Exodus 10:9 - Ohiatonhseratokénti

⁹ Mahís wathariwasehráko, “Iakwahkwékon iehiá꞉kwe, skátke ne ratiksahʼokónhas ó꞉ni ne thotíhions nonhtionhkwetashón꞉ʼa. Kwáh ieniakhiʼhiaténhaʼwe ne iakhiʼienhokónhas, nonhkwatsheʼnenhó꞉kons teiotinakarontónha ó꞉ni ne kaiatakéras, ó꞉ni ne tionhnónskwahrons, tsioríwa tsi ónenk tsi enhiaʼkwaʼkwáhʼren ne thasaʼkwanonhweráton tsi enshaʼkwakwéʼniensthe ne Roiá꞉ner.”

Exodus 10:9 ပူးပေါင်းရင်းမြစ်များ

Genesis 50:8

ratikwé꞉kon tsi nihahwatsí꞉ra ne Só꞉se, rontateʼkoʼokón꞉ʼa, tánon ne roʼníha raohwá꞉tsire. Kwáh nek khók ne shakotiioʼokón꞉ʼa, raotitshenenʼó꞉kon teiotinaʼkarontón꞉ʼa kaiaʼtákeras, tánon ne tiohnhónskwaronʼs iaʼtetsonatatén꞉ronhkwe ne tsi ionhontsá꞉ien ne Goshen.

Exodus 10:10

Ne ronhnonhtí꞉io watariwahseráko, “Enkeriwaʼnírate rahohénton ne Roiá꞉ner tsi iáh tsaietʼtshiʼiaténhaʼwe ne sewakthonwisénhʼtsheras ó꞉ni ne ietsiʼiohokónhas! Kwáh teioswátʼthe tsi sewahtenonhʼkónhnis nahontesewanáhkwen.

Exodus 10:26

Iáh, ienhiaʼkihiaténhaʼwe nonkatshenenhókons; iáh ne skaiáta kènʼen tahonsawèsehke. Ónenk tsi í꞉i tehiakihiataiesʼtáhsi ne konhtiʼtshénen tsi nikáien ensakwátatʼtse ne Roiá꞉ner onhkwaʼNí꞉io. Tánon nohénton niaiáʼkwaʼwe, iáh tahionkwaterién꞉taʼrahke nakanaskóten ashaʼkwateskónhthaʼse.”

Exodus 12:32

Iaheʼtshiʼiaténhaf ne sewatsheʼnenhó꞉kons teiotinakaronhtónʼa, kahiatákeras, ó꞉ni ne tionhnónskwahrons, tánon sehwaténti. Káti ó꞉ni sehwaterénhnaien nahontsiathatéristhe ní꞉i.”

Exodus 12:37

NʼÍsraeró꞉nons Rameses nónwe tahonténti takéshon niahónʼne né꞉ne Sukkoth iathonʼnhóhiaʼke. Né꞉ne kák nónhwe ne 600,000 niháti roʼnónhkwe, iáh tekonwanahséhton ne konhnónhkwe ó꞉ni ne ratiʼksaʼokónhas.

Exodus 12:38

Shé꞉kon kanenroʼwáhnen òtsiakes nonhkweshón꞉ʼas ó꞉ni teiotinakaronton꞉ʼa, kahiatákeras, ó꞉ni tionhnónskwahrons skátke rónhne.

Exodus 13:6

Ne꞉ne tsáta nónhta nikaríwes ónenk tsi né ensewanátaʼraʼke ne iáh tewakʼtenkwáton tánon ne tsaʼthakhàton niʼwenhniseraké꞉haton enkakʼkhwáraʼke nahonwakwé꞉niensʼte ne Roiá꞉ner.

Exodus 3:18

“Nakonkwetashón꞉ʼas kwáh enhontahónsahtaʼte tsi nahó꞉ten ensehró꞉ri. Ethòne ó꞉nenk tsi ensewahteró꞉sen ne ohénton iehonnhéton ne lsraeró꞉nonke tánon Ronnonhtí꞉ioʼke nienhénsewe né Egypt nónhwe tánon entsró꞉ri, ‘Ne Roiá꞉ner, ne SakoNí꞉io ne Hebrews, wahatoʼtáshion nontsionhàke. Ó꞉nen kí takwahríhon ne áhsen nónhta nihioháhes tahiaʼkwahtháhaʼkwe kahentakekówah niehiotʼthaʼhínon né꞉ne katʼtshé꞉nen ahsakwateskóntʼthase ne Roiá꞉ner onhkwa Ní꞉io.’

Exodus 5:1

Ethòne ne Mahís tánon ne Aaron Ronhnonhtí꞉ioʼke ne Egypt niahá꞉ne tánon wahníron, “Ne Roiá꞉ner, ne SakoNí꞉io ne lsraeró꞉nons, ráton, ‘Sheʼiátʼkaf nakonhkweʼtaʼshón꞉ʼa, ne káti nahónton ne tahonskáhon ó꞉ni ahaʼtinekírah ne kahentaʼkekó꞉wa nónhwe né naʼionkʼkwéniensʼte.’”

Exodus 5:3

Ne Mahís tánon ne Aaron watʼniriwaʼsehráko, “Ne SakoʼNí꞉io ne Hebrews wahathatéʼnesthe nonhkenonhàke. Waʼsonkeniríhon ne ásenh nónhta nikaríwes tahiaʼtsiatʼtháhaʼkwe ne kahentaʼkekó꞉wah nónhwe né꞉ne katshé꞉nen ahiaʼtsiateskónten né ahʼsahkenitátʼtse ne Roiá꞉ner onkenhiNí꞉io. Tó꞉ka iáh ètho tahionkeniʼiéren, kannʼrahtharinhétshera tó꞉ka ó꞉ni aterihiosehráhke tsi ashonʼkeniʼnonhwahrhiá꞉khonke.”

Proverbs 3:9

Tshisewakweniénhsthak ne Roiá꞉ner aontàhtshon ne kwáh tioiánere tsi nahò꞉ten saienthókwen.

Ecclesiastes 12:1

Káti tsi sehwehiá꞉rak ne tsi nikáien tsi sehwahiathíson tsík sénhak shé꞉kon kén nitisewahiónha, nohénton tíken ionikonhráksat wenhnisehrathénions ó꞉ni iosehrahthénions nahónwe nónenh henshí꞉ron, “Iáh teskatenikonhró꞉ris tsi kónhnhe.”

Numbers 29:12

Sewatiatarórok naisewaterénhnaien ne wísk-khaton niwenhniserakéhaton ne tsatákhaton niwenhnitakéhaton. Sewatenikonhró꞉ri kí꞉ken kakhwáhere né nahonwakwéniensthe ne Roiá꞉ner né꞉ne tsáta nónhta nikaríhwes tánon tó꞉sa othènen sewahióten.

Ephesians 6:4

Sewawiraiéntons, tóhsa thènen seiatewehienaksáten ne ietʼtsiʼienhokónha nehne akarihónʼni aietʼtsinákwase. Khék, teietʼtsihiaróthon tsi enietʼtsihieiáron tsi nòkwa ne kariwihiosthontserákon ó꞉ni ahontewéienste nahontahonwethákwen ne Ié꞉sos Kerístos.

Joshua 24:15

Tó꞉ka iáh thóh teshá꞉nikonróh꞉ten nahtsiotense, iateshá꞉rihwaientas nón꞉wa wenhniserá꞉te ónhka enshé꞉hiotenhse, ne kahiá꞉tonhnisonhas ne shá꞉sotʼtserahokonkenʼen rathisennahienskwe ne Mesopotamia tó꞉ka ó꞉ni ne rahothihiatonnis ne Amorʼró꞉nons, tsi róh꞉nonha rahononhontsake nón꞉wa non nishé꞉nahkere. Ók ki ní꞉i tánon nakwahtsire, Roiá꞉ner ki enshá꞉kwahiotenhse.”