Ephesians 6:1 - Ohiatonhseratokénti

¹ Sewaksahokónha, ne tsi sewariwiʼióston sewateriwaiénʼni naietʼtsiwénʼnarakwe ne ietʼtsiʼienhokónha, Asèken neh kíʼ tkariwaiéri neh naiéhiere.

Ephesians 6:1 ပူးပေါင်းရင်းမြစ်များ

Genesis 28:7

tánon ne Jacob rowennaráhkwen ne roʼníha ó꞉ni ne roʼnisténha tánon Paddan-aram niehawé꞉non.

Genesis 37:13

Ne Israel wahawènhahse ne Só꞉se, “Iáh kenh ne sewatateʼkoʼokón꞉ʼahs tshekonwatihontanón꞉tenhs ne teiotinakarontón꞉ʼa tánon ne kaiaʼtákeras ákta ne Shechem? Káts, ienkoniaténniehte tsi nón꞉we thón꞉neʼs.” Waʼtharihwaʼserá꞉ko, “Kwáh tsi nikahá꞉wi íhsehre.”

Genesis 48:12

Eʼthó꞉ne ne Só꞉se sahshakotskwahrá꞉ko ne roʼníha rakwitshà꞉ke, tánon ne ráonha waʼthatshá꞉kete ohontsà꞉ke iaʼtehaká꞉nere.

Genesis 50:12

Katíʼ ne Jacob raonekenhteronʼtsheraʼshón꞉ʼa tho nahatí꞉iere tsi nihshakohnhá꞉ʼon.

Nehemiah 9:13

Tánon ní꞉se thóh wateshatasénhte tsi Ionónte ne Sinai ne nasehthá꞉rase tsi nonhtáwe Karonhiá꞉ke. Ní꞉se tashé꞉ion ne karihwakwahrihshióntshera ne kariwenhtáhtsheras, ó꞉ni kaianerénhseras ne tokenskehón꞉we, kaianerenhserí꞉ios tánon natsiawenhráhseras.

Esther 2:20

Ók ne Esther, shé꞉kon iakorihwahséhton tsi Sitaeró꞉non naʼehwatsirò꞉ten, Mordecai shakohró꞉ri naierihwáhsehte, tánon wahonwawén꞉narahkwe kiʼ tsi ní꞉ioht tsi ronwaʼwennaráhkhwakwe shiʼieksá꞉ʼa tsi ní꞉ioht tsi shakawehiá꞉ron.

Job Tánon ne Raoronhiakensera 33:27

Enhokenhé꞉ion ne rónkwe tánon tó꞉ka nónhkak ahiaiéron, ‘Wakerihwáneren tiorì꞉wa tsi í꞉i wakerihonhní꞉hon ne tionkweʼtaié꞉ri nahiontahontáko, ók iáh ki á꞉rehko tewatienàhon tsi natewakaténtion.

Psalms 119:128

Tánon káti ít꞉sere akwékon ne saianerénhseras. Ít꞉sons akwékon ne wahétkens nihiotánions.

Psalms 119:75

Wakateriénhtare, Ó Saiá꞉ner, nètho sarihwenthátsera tsi tkaiéri, tánon thóh ne iotokenskehónwe tsi ní꞉ioht tsi wahsetréwaʼte.

Psalms 19:8

ne raotsiawenhrá꞉tseras ne Roiá꞉ner tsi tkarihwaiéri í꞉ken, Iotsenhnonniaténhnis nawéri; ne raorihwá꞉tatʼtseras ne Roiá꞉ner teioswát꞉te í꞉ken, tánon tiówis ne kanikonhraienthátsera nonikónra;

Proverbs 1:8

Konién꞉ʼa satahónhsatat tsi nahò꞉ten eniesahró꞉ri ne iaʼníha tánon saʼnisténha.

Proverbs 23:22

Etshatahónhsatat ne iaʼníha; tókaʼ iáh ráonha thaʼkénhake iáh kiʼ kén꞉ʼen thashéhseke. Nó꞉nen saʼnisténha entiakó꞉ionʼne shenaʼtón꞉hahs tsi sherihwakweniénhstha.

Proverbs 30:11

Ótiaʼke nón꞉kwe enhshakotikenhrenʼserón꞉ni ne kaʼníhsera tánon iáh tehshakotikweniénhstha ne kaʼnisténhsera.

Proverbs 30:17

Tókaʼ thentshié꞉ron ne iaʼníha tókaʼ ó꞉ni enhshéhswen saʼnisténha nó꞉nen eniontiaʼtísa, kwáh orihwà꞉ke wenheión꞉taks én꞉wake tsi sónhnhe tókaʼ ó꞉ni tsokaweʼkó꞉wa aiesakahratàhko.

Proverbs 6:20

Konién꞉ʼa eʼthó ná꞉tsehr tsi nahò꞉ten iaʼníha iahró꞉ris tánon tóhsa sasaʼnikónhrhen tsi nahò꞉ten saʼnisténha iesarihonnién꞉ni.

Jeremiah 35:14

Ne Jonadab sakoienʼokónha ronatewenhnaráhkwen tsi nihoriwahtáton ne tó꞉sa ahatinekírah notsítsa, tánon kwáh nónhwah ne kénʼen wenhnisehrahténions kwáh iáh ónhka tekahnekírah notsítsa. Ók kíʼ iewakʼkonthákwen tsi kwahtharáhni, tánon kíʼ iáh teskwahwenhnahráhkwen.

Jeremiah 35:18

Ethóhʼne wahkheró꞉ri ne Rechabite kentára nètho ne Roiá꞉ner Roshastsʼtenserowáhnen, ne sahkoNí꞉io ne Israerʼró꞉nons, ráwenh, “Sewaʼthewenhnahráhkwen tsi nihotennháhon ne tsi sehwahsothʼkénʼen Jonadab tetsisehwáhwi; akwékon sewahséhron ne rahoriwahtátʼtsheras, tánon akwékon thóh nisewahiénren tsi niʼtsisewahnháhon.

Jeremiah 35:8

Kwáh akwékon hionkwahʼtewenhnahráhkwen tsi nihorihwahtáton ne Jonadab theʼsonkwáhwi. Ne iatehiakwahiáti iáh nonhwénhton tehionkwahnekíren notsítsa, ó꞉ni ne hionkwahniákʼkhons, ó꞉ni ne iakihiohokónhas.

Hosea 14:9

Tsi nihiá꞉kon ne iontenikonraʼthókha iakonikonraiéntas kí nahorihothénsons; tsi nihiá꞉kon ne ieierihwákens iakoteriènhtare. Asè꞉ken ne raoweiénhnas ne Roiá꞉ner tkariwaié꞉ri í꞉ken, tánon ne tionkweʼtaié꞉ri thóh nón꞉we nihiakothaí꞉take, ók ne rotiriwanerahátskon né꞉ne tonasitsiátstha.

Leviticus 19:3

Tsi sewahiatátʼtions ónenk tsi enhietʼtsikweniénsthake ne ietsinisténhas ó꞉ni ne ietsinihó꞉kons, tánon ensewenhtanorónsthaʼke ne iawenhthatokentíke, tsi kíʼ niwakerihwíson. Í꞉i ne Watiá꞉ner Sewaní꞉io íken.

Luke 2:51

Onen kati sahonne, Nazareth ionsahonneȣe; Sakoȣennarakȣakȣe. Kenh kaien ne ronistenha akȣekon taioteȣeientontie aȣerientakon tsinikon tsi oni nikaȣennotens ȣaronkas.

Romans 12:2

Tóhsa senakéren tsi nihiotirenʼnáhons ne tsi ionwentisáte, nók tsi sewaríhon ne Rawenni꞉io tahonshatsiseweriasaténi ne kwáh iahiotkontákwen tahonshatsisewanikonraténi. Ehʼthóhʼne ensewakwéni nahisewanikonraiéntaʼne tsi nihoskanektseróten ne Rawenni꞉io—nehʼne nahiaiéron, nètho kénthons nahontahonwanikonraiériʼte tánon kwáh tsi naiothónhon.

Romans 16:2

Teietʼtsiʼiaróhton rahosénnakon ne Roiá꞉ner, tsi nihonateriwaiénni ne Rawenni꞉io rahotiókwa, tánon ietʼtsiʼiénawas tsi nahóten taiakotonwentionníhake, Asèken nakahónha tehionteroserowánen tánon ó꞉ni ní꞉i hiontiénawaʼse.

Romans 7:12

Thoʼkáti, ne kaianerénsera iotokénti, ó꞉ni nahtsawenretiéra iotokénti nón꞉ne, tkaiéri, tánon ioiánere.

1 Corinthians 15:58

Éhʼtho káti, akwateroserahnórons, sewahriwaníronk ó꞉ni sewariwatokénhak. Tiotkonhónwe sewahtatiotenstónhak ne Roiá꞉ner rahoriwáhke, tsi ónenk sewahteriéntareh tsi nahóten ensewahióten ne Roiá꞉ner raoioténsera iáh nènne nonwénhton tsakaiéshia.

Deuteronomy 21:18

“Tó꞉ka shí꞉ken ónhkak iakonekenʼteronhtsherá꞉ien ne rononhtsistaʼní꞉ron tánon iáh tehatewenhnarákhwa, né꞉tho ranekèn꞉teron iáh teshakowenhnarákwa ne ronhwaiénha, iawerohátien tsi ronwarewátha.

1 Timothy 5:4

Onk tóhkaʼ ne iotheréʼons iowíraien tóhkaʼ ó꞉ni iotherésen, neh kwáh tiotserentákwen nakothirihwahiériʼthe tsi naʼtehiothonwentióhon nahothiʼriwiʼiosthóntseras tsi nòkwa ne ahothiwáhtsires tánon neh kí꞉ken enkarihónni nahonsahonwahthikárhiakʼse ne ronwahtiʼienha ó꞉ni ne sakotisótʼtha, tsioríhwa tsi neh kí꞉ken rawerentiʼióstha ne Rawenni꞉io.

1 Tiér 2:13

Roiá꞉ner rahoriwáke tsi ietʼtsiwénnarak neh kwáh niaʼtehionkwétake ne ronaterihónton: neh Ronnontí꞉io, tsi rahónha rahianerenserakweʼní꞉io íken,

Ruth 3:5

Ruth tontaieriʼwaserá꞉ko, “Akwé꞉kon tho néntiere tsi nahò꞉ten waʼshekhró꞉ri.”

1 Samuel 17:20

Ne Táwit oronhkéstsi wahatkétsko, ne wahorihónten asakotenhnikonrá꞉ren ne teiotinakarontón꞉ʼa ne ó꞉ia ranónh꞉ne, iahatenatserénhawe, tánon thóh niahá꞉reh tsi kiʼ ne Jesse tsi nihoríhonte. Iahá꞉rawe tsi tewatoseró꞉tons kwáh ó꞉nenh ne ronterí꞉ios thóh niahonenonhátie tsi tewaterí꞉io tekanenhríson, tehotihenréhtha nateriʼiósera tsi nihatiwenhnó꞉te.