Exodus 13:2 - Ohiatonhseratokénti

² “Ieʼtsihiathonʼnahéras ratikwékon ne thonahtierénton roʼnahnakeráton roʼtiskenrakète nakonhàke, asèken ne toʼnahtierenton roʼnahnakeráton ne roʼtiskenrakète ne lsareró꞉nons ó꞉ni ne toʼnahtierénton roʼnahnakeráton ne ratísinn konhtitshénens Í꞉i aká꞉wenk.”

Exodus 13:2 ပူးပေါင်းရင်းမြစ်များ

Nehemiah 10:36

Tánon nenhtón꞉tierente enhón꞉nakerate nonkwanekenteronhtserashón꞉as tánon nonkwahtsenenhó꞉konʼs tionhnónskwahronʼs, tsi kíʼ nikahiá꞉ton ne kaianerenhserakon; tánon nenhtewatsérenhte enwatewí꞉raien nonkwahtsé꞉nen tionhnónskwahron tánon nonkwahtsenenhó꞉konʼs teiotinakarontónhas ó꞉ni kahiaʼtákeras enthonwatihiathenhá꞉we raonónskon nonkwah Ní꞉io, raotihenton ne ratiʼtsihénstatsis ronón꞉ha ronateriwátsteriston tsi ronónshote nonkwáh Ní꞉io.

Nehemiah 10:37

Tánon nenhtewatsérenhte ionkwahteshé꞉ratkenton tánon ne tionkwaiestons tánon ne kahiksón꞉has ne tsi kerí꞉tonʼs, nonenharákeris tánon ne keníes, kwáh kíʼ ienhiakwáhawe raotihénton ne ratiʼtsihénstatsis, ne tsi tkanát꞉taièn ne raonónskon nonkwáh Ní꞉io tánon tsi niwát꞉karhiaks nonhóntsa ne raotirí꞉wake ne Levites, asè꞉ken Levites ronón꞉ha ratiró꞉rokskwe akwé꞉kon tsi nihiót꞉wistonhnihon ne kanatowá꞉nens nonkwahientótsheras.

Exodus 13:1

Ne Roiá꞉ner wahawénhaʼse ne Mahís,

Exodus 22:28

“Tó꞉sa thènnen tshiénhas ne kariwahétken ne Rawenni꞉io, tánon tó꞉sa thetsiʼtionnharíkʼkhon ne sakohenténhse ne tsionkwetashónʼa.

Exodus 23:19

“Iatehiosehráke tasehwáhaf rahonónskon ne Roiá꞉ner sehwaʼNí꞉io né nenhtewatiérenhthe ensewaientkwáhko nonátsia. “Tó꞉sa sewahwaráhrit ne ken nithoʼhiónha teiotinakaronhtónʼa tó꞉ka ó꞉ni ne kaiatákeras né꞉ne ronisténha ahonónhta ahísewatsʼthe.

Exodus 4:22

Ethóne kí ó꞉nenk tsi entsró꞉ri tsi Í꞉i, ne Watiá꞉ner, káton, ‘NʼIsrael né꞉ne thakowáhnen rí꞉ienha.

Ezekiel 16:20

“Ethòne iasehiaténhawe ne sehiohokónhas né sehnatʼkerátston né꞉ne Í꞉i kheienhokónhas akénhake tánon wahsehnonhwarhiákon naséhtatʼtse ne kahiatónhnis. Iáh kén tsatekaiéri tsi niwahetkénthakwe tsi iáh teshariwahtó꞉kenhne nakonháke,

Ezekiel 16:21

kwáh kén asehnonhwahrhiákon ne kheienhokónhas tsi asehiatsatátʼtsahathe rahothihénton ne kahiatónhnis?

Leviticus 27:26

Nenhthatié꞉renhte enrenhnákeraʼte ne katshénen ónenk nènhne Roiá꞉ner rahotshénenh íken, né káti ne iáh ónhka tahónton né꞉ne ahonwanáskon tsi kwáh thóh nahiakonikonhroʼténhake tsi ahónhion. Ne tsionónskwahron owíra, teiotinakaronhtón꞉a owíra, khés ne kaiatákeras owíra Roiá꞉ner nènhne rahotshenenhókons,

Numbers 18:15

“Nenhtewatiérente nenhrenhnákerate ne raksáha khès ne katshénen NÍsraerʼró꞉non entiónhkon íse kíʼ sáwenk íken. Ók ónenk kíʼ tsi enshiéhna ne kakariáktsera nahonshakakariáhkʼtonke nenhthontiérenhte enhonhnákerate ne ratiksahokónhas, tánon ó꞉ni enshiéhna ne kakariáktsera nenhtewatiérenhte enhonnákerate ne katshénen né꞉ne kwáh sihiorihwakáion shiʼhonatkwéniens.

Numbers 3:12

“Né Levites ónenh kíʼ Í꞉i akonhkwéta wahónton. Nó꞉nen shaʼkhenonhwariákonh ratiʼkwékon ne tahontiérenhte wahonhnákerate ne Egyptró꞉nons, wahiʼhiatatoʼkéntiste tsi shí꞉ken ní꞉ioht ne kwáh Í꞉i riʼiénha íken né thakowánen ne skawatsiʼráʼtshons enhotiʼwiraiénhtaʼne NʼIsraerʼró꞉nons kawátsires tánon nenhtewatiérenhte enhonnákerate ne katshénens. Nónhwa, khèʼkok nenhtewatiérenhte enhotiwiraiénthaʼne NʼIsraerʼró꞉nons tsi ní꞉ioht Ní꞉i riʼiénha akénhake, Levites kíʼ khehiaʼtienawáston; roʼnónha kíʼ nakonhkwetaʼshón꞉ʼas enhónton. Í꞉i ne Watiá꞉ner.”

Luke 2:23

Tsini kaianerenseroten ne Roianer raoianerensera: nenteȣatierente roskenrakete eniakoȣiraientane Akȣa Raȣenniio enhoȣenniioste.

Deuteronomy 15:19

“Ákte natsiénhas ne Roiá꞉ner saʼNí꞉io ratikwékon nentewatié꞉renhte enhonnakerà꞉te ne satshenenhó꞉kons tionhnónskwarons ó꞉ni ne teiotinakarontón꞉a; tó꞉sa sehió꞉tents kí꞉ken tionónhskwarons tánon tó꞉sa ó꞉ni ne skahiáta asehnónhkaron kí꞉ken teiotinakarontón꞉a owí꞉ra.

Hebrews 12:23

Thóh nonhʼnontáse tsi nónwe ne atʼtsennonniátshera iakotiataróron né꞉ne thóh tihénton shakonakerátston ne Rawenni꞉io, ronónha ne karonhiáke tathisénnare. Ni꞉ióʼne nontáse, rahónha teshakohiatorétha nonkweʼtakwé꞉kon, tánon ne rahonatónnhets ne tionkwetaiéris ioianerén꞉en.