Ephesians 5:3 - Ohiatonhseratokénti

³ Tsi Rawenni꞉io níse rahonkwéta sewatenathónkwen, iáh tetkariwaiéri ne thènen ne kanakwaiesátseras ó꞉ni ne iáh tehiotkwéniens tóhkaʼ ó꞉ni ne askenátsera akatarákwen tsi natesewátere.

Ephesians 5:3 ပူးပေါင်းရင်းမြစ်များ

Psalms 10:3

Asèken ne ronhkwetahétken ne tehaterenhsaronkwáhtha tsi nithaskáneks ne raweriá꞉ne tsi nikáien né ronwatinénskwas nakorénson rontewenhnaksátha tánon ronwakenrónhni ne Roiá꞉ner.

Psalms 119:36

Takónhnien thóh nahonkenikonhrothénhake tsi akatewénhnarakwe ne saianerénhseras, né꞉ne tó꞉sa othènen ahonkaskenaséhake.

Exodus 18:21

Ók né hiehiowènhthe, teshaʼthonwenhtsó꞉ni nashehiataráko ne roʼnathonkweʼtakwahríshion ó꞉ni sehrihón꞉ten nashaʼkotihéntense nonhkweshón꞉ʼa: sakotihéntens ne tewenhniawehetʼtserásens, tewenhniawehʼèhʼkons, wisksʼshonhʼniwásens, oieríshons nahaʼtíhake. Ónenk tsi né꞉ne ronhʼnónhkwe ahonwaʼtsaní꞉sehke ne Rawenni꞉io né nahónton nahontahonwenhneʼthaʼkwe tánon iáh thahatiʼiéna ne thènnen tahonwaʼtitsikheʼtaʼróhse.

Exodus 20:17

“Tó꞉sa saskaʼnékset nakóren rónhkwe tsi roʼnónhsohte; tó꞉sa sheʼiaskáʼnek ne ró꞉ne, ne raoʼnhatsheraókons, ne rahotsenenhókons nahontonakonwatiʼnonhtatáko, ne raotsenenhókons tewahóntes, tó꞉ka ó꞉ni nohiásons nahoténson ahoiéntake.”

Exodus 23:13

“Shaʼthahónshatat oriwakwékon tsi Í꞉i, ne Watiá꞉ner, wakonró꞉ri. Tó꞉sa roʼnonháke nónhwe nasaterenhnaiénsek ne thiʼkaniʼiosehrátes; akwékon tó꞉sa sehnáhton.

Proverbs 28:16

Ne rakó꞉ra iáh tehó꞉ien ne wattokhahtsherí꞉io shakowihshá꞉tha, sók ne ónhka ráhswens nahò꞉ten iáh tetkariwaié꞉ri karí꞉wes rakó꞉ra enkénhake.

Jeremiah 22:17

Ók nék khók satkátos ne hiateshiáti ahisahianerásten; sehnonhwahrhiákons ne iaʼtehotiníkon tánon kwáh kahetkénsera tsi sehronhiakéntha ne shonkwetaʼshon꞉a. Ne Roiá꞉ner rotahtíhon.

Jeremiah 6:13

“Onhkwetahkwékon, ahiesenhnowánenhke tó꞉ka ó꞉ni kentʼnaiesénhnaske, ronteniéntʼtha kanikonhráhthon tsi ní꞉ioht tsi ahontʼwisthónni; iekaníhareh ne rotitó꞉kense ó꞉ni ne rothikháres sahkotinikonhraténnis nonhkweshón꞉ʼa.

Jeremiah 8:10

Káti kwáh ahonkwetahsehsónhas tentetʼkhéhion ne rahotihentahsónhas tánon ne rothiniákons né nonhnè sá꞉ka. Kwáh onhkwetahkwékon, ahiakonkwetowahnénhke tánon kénk nahiesénnaske, hionteniéntha kanikonhráhton tsi ní꞉ioht tsi ahiontʼwistónni. Akwékon ne rothitó꞉kenhse ó꞉ni ne rothikháres sahkothinikonhrahténnis nonhkweshón꞉a.

Ezekiel 33:31

Káti nahkonhkwetashón꞉ʼas wahkanenhrísehrenhne nahónronhke tsi nahó꞉ten enshíron, ók iáh eh tehatihiérah tsi nisehró꞉ris tsi nahatí꞉iere. Kanonhronhkwáhtsheras owenhnahókonhs rahtisàhkes karónhnion, ók kíʼ iehonthasonhtérah tsi nihonahskénahse.

Leviticus 15:18

Nó꞉nen ne rónhkwe tánon ne iónhkwe skát꞉ke rohnarátonhne ónenk tsi enshiátawenh, tánon kíʼ tenhothihiatationthónhake tsi nióre ienhiókaraʼwe.

Micah 2:2

Nó꞉nen enhonskáneke nahatiié꞉na ne kahentaʼshón꞉a, tánon kíʼ enhontsiatakweʼní꞉ioste; ne nónhne sá꞉ka ne kanonsahshón꞉as, enshakotíkwah; thensakonanonhnaríhkon ne tsi ratiwaʼtsirakérons tánon ne tsi rotinonshó꞉tons, nonhkweshón꞉as o꞉ni ne raotiienthátsheras.

Numbers 25:1

Nó꞉nen ne Israerʼró꞉nons Acacia nónhwe iehonatathosehró꞉tonkwe, né ronhnónhkwe tahontáhshawenh ne skát꞉ke ahonrákʼtseke ne Moabró꞉nons konhnónhkwe né nónhwe.

Matthew 15:19

Aseken Akaȣeriane tkaiakens ȣahnontonniontseraksens; Atatahseton, Kanakȣaiesatsera, Kanenskȣen, Kanikonrhaton, ne oni nʼatatenratonnisera.

Luke 12:15

Sekon sahenron: Seȣatkatto, tosa seȣaskennhasehak: aseken iah othenon taiakoiatakennhaste ne tohkiok oni naontaiakostsokoȣahake.

Luke 16:14

Tsinihati ne Pharisian ronataonsatekȣe tsinahoten ȣahenron ok tahonȣaieron aseken rohnaskennhasene ne rononha.

Acts 15:20

Khék, tehiotonwentióʼon ne iahietʼthihiátonse naietʼthiróri tóhsa thènen rónʼnek ne iáh tehiotʼkwéniens tsioríhwa tsi kahiatónni konhiohesténni;

Acts 20:33

Iáh thènen tatewakathonʼontsónikwe nónkak akotsokowátsera tóhkaʼ ó꞉ni natʼtserónniat.

Romans 1:29

Ne rathihiatanánon neh niateʼioriwákes neh kariwaneraháktseras, wanonthonniontseráksens, ronaskéʼnaʼse tánon kanakwátsera; kwáh rathihiatanánon neh kanosátsera, asakonásehthe, ronaterihioháties, rathinikonrátha, tánon rathiseróhen. Rothiriwakáte,

Romans 16:2

Teietʼtsiʼiaróhton rahosénnakon ne Roiá꞉ner, tsi nihonateriwaiénni ne Rawenni꞉io rahotiókwa, tánon ietʼtsiʼiénawas tsi nahóten taiakotonwentionníhake, Asèken nakahónha tehionteroserowánen tánon ó꞉ni ní꞉i hiontiénawaʼse.

Romans 6:13

Tóhsa ó꞉ni sewatiakwaríshas ne kariwáneren tsik nahiotónhake ne tsionhakésons nehʼne ahónston ne kariwaneraháktsera. Khèkenk, Rawenni꞉io tatʼtsítsion ne tsiʼtión꞉nhe, tsi nihiáwenhe nhótiake tsi sonnatonʼnhéton, tánon kwáh sewahiathakwékon sewahtiakwarísi rahonháke nehʼne ahʼhónston tsi nòkwa ne kariwakwarishóntsera aoriwáke.

1 Corinthians 10:8

Iáh tatheiotonwenhtióʼon nahionkwánike ne ononwahrorítha kanakwaiesátshera, tsi nihotiʼiéren ne ronátiakes—tánon né sewenhnísera tewáhsen-ásen niwenhniawehetsherásen niʼionkwétahke wahonníheie.

1 Corinthians 5:1

Nónʼwah, kwàse tsi nihónen né tsi ononwahroríta kanakwaiesháh꞉tshera tsi nisewahtiéra thóh nió꞉re tsi teiotenonianíton akwékon ne iáh tethohnetákwen iáh kíʼ nèn꞉ne tahotinontáh꞉nake. Ionkróri rónkwe skát꞉ke ianónwets ne ieseshahkonisténha!

1 Corinthians 6:13

Ónhkak enhiaiéron, “Kákhwah né꞉ne onekwáhta ahówenk, tánon nonékwahthe né꞉ne kákhwa ahówenk.” Hén; nók kíʼ Rawenni꞉io tetsáron enháiake. Noierónta iáh ne tahónston ne ononwahroríta ahoweiennakséntshera, nók né꞉ne Roiá꞉ner tahoriwásnieʼse; tánon ne Roiá꞉ner rasniénons noierónta.

1 Corinthians 6:18

Sheʼwahtiatontákwas ne kariwáhneren. Ne rónkwe nó꞉ia ní꞉ioht tsi ahariwáhnerahke iáh tehohiatakʼsátha; nók ne rónkwe roníkon tsi nòkwa ne ononwahrorítha ahoweiennakʼséntshera ne kariwáhneren tsi nòkwa ne raoierónta.

2 Corinthians 12:21

Wákterons ne Rawenni꞉io enhakwatehén꞉seron nó꞉nen shé꞉kon ienskwanatahré꞉nahse. Tentewakkahserá꞉rake ne tsi sewatiohkowá꞉nen shé꞉kon iáh tesewahtsakwaríhsions ne sewarihwaneraʼáktshera. Shé꞉kon né꞉ʼe sewaterihwahtentiatonháties tsi nahoʼténhshon ne kentéhsera, iáh teiotkwénies, atehénhsera.

Ephesians 5:12

Kwáh íken tsi sóhtsi iotehatʼkówa nehne aiethárakwe tsi nihontiéra nónen iáh ónka tatehonwathikánere.)

Ephesians 5:5

Kwáh oriwihioʼónwe tsi ahisewateriéntaraʼke kwáh iáh ónka ne iotenakwaiesátha, iáh tehiakokʼkwéniens, tóhkaʼ ó꞉ni iakotétʼtsen (né꞉ne satetiotʼte ne kahiatón꞉ni akonwashén꞉naien) tahiakonakʼtaiéntake ne rahothinakeraserákon ne Kerístos ó꞉ni ne Rawenni꞉io.

Philippians 1:27

Neh kwá éhnehken iohthohétsthákwen, ónenk tsi ehthoní꞉ioht tsi ensónʼnheke naiotʼtkweʼnienstónhake ne kariwí꞉ios tsi nòkwa ne Kerístos. Ethòne iahonsakwanatarénase khés ne iáh, Thóh kiʼní꞉ioht tsi enkáronke tsi akwékon neh shesewanikónra íken. Ethoʼní꞉ioht tsi enwakateriéntarake tsi skátne sewaióhte tánon kwá íken tsi tesewaʼniotátie nakorénson nahontahonnéthaʼkwe ne kariwí꞉ios.

Colossians 3:5

Ó꞉nenk tsi ensewéntho, é꞉thoh káti, ne owentsiakékha askanéktsheras tsi iohiotáties ne tionhákes, né꞉ne kentéhseras kanakwaieshátshera, iáh teiotʼkwéniens, tahiontathaskanék꞉se, kariwáksen askanéktsheras, tánon iakotetʼtsien (né꞉ne satetiotʼte ne kahiatón꞉ni akonwashén꞉naien).

1 Thessalonians 4:3

Rawenni꞉io tehotonwentióʼni naisewahiatatokentíhake ó꞉ni kwáh iaiotkontakwénhake tsi aisewahtatewenní꞉ioke tsi nòkwa ne kanakwahiesátshera kentétshera.

1 Thessalonians 4:7

Rawenni꞉io iáh tieshonkwenʼnónkon ne thóh nón naitiónnheke ne kanakwahieshatsherákon, nók thóh nónwe naitiónnheke noriwahtokentitsherákon.

1 Timothy 2:10

nók neh꞉ne kahiotenserí꞉ios, neh tkariwahiéri ne tionatʼthonwísen nakonníron iotiriwiʼióston.

1 Timothy 3:3

iáh tehówenk nahanekahkátsʼtake tóhkaʼ ó꞉ni naronkwetatʼsénhake, ónk ahontahorihwahiérike ó꞉ni sákʼtakénhake; iáh tehówenk nahawistanorónkwahke;

1 Timothy 6:10

Ne iewistanorónkwa ne kaiatakweʼní꞉io ne iatehioriwáhke ne kariwáksen. Ótiakes thóh nióre tsi tehotisteríhens nahatiʼiéna kwáh ahéren ronéhthon ne tewetákwen tánon iawehthowánen ne kanikonrakséntseras né tehonerhiasharíhton.

2 Timothy 3:2

Nónkwe ahkahónwakʼkhok enhiontathehiárake, enhiakotetʼtséntahʼke, tenhiontatenrénsaron, ó꞉ni enhiontathónnike; kwáh ó꞉ni ensakotinikonratsáthake, iáh thasakotiwennarákwaʼke ne ronwahtiʼiénha, iáh thènen karihwatakénhake, iáh tahotiriwiʼiostónhake;

Titus 1:11

Kwá tehiotonwentióʼon nahonwanáskweke, ne tsi kwá iewahtsirakwékon sakotinikonraksátha ne tsi ne sakotirihonniénnis tsi nahóten ne iáh tathehiothonwentióʼon, tánon akwékon ne karihónnis tsi nihiotéha tsi nihonahtéttien tsi ní꞉ioht tsi rontʼwistónnis.

Titus 1:7

Asèhken ne sakohéntense nononsatokentíke raónha roteriwatsʼteríston ne Rawenni꞉io rahohioténsera, kwá kíʼ tóhsa thènen ahonhíkonke. Iáh tehiówenk naronkwetatsénhake tóhka ó꞉ni ahanakwastó꞉reke, tóhka ó꞉ni ahanekahkátsthake tóhka ó꞉ni ronkwetátsen tóka ó꞉ni rotwistatékʼtien.

Titus 2:3

Kwá nòn꞉ne ne sáka ietʼtsirihónnien ne tiotíʼions konnónhkwe, nahkonterihwahténtiate tsi nahtehiothonwentióʼon ónhka ne iakoriwiʼióston tsi ahiakónnheke. Iáh teiówenk nónhka ahiakotisennákshate tóhkaʼ ó꞉ni tahiotirenkénnion nakontinikírake notsítsia. Ónenk tsi enhiakotirihónnien nahóten ne ioiánereh.

Hebrews 12:16

Tóh꞉sa ónhka tahiakohiatationháke tóh꞉ka ó꞉ni iáh thahiakoriwiʼiosthóntake tsi ní꞉ioht ne Esau, skahkhwák khók iahatkéne tsi wahotennínon ne rhotsíha.

Joshua 7:21

Tsi nahoʼténhsons iehionkwáha wakatkátho tsi nihiohiánere Babylonihiaró꞉non tehiontewehiarákwah, tánon kák꞉non ne wísk nikakonhtserá꞉ke nihióksthe kawistará꞉ken, tánon skakonhrétʼtsa owistanó꞉ron ishiʼnónhwe ne skakónhtsera nihióksthe. Tsi nió꞉re tsi waʼtewakathonhóntsose hiahákhawe. Enseʼtshén꞉ri wakashé꞉ton nakatohserá꞉kon, kawisthará꞉ken tewakenonhkhonniáton.”

1 Tiér 5:2

naseiatennikonráren ne kentiókwa tsi niʼientiokwáwi ne Rawenni꞉io tánon kwáh thoʼnaisanikonrohténhake tsi ahseiatennikonráren, kwáh tsi naʼtehontonwentió꞉ni ne Rawenni꞉io neh náshere, tánon tóhsaʼ ne iáh thoʼtaisanikonróhten. Sahióten ne sahioténsera, iáh tóhkaʼken ne tsi satʼkarhiákse, nók neh tsi kwáh thóh nithesaskáneks naisahióten.

2 Tiér 2:10

Kwáhʼsénha tsi niháti né꞉ne ratísere tsi natehiótion ne rahotiʼierónta ahoskanéktsheras tánon ronataróntion ne Rawenni꞉io rahohianerénsera. Kí꞉ken rohtinówens sakotirihonniénnis kwáh rohtikonsanírons ó꞉ni rontatónni, tánon kwáh iáh othènen karíwa tehonnónni ne rohtihiatanerákwas ne éneken tonnónnhes; kékenk, ronwatinikonrakarewátha.

2 Tiér 2:14

Kwáh iáh tahóten nóhia tatehontkathonniónkwah nók nek khók nahonatesennaiéntaʼne nahontenakwaiésathe; tsi nihonthonkarhiák꞉tha ne kariwáneren iáh tiatehothiʼiérise. Sakonaterístaiens ne iakotsihióha. Thoʼní꞉ioht tsi karihonniénni ne rahonerhiá꞉ne nahonatetʼtsénhake. Thóh nón nihatihiatóron ne Rawenni꞉io rahorewathatsherákon!

2 Tiér 2:3

Tánon thóh tsi nihonatétʼtsen kí꞉ken rohtinówens sakotirihonniénnis neh enhontʼwistónniathe tsi niʼietsiʼróris ne wakʼkarísons. Ónen kwá thóh tsi náhe ne rahononkwéta Rariwéntha sihotatheweiennentáʼon, tánon ne Sakowenkʼthos kwá íken tsi roièʼon!

Revelation 2:14

Ók thó꞉kara niiorì꞉wake tsi konhiát꞉konte: ní꞉se otià꞉kes ne nón꞉we ne ronatienawáston ne raorionhnienhní꞉tshera Balaam, raónha rorihonhnién꞉ni ne Balak tsi ní꞉iot tsi ashakoterístaièʼn nonkwehó꞉kons Nisraeró꞉nonke, ne káti ne ahón꞉neke ne kákhwa né꞉ne konwateskontá꞉ni kaiatonhniʼshón꞉as tánon ne ahonteriwathéntiaʼte ne kanakwaiesá꞉tshera.

Revelation 2:21

Kerarahtiéskwe nahonshontatré꞉waʼte, ók onteraiá꞉takwe nahonshontatré꞉waʼte ne tsi kenhnikaién꞉ha.

Revelation 21:8

Ók ne roʼnát꞉tsens, ne iáh teotí꞉ien ne tewetá꞉kwen, ne teotihiatátions, ne sakonaséh꞉thas, ne roʼthí꞉teha, ne rontahenná꞉ras, ne rontenakwaiesáthas, tánon ratikwé꞉kon ne rotinhó꞉wenhs, ne raotinák꞉tes kwáh thóh nón꞉we tsi kaniatá꞉re ne iotékhas nótsire ó꞉ni iontenatentástha, ne né꞉tho ne tekeníhaton kenhé꞉iat.”

Revelation 22:15

Akste ne kanaʼtó꞉wanenhke thóh ronhnes érhar tánon rontenhenhná꞉ras tánon ne tihó꞉thiteha tánon sakoná꞉sehthas tánon ne rontená꞉kwahiesathas, tánon tsi niiakon ne ienón꞉wes ó꞉ni ne ahiakoioten nonhó꞉nenhs.

Revelation 9:21

Tánon iáh teshonatatrewá꞉ton tsi nisakonaséhtons khéks ne raonatenhenhnaráhtsheras khéks tsi nihonahtenakwaiehsá꞉tons khéks tsi nihotinénskwen.

1 Samuel 8:3

Nék ne raoʼnekenterontserashón꞉ʼahs tsi iáh teotíseron ne raoʼteweién꞉na, kwáh nek khók thotiʼnikonratihénthos nahiatʼwistónhni; káti ne waʼniʼienáhseron tsi nathonwatiʼtsikhetá꞉rohse tánon waʼnisakéte ne kariwenhtá꞉tshera.