwátha. Nʼentewaʼtenhniserahʼtiérenhthe akwékon íseh iasehwáti ne ionhttenkwátha ne sewanonskónhʼsons, asèken tó꞉ka ónhka enhieʼnataràke ne ionhtʼtenkwátha tekaiéston ne tsáta nónhta nikaríwes, né kí enhoʼtenatónkwen iáh Í꞉i tesewakonhkwéta tèsken.

Exodus 12:17

Sewakwéniens kíʼ wenhtanóron, tsioríwa tsi né wenhniseráte tethekhehiatinekénʼen ne sewentiókwas ne Egypt nónwe. Asèken tiokónthe tsi nienskáheʼwe ónenk tsi sahsewenhtanórons kí꞉ken wenhniseráʼte tsi saʼsewakʼkwáren.

Exodus 12:19

Asèken tsáta nónhta nikaríwes kwáh tó꞉sa othènen akakʼtsiénhron ne iontʼtenkwátha ne sewanonskónhʼsons, asèken tó꞉ka ónhkaʼk, né ienakerehónwe tó꞉ka ó꞉ni tihiakahontsáʼte, enhienátarahke ne iontʼtenkwátha tekaiéston, né kí enhatenáhtonkwe iáh Í꞉i tesewahkonhkwé꞉ta.”

Exodus 12:2

“Ne kí꞉ken wenhnítare nentewatiérente nʼosehra ne seniriwáhke.

Exodus 12:41

Né shiʼwenhnisehráteʼkwe ne 430 niʼiosehràke shiaʼhontókten, rahtiʼtarahkwékon ne Roiá꞉ner rahonkwetashón꞉ʼa é꞉ren wahón꞉nethe ne Egypt.

Exodus 12:42

Né iokarahtsheráteʼkwe nó꞉nen ne Roiá꞉ner wahaʼtenhnikonhráren tsi ahontasakohiaʼtínekenʼwe ne Egypt; tánon kwáh tsiókonte né꞉ne sahoʼkaráhtshera ne niaʼtehioseràke tsi nienskáheʼwe tsi enhonwatonʼnhahéraʼse ne Roiá꞉ner nó꞉nen ne lsraeró꞉nons ó꞉nenk tsi enhontenhnikonhráhren nètho wahsonhtàte.

Exodus 12:8

Nètho nʼokarasné꞉ha nowá꞉ron ó꞉nenk tsi enwaʼteskónhthake, tánon tsi enhónʼnheke né tenkaiéstonke ne otskárát ohonteʼsónha tánon ne waʼtenataʼrónhni né iáh thatekaiéston ne iontʼthenkwátha.

Exodus 13:14

Né tsi niaʼhawenonhátie, nónen ne ehtsiénha enhariwaʼnónhton nahó꞉ten kèntons kí꞉ken wenhtaʼnóron, tsi tentseriwaʼseráhkwahʼse, ‘Né tsi rósthon ne kashatsʼtenseroʼwánen ne Roiá꞉ner tsi thon thashonʼkwahiaʼtíneʼkenhʼwe ne Egypt, tsi nónhwe niʼtewanáskwahʼkwe.

Exodus 13:9

Kíʼ ieskáhes kwáh enhiakawehiarásthen, kwáh tsi ní꞉ioht ne thènnen akawéneʼrenke ne sewaʼnentʼtsàkes tó꞉ka ó꞉ni sewakenkwaràhke; ensewehiaràkwen niaʼhisewakonhtaʼkwénhaʼke nahisewakroʼrísehke ó꞉ni sewatéweiensts ne Roiá꞉ner rahoʼianerénsera, tsioríwa ne Roiá꞉ner né wàratsthe ne rahoʼshatsʼtensheroʼwanátshera tsi thonthatsiʼsewahiatíneʼkenʼwe ne Egypt.

Exodus 20:2

“Í꞉i ne Watiá꞉ner Sewaní꞉io tsi nikáien ne tethiaiathinekènʼen ne Egypt, tsi nónhwe tshieʼsanaskonhníʼne.

Exodus 20:8

“Sehwehiárak ne tsaʼthakʼháton nónhta, sewenhniseratoʼkéntist.

Exodus 23:15

Tsi niwenhnítes ne Abib, né wenhnitarákwe shaʼthontesewahiáʼkenhne ne Egypt, sewatenikonhró꞉ri ne katkhwáhere ne iáh tewatʼthenkwáhton kanátaro né꞉ne tsi ní꞉ioht tsi kwanháhon. Tó꞉sa othènen sewanáhtarak ne takaiéstonke ne iontʼtenkwáhtha tsi nikaríwes ne kí꞉ken tsáta nónhta kaʼkhwáhere. Tó꞉sa nonhwénhton tásehwe naskwasénhnaien ne iáh othènen tástsion.

Exodus 3:20

Ók kíʼ akeshatsʼténsera ènkatsʼte tánon kwáh enkheréwahthe ne Egyptró꞉nons tsi nihonahtié꞉ren ne ioteriwákʼtherons né nónhwe. Ethòne kí entsisewaríhon né thoʼniahísewe.

Exodus 34:18

“Sewakhwaʼhérak ne iáh tewatʼtenhkwáhton kanátaro. Tsi kíʼ nikonhró꞉ri, né sehnátarak ne iáh tewatʼtenhkwáhton kanátaro né꞉ne tsáta nónhta nikaríwes né Abib wenhnítare, tsioríwa tsi thóh niwenhnítarahkwe ne shaʼthontesewahiákenhne ne Egypt.

Exodus 6:1

Ethòne ne Roiá꞉ner wahawénhase ne Mahís, “Ónenh kíʼ ensatkátho tsi nenhihiérahʼse ne Ronhnonhtí꞉io. Enhiʼhiónhnien nashakótʼkaʼwe nʼakonhkweʼtashón꞉a. Tánon kíʼ ó꞉ni, kwáh enthihiaʼnónhtonʼse nʼashaʼkorékwahʼte ne rahontsàke.”

Exodus 6:6

Káti ietʼtsiró꞉ri lsraeró꞉nons tsi káton, ‘Í꞉i ne Watiá꞉ner; kwáh enkwahniákenʼte tánon enskwahtaʼtewenhniʼiósehron tsi niʼietsinaskónhnis ne Egyptró꞉nons. Enʼtkharahthá꞉the ne kenenshaʼshatsʼte nahontátʼkhawe ne tehioʼtenonhiaʼnhíton karewahthá꞉tshera ne roʼnonhàke tánon enskwaniákenʼte.

Exodus 6:7

Entsiónhnien í꞉se ne kwáh akonhkweʼtashón꞉ha enkénhake, tánon Í꞉i ne sewahʼNí꞉io enkénhake. Kwáh ensewateriéntarahʼne tsi Í꞉i ne Watiá꞉ner ne sewaʼNí꞉io ó꞉nen enskaniakènthonʼke tsi niʼhietsinaskonhnisʼkwe ne Egypt nónwe.

Jeremiah 34:13

ne sahkoʼNí꞉io ne Israel, wahatró꞉ri natkheró꞉ri nonhkweshón꞉ʼa: “Ionkwahteriwahsehrónni ne sahsótʼtshera ne sonsahkhehiatháko ne Egypt nónhwe tánon sahonthatewenhní꞉ione tsi rathináskwah kénʼne. Wakheró꞉ri nètho

Daniel 9:15

“O Saiá꞉ner, onkwá꞉wen Ní꞉io, seʼnéhston ne saʼshatsténhsera tsi tahsheiaʼtínekenhwe ne sonkwé꞉ta ne Egypt, tánon ne saʼshatsténhsera shé꞉kon niiakwé꞉iare. Ionkwarihwané꞉ren; teionkwaterientawenrié꞉on.

Matthew 10:12

Tesatenonȣeraton kakiok nonȣe iensataȣeiate: ensiron: Skennen kenhak ne kenh kanonskon.

Luke 22:19

Ethone onen kanatarok saharako, ȣahaiatateriste oni neneh, ȣathaiake, tasakaon nok ȣahenron: Neh kehiken nakieronta ne iestsiiateȣentetase; eh naseȣaier nii akeiaratserakon.

1 Corinthians 11:24

wathonnonweráhton ne Rawenni꞉io, watanahtáriahke, tánon wahénron, “Ne kí꞉ken nahtierónta, níse sewahriwáhke. Thóh kíʼ nahsewáhier naskwehiarastákwahke.”

1 Corinthians 5:8

Ánion tewahtenikonróhri nonkwáhwenk wahtohʼhesthákwen, tánon, iáh né꞉ne kanátaro ne tekaiéston ne akáʼion iontʼtenkwáhtha kariwáhneren ó꞉ni ne kariwáksens, nók né꞉ne kanátaro ne iáh thènen tathekaiéston ne iontʼtenkwáhtha, né꞉ne kanátaro ne aóskon íken ó꞉ni kariwahkwahrishión꞉tshera.

Ephesians 1:19

ó꞉ni thóh natehiotenonʼnianíthon ne rahosatsténsera tsi iohióte nontionhakéson tsi nítsion thetsitewetákwen. Kí꞉ken kasatsténsera tsi iohiotátie nontionhákes kwáh ne sáka tsi níʼioht ne kwáh tehiosastenseranónʼiani

Deuteronomy 13:10

Ietsinenhió꞉iaʼke tsi nió꞉re iaʼtensewakónhten! Wahonteʼniénten né꞉ren aieʼtsihiatenhá꞉wi raonhà꞉ke ne Roiá꞉ner, tsi raónha tsi sewaʼniakénhton ne Egypt nón꞉we, tsi thóh nón꞉we thisewanáskwakwe.

Deuteronomy 13:11

Ethò꞉ne onhkweʼtakwé꞉kon nʼIsraerʼronónke kwáh enhón꞉ronke tsi nahá꞉wenhne; kwáh enhotiʼterón꞉ne, tánon iáh ónhka nonhwénton shé꞉kon ne thóh nahonsahatí꞉iere ne kariwahétken.

Deuteronomy 13:5

Ók ietsinonhwarià꞉kon ónhka ne tehatiriwathétha natetshénseras tó꞉ka ó꞉ni ne rotitokénhse ne ieʼtshiró꞉ris ne tó꞉sa atsisewawénhnaraʼkwe ne Roiá꞉ner, tsi raónha setsisewaniakénton ne Egypt nón꞉we, tsi thóh nónwe nisewanáskwa kén꞉en. Né꞉tho onhkweshón꞉as kwáh ronhnonhkweʼtahétkens ó꞉ni ronhtenièn꞉tha naieʼtsihiatahará꞉kwaʼthe tsi nitsónhe ne Roiá꞉ner tsi nitsisewahró꞉ri nahitsónhnheke. Ó꞉nenk tsi enhonwatinonhwarià꞉kon, ne naónton nahisewá꞉ti kí꞉ken kariwahetkénhsera.

Deuteronomy 13:6

“Iekaní꞉hare ne sewathatekenʼokón꞉as tó꞉ka ó꞉ni ne sewanekenʼterasónhas tó꞉ka ó꞉ni ne sewahiataseʼtserasónhas tó꞉ka ó꞉ni kwáh ákta sewatenroʼsónhas otsohónskwakon tsi aieʼtsinikonhrà꞉reke ne ahisewashén꞉naien ne tikanihioserá꞉tes, né꞉ne nihioʼó꞉kons ní꞉se tánon ne ietsisoʼthonkonhkén꞉en iáh nonhwén꞉ton thetisewashén꞉naien.

Deuteronomy 15:15

Sehwehiárak tsi í꞉se ó꞉ni sewanaskwahkén꞉ne ne Egypt nón꞉we tánon ki ne Roiá꞉ner sewaNí꞉io sehtsisewahiatotaríshion; ne káti aorì꞉wa nón꞉wa tkwá꞉wis kí꞉ken kariwatà꞉tshera.

Deuteronomy 16:1

“Skwénienst ne Roiá꞉ner saNí꞉io tsi tensatenonwerá꞉ton ne watohetsthá꞉kwa ne tsi niwenhnì꞉tare ne Abib; okarahsnéha shiʼkaháwiʼke kénhne ne shonsahianiákente ne Egypt nón꞉we.

Deuteronomy 16:12

Kwáh ioriwihióhak tsi sewatewénhnarak kí꞉ken kariwatà꞉tsheras; tó꞉sa sewaʼnikónhren tsi sewanáskwa kén꞉en ne Egypt nón꞉we.

Deuteronomy 16:3

Ne nó꞉nen enséhke kí꞉ken kákhwa, tó꞉sa ensenatará꞉ke ne ioshé꞉ratkenʼwatʼthenkwatha tekaiéston. Asè꞉ken tsáta nónhta nikarí꞉wes ne enshenaʼtará꞉ke ne iáh thatekaiéston ne iosheratkenʼwatthenkwátha, tsi ne nishaié꞉ren nó꞉nen tsi nathisasteríhen tsi tontashakén꞉ne ne Egypt nón꞉we. Sehnatárak kí꞉ken—ne enkonhwanatónkwake ne kanà꞉taro ne nehieronhiakéntha—kwáh tsi nikarì꞉wes enshón꞉nheke tsi enshehiá꞉rake ne wenhniserá꞉teʼkwe shathonthashiá꞉kenʼne ne Egypt nón꞉we, thóh nón꞉we ítken ne karonhiakénsera.

Deuteronomy 24:18

Shasewehiáren tsi sewanáskwa kén꞉en ne Egypt nón꞉we tánon ne Roiá꞉ner sewaNí꞉io sehtsisewahiatotaríhson; ne káti aorì꞉wa takwá꞉ion kí꞉ken kariwatà꞉tshera.

Deuteronomy 24:22

Tó꞉sa nonhwénton sewaʼnikónhren tsi sewanáskwa kén꞉en ne Egypt nón꞉we; ne tiorì꞉wa takwá꞉ion kí꞉ken kariwatà꞉tshera.

Deuteronomy 26:8

Ne tsi nihoshatstenhserowá꞉nen ó꞉ni kaʼshátste shashonkwaniá꞉kenhte ne Egypt nón꞉we. Ioriwanerakwahté꞉nions tsi nahaieránion ó꞉ni ioriwanerákwat, tánon waharihonhniá꞉nion ne ioteriwaʼtérons tsi nahiawénhseron.

Deuteronomy 4:34

Ónhkak kén ne ní꞉io nonhwénton roteʼniénten niá꞉re tánon iashakoʼnónhke nónhkwe ne thihononhontsá꞉te tánon raónha rahonkwè꞉ta ashakaʼón꞉ni, tsi né nihoié꞉ren ne Roiá꞉ner sewaNí꞉io ne Egypt nón꞉we? Kwáh tesewakaʼnerá꞉kwe tsi wà꞉ratste ne raoshatstenhserowaná꞉tshera ó꞉ni ne kaʼshatsʼténshera; tahá꞉hawe ne kanaratarinétsheras ó꞉ni aterihiósera, tsi wahohiò꞉ten neioriwaneraʼkwaténions ó꞉ni ne ionerákwahs, tánon wahronhniá꞉nion ne kaʼteróntsheras tsi naiawénhseron.

Deuteronomy 5:15

Sewehiárak tsi sewanáskwa kenʼne ne Egypt nónhwe, tánon Í꞉i ne Watiá꞉ner sewaNí꞉io, shakwahniá꞉kente ne wá꞉katste nakeshatstenserowaná꞉tshera ó꞉ni kaʼshatsténshera. Ne ki tiorí꞉wa tsi kwahró꞉ris iahisewehiá꞉rake ne tsatákhaton nónhta.

Deuteronomy 5:6

‘Í꞉i ne Watiá꞉ner sewaNí꞉io, Í꞉i skwaʼniakèn꞉ton ne Egypt nón꞉we, tsi nón꞉we tisewanáskwakwe.

Deuteronomy 6:12

orihwí꞉io tsónhni tsi iáh thatsisewahiaʼtanikónhren ne Roiá꞉ner tsi raónha setsisewaniaʼkénhton ne Egypt nón꞉we, tsi thóh nón꞉we ietsinaskónhniskwe.

Deuteronomy 6:21

Ethò꞉ne ietshiró꞉ri, ‘Shonkwanaskón꞉niskwe ne ronhnonhtí꞉io ne Egypt nón꞉we, tánon ne Roiá꞉ner shasonhkwaniákente ne wà꞉ratste ne raosatstenhserowaná꞉tshera.

Deuteronomy 7:8

Ók ki ne Roiá꞉ner tsi sewanorónhkwakwe tánon tehotonhontsóni nahakwénienste tsi nishakorahratstén꞉ni ne sewasotʼtsherahokonhkén꞉en. Ne ki tiorí꞉wa waʼtsisewanónhstate ne wà꞉ratste ne raoshatstenhserowaná꞉tshera tánon shatsisewatatewenhní꞉ioste tsi nitsisewanaskón꞉niskwe ne ronhnonhtí꞉io ne Egypt nón꞉we.

Deuteronomy 8:14

ioriwihióhak ne tó꞉sa ahshená꞉ieʼne tánon ahtiataʼnikónhren ne Roiá꞉ner saNí꞉io tsi raónha shianiakénton ne Egypt nón꞉we, tsi nón꞉we tsesanaskón꞉niskwe.

Deuteronomy 9:12

“Ethò꞉ne ne Roiá꞉ner wahakénhase, ‘Wás shasanonhtátsnent ó꞉nenhk, tiorí꞉wa ne shonkweʼtashón꞉as, tsi ronónha tetesehiaʼtinekénhen ne Egypt, wahonhnonkweʼtahétkenhne tánon karihwahétken ken niohotiʼié꞉ren. Ó꞉nenk ronatswaténion tsi nahó꞉ten kheró꞉ri tsi nahatí꞉iere, tánon wahontatiaʼtonhniserón꞉nien.’

Joshua 24:17

Ne Roiá꞉ner onhkwa Ní꞉io tesahkohiatenha ne iehtinihokonkenʼen ó꞉ni nonhkwatiakes tsi iáh thetionkinaskonni ne Egypt nónhwe, tánon wetewakʼkahtho ne iorihwanerahkwat tsi naháiere né nónhwe. Wahshón꞉kwahiatanonhstate kwáh tsit nonhwésons niahitewe tsi wathitewatohesthanion tsi rahthinahkerehnions nahkorensons.

Judges 2:12

Wahóntkaʼwe tsi ronhwasénhnaiens ne Roiá꞉ner, né Sakoní꞉io ne sakotisotʼthonkonhkénʼen, né꞉ne Rawenni꞉io né tetheshakohiatinekénʼen ne Egypt, tánon tahontháshawenh thikaniʼioserátes wakonhwatisénhnaien, né꞉ne niiohokónhas kakérons rathihiatakʼthóntie. Wakʼkonwatentʼtsiótase tánon né wahonakónhniathe ne Roiá꞉ner.

Judges 6:8

tánon rotókense iahothéniete niashakohawíten kí꞉ken oríhwa tsi nonhthahaterihwániete ne Roiá꞉ner, ne Sakoní꞉io nʼIsraerʼró꞉nons: “Tetkwahiatinekénʼen tsi nihietsinaskónhniskwe ne Egypt.