Ephesians 6:19 - Ohiatonhseratokénti

¹⁹ Tánon ó꞉ni takwaterenʼnaiénhas nón ní꞉i, neh Rawenni꞉io nahontahákon nateriwanothátsera nónen enkatáti, nehne ahónton nahonkenikonratʼtianíthon nónen enkatáti tánon nakotáshion ne kariwí꞉ios ne iáh tehiakoteriéntare.

Ephesians 6:19 ပူးပေါင်းရင်းမြစ်များ

Acts 13:46

Nók ne Kór tánon ne Barnabas onensénha wahiatewennanírate tsi wahiatáti: “Kwáh tehiothonwentióhonne ne í꞉se ahontesewatierénton naʼietsiʼhiaronkaténni ne Rawenni꞉io rahowénna. Nók kiʼ tsi wesewakénron ó꞉ni í꞉se wesewatatréwate ne tsi iáh tsiatekaiéri tsi nisewahiáneren naisewaiéna ne ionnheʼónwe atónʼnhets, enskwatewéntethe káti tánon nehne iáh tehatisitaerónon nonʼnientsiákeʼne.

Acts 14:3

Ne iateriwanótʼtha kwáh karíhwes thoʼnónwe ieniteróntakwe, kwáh rotiriwaníron tsi Roiá꞉ner ronwatarákwen, raónha wasakoriwaníratʼtse tsi orihwí꞉io íken ne rahonateriwanothátsera ne kénteron neh tsi tasakáwen ne kasatsʼténsera ne éhʼtho naiawénseron ne ioriwanerakwathénions ó꞉ni ne ionerákwat.

Acts 18:26

Kwáh íken tsi thoʼnikonrakonthákwen tsi nahatáti nononsatokentíke. Nónen ne Priscilla ó꞉ni ne Aquila wahonwathóntene, wahonwahónkaron nahonsahónne tsi tiothinónsohte tánon sénha tkaiéri tsi wahonwanikonraientháten tsi niʼiohahóten nónkwe ahionthaítha tsi nishakonathónʼni ne Rawenni꞉io.

Acts 19:8

Ne Kór ononsatokentíke niaháre ó꞉ni áhsen niwennítake nikaríwes kwáh íken tsi wasakotewennaníratʼtse nonkwesónhas, tehothiriwatíronte ó꞉ni rahteniéntʼtha niasakonikonrénhawe tsi nòkwa ne Rawenni꞉io Rahonakerásera.

Acts 2:4

Kwáh ratikwékon washakotsiénhase ne Ronikonriʼióston tánon tahontásawen thih waronkhatserates wahontátionko, neh꞉ne Ronikonriʼióston wahsakoiénawaʼse nahontáti.

Acts 28:31

Wahateriwanó꞉ten ne Rawenni꞉io rahonakerásera ó꞉ni wasakorihónnien rahonháke ne Roiá꞉ner Ié꞉sos Kerístos, tsi róhtare kwáh ronikonraníron ó꞉ni rathatewenní꞉io.

Acts 4:13

Ne ronaterihónthon ne Ratitsiénhaiens wahotineráko tsi nihotinikonrhatʼtshá꞉ni ne Tiér tánon ne Sán tsi nahotitókense kwáh thinonkwé꞉a iáh tehonatʼthiaʼtonseraweiénston. Ónenʼki wahonateriéntaraʼne tsi Ié꞉sos ratikwekonhátieskwe.

Acts 4:29

Tánon nónwa, Saiáner, satahónsatat tsi nahonráhrasthe, tánon takwaríhon, I꞉i ne sonkwetaʼsónhas, nahiakwatʼróri ne sateriwahʼnothátsera ne kwáh aionkwanikonrahníronke.

Acts 4:31

Nónen sahatísa tsi ronaterenʼnaiénthaʼkwe, tsi nónwe nihonatʼkennisehónʼne tehiowisʼshónkwa. Kwáh rathikwékon wahatihiatánaʼne ne Ronikonratokénti ó꞉ni tahontásawen nahontróri ne Rawení꞉io rahoteriwahnothátsera kwáh rotinikonrahníron.

Acts 9:27

Etʼthóhʼne Barnabas sahohiatáko tánon thóh niahohiaténhawe tsi thónʼnes ne ratikweʼkónne. Waʼsakonikonraientáten tsi ní꞉ioht ne Saul róken ne Roiá꞉ner nowaháke tánon ó꞉ni ne Roiá꞉ner tsi iahowénnaraʼne. Óni wasakoróri ne Saul tsi kwáh thoʼnikonrakontákwenʼne tsi nahateriwanóten thóh rahosénnakon ne Ié꞉sos neh nón꞉we Damascus.

Acts 9:29

Kwáh ó꞉ni wathatitháren ó꞉ni watatiriwathirónten ne Greek nehne rorónkas ne Sitaerononké꞉ha, nók kíʼ wahontheniénten nahonwanonwariákon.

Romans 15:30

Wakwaretiáron, tewatenrosónhas, neh tsi tetsitewetákwen ne Roiá꞉ner Ié꞉sos Kerístos tánon ne aoríwa tsi nitionkwáwis nètho onikónra, wakwaretiron skát꞉ne aihtewaterénnaien kwáh ahontaionkwanikonrakontákwen rahonháke ne Rawenni꞉io askwaterennaiénhase.

Romans 16:25

Ánion tsi tewasénnaien ne Rawenni꞉io! Rokwénion nahiónnen nasesátsʼteke tsi tisetákwen, tsi ní꞉ioht tsi kateriwanhóta ne karihwí꞉ʼios ne Ié꞉sos Kerístos rahoriwáke ó꞉ni ne karihotasiónkwen tsi nikariwashétonʼne ne tkariwaiéri tsi nitsawénon.

1 Corinthians 1:5

Asèken tsi tesewahterihwahshóntere ne Kerístos kwáh orihwahkwékon tsi wesewahkwáhtseʼne, tóh íkare akwékon tsi nisewahtátis ó꞉ni akwékon natʼtokhátsheras.

1 Corinthians 2:7

Ne karihwahkwahrishóntshera ne watʼtarákwenh né꞉ne Rawenni꞉io raoʼriwahkwahrishóntshera, né꞉ne ronwahnasheténni nonkweshónʼa, onk ónenk rorákwen nonkwahiataterítshera nohénton ne tsi ionwenhtsiáte shontónni.

1 Corinthians 4:1

Sewahteriwaiénni ne thóh ní꞉ioht tsi haskwahnontónnionse tsi Kerístos raonhatsheraókons, tsi níh꞉ionkhiríhonthe nahiakwatʼróri noriwí꞉ios ne Rawenni꞉io raoriwahsehtátsheras.

2 Corinthians 1:11

Enseshonkwanián꞉kenʼte tiorí꞉wa tsi ne takwaienawá꞉se tsi takwaterennaiénnis. Tsi neniawén꞉ne, iakotiohkowá꞉nen tenhonwanonhwerá꞉ton ne Rawenni꞉io tiorí꞉wa iakotiohkowá꞉nen iakoterennaiéntahkwe nonkwaiaʼtanonhstahtshera ó꞉ni teioterihwaserákwen.

2 Corinthians 3:12

Tsi niionéhrakwat kí꞉ken ahskanéktshera né꞉ʼe tionkwá꞉wis naionkwaʼnikonhratshaʼníhton tsi ní꞉ioht tsi aietewatá꞉ti.

2 Corinthians 6:11

Tewatenróhshon ne Corinth tókenske tsi nahò꞉ten iatiá꞉ton nó꞉nen eniakenì꞉ron ionáktote ne onkenerià꞉ne ne í꞉se sewarihwà꞉ke.

2 Corinthians 7:4

Kwáh tokén꞉ʼen kwaniahé꞉sen. Tiótkon tekwarénhsarons tánon é꞉so tsi onkeʼnikonhrahníhrha. Aronhátien tsi niaʼté꞉kon teionkwaʼnikónhrhare shé꞉kon é꞉so tsi ionkwatonhnháhere.

2 Corinthians 8:7

Tsi nisewakwáhtshe tsi nahoʼténhshons sewá꞉ien, né꞉ʼe ne teweʼtáhkwen, sewaronkhaʼtsherí꞉io, ó꞉ni attokháhtshera, tsi natesewasteríhens naiesewatasnié꞉nen, ó꞉ni tsi niskwanorónhkwa. Tánon káti ó꞉ni teionkwatonhontsó꞉ni naontisewariʼwaié꞉rike tsi nonkwá꞉ti kí꞉ken kaioʼténhsera ne kanoronhkhwáhtshera.

Ephesians 1:9

Ne Rawenni꞉io thóh naháiere tsi nihothenikonrón꞉ni, tánon wasonkwathokáten ne kariwaséthon tsi knáha hiatehoriwaiéntase ne iahontésa rahonháke ne Kerístos.

Ephesians 3:9

tánon nonkwetakwékon ahiakawenéstʼten tsi ní꞉ioht tsi ahkahioténston ne ioteriwaséton tsi nihotenikonrónni ne Rawenni꞉io. Rawenni꞉io, tsi nikáien ne oriwakwékon rohsahánion, kwáh teiahonkóton rohriwasehthánionkwe tsi nitsawénon,

Colossians 2:2

Ne ki aorì꞉wah tóh nitié꞉ra né꞉ne ahatiiatana꞉ne naotinikonrhaní꞉ra tánon ahonnitiokwaró꞉roke tóh kanoronkwatsherá꞉kon, tánon kwáh ahkanánon ahiokwastónhake ne kwáh orihwí꞉io tsi nitkáhas ne orihwí꞉io kanikonrahienthátshera. Ne ki thóh ní꞉ioht tsi enhonaterientá꞉rane tsi nihoriwahshéton ne Rawenni꞉io, né꞉ne Kerístos.

Colossians 4:3

Ne ikénet takwaterennaiénhas nonkwatià꞉kes, ne káti ne Rawenni꞉io nahontashóntion nahionkwatesenní꞉ioháke naitewahteriwahnó꞉ten ne rahoterihwatothátshera tsi nitkarihwahsehtón꞉ne tsi nokwáh ne Kerístos. Asè꞉ken ne aorì꞉wa nón꞉wa ó꞉nen kehnó꞉ton.

1 Thessalonians 2:2

Sewahteriéntare ónenk ionkihiatʼkontáʼon ó꞉ni ionkinikonratsáton ne Philippi nónwe nohénton niséke niaiákwe né꞉ne Thessalonica nónwe. Tánon kíʼ-ó꞉ni iawerohátsien tsi wéso totiriwahrékwen, nonkwaNí꞉io tashóntion ne kanikonranirátʼtshera naiakwatʼróri ne kariwí꞉ios tsi nitewétha ne rahonháke.

1 Thessalonians 5:25

Takwahterennaiénhas ó꞉ni non kwáhtiakes tewatenroʼshón꞉a.

2 Thessalonians 3:1

Nonahkènkha, tewatenroʼshónʼa, takwahterennaiénhas ne Roiá꞉ner raoterihwahnothátshera iahontashónʼterahke tsi iostóre tsi tahonréni ó꞉ni kakweniensthatsherákon tsi aiehiéna, kwáh níse tsi ne sewáhiere.

1 Timothy 3:16

Iáh ónhka taiekwéni nahiontonníhen tsi nikowáhnen kariwahséhton nonkwariwiʼiosthóntsera: Tsi wahathotáshi ónhkwe íken, kwáh tkariwahiéri tsi ronwenéston rahonháke ne Ní꞉io, tánon ronwáhken ne ratironhiakerónons. Ronwahteriwahnóthe tsi nòkwa ne kentiókwas, kwáh ohontsiakwékon thonwetákwen, tánon karonhiáke niesonwahiaténha.

Philemon 1:22

Ne ienwahtashón꞉theren, tahkenaktasehrónnien, tiorì꞉wah tsi wahkeráhre ne Rawenni꞉io taharihwahserá꞉ko ne sehwahterennahientátsheras né thóh iahonsháke.

Hebrews 13:18

Iashewahkóntat takwahterennaiénhas. Kwáh orihwí꞉io iontiónni nonkweriá꞉ne kwáh iáh thènen teiostónton, tsoríwah tsi néhe tiókonthe tehionkwahtonwenhtió꞉ni ne tkarihwahiéri tsi nahiakwáhtiere.