Ephesians 6:13 - Ohiatonhseratokénti

¹³ Nekáti ónen í꞉sewats ne Rawenni꞉io rahoriwasónha! Kwáh enskwéni tsi tentswenʼnaráko ne iáswens nónen entʼthiatiathónti; tánon nónen iatensenókten tsi tiaterí꞉io, séhkon kíʼ énstake.

Ephesians 6:13 ပူးပေါင်းရင်းမြစ်များ

Ecclesiastes 12:1

Káti tsi sehwehiá꞉rak ne tsi nikáien tsi sehwahiathíson tsík sénhak shé꞉kon kén nitisewahiónha, nohénton tíken ionikonhráksat wenhnisehrathénions ó꞉ni iosehrahthénions nahónwe nónenh henshí꞉ron, “Iáh teskatenikonhró꞉ris tsi kónhnhe.”

Amos 6:3

O í꞉se ne iáh tesathóntats nasehrihwanirá꞉te ne tewenhniserónhte ne kakahronhniá꞉tshera tsi tá꞉wese, tánon ákta iawetonhátie nahontsiaʼtakwení꞉ioste ne iáh othé꞉nen tahonsakanakerahseraiéntake?

Malachi 3:2

Ók ónhka aiekwé꞉ni naiontahkátstate ne tsi nentewenhniserá꞉teke tsi nontahawenonhátie, tánon ónhka aiekwé꞉ni naiontahkátstate nó꞉nen enhoké꞉tohte? Aseʼkénh tho nihaiaʼtó꞉ten tsi ní꞉ioht ne raristanawènhtha raó꞉tsire tánon ne rahkwenióhares raonoharé꞉tha;

Luke 21:36

Seȣatieȣaten kati, tiotkon onȣe taseȣaterennaientak, niaeseȣaȣe aeseȣarihontake ne taeseȣatohestste tsinonhiaȣenseronne, nok skennen tatsiseȣaken nonkȣe Roienha.

Luke 8:13

Kenh kaien nʼoststenrake iokerontaon, neh iakoton ne ȣaontonnharen tsi ȣaonronke noȣenna, nok ki tsi iah teioteronte: neki ok ne iateȣaktatha tsi tiaketakȣa, nok nonen kanikonrotakȣenke Kahtonte tiienskonne,

Romans 13:12

Kwáh tsi shíken ní꞉ioht nashontʼténʼne íwere tahioswátʼtheʼne, tánon nennísera skanóronks áhonwe. Ánion ietewárek tsi nihioʼiontenseróhtens nashontenʼnékha. Ánion thetéwak ne ionteriʼiosthákwas naihtewateriʼiósthaʼkwe nentiékheʼne.

2 Corinthians 10:4

Tókas ó꞉ni entewaterí꞉io, iáh kiʼ né꞉ʼe tetewátstha ne onhontsaʼkéhkha ionteriiostáhkhwa. Ne khók tewátstha ne Rawenni꞉io raohsatsténhsera, ne khók kakwénies tekahrí꞉tha ne iorihwahní꞉rons. Tewarihwahtón꞉tha ne aterihotahrhóktshera.

Ephesians 5:16

Kwáh ioʼianeréhak tsi ísewats natesénʼna tsi nensewaiéntaʼne, Asèken kíʼ nónwa wenʼniserathénions kwáh kariwáhneren.

Ephesians 5:6

Tóhsa ónka seríhon naiesanikonráten nehne áhonste ne tehiotenonwaroríthonte owenʼnasónhas; Asèken neh nikawenʼnoténsons neh enhothíraʼne ne Rawenni꞉io rahonahkwátsera tsi niháti ne iáh tehonwahwenʼnarákwa.

Colossians 4:12

Epaphras iatetsisewanonwerá꞉tons, ne nónhne ne sewentióhkwakon nón꞉we nihaiá꞉tare ó꞉ni rohiò꞉tense ne Kerístos Ié꞉sos. Tiotkonhón꞉we rokwísron tsi sewaterennaién꞉nis, rorihwanontón꞉nis ne Rawenni꞉io naisewarihwatokénhake, tsi kwáh tokén꞉en sewariwahienté꞉ri ó꞉ni kwáh iesewahkontákwen sewahriwiióston, kwáh iehiokontákwen tsi sewahwennaráh꞉kwa ne Rawenni꞉io.

Ne꞉ne Sák Rohiaton 4:7

Éhʼtho káti, Rawenní꞉io꞉ke nòkwati iasewatatátkaf. Tóh꞉sa tatʼtsisewariwásnies ne ranesonrónon, tánon ahéren énsrete tsi nónwe nísewes.

1 Tiér 4:1

Tsi sénhak ne Kerístos rohronhiakén꞉en ne raieróntake, í꞉se ó꞉ni kwáh ahówenk naisewatatesatsʼténseron ne kwáh neh sáka akénhake nanontonnióntsera tsi neh niʼoiéntakwe ne rahónwa; tioríwa nónka ne ieiéronke non nihiakoronhiakén꞉en iáh ne ónen tetiontsterístha ne kariwáneren.

Revelation 3:10

Tiorì꞉wa ní꞉se tsi satienawátston nakewén꞉na ne ioʼnikonhkátste tekawishátste, Ní꞉i kwáh enkonhnónsthate nó꞉nen enwá꞉we ne tsi nikawistá꞉hets né꞉tho taionhnikón꞉raren tsi nontaiawenonhátie ohontsakwé꞉kon ne nahiakoteʼnién꞉ten ne ronhnonhontsakeró꞉nons.

Revelation 6:17

asè꞉ken ne teiahonhniseranón꞉hiani tsi natehonterhiatítʼkons iaʼkáhewe, tánon ónhka naiekwé꞉ni naionthakatstá꞉te?”