Ephesians 5:8 - Ohiatonhseratokénti

⁸ Í꞉se ó꞉ni tionháke tethisewakáraskwe, nók tsi náhe Roiá꞉ner rahonkwétha sewatónʼon, kaswatʼthetserákon nónwe nísewes. Kwáh káti sewateriwaiénʼni thóh nahitionʼnoténhake nahisewéneste tsi tesewaswatʼthéʼon,

Ephesians 5:8 ပူးပေါင်းရင်းမြစ်များ

Psalms 74:20

Skwéʼniest naterihwaseronniátsera ne takwasenhénhni, asèken tsi nonwésons ne tetsiókaras ne tsi ionhontsáte thóh nón꞉we nihatinákere ne iáh othènen karíhwa tehonhnón꞉ni ne kaianerénhsera.

Isaiah 2:5

Ó tsi ronónshote ne Jacob, káts, áhnion thóh tewathénhti rahoswathetserákon ne Roiá꞉ner!

Isaiah 42:16

Kwáh enkhehéntenhse ne teieronhwèkon né tsi iohatátie ne iáh tehatihaientéri nakohianaken ioháte ne iah tehatiʼientérihkwe Kwáh í꞉i enkeiatenhnikonráren. Kwáh tentʼkaraténi ne tetsiókaras thóh rahotihénton tahioswát꞉thene, ne watenatáʼshens nahontonhontsakwahrísi. Né kí꞉ken nahorihoténshons tsi thóh nénhtiere, tánon iáh takheiatewénhtethe.

Isaiah 49:6

rá꞉tons, “Shó꞉tsi iáh tehióst꞉te né nakarihóten ní꞉se akenhá꞉tsera ashá꞉ton né nahonshaʼsehkétsko ne raoʼtsiókwah ne Jacob tánon nahonshaʼsehkwahtákwahse ne iateonathaténhron ne Israerʼronónke; entkónhion ne kaswatʼthétshera rononháke ne ronhnonhontsakeró꞉nons, né naʼtienawaséhtshera ahónton iakanihaʼrá꞉ne ne tsi iehiotonhontiokʼtani:hon.”

Isaiah 49:9

sakawenhníhaʼkwe ne ratinó꞉ton, “Tasewahiáken,” né tsi nítsion ne tetsiókaras nón꞉we sewénhteron, “Sewathaté꞉nest.” Kwáh enhonwatinón꞉te tsi niʼiohá꞉hes, akwékon nentʼthón꞉nete ne éhʼnekens ionhniaʼrónhnions kwáh thóh nón꞉we naʼthenhontskahónsehke;

Isaiah 50:10

Ónhka ne tsi nítsion tsiʼsewakweniénstha ne Roiá꞉ner tánon sewatewenhnará꞉kwah ne raoʼwenhnaókons ne raonhá꞉tshera, ónhka thóh nón꞉weh niien ne tsi tetiókaras tánon iah teiakóien ne kaswathétshera, né kí tsakétat thóh raosénhnakon ne Roiá꞉ner tánon ne ronhwaniá꞉hes ne akoʼNí꞉io?

Isaiah 9:2

Né onhkweʼshón꞉ʼa ne thóh nón꞉we nihiakotahitákhene tsi tetsiókaras kaswathetserowánen waontká꞉tho. Né꞉ne tsi nihiákon ne thóh nónwe niʼienákerekwe ne tsi ionhontsáien ne kwáh tetsiókaraskwe— akahonháke watsioswát꞉thene.

Jeremiah 13:16

Ehʼtsisehwahkwéniensts ne Roiá꞉ner, sehwaNí꞉io, Nohénton nahontaháhaʼwe ne tetiókaras, tánon enthisahsihʼtiá꞉ke ne tsi ionnonhtahrónnions; nohénton ne kwáh ahonthahakárasʼthe ne ne kaswatʼthétshera saskanékskwe.

Matthew 3:8

Tioseret Kati ne tkariȣaieri tsi saseȣatatreȣat.

Matthew 4:16

Tohiken asatakon iakonnhetiene, kasȣathetseroȣanen ȣaontkatho; nehoni nakȣa tiakononkȣisenne ne kenheiatne, ȣatiakosȣathene.

Luke 1:79

Aontonseke taonsaiakosȣathene nasatakon oni kariȣaneraakserakon iakonnhetie nok eh nonkȣati aonsasonkȣasarine tsinonkati ne Skennen.

Luke 16:8

Nok ne Rostsokoȣa, ȣathorensaron ne raonnhatsera iah tehoriȣatoken, neh tsi nihaȣeiente tsi nahaiere, aseken nonȣentsiakekha akoienhokonha senha iontatenikonrare tsinikariȣes iakonnhetie, tsiniiot ne kasȣathetsera akoienhokonha.

John 1:9

Ne oni ne tokenske kasȣathetsera, nʼakȣekon nonkȣe teiakosȣathetennis naonnakerate tsi ionȣentsiate.

John 12:35

Tontahenron ne Iesos; Sekon nikariȣessa teseȣasȣathetseraien: seȣatenti kati sekon ok nateseȣasȣathe, sotsi iotteron onȣa tontiseȣakaraȣe: aseken nasatakon rotentionhatie, iah ki tehoterientare kah ȣare.

John 12:36

Taseȣetakȣenhak tsini kariȣes teseȣasȣathetseraien, netho naontaȣe osȣathesera seȣaienha aeseȣaton. Nonen saharihokten ne Iesos, oksaok ehren sarete, nok sasakotatonten.

John 12:46

Neh keniente tsi ȣako nonȣentsiake, ne taksȣathete, nene tosa taontaiakokarasseke tsiniiakon entiaketakȣe niihne.

John 8:12

Nok ne Iesos sekon are ionsahatati, ȣahenron: Ii ahosȣathesera tsi ionȣentsiate, iah tahontahokaraȣe nenhaknonteratie, neh tanon tenhosȣatheke ne ionnhe.

Acts 17:30

Ne Rawenni꞉io thatesakokánerakwe tsi náhe ne ónkwe iáh tehonwaienterí꞉ne, nók kíʼ nónwa ónen roriwíson kwáh ratikwékon tsik ʼnonwésons ne tahonsahontʼkaraténi tsi nihatiweienʼnák꞉sens.

Acts 26:18

Tensekakwarísi ó꞉ni tonsashekaraténi tsi non natetiókaras tsi teioskwátʼte niehónne tánon shèkwa ne Raneshonrónon rahosatsténsera nók Rawenni꞉io rahosatsténsera tontashéhion, káti tsi entionkétakwe ne rahothiriwanerahákʼtsera enskanikonrén꞉en tánon enhatiʼiéna neh skátʼke ahonnéseke tsi niháti ne Rawenni꞉io sakohiatarákwen.’

Romans 1:21

Ronwaientéri ne Rawenni꞉io, nók iáh kíʼ theʼtonwáwis ne kakweniesthá꞉tshera tsi natehiothonwentióʼon, tóhkas ó꞉ni tahonwanonweráton. Sénha wahathitaráhetʼte tsi nihonanonthonniontserótens tánon ononwaroríhta iahónton tánon tsi iáh thènen tèwah ne rathinontsínes neh káti kananónkton ne kariwáksens.

Romans 13:12

Kwáh tsi shíken ní꞉ioht nashontʼténʼne íwere tahioswátʼtheʼne, tánon nennísera skanóronks áhonwe. Ánion ietewárek tsi nihioʼiontenseróhtens nashontenʼnékha. Ánion thetéwak ne ionteriʼiosthákwas naihtewateriʼiósthaʼkwe nentiékheʼne.

Romans 2:19

Kwáh sateriéntare tsi í꞉se nasehiasárine ne teieronwékon, taseswatʼthéten tsi niháti neh tsi tetiókaras non nihónʼnes.

1 Corinthians 1:30

Nók Rawenni꞉io tahiaiaténhawe ne taitiateriwahshónteren ne Kerístos Ié꞉sos, tánon Rawenni꞉io wahahónnien ne Kerístos rahónha nonkwahnikonrowahnhátshera akénhake. Rahónha shaʼshonkwarihwahserónnien tsi natetewáhtere ne Rawenni꞉io; Rawenni꞉io rahonkwetatókenti weteʼwáhton ó꞉ni setewahtatewenhní꞉ioʼne.

2 Corinthians 3:18

Káti ne tewakonhsaʼkéhshon iáh teiotehrhó꞉ron. Iaweʼnéston tsi naʼteioswáthe ne Roiá꞉ner raoiaʼtateríhtshera, tsi ní꞉ioht tsi shontión꞉nis ne Roiá꞉ner Roʼnikonhratokénhti ne sénha taonsakaierón꞉tarake ne Shonkwaiá꞉ner raoiaʼtanehrakwáhtshera.

2 Corinthians 4:6

Ne Orihwatokénhti wá꞉ton, “Rawenni꞉io tahanónhton tsi waʼtioswá꞉theʼne tsi nón꞉we tetiokaráskwe.” Nón꞉wa ne Rawenni꞉io tehoswathé꞉ton ne onkwerià꞉ne nakwahronká꞉ten ne raoiaʼtanehrakwáhtshera tho weʼnéston raonhà꞉ke ne Ié꞉sos Kerístos.

2 Corinthians 6:14

É꞉ren ísewet tsi nón꞉we nihón꞉nes ne iáh tethonehtáhkwen tsi nihaweiennò꞉ten ne Rawenni꞉io! Enwá꞉ton kenʼ ne tiakonkweʼtaié꞉ri skátne ahonné꞉sheke ne ronnonkweʼtáksens? Né꞉ʼe kenʼ shá꞉ka ne teioswáthe tánon tetióʼkaras?

Galatians 5:25

Ne Ronikonriʼióston tesonkwáwi natónnhets; kwáh káti tehiotonwentióʼon nahontahaniarótaroke ne tsi tiónnhe.

Ephesians 2:2

Neh thóh sontakaháwi neh í꞉tshereskwe ne tsi ionwentsiáte ahoriwahetkénʼtseras; neh wasatewénʼnarakwe ne kanikonrahétken, ne kanikonrákʼsen tsi neh tsakoniarótaron nonkwesónha tsi niháti ne iáh tehonwahwenʼnarákwa ne Rawení꞉io.

Ephesians 4:18

Tánon tetʼthonihnikonráhkaras. Kwáh iáh thènen teʼonsterístha tsi ní꞉ioht ne Rawenni꞉io tsi tesakówis tsi ahonʼnónʼnheke, kwáh rathirakonróhnon ó꞉ni rohthinontsisthaníron.

Ephesians 5:2

Tsi sónnhe ónenk tsi kanoronkwátshera entioniarótarohke, kwáh tsi nisonkwanoronkwáʼon ne Kerístos ó꞉ni tesonkwáwi tsi rónnhe tsi síken ní꞉ioht ne kwáh tehiotsikhétare tsi niwenserákon tánon ó꞉ni tahionréniaʼte tsi nitánonwes ne Rawenni꞉io.

Ephesians 6:12

Asèken iáh seh ónkwe tehionkwaterí꞉io nók nehne rothiriwáneren rathinesonrónons ne tsi karonhiáte ionhontsiáien, ne rathikorásons, kaianerenserasónhas, ó꞉ni ne tsi ionwentsiáte rathikorásons tsi naʼtetiókaras tsi nihonatenʼniserathénion.

Colossians 1:13

Sesonkwaniakénton tsi nokwáhnahosasténhsera ne tetiò꞉karas onk kwáh skén꞉non tsi thontashonkwahiaténhawe rahonakeraserá꞉kon ne tsi nihonorónkwa ne Roiénha,

Titus 3:3

Asèhken ontionhá꞉a ó꞉ni iehiotherátsʼton tionkwatonʼnótʼthakwe, iáh theʼtewahtewennaráhkwaʼkwe, tánon thehionkwaterientawénrie. Tewahnáskwa kèn꞉ne tsi nòkwa ne onkwaskanektsheraʼókon ó꞉ni ne niatékon ahtenikonrohriátsheras ne kwáh tsík nahiotónhake. Kanhakwatserákon nón niʼionkwatiesatonhátieskwe tánon ne kahnoshátshera; ne rohnatsiakhésons ionkhísons tánon ní꞉i ietʼthísons.

1 Sawátis 1:7

Nók tóhka tsi teioswátʼte nón nitionnhétie—kwá tsi ní꞉ioht tsi tehoswátʼthe—ehʼthóhʼne kíʼ akwékon skát꞉ne tewaiátare, tánon ne rahonekwénsa ne Ié꞉sos, neh Roiénha, tionkwanoharése kwá tsík ní꞉ioht tsi aionkwariwáneren.