Ephesians 5:26 - Ohiatonhseratokénti

²⁶ Ne aoríwa thóh nihoiéren nehne ahononsathokentísten ne Rawenni꞉io ne tsi nihiosatsʼténsera ne rahowénʼna, tánon kwáh ahóskon sarón꞉ni ne tsi onékanos wahanohárethe,

Ephesians 5:26 ပူးပေါင်းရင်းမြစ်များ

Ezekiel 16:9

“Ethòne wakonhiátawenhsthe tánon sahkonhnhekwensohkweʼwáhnion. Tánon kènhie tákonhiató꞉kahwe.

Ezekiel 36:25

Kwáh tenhkonhiatsʼtaróhkwahthe ne kanhekí꞉io tánon enskonhiató꞉hare tsi naʼtehiesahiatatsiónston ne sahiatonhnishónhas tánon ne oiásonhs naorihoténsonhs ne tehiesahiathatiónston.

Leviticus 14:11

Ne ratsihénstatsi ienhiaiaténhaʼwe skát꞉ke kí꞉ken athatawítseras ne tsi iehionhthawehiathákwa natohserákon tsi nónhwe nihénteron ne Roiá꞉ner.

Leviticus 16:30

Né nenhwenhniseráteʼke norihwakahionhnéha ónenk tsi enwaterihwathentsáthonʼke nahonshahonwatiʼrónkwaʼse tsi nòkwah ne rahotirihwanerahák꞉tsheras, ne káti ne kwáh í꞉ken tsi ahonsahonatʼkweniensthónhaʼke.

Leviticus 8:6

Ne Mahís thashakohiaténhaʼwe ne Aaron ó꞉ni ne rahonekenteronhtserasónhas ohénton niahónhne tánon washakahónhnien norihwakáion tsi ní꞉ioht tsi ahontháwen.

Zechariah 13:1

“Nó꞉nenh né꞉tho kawistáhets enwáhwe,” rá꞉ton ne Roiá꞉ner Roshatstenhserowá꞉nen, “ne ionehkotehón꞉we kwáh enkanonhthónkwenhke nahonshahonthonnahkanón꞉ni tsi nithonatwatsirí꞉nonh ne Táwit ne nónhne sáhka Jerusalemró꞉nons tsi nokwáh ne rahotiriwahneraháktshera ó꞉ni tsi nokwáh ne rahothihiatonhnishón꞉ʼa

John 13:10

Tontahenron ne Iesos: nonen rotiatohare, neok tetsiotonȣentsiohon naonsaonȣasitohare, nok akȣekon enȣatenohare; onen kati Seȣatiatohare iah ki tanon akȣekon tehken.

John 15:3

Onen ok seȣakȣekon neh tsiseȣatiatokeȣaton tsini kaȣennoten kȣarionnienni.

John 15:8

Neh enhasennoȣanatakȣe ne Rakeniha nʼeso enseȣateiaronhase, nok ethone akitiokȣa enseȣaton.

John 17:7

Onen oni ronaterientare tsi iseke nitiaȣenon tsinikon takaȣi.

John 3:5

Tontahenron ne Iesos: Oriȣiio akȣa oriȣiio tsi konrori, ne iah tensrennakerathe nʼonekanosne nok kanikonrake, iah ki nonȣenton tiiahataȣeiate ne Karonhiake.

Acts 22:16

Tánon kíʼ ónen, nontsiéren tsi sénha asateráhrathe? Téstann tánon satenekwáheste tánon sahsenó꞉hare ne sariwanerahákʼtseras tsi nienʼtsiaterennaiénhase.’

Acts 26:18

Tensekakwarísi ó꞉ni tonsashekaraténi tsi non natetiókaras tsi teioskwátʼte niehónne tánon shèkwa ne Raneshonrónon rahosatsténsera nók Rawenni꞉io rahosatsténsera tontashéhion, káti tsi entionkétakwe ne rahothiriwanerahákʼtsera enskanikonrén꞉en tánon enhatiʼiéna neh skátʼke ahonnéseke tsi niháti ne Rawenni꞉io sakohiatarákwen.’

Romans 10:8

Ne kíʼ kéntons: “Nowén꞉na kwáh í꞉ken tsi tsaʼták꞉ta ká꞉ien, tsá꞉kon í꞉wa tánon seriáhsakon”—thoʼní꞉ioht nahteriwanhothátsera ne tewethákwen iakwateriwanhótha.

1 Corinthians 6:11

Shewáhtiakes tohnisewahweiennótenʼne. Nók kíʼ tsi sehwatonnakanonníʼon tsi nòkwa ne kariwahnerenhatsherákon; tsi sewahriwatokentíston tsi nòkwa ne Rawenni꞉io; tsi shewahteriwaseronniénni raohénton ne Rawenni꞉io né꞉ne Roiá꞉ner Ié꞉sos Kerístos thóh nihóshon tánon ne Raonikónra Nonkwaʼní꞉io. Ne rónkwe roianerasténhni ne iáh thaoniake kehs ensíron nètho rónkwe roianerasténhni ne iáh thaoniake.

2 Corinthians 11:2

Kwáh í꞉ken tsi teiohnó꞉tes tsi ní꞉ioht tsi tewakaʼnikónhrare ní꞉se sewarihwà꞉ke. Nakenoronhkhwátshera tho nitiótte tsi kiʼ nihianorónhkhwa ne Rawenni꞉io. Tewakatonhontsó꞉ni ne iaisewatahsón꞉teren, kwáh ne khók ne aisewarihwatokénhake tsi nonkwa ne Ié꞉sos Kerístos. Kwáh tsi ní꞉ioht ne iakón꞉kwe tsi iakorihwató꞉ken tsi nonkwá ne rón꞉kwe ronwaraʼsestén꞉ni tsi enhotí꞉niake, tánon ó꞉ni shé꞉kon iáh teienahkwaienté꞉ri tsi niió꞉re iaiakó꞉niake.

Ephesians 6:17

Tánon tsiéna ne kaiathakenátshera tsi shíken ní꞉ioht nanónwaroreh, tánon tsi nitʼthiáwis ne Rohnikonriʼióston ne Rawenni꞉io rahowénʼna kwáh thóh ní꞉ioht kwáh nehne asarekówa.

Colossians 3:16

Ne Kerístos raoteriwanotátshera neh tsi nihió꞉kwats kwáh ioteriwí꞉son ne sewerianéson nón꞉we nakenteróntake; tánon tesewahtaterihónnien tsi natesewáhtere orihwakwé꞉kon isewatst ne kanikonrowanahtshera. Tesewahriwakwánion, ne teieriwahkwataokónhas, ó꞉ni ne orennatihokónhas; thetsisewahriwákwas ne Ní꞉io neh kanonweratontsherá꞉kon ne sehwarianésons.

Titus 2:14

Iehotatatʼkáwen ní꞉i onhkwariwáhke, nahonsahshonkwaniákente ne kwák tsi nahiotónhake ne kariwáksenke tánon nashontiónnien kwáh orihwí꞉io rahónha khók rahonkwetaʼsónha ahitewáhton ó꞉ni kwáh tahionkwasterihénseke ioiánere tsi naitewáhtiere.

Hebrews 10:10

Tioríhwah ne Ié꞉sos Kerístos thóh nioié꞉ren tsi nateotonwenhtioníhaʼkwe ne Rawenni꞉io, tewakwékon tionkwahtonʼnakanón꞉ni tsi nòkwah ne karihwáhneren né tsi nihoʼtahtatʼkáwenh ne tsi rónnhe énskak khók iehioiénton.

Hebrews 10:14

Né énskak karonhiakénshera, nekáti, rahonniáton ne tósa thé꞉nen ahiakohnhitsheraiéntake tsi nihiákon tiakotonʼnakanón꞉ni tsi nòkwa ne karihwáhneren.

Hebrews 10:22

Ánion ki rahiatát꞉ta iehetewe ne Rawenni꞉io ne kwáh aiteweriasí꞉iohake ó꞉ni aoskon ne tewetakwenh, ne seweriatokenʼtiston ne tsi niweriahsakʼsénhne ó꞉ni noieronta né skanoharéhton ne iotnekatʼkwé꞉niens.

Hebrews 10:29

Nahó꞉ten, káti ónen, tsi niháti ronwahkenronni ne Rawenni꞉io Roiénha? Tóh꞉ní꞉ioht tsi ronnonthonnions iáh thenen tekastha nohnekwénhsa ne Rawenni꞉io rahoterihwahseronniennitshera tsi ní꞉ioht tsi tiakahonnahkanonni tsi nókwa ne karihwahneren? Rohnónha konwahnikonratsaton ne Kashastensera ne kentenron? Kwáh sehwahnonthonnionf tóh ní꞉ioht tsi sénha kowahnen ne karewahthatshera enhatiʼié꞉na!

Hebrews 13:12

Asèken ne kí꞉ken aoríhwah ne Ié꞉sos átste nahkanatáti nón nihawenhéion, ehʼnahontáwe nahonsahiakotonnakanónnien nonkweʼókon tsi nòkwa ne karihwáneren né kenikwékon ne rahonekwénhsa.

Hebrews 4:12

Ne Rawenni꞉io raowénhna tsi iónnhe ó꞉ni iohiótens, sénha iohiothí꞉ie tsi ní꞉ioht ne tetsarónkwen nòhkwati tsi ioʼiotíhie. Kwáh iatheiohétstha tsi kahrénas, tsi nónwe natónnhets tánon ne onikónra nikáien, tsi nónwe naʼteiohtistoterónnions ó꞉ni nostarónwahs skátʼke ietsátons. Tehkaiatorétha nahoskanétsheras ó꞉ni nahononthonnióntsheras nahwéri.

Hebrews 9:14

Tsi kwáh kí꞉ken orihwí꞉io íken, tohʼniwéso tsi sénha karihwahkwahtákwas ne Kerístos raonekwénsa! Thóh nónwe ne ionnheónwe kashatsʼténsera raónha iahatatátʼkaʼwe né꞉ne ahontakarihwahiérike ne karonhiakénshera raohénton ne Rawenni꞉io. Né raonekwénsa né entionkweriashaserón꞉ni tsi nòkwa ne iáh thènen thekarihwásthas tsi nikarihótenne, ne káti nahónton atsitewaiótense ne ronnheón꞉we Ní꞉io.

Ne꞉ne Sák Rohiaton 1:18

Ne tsi kwáh raónha ehnihonikonrhótenʼne thóʼnon nashontiónnhete noriwihioʼónwe nowénna, né꞉ne hiathetewahiáti ohénton ahkénhake tsi niatheʼháti ne sakohiathísons.

1 Tiér 1:2

Ietsiʼiaʼtará꞉kwen ne tsi nithonikonriʼióʼon ne Rawenni꞉io ne Kanísera ó꞉ni Rawenni꞉io Raonikonratokénti wakarihonni tsi wesewahiatatokentíne, né꞉ne ahtsisewawénnarakwe ne Ié꞉sos Kerístos tánon ne ahonsehsewatonnakanónniathe ne rahonekwénsa. Aiáwens kenténrat ó꞉ni ne skénnen aisewawenhkónweke ó꞉ni aiawetowénhnenke.

1 Tiér 3:21

Neh ioieronnítston iehiótsate naʼtenekwahestátsera, tsi neh ónen tsi sanónstats. Iáh nehne tsi ahonsashenóhare tsi taisahiatationtónhake, nók neh tsi ronwarahratsʼténni ne Rawenni꞉io tsi nihiakonikonrí꞉io. Tsi saniakéntha rahonháke ne Ié꞉sos Kerístos tsi shotonnhéton,

2 Tiér 1:9

Nók tóhka iáh tesewáien, tsi nióre tsi sewakaráksen iáh tesewakwénies naisewatʼkáto tánon sewanikonrén꞉en kwá tsi sehwatonnakanonníʼon tsi nitiothohestanion ne sewariwaneraháktseras.

1 Sawátis 5:6

Ié꞉sos Kerístos rahónha thóha nonékanos tsi rotenekwahesthákwen ó꞉ni nonekwénsa tsi iehawenheiáton. Iáh onékanos khók thetóha, nók tetsiáron nonékanos ó꞉ni nonekwénsa, Tánon rahónha ne Ronikonriʼióston ratróris tóhske thóh ní꞉ioht, Asèken kwá aóskon nʼoriwíʼio ne Ronikonriʼióston

Jude 1:1

Jude kih non nitsawénon, Ié꞉sos Kerístos roióhtense, tánon né꞉ne Sák iatatekénʼa— Tsi niʼiá꞉kon ne Rawenni꞉io sakonhaʼon, Rawenni꞉io né Kaʼní꞉sera í꞉ken rahononronhkwatsherá꞉kon non nihonnonnhétie, tánon tsi natesakotiatháton ne Ié꞉sos Kerístos: