Ephesians 6:21 - Ohiatonhseratokénti

²¹ Ne Tychicus, tsi tewanorónkwa athatekénsera tánon roriwathóken tsi rohióte ne Roiá꞉ner rahohioténsera, oriwahkwékon enhiaróri tsi nòkwa ní꞉i, ehnahóntawe ahisewateriéntaraʼne tsi ní꞉ioht tsi konʼnhétie.

Ephesians 6:21 ပူးပေါင်းရင်းမြစ်များ

Acts 20:4

Sopater nehne Pyrrhus roiénha, Berea non nihanákere, neh wahiaterósen; tánon ó꞉ni ne Aristarchus ó꞉ni ne Secundus, nehne Thessalonica non nihanákere; Gaius nehne Derbe nihtawénon; Tychicus ó꞉ni ne Trophimus, tho nithonenon tsi watonhontsaien ne Asia; ó꞉ni ne Timothy.

1 Corinthians 4:17

Asèhken né kíʼ aoriʼíwah ienʼihiaténiethe ne Timothy ne isèhke, kwáh rahónha ne rinorónkwah ó꞉ni rohriwahtóken ronwahiénha ne kariwiʼióstonke nónwe nihiakónnhe. Entsisewehiaráhkwen ne kariwahkweʼní꞉ios tsi nitʼnonteráhtie náse atónʼnets tsi tehiontiateriwahsóntere ne Kerístos Ié꞉sos tánon tsi ní꞉ioht tsi kherihonniénʼnis ne kentiokwahkérons ne tsikʼnonwésons.

Philippians 1:12

Thekanóron onkwathorohsónha, Thewakatonwentióni naisewateriéntarane ne tsi nontiáthawen sénha wakahiáneraste tsi tahonthiriwaréhni ne kariwí꞉ios.

Colossians 1:7

Né꞉ne Epaphras etʼtsisewahrihotasién꞉ni ne Rawenni꞉io rahoténrat, onkwatenó꞉ron skát꞉ke ionkwahiò꞉the, né꞉ne kwáh rohriwahtó꞉ken tsi Kerístos rohiòtense nonkwariwáke.

1 Timothy 4:6

Tóhkaʼ enteséhion kí꞉ken karihonniennítsera ne tiakawetákwen, ensenatseriʼióhake tsi nòkwa ne Kerístos Ié꞉sos, tsi ensataténonthe ne ionnheʼónwe nahowennasónha ne tewetákwen ó꞉ni norihwí꞉io karihonniennítsera tsi nisáhseron.

2 Timothy 4:12

Tychicus Ephesus non iaihiaténieʼthe.

Titus 3:12

Nónen ienkheiaténiethe ne Artemas tóhka ó꞉ni ne Tychicus ne tionháke, iatesewahtátʼtiahat nahontáskwat kensera ne Nicopolis nónwe, tsioríwah tsi hiatewahkeriwahiéntase tsi thoʼnónwe hiatenkoseríhiake.

Philemon 1:16

Tánon nón꞉wa iáh ó꞉nen ne tésken tó꞉ka ken ne tsi rahnáskwa í꞉ken, onk kwáh íken tsi eshinónweh tsi shatésnha nón꞉wa kwáh kanó꞉ron tsi aʼtathekénshera í꞉ken tsi nokwáh ne Kerístos. Tsi niwé꞉so shatènahske nahkerihwá꞉ke! Tánon sénha wé꞉so shatènʼnaske ne sharihwà꞉ke, tetiarónkwen tsi ní꞉ioht tsi rahnáskwah ó꞉ni tsi aʼtathekénshera í꞉ken tsi nokwáh ne Kerístos!

1 Tiér 5:12

Iakonhiátonse kí꞉ken nikaiatonseréssa neh꞉ne Silas wahaksniénon, neh tsi rahónha riniáhese nahoriwiʼiosthóntake. Tewakatonwentió꞉ni nakonretiáron ó꞉ni nakeriwanírate neh kí꞉ken ne kwáh oriwiʼioʼónwe Rawenni꞉io rahoténrat. Thoʼnónwe nasariwanirónhak.

2 Tiér 3:15

Neh thesatʼkáneren tsi nihonikonkátsthe ne Sonkwaiáner tsi nihiatesennáwis nahonsaseniáken꞉ne, kwáh tsi ní꞉ioht nonkwaterohseraʼnóron Kór ietsisewahiatónni, ne rótston natʼthokhátseta ne Rawenni꞉io thóhʼwi.