Exodus 12:3 - Ohiatonhseratokénti

³ Kanakerasehraʼkwékon ne lsraeró꞉nonhke taietʼtsíhion kí꞉ken karihonhnienʼnhí꞉tsheras: Né oieríhaton senskárake ne kíʼ wenhnítaʼre tionkwetáʼtshions ónenk tsi enhontateráhkwahʼse kakʼnikáien teiotinakaronhtónʼa owíra khés ne kahiatákeras nithohiónha ne roʼnónha rahoʼtiriwáhke.

Exodus 12:3 ပူးပေါင်းရင်းမြစ်များ

Genesis 22:8

NʼAbraham waʼtharihwaʼserá꞉ko, “Ráonha ne Rawenni꞉io entháhtkaʼwe ne tehonaʼkarontón꞉ʼa owí꞉ra.” Ók tehnitsá꞉ron skátne tsi tonsahiatháharen.

Genesis 4:4

Eʼthó꞉ne ne Abel tahoiaʼténhawe ne tontié꞉renhte wahotewiraièn꞉hahse teiotinaʼkarontón꞉a owí꞉ra wahoʼwéntho tánon né꞉ne kwáh ioʼwahráreʼsen iahá꞉wen ne Roiá꞉ner. Ne Roiá꞉ner kwáh í꞉ken tsi wahawerientí꞉io tánon wahaié꞉na ne Abel tsi nahó꞉tahtshe,

2 Chronicles 35:7

Asèken né énhonste nonhkweʼshón꞉a tsi nienhkáheʼwe né É꞉neken watohetsthá꞉kwáh, Né Ronnontí꞉io Josiah tahá꞉ieste ne kwáh rahónha raotsenenhókon né꞉ne 30,000 niháti teiotinakarontón꞉ʼa, tánon nowirasónha, tánon ne ken nithotihiónhsa kaiatákeras, tánon 3,000 niháti tionónskwaron ratítsinn:

Exodus 12:2

“Ne kí꞉ken wenhnítare nentewatiérente nʼosehra ne seniriwáhke.

Exodus 12:21

Ne Mahís iasakónonhke ratiʼkwékon ne sakotihenʼtènse ne lsraeró꞉nonke tánon wasakawénhaʼse, “Tsi sewahiaʼtátshions ónenk tsi ensewaʼthateráhkwaʼse kák nikáien teiotinakarontónʼa owíra khés ne kahiatákeras nithoʼiónha tánon ietʼtsihiawenhtʼto, ne káti nahónton ne sewaʼwátsiʼres thahontenonweráhton ne iotoʼhetstákwen.

Exodus 12:4

Tó꞉ka ne rahoʼwátsire sótsi kenhnihatí꞉ha ne kahiaʼtakwékon ne katʼtshénen ahónhnheke, né꞉ne tehiaʼnonhsanéken enwáhton ne taʼhónthonte ne katʼtshénen, tenhkahiáʼkhonʼkhe tsi nihiákon tánon toʼníkon ne tieiáta enhieʼkwé꞉ni nàhieke.

Exodus 12:6

Ethòne, nʼokarasʼné꞉ha ne kaiéri—iawénhre nenwenhniseraʼkéhaton tsi niwenhní꞉tare, kwáh kanakeraserakwékon ne lsraeró꞉nonhke tsi enhonwanawènhtʼtho ne kontiʼtshénens.

Exodus 14:15

Ne Roiá꞉ner wahawénhaʼse ne Mahís, “Nonhtiéren tsi teshaʼsénthos naʼiesaié꞉naʼwaʼse? Sehró꞉ri nonhkweshón꞉ʼa iehonténhti.

Exodus 20:19

Wahonwénhase ne Mahís, “Tó꞉ka enskwathárahse, enhiakwataʼhónsahthate; ók hionkwáterons tó꞉ka ne Rawenni꞉io ashonkwaʼthárahse, enhiakwénheie.”

Exodus 4:30

Ne Aaron oriwakwékon wahsahkoró꞉ri tsi nahoténsons ne Roiá꞉ner rohroʼráhnion ne Mahís, ethòne ó꞉nen ne Mahís wahaʼteriwahtén꞉tsiaʼte ne ioriwaʼnerahkwahténions rahotiʼhénton ne onhkweshón꞉ʼa.

Exodus 6:6

Káti ietʼtsiró꞉ri lsraeró꞉nons tsi káton, ‘Í꞉i ne Watiá꞉ner; kwáh enkwahniákenʼte tánon enskwahtaʼtewenhniʼiósehron tsi niʼietsinaskónhnis ne Egyptró꞉nons. Enʼtkharahthá꞉the ne kenenshaʼshatsʼte nahontátʼkhawe ne tehioʼtenonhiaʼnhíton karewahthá꞉tshera ne roʼnonhàke tánon enskwaniákenʼte.

Ezekiel 40:1

Né꞉ne oieríhaton niwenhnisehrakéhaton ne sihiosehráhse, né꞉ne tewásen-wísk sihiosehrakéhaton ne sihionkinakerahkwáhton tánon né꞉ne kaiéri-iawénhre sihiosehrakéhaton ne Jerusalem sitkonhwaiéhnen. Né shiwenhniseráhte wakátʼtoʼke ne roshaststenserowáhnen Roiá꞉ner tsi eh íreskwe, tánon éhren wahatiatenháwithe.

Leviticus 1:2

né꞉ne Israerʼró꞉nons nahatiʼkwéniensʼthe nónen henthatíʼiesthe ne karihwiʼiosehokónhas. Nónen enthésesʼthe ne katshénen akonwateskónhten, tó꞉ka nónh꞉wa kaknikáien tsi nikónhti ne senáskwahiens tó꞉ka ó꞉ni kakʼnikáien ne satshénens teiotinakaronhtón꞉a tó꞉ka ó꞉ni kahiatákeras.

Leviticus 5:6

tánon tsi eniesakaraiénhaʼse ne sarihwanerahák꞉tshera ónenk tsi entetsawíten ne Roiá꞉ner teiotinakaronhtónha onètsien tó꞉ka ó꞉ni kahiatákeras ientsiátkaʼwe. Né ratsiʼhénsthatsi né ienhát꞉kaʼwe ne karihwiʼiosehokónhas ne sarihwanerahák꞉tshera aorihwáke.

Numbers 15:11

Thóh kíʼ ní꞉ioht tsi ienwatkáwenhke né satiʼhiatáʼtshons ne teró, teiotinakaronhtónhʼa rátsinn, teiotinakaronhtónʼa, khès ne kaiatákeras.

John 1:29

Tsi ȣahorhenne Saȣatis ȣahoken ne Iesos eh nontahaȣenonhatie tsi ihres, ȣahenron: neh kehiken ne Niio Roienha, oni sarakeȣas nonkȣe akoriȣaneraaksera.

John 1:36

Nok tehakanere tsi rotoheststonhatie ne Iesos, ȣahenron: Neh kehiken ne Niio Roienha.

John 12:1

IAIAK nonta ohenton naontanoronne ne Shotonnhestston, Betani saraȣe ne Iesos tsi nonȣe nihanakerekȣe ne Lazar nehne raȣenheionne, neh oni ne shahonnheton.

John 12:12

Tsi ȣahorhenne, tsini iotiokȣatsanit iakohne neh nonȣe sikahaȣi ne tsi ȣentanoronsere, ȣaeriȣaronke tsi Jerusalem nontahaȣenonhatie ne Iesos.

1 Corinthians 5:7

Ónenk tsi akwékon ahéren ensewahʼháwithe nahkáion iontʼtenkwáhtha né꞉ne kariwáhneren né káti ne kwáh iaiokontakwénhake ahisewahriwahtokénhake. Etʼthó꞉ne thóh nensewahiatoténhake tsi ní꞉ioht ne kwáh osheráhse ne iáh tewatʼtenkwáhton, tsi kwáh thoʼní꞉ioht tsi wahkateriéntare kwáh tohnisewahiatóten. Asèhken nonkwáhwenk ne wenhtanórons ónenk kaweiennentáʼon, tsi ónenk ne Kerístos, ne onkwáhwenk ne wahtohhetsʼtákwen teiotinakarotónha owírah, tsi konwahʼronhiakénton.

Joshua 7:14

Káti sheró꞉ri ne oronhkè꞉ne shothitioʼkwátsons ohénton nenhthonwathihiaʼténhawe, shothitharaʼtsions. Tsi nikenʼtaró꞉ten nenhkerá꞉ko ohénton nenʼthónhne, skawatsiraʼtsions. Ne kahwá꞉tsire nenhkhehiaʼtará꞉ko ohénton nenhtʼthón꞉ne, shathihiaʼtátsions.

Revelation 13:8

tánon onkweʼtakwé꞉kon nonhontsake ienákere kwáh eniesénhnaien, onkweʼtakwé꞉kon tsi niiá꞉kon ne iáh teiesenhná꞉re nohén꞉ton sontónhni tsi ionwenhtsá꞉te thóh raoiatonhserá꞉kon ne iónhne ne teiotinaʼkarontónha owí꞉ra né꞉tho ronwanonwarià꞉kon ne tsi tsiotonhontsatáhsawe.

1 Samuel 7:9

Káti ne Samuel iahoiaténhaʼwe ne ne shé꞉kon nihanónkera teonakarontónha owí꞉ra tánon ne iahá꞉taʼte raiatakwékon waotsatá꞉tshaʼahte ne wahotátʼtse Roiá꞉ner; Samuel wathaséntho rahonháke ne Roiá꞉ner ne raotiʼrí꞉wake NʼIsraerʼró꞉nons, tánon ne Roiá꞉ner watoriwaʼserákwaʼse.