Ephesians 6:12 - Ohiatonhseratokénti

¹² Asèken iáh seh ónkwe tehionkwaterí꞉io nók nehne rothiriwáneren rathinesonrónons ne tsi karonhiáte ionhontsiáien, ne rathikorásons, kaianerenserasónhas, ó꞉ni ne tsi ionwentsiáte rathikorásons tsi naʼtetiókaras tsi nihonatenʼniserathénion.

Ephesians 6:12 ပူးပေါင်းရင်းမြစ်များ

Job Tánon ne Raoronhiakensera 2:2

Ne Roiá꞉ner wahawénhase Sakoriwaros, “Kaʼnón꞉we nón꞉tase?” Sakoriwaros wathorihwaʼserákwahse ne Roiá꞉ner, “Watkateratánion ne tsi ionwenhtsá꞉te, tánon watkatekhahakwáhnion ne nón꞉we.”

Matthew 16:17

Tontahenron ne Iesos: Sataskat Simon Jonas iaienha, iahse oȣaron, iah oni nonekȣensa tesarihotasienni, neh tanon ne Rakeniha Karonhiake thenteron.

St. Mark 4:19

Nok ki tanon iah teiontennikonranentasions nonȣentsiakeka, tiotkon onȣe atsokoȣatsera ionnontonnionkȣa, neh tsiorios iah oni teȣateiarons.

Luke 13:24

Tontahenron: seȣaskennha ne tsinonkati nikannhohaha aheseȣataȣeiatakȣe, aseken kȣarori, kentiokoȣanen enhionteniente nʼiaiontaȣeiate nok iah taiekȣeni.

Luke 22:53

Niateȣenniserake sane teȣakȣekonhatieskȣe ononsatokentikoȣane nok iah teskȣaiena; onenki iakaheȣe ne seȣennisera, nok asatakonronon ahosaststensera.

John 12:31

Onen onȣe naoriȣentatsera tsi ionȣentsiate; Onen oni astste enhonȣaiatontiete ne ronȣakoȣanen tsi ionȣentsiate.

John 14:30

Onen thoha aontiake tsi teteȣatharha: aseken tare ne ronȣakoȣanen tsi ionȣentsiate; iah sane othenon tehoriȣake niihne.

John 16:11

Kaiatoretatserakon ne tsi onen tekonȣaiatoretakȣenthon nonȣentsiakeronon konȣakoȣanen.

Acts 26:18

Tensekakwarísi ó꞉ni tonsashekaraténi tsi non natetiókaras tsi teioskwátʼte niehónne tánon shèkwa ne Raneshonrónon rahosatsténsera nók Rawenni꞉io rahosatsténsera tontashéhion, káti tsi entionkétakwe ne rahothiriwanerahákʼtsera enskanikonrén꞉en tánon enhatiʼiéna neh skátʼke ahonnéseke tsi niháti ne Rawenni꞉io sakohiatarákwen.’

Romans 8:38

Kwáh wahkeriwaníron tsi iáh thènen takakwéni neh tahionkwakáshase tsi nòkwa ne rahononronkwátsera; kwa iáh thènen tewahsterístha tohkàken ahitewénheie tòhka ó꞉ni nahitiónʼnheke; ratironhiakerónons, ratirorásons, tánon neh tkasatsʼténseras ne karonhiáke iáh takakwéni ne tahionkwakháshases ne rahononronkwátsera, tánon tsi niʼiawénserons nónwa ó꞉ni tsi neniawénseron tsi niahawenonhátie iáh takakwéni ne tahionkwakháshion ne rahononronkwátsera,

1 Corinthians 15:50

Tsi nahóten kítons, tewatenroʼshónʼa, né tsi nahóten nowáhron ionniáton ó꞉ni nonekwénsa iáh tahónton nahontiátaren ne Rawenni꞉io rahonakeraserákon, tánon tsi nahóten ne kenhéions iáh táhonton nahkaiéna ne ionnhehónwe.

2 Corinthians 11:14

Kwáh iáh kiʼ teionehkhé꞉rent! Shé꞉kon kiʼ ne ranehsonhró꞉non enhakwé꞉ni ne raronhiaʼkehró꞉non ahatatón꞉ni ó꞉ni kaswathéhtshera akénhake.

2 Corinthians 4:4

Ne ranehsonhró꞉non ne tsi ionhontsiá꞉te shakoʼnikonhrharó꞉ron tsi nihá꞉ti ne iáh tethonehtáhkwen. Iáh tehatikwénies nahontkáhtho ne kaswathéhtshera, ne wathró꞉ris ne karihwí꞉ios tsi nahoʼténhshon ne raoiaʼtanehrakwáhtshera ne Kerístos, ne shonkweʼnestén꞉nis tsi nihaweiennò꞉tens ne Rawenni꞉io.

Galatians 1:16

nahawéneste ne Roiénha nakonháke, ne káti nahónton nakateriwanóten ne kariwí꞉ios ne rahonháke tsi nókwa ne iáh tehathisitaerónons, iáh ónhka tiekhehiátʼkense nahionkatenikónron,

Ephesians 1:21

Éhʼtho nónwe ne Kerístos rathikwékon tesakoniarótaron ne karonhiáke, rathironhiakerónons, kasatsténseras, ó꞉ni ne Rotiʼiáneres; neh rohsenʼnontákwen neh tsiahonhá꞉a tiótʼte tsi níkon ne kasénʼnas ne kén ionwentsiáte ó꞉ni nó꞉ia tsionwentsiáte.

Ephesians 1:3

Ánion thetsitewanonweráton ne Rawení꞉io ó꞉ni rahónha ne kanísera ne sonkwaiáner Ié꞉sos Kerístos! Ne tsi tehionkwateriwasóntere ne Kerístos sonkwahiatateríston neh tsi nitesonkwáʼwi noriwakwékon ne kariwiʼiostóntsera ahohiataterítsera ne karonhiáke tiohontsáte.

Ephesians 2:2

Neh thóh sontakaháwi neh í꞉tshereskwe ne tsi ionwentsiáte ahoriwahetkénʼtseras; neh wasatewénʼnarakwe ne kanikonrahétken, ne kanikonrákʼsen tsi neh tsakoniarótaron nonkwesónha tsi niháti ne iáh tehonwahwenʼnarákwa ne Rawení꞉io.

Ephesians 3:10

ehnahontáwe nónwa nikaháwi, neh tsi ionterenʼnaientákwa neh ahkarihónni neh rathironhiakerónons nahontéweienste kí꞉ken, tsi nihatʼthóka ne Rawenni꞉io neh kwáh tsík nahóten ahkénhake.

Colossians 1:13

Sesonkwaniakénton tsi nokwáhnahosasténhsera ne tetiò꞉karas onk kwáh skén꞉non tsi thontashonkwahiaténhawe rahonakeraserá꞉kon ne tsi nihonorónkwa ne Roiénha,

Colossians 2:15

Tánon thóh ne kaiásake nón꞉we ne Kerístos sahatatiathotaríhsi tsi nokwáh ne raotisatsténhseras ne ratinikonrátsens ó꞉ni ne ratikoráhsons; tánon onhkwè꞉ne nón꞉we niasakohiaténhawe nahonwahnateró꞉roke tsi sí꞉ken ní꞉ioht ne ratinóton sakosarí꞉ne tsi rotkwenionhátie.

2 Timothy 2:5

Ónhka ne tehatákwas tsi teharátʼtats neh tehonrèrons iáh tahónton ne tahaténtsa ne kahkarhiátsera tóhka iáh tahathewénnaraʼkwe tsi nikaianerenserótens.

Hebrews 12:1

Nontionháke, iakotiokowáhnen tehionkhiʼiatiatáton nahionkhiriwahnirátshe. Kwáh káti, tewahtiakwahríshi tsi nahoténsons ne ionkwahiotátis, tánon ne kariwáhneren tsi nihiokwísron tsi ionkwahtienawáston, áhnion káti tionkwahnikonrahsahatónhak tsi tewahtátʼke tsi naʼtehionkwahréron nonkwahénton káien.

Hebrews 12:4

Asèken tsi nahtesewahniotátie tsi nòkwah ne karihwáhneren arèkok tiétso ne aisewahtakátsʼtathe tsi nío꞉re naietʼtsirí꞉io.

1 Tiér 3:22

karonhiáke niesawénon tánon tsi raweientetákwen ne Rawenni꞉io iesénteron, ratikwékon ne ratironhiakerónons tesakoniarótaron tánon ne karonhiáke tatiriwakweʼní꞉ios ó꞉ni ne kasatsʼténseras.