Ephesians 6:4 - Ohiatonhseratokénti

⁴ Sewawiraiéntons, tóhsa thènen seiatewehienaksáten ne ietʼtsiʼienhokónha nehne akarihónʼni aietʼtsinákwase. Khék, teietʼtsihiaróthon tsi enietʼtsihieiáron tsi nòkwa ne kariwihiosthontserákon ó꞉ni ahontewéienste nahontahonwethákwen ne Ié꞉sos Kerístos.

Ephesians 6:4 ပူးပေါင်းရင်းမြစ်များ

Genesis 18:19

Iáh, asèken ráonha riiaʼtarákwen, né katí nahshakorihónnien ne shakoioʼokón꞉ahs tánon tsi nienhathwatsí꞉rine ne nahonteweién꞉ton tsi nihorihó꞉ten ne Roiá꞉ner thóh níʼhatí꞉iehr nahó꞉ten né tkarihwaié꞉ri tánon né kaiánerenʼn; né ká꞉ti naón꞉ton né Roiá꞉ner naontaháhawe tsi nahó꞉ten rohrharatstén꞉ni nʼAbraham.”

1 Chronicles 28:20

Né Ronnonhtí꞉io Táwit wahawénhase ne roiénha Solomon, “Tashetakwénhak tánon tashanikonhrahkonhtaʼkwénhak. Tashatásawenh ne kahioténhsera tánon tó꞉sa othènen teshá꞉taste. Né Roiá꞉ner Rawenni꞉io, tsi nikáien ne rihiótenhse, kwáh ensenikweʼkónhake. Kwáh iáh thahiatewénhtheʼte, ók ensheʼnikwekónhake tsi niʼió꞉re ienshienthoserénhtaʼne né kénʼen Ononsatokentiʼkó꞉wa.

1 Chronicles 29:19

Tátshion ne riʼiénha Solomon kwáh raweriasaʼkwé꞉kon tsi ahaskanékʼseke tsi ahatewénhnarahkwe orihwaʼkwé꞉kon tsi nisharihwíson ó꞉ni nahonsahanonhsónhni Nononsatokentiʼkówa tsi niʼwakeweienhnenhthásheron.”

Proverbs 19:18

Sheriwakwaríhshien sheienʼokón꞉ʼa tsi nikarí꞉wes kenʼnihonná꞉sa nahatiweientéhtaʼne tsi nahò꞉ten ne tkariwaié꞉ri. Tókaʼ iáh tho tháhshiere sheienawá꞉se nahontatáhtonʼte.

Proverbs 22:15

Ratiksaʼokón꞉ʼa kwáh nen né꞉ʼe shaʼoié꞉ra tsi ohnonhwarorí꞉ta tánon iáh tehatiʼnikón꞉rare tsi rontoriahnerónkwas, nok tókaʼ enhshehré꞉wahte enhotirihónnien oh ní꞉ioht tsi thaʼtahontó꞉tate.

Proverbs 22:6

Serihónnien ratiksaʼokón꞉ʼa tsi ní꞉ioht tsi ahonnónhnheke, tánon enhonnehiá꞉rake tsi nikarí꞉wes enhonnónhnheke.

Proverbs 29:15

Ahsherihwakwaríhshien tánon ahsheháharate ioiánere ne ratiksaʼokón꞉ʼa, raotirihwà꞉ke. Tókaʼ ronnónha enthonnónhton enhshakonatéhaʼte ne shakotiʼnisténha.

Proverbs 29:17

Sherihwakwaríhshien ne sheienʼokón꞉ʼa tánon tiótkon ensenaiéhake. Iáh nonwén꞉ton thaontaié꞉son nahò꞉ten nahsatéhen.

Isaiah 38:19

Né꞉ne iakonnheónwe, né iakonnheónwe, né teiesanonwerátons, tsi kí nikatiéra nón꞉wa wenhniseràte; kaníseras enhonwatiʼtokáhten ne ratiksaʼokónhas ne sarihwatokentítsheras.

Ephesians 6:3

“ne kwáh ahioianeréhake ne sarihwà꞉ke tánon káti nahónton karí꞉wes ashón꞉nheke tsi ionhontsá꞉te.”

Deuteronomy 4:9

Sewatatenʼnikónhraren! Oriwí꞉io tsónhni tsi iáh thahonsesehwaʼnikónhren, kwáh tsi nikarí꞉wes entsónhnheke, tsi nahó꞉ten wesewatkátho ne kwáh í꞉se sewakarà꞉ke. Ieʼtshiró꞉ri ne ietshiʼienhokón꞉as ó꞉ni ne ietsihiatereʼokónha

Deuteronomy 6:7

Tánon sewatsteniáron ne ietsirihón꞉nien ne ietsihienokónha. Ne sewathará꞉kwak ne sewanonskónhsons ó꞉ni nó꞉nen kák nón꞉we niesewè꞉non, ó꞉ni nó꞉nen sewatorí꞉shen ó꞉ni nó꞉nen sewahiò꞉te.

Colossians 3:21

Kaʼní꞉seras ó꞉ni kaʼnisténhseras, tóhsa ieʼtsisénten ne ieʼtsiienokónhas nontié꞉renk enhonnikonrókʼten.

2 Timothy 1:5

Kèhiareh tsi nisahrihwathóken tsi thisehtáh꞉kwen, kwáh neh sáhka ne tewetákwen ne sahsotʼkén꞉en Lois tánon ne sanisténha Eunice tsi tionetákwen꞉ne. Kwáh wahkerihwaníron tsi thóhʼnonne níseh ní꞉ioht tsi tisetákwen.

2 Timothy 3:15

tánon iehiárak kwáh siseksáhak, sisateriéntare ne Orihwatokéntis, neh kakwénies tisáwis natʼthokát꞉tseras tsi nithewétha ne kahiatakenátsera ne tewetákwen rahonháke ne Kerístos Ié꞉sos.

Joshua 24:15

Tó꞉ka iáh thóh teshá꞉nikonróh꞉ten nahtsiotense, iateshá꞉rihwaientas nón꞉wa wenhniserá꞉te ónhka enshé꞉hiotenhse, ne kahiá꞉tonhnisonhas ne shá꞉sotʼtserahokonkenʼen rathisennahienskwe ne Mesopotamia tó꞉ka ó꞉ni ne rahothihiatonnis ne Amorʼró꞉nons, tsi róh꞉nonha rahononhontsake nón꞉wa non nishé꞉nahkere. Ók ki ní꞉i tánon nakwahtsire, Roiá꞉ner ki enshá꞉kwahiotenhse.”

Judges 13:12

Ethòne ne Manoah wahénron, “Ónenh kíʼ, nó꞉nen ne sawénhna orihwí꞉io enhwá꞉ton, onhnikahianerenhseróten ne raksáha enhásehre tsi enhrón꞉nheke tánon tsi enhohióten?”