Ephesians 6:9 - Ohiatonhseratokénti

⁹ Sewahiatakweʼníʼios, kwáh tasewatheweienthónha tsi nòkwati ne shenaskónʼni tánon sátʼkaf tsi tesehionʼnaríkʼkons. Sewehiáhrak í꞉se tánon ne tsi nikáien ne ietʼtsinaskónʼnis neh sahahiáta tetsisewaniarótaron ne karonhiáke tahiatakweʼní꞉io, kwáh akwékon ne sáka tsi nitiótʼte tsi tesakohiatorétha.

Ephesians 6:9 ပူးပေါင်းရင်းမြစ်များ

Nehemiah 5:5

Ó꞉nen ne tsi ionkwawará꞉re thóh ní꞉ioht tsi nihotiwá꞉rare ne iakwahtatekenʼokón꞉as, ne iakhiioʼokón꞉as kwáh thóh ní꞉ioht tsi ní꞉ioht ne ronwatiioʼokón꞉as; ne kí ó꞉ni entiakhiiaʼténhawe ne iakhiioʼokón꞉as nahonwatinaskónhni, tánon ótiaʼkhes ne iakhiioʼokón꞉as tionaʼthonwí꞉sens titkonwananontónhni; tanon iáh othé꞉non tehionkwashatstenhserá꞉ien tánon nonkwahentashón꞉as ó꞉ni tsi ionkwanenharathosétons akó꞉ren raoná꞉wenk.”

Job Tánon ne Raoronhiakensera 34:19

raónha ne iáh tetharihwaráhkwa tsi nokwáh ne ratishenhnowá꞉nens, khés ne sénha ashakokwénienste ne rotikwahtsénions tsi ní꞉ioht ne iakó꞉ten, asè꞉ken orihwakwé꞉kon nen kahioténhsera ne ratsáneke?

Psalms 140:12

Wakateriéntare nètho Roiá꞉ner iehokonhtákwen tsi sakoiénawaʼse ne tehiontkárias, tánon ne rohióthens ne karihwakwahrihshiónhtsheras ne raotirihwáke ne rotithenténions.

Ecclesiastes 5:8

Tó꞉sa sahneráhko nónenh ensatkátho né kakórahse iakoronhiakéntha ne iakoténtha tánon tsiakototʼtakwénhni ne kariwahkwahrishión꞉tshera tánon ne tkariwaiéris. Iaʼtehionkwétahke ne ronahterihónton tsi thonwahthínes ónhkak ne sénha éneken ronahteríhonte, tánon ó꞉ni shé꞉kon tetsáronh thonwathínes né sénha éneken ronahterihóntons.

Isaiah 47:6

Kheʼnakwáhsene nakonkwetaʼshónhas, Waketʼkénte tsi kwatsiratátie; Hiaʼkehiátʼkaʼwe thóh satsanàke, iáh othènon tesehnatónhni ne kenténhron; né꞉ne thoʼthí꞉ions washeʼhiónhnien ne saʼtientaniák꞉ta kwáh í꞉ken tsi iókste.

Daniel 3:15

Ó꞉nen káti, tsi niiohstó꞉re ensewathón꞉teʼne nenwatewennó꞉ten ne iehonrawátstha, ne oná꞉kare, oʼnówa, ne oʼnowaʼkó꞉wa, ne karensotarahrónnion tánon oiáʼshon niiohtánions ne ionterennotahkwaʼshón꞉ʼa, tesewatshá꞉ket tánon sewahsénnaien ne kaiaʼtón꞉ni. Tánon tókaʼ iáh eʼtho thaeʼsewá꞉iere, kwáh kiʼ óksaʼk ienietshiiaʼtón꞉ti tsi tiotékha. Í꞉sewehre ónhte ken tókaʼ seʼnón꞉wa oknahaniiohseró꞉ten nahakwé꞉ni nahʼtshisewaʼniá꞉kenhte?”

Daniel 3:6

Ónhka ne iáh thaʼtaiontshá꞉kete ne akonwahsénnaien ne kaiaʼton꞉ni kwáh óksaʼk ieniontatiaʼtón꞉ti tsi tiotékha ne teiotsenhanòn꞉niaʼni.”

Leviticus 19:13

“Tó꞉sa sehnénhsko tó꞉ka ó꞉ni nónhkak asekarénhratʼtse. Tó꞉sa sehiatkarakshá꞉ten nónhkak sehnáhon, iekaníhare iáh ne tsiokarátshera akénhake.

Malachi 3:5

Eʼthó꞉ne kiʼ kwáh sewaiaʼtákta én꞉kehte nakwarí꞉wenhte; kwáh entiaʼtahstó꞉reke tsi enkerihwahní꞉rate tsi nonwá ne rontenʼèn꞉naras, tsi nonkwá ne rontenahkwaiesáhtha, tsi nonkwá ne ratirihwahní꞉rats nonó꞉wenʼs, tsi nonkwá ne shakotironhiakèn꞉tha ne ratihnhá꞉tsheraʼs tsi nihonatkariá꞉kse, ne ionatehré꞉ʼons tánon ne tehontonhnhakárhias, tsi niiá꞉kon ne é꞉ren iehonwatí꞉reks ne thihonnonhontsá꞉te, tánon ne iáh teiontatkweniènhstha, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs.

Matthew 22:10

Ok tiiathonreni tsi iohatenion ȣasakotiiataroroke tsiniiakon ȣasakotiiatatsenri, tionkȣetaieri nok oni ne ionkȣetaksen akȣaki ȣakanonsine tsi kakkȣahere.

Matthew 22:8

Nok sasakaȣenhasoe ne kannhatsera: Atskȣi! onen ȣahi kaȣeiennentaon Kakkȣahere; nok ki tanon iah tehotirihontakȣe ne ronȣatihonkaraȣine.

Matthew 24:48

Kenh kahien tokat kannhatseraksen, enhenron ne raonikon rakon: roniskȣas ki oni naontare nʼAkianer!

Matthew 24:51

Nok ehren enhoiatenhaȣite, neh oni iatensha koieste nakonȣarasonha: etho nonȣe natenhiosenthoseron oni tenhionnokaraniehonheke.

Matthew 7:12

Tsini tesaskaneks naiesaierase ne tkariȣaieri, etho oni nise naseieras; aseken eh nikaianerenseroten eh oni nihotirihoten ne Rotitokensehakȣe.

Luke 6:31

Eh nasheieras nonkȣeokon tsinitesenonȣes naiesaierase.

John 13:13

Roianer nok Raȣenniio takȣanatonkȣa, akȣa neneh tiseȣariȣaierists: aseken tokenske Ii.

Acts 10:34

Tiér tahathásawen wahatʼretáron: “Ónen kíʼ wakenikonraiéntas tókensʼke ne Rawenni꞉io kwáh akwékon satetʼtiót꞉te tsi nisakotiéraʼse.

Romans 2:11

Ne Rawenni꞉io akwékon kwáh satetiót꞉te tsi tesakoiatorétha.

1 Corinthians 1:2

Ne thonwetákwen ne Rawenni꞉io thóh nónwe ne Corinth, tsi nihiákon ieiontatenáton ne Rawenni꞉io raotiokwahtokénti akénhake, tsi rahónha rahonkwetaʼshónha ne tsi tehonaterihwahshóntere ne Kerístos Ié꞉sos, rahtikwékon ne kwáh tsik nonwéson ne ronwahsénnaiens ne Ié꞉sos Kerístos, rahónha ne Shakoiáner ó꞉ni nonkwáhtiakes;

1 Corinthians 7:22

Asèhken ne rahnáskwah ne Roiá꞉ner shiahonáton rahonháke kíʼ ne Roiá꞉ner non nishohtatewenniʼióʼon; kwáh né ská꞉ka ne iontathewenní꞉io ne Kerístos ieskakonáton rahónha kíʼ rahonkwéta íken.

Deuteronomy 10:17

Ne Roiá꞉ner sewaNí꞉io raónha ne kwáh thóh shatstenhserowá꞉nen tsi nokwáh ne nihioʼokón꞉as ó꞉ni tsi nokwáh ne raotishatsténhseras. Tehoshatstenhseranónhiani, tánon ó꞉nenk tsi enhonwawénhnaraʼkwe. Iáh ká꞉neka teʼthariwaráhkwa, akwé꞉kon ne raoiatoreʼtá꞉tsheras tsi tkariwaié꞉ri.

Colossians 3:25

Tánon ratikwé꞉kon ne ratihiotenserátsens ensonatʼkharátse tsi natehonaterentawenré꞉on tsi nihonatié꞉ren, tiorì꞉wah ne Rawenni꞉io kwáh nénhne satetiotʼthe tsi tesakohiatorétha.

Colossians 4:1

Ne sewahiatakweʼní꞉ios, tkaié꞉rik tánon ioianeréhat tsi ieʼtsihiatié꞉rase ne ieʼtsihiò꞉tenhse. Seweiá꞉rak í꞉se ó꞉ni tihsewáhien ne Rahiatakweʼní꞉io ne karonhiá꞉ke.

Ne꞉ne Sák Rohiaton 2:13

Asèken ne Rawenni꞉io iáh taréneste nataniténron nónen tensakoiatórete nónkwe ne iáh teiakoienʼnataniténron; nók ataniténron iosénnies ne kaiatoretátsera.

Ne꞉ne Sák Rohiaton 2:8

Kwá entheʼshérite tóhka ensatewénnaraʼkwe ne Rawenni꞉io raohʼianerénsera, tsi nikahiáton ne kaiatonseratokentíke, “Senorónkwak ne tesanonsanéken tsi níse niʼsatatenorónkwa.”

Ne꞉ne Sák Rohiaton 5:4

Iáh teshekáriase tsi niháthi ne sahéthakons rothihióte. Satahónsatat tsi nihothiriwakatén꞉en! Tsi natehonsénthos tsi niháti ne rathirórhos né saienthótseras iakanihára꞉ne na Rawenni꞉io wahothónte꞉ne, ne Rosastenserowánen ne Roiá꞉ner.

1 Samuel 15:17

Samuel wahén꞉ron, “Thohʼsáne kénk ní꞉sa tsi nateskánereh, kwáh kén í꞉se ohén꞉ton iésheʼte ne raotiʼtsiokwáhkon ne Israeronónhke? Ne ne Roiá꞉ner í꞉se iahiatarákwen nahisanontí꞉ioke Israeronónke.