Exodus 10:2 - Ohiatonhseratokénti

² tánon et nahóntaʼwe nʼaskwéni nahsehró꞉ri ne sehiohoʼkónhas ó꞉ni ne sehiaʼteroʼhokónhas tsi nakhehiaʼenonhwahroʼritónhniaʼte ne Egyptró꞉nons nónenh né sonhtsióten ne ioriwanerahkwahʼténions. Sehwakwékon ensewateriéntarahʼne tsi Í꞉i ne Watiá꞉ner.”

Exodus 10:2 ပူးပေါင်းရင်းမြစ်များ

2 Samuel 7:22

Asèken oriwiʼiohónwe ní꞉se tsi tiennowáhnen, O Saiá꞉ner Ní꞉io; asèken iáh ónka naonsaiesaiérenhke, tánon oriwiʼiohónwe tsi shonháhak khók ne Ní꞉io í꞉ken, ne taioiawénhawe akwé꞉kon tsi nihionkwarón꞉ken ne karihwanírats.

Psalms 44:1

Kwáh í꞉i ionkwatthontéhon, Ó Sewenní꞉io, ionkhisotʼthonkonhkénʼen iontkhiró꞉ri, tsi nikahiothenhsehró꞉tens sahiothénhen ne shiʼhonathenhniseraténionskwe, né꞉ne waʼhónhnise tkènhne:

Psalms 44:2

Í꞉se kwáh sahtshanáke khók wásaste tsi waʼsehiatínekenhwe nonkweshón꞉has, ók í꞉se sheséhteron nonkweshón꞉has ne raʼononhontsáke; í꞉se waʼserihwahetkénten nonkweshónhas, í꞉se waʼsehiawí꞉hon ne ioiáneres athatahwí꞉tsheras ne shonkwetaʼshónhas;

Psalms 58:11

Nonkweshón꞉has enhiaiéron, “Oriwiʼiohónwe tsi teshonateriwasehrakwénhnis ne tionkwetaiéris; oriwiʼiohónwe tsi káien ne Rawenni꞉io tsi rahónha rarihwénhtha ne tsi ionwenhtsáte.”

Psalms 71:18

Eʼthohʼsáne tsi ó꞉nen akekʼsténha tánon waʼkenontsistaráken, tó꞉sa kíʼ takatewénhtet, Ó Sewenní꞉io, tenikwekónhak tsi nikaríwes enkatró꞉ri ne sashaststénhsera tsi nihiokwénion ó꞉ni tsi nathenwaʼtereseranethárion. Né sashaststénhsera

Psalms 78:3

Tsi nahoténsons ne ionkwathontéhon tánon ionkwahterientaráhkwe, né꞉ne tsi nahorihoténhsons ne iethiʼsotʼthonkonhkénhen ionkhiʼróhri.

Exodus 13:14

Né tsi niaʼhawenonhátie, nónen ne ehtsiénha enhariwaʼnónhton nahó꞉ten kèntons kí꞉ken wenhtaʼnóron, tsi tentseriwaʼseráhkwahʼse, ‘Né tsi rósthon ne kashatsʼtenseroʼwánen ne Roiá꞉ner tsi thon thashonʼkwahiaʼtíneʼkenhʼwe ne Egypt, tsi nónhwe niʼtewanáskwahʼkwe.

Exodus 14:18

Ne nó꞉nen enkhesènhni, ne Egyptró꞉nons enhoʼnateriéntarahʼne tsi Í꞉i ne Watiá꞉ner.”

Exodus 14:4

Kwáh enhinonhtsisʼthanírahʼte, tánon kwáh enhiaʼsehréson, tánon nahkateʼsenhʼniétshera tsi nʼòkwah ne ronhnonhtí꞉io ó꞉ni ne rahoʼtiókwah ne ronhterí꞉ios entewakʼkhawíten ne kaʼkweniensʼthátshera. Ethòne ne Egyptró꞉nons enhoʼnahteriéntarahne tsi Í꞉i ne Watiá꞉ner.” Ne lsraerʼró꞉nons kwáh et nahaʼtí꞉hiere tsi nihonwatiró꞉ri.

Exodus 7:17

Nónhwa, Sanonhtí꞉io, ne Roiá꞉ner ráton tsi ensehriwahtsénhri ónhka nènhʼne ne rahónha tsi nenháiere. Satkátho, èhʼneken ne kaniataráhke enkenonhwàhrehʼke kí꞉ken kánia, tánon ne tsi kaniátare onekwénhsa iatenwatʼténi.

Exodus 7:5

Tánon ne Egyptró꞉nons thó꞉ne enhoʼnateriéntharaʼne tsi Í꞉i ne Watiá꞉ner, nónenh ènkatsʼte nʼakeshatsʼténshera roʼnonhàke ne Egyptró꞉nons tsi tenthekhehiaʼtínekenhʼwe lsraeró꞉nons ne raotiʼnahkerahserákon.”

Exodus 8:6

Káti ne Aaron iahátaʼte ne rahoʼténnhits èhnekens ne tsi kaniaʼtarénions, tánon notskwà꞉rhe tahatiʼhiá꞉kenʼne tánon wahatiró꞉rokʼte ne tsi ionhwenhʼtsáien.

Isaiah 38:19

Né꞉ne iakonnheónwe, né iakonnheónwe, né teiesanonwerátons, tsi kí nikatiéra nón꞉wa wenhniseràte; kaníseras enhonwatiʼtokáhten ne ratiksaʼokónhas ne sarihwatokentítsheras.

Ezekiel 20:26

Wahkheríhon ne tahontatsiathátionste né꞉ne rahonnahwenhkhónwe nathatawítsheras, tánon wakheríhon nahonwahnatsatátʼtsahate nenhtewatsérenhte enhotiwiraiéntahne rotiskenrahkéte. Né kí꞉ken wakherewáhthaʼkwe tánon nakhenatónhase tsi Í꞉i ne Watiá꞉ner.

Ezekiel 20:28

Tekhehiaténha ne tsi ionwenhtsáte ne keierahratsʼténhni nenhtekhéhion. Nónenh sahontʼkátho ne tiótʼthe ionhniarónhnions tánon ne óhonte nikaronhtó꞉tens, wahathítate nakonhwanatsienkwahronhniáten. Wahonkenakónhniate tsi nahontsienkwahrónhniate ne wahóntsahate tánon ne otsítsa ne tahatíhawe ne niahatítate.

Joel 1:3

Ientʼtsiró꞉ri ne ietʼtsiʼienokón꞉a kí꞉ken nakarihò꞉ten, tánon ietsirí꞉hon ne ietsiioʼokón꞉as ienshonwatiró꞉ri ne iesehsakotiienokon꞉ʼa, ók ne ronón꞉ha iensehsakotiró꞉ri ne tahatikonhsontóntie aterésehra.

Ephesians 6:4

Sewawiraiéntons, tóhsa thènen seiatewehienaksáten ne ietʼtsiʼienhokónha nehne akarihónʼni aietʼtsinákwase. Khék, teietʼtsihiaróthon tsi enietʼtsihieiáron tsi nòkwa ne kariwihiosthontserákon ó꞉ni ahontewéienste nahontahonwethákwen ne Ié꞉sos Kerístos.

Deuteronomy 4:9

Sewatatenʼnikónhraren! Oriwí꞉io tsónhni tsi iáh thahonsesehwaʼnikónhren, kwáh tsi nikarí꞉wes entsónhnheke, tsi nahó꞉ten wesewatkátho ne kwáh í꞉se sewakarà꞉ke. Ieʼtshiró꞉ri ne ietshiʼienhokón꞉as ó꞉ni ne ietsihiatereʼokónha