Ephesians 6:14 - Ohiatonhseratokénti

¹⁴ Kwáh káti satateweiennentahónhak, ne noriwihioʼónwe sathatiataʼnhatseronʼniáten tánon satiahtáh꞉nak, ó꞉ni kariwakwarishióntsera satetskweʼnó꞉rok,

Ephesians 6:14 ပူးပေါင်းရင်းမြစ်များ

2 Kings 3:21

Nó꞉nen ne Moabites wahatirihwáronhke nètho náhsen niʼhotinonhtiʼiótserake tsi thóh né non né niasakonatsathónhti, ratikwékon ne ronhnónhkwe nahónton nahontʼthonrahá꞉wa, tsi nióre ne kwáh thotíhions tánon ne kén nithotiʼiónhsas, iehonwatinónhkon tánon tsi karisthatátse nónhwe nihonhwatítheron.

Job Tánon ne Raoronhiakensera 29:14

Ne wá꞉katste ne karíwakwarishión꞉tsheras, tánon ne ontʼserón꞉niate; natiatorehthatiéra thóh niohtón꞉ne kwáh ne ne watsatawí꞉tsheres tánon ne teiontenonwaranáttha.

Isaiah 11:5

Né꞉ne kariwakwarishión꞉tshera kwáh néh enhatsiaʼtanahtserón꞉niaʼte ne enhatsatahnákʼte, tánon né꞉ne karihwatokentítshera thenhotsakwahranát꞉tonhke.

Isaiah 59:17

Né wahatserón꞉niaʼte ne karihwaʼkwahrihshióntshera kwáh tsi ní꞉ioht ne iontetskweʼnorókʼtha, tánon né nanónwaroʼre ne kaiatakenáhtshera wahanonwaróroʼke; né wahatiátawí꞉te ne karewatátshera aotsherónh꞉niaʼt, tánon watatatwahʼwénheke thóh kanakwahtsherákon tsi waʼthatewehiáren.

Luke 12:35

Seȣatiatannhenhak, nok iotekhak ne seȣahaserenhaȣe.

Romans 13:12

Kwáh tsi shíken ní꞉ioht nashontʼténʼne íwere tahioswátʼtheʼne, tánon nennísera skanóronks áhonwe. Ánion ietewárek tsi nihioʼiontenseróhtens nashontenʼnékha. Ánion thetéwak ne ionteriʼiosthákwas naihtewateriʼiósthaʼkwe nentiékheʼne.

2 Corinthians 6:7

Tókenske tsi nahò꞉ten iatiá꞉ton tsi Rawenni꞉io raoioʼténsera ionkenihá꞉wi tsi ionkeniioʼtátie. Iohní꞉ron teiontiatohetstánion, ne ó꞉ni nahò꞉ten tiontiatá꞉ti tánon tsi niiontiatié꞉ren nek ne tkaié꞉ri tsi niiatiatiéhrha.

Ephesians 5:9

Asèken kaswatʼthétsera seh tkáhas neh kwáh tsitʼnahoténsons ne iotkwénies, nehne ó꞉ni kariwakwarishióntsera, tánon noriwihioʼónwe.

Ephesians 6:13

Nekáti ónen í꞉sewats ne Rawenni꞉io rahoriwasónha! Kwáh enskwéni tsi tentswenʼnaráko ne iáswens nónen entʼthiatiathónti; tánon nónen iatensenókten tsi tiaterí꞉io, séhkon kíʼ énstake.

1 Thessalonians 5:8

Nonkentiekhè꞉ne nón nihhionkwáwenk, tánon tehiotonwentióʼon naitionnihióhake. Tehionkwahtonwentióʼni naítewatsthe ne tewetákwen ó꞉ni ne kanoronkwáhtshera thóh nahiotónhake tsi ní꞉ioht ne iontentskwenohróktha, tánon nonkwahskanéktshera ne kaiatakenátshera thóh nahióton tsi ní꞉ioht ne iononwahrotsheraníron.

1 Tiér 1:13

Kwáh káti, ioianeréhak tsi sewanontonniónko tsi nensewátiere. Sewatateweiennentaónhak tánon ieiokontakwénhak thoʼnónwe nasewarárek neh kaiataterítsera tsi nentietsíʼion nónen ne Ié꞉sos Kerístos enʼonwéneste.

Revelation 9:17

Tánon thóh kíʼ niní꞉iot tsi wakhé꞉ken ne koshá꞉tens nakeserenhtá꞉kon ne rothisaténtie ne ronátston ne rontentskwenorókta thóh niwahshokó꞉ten tsi ní꞉iot notsí꞉re tánon ne teioterón꞉ronte kanenhianhó꞉ron tánon ne iontenatentástha; ne ratinontsí꞉nes ne koshá꞉tens kwáh né꞉ne kénreks onón꞉tsi, tánon otsí꞉re tánon iontenatentástha takontiʼiá꞉kenhne tsi ratisakarón꞉tes.

Revelation 9:9

ne ronskwenákes kwáh né꞉ne karistátsi akénhake ronatatskwenhó꞉ron, tánon tsi nateiotónhare ne raotinerahónshas thóh nateiotón꞉hare kwáh né꞉ne iawehtowá꞉nen ne tékeni teiokakwentón꞉te otiónkwa ionteriiostáhkwa ká꞉sere né꞉ne koshá꞉tens kontsatanihiontháhkwa watsionnaskenhnionhátie tsi tewaterí꞉io.