Ephesians 5:20 - Ohiatonhseratokénti

²⁰ Thoʼraosénnakon ne Roiá꞉ner Ié꞉sos Kerístos, kwáh tiotʼkonʼónwe tsík nahoténsons tsi tetsisewanonwerathónsek ne Rawenni꞉io tsi rahónha ne Kaníhsera.

Ephesians 5:20 ပူးပေါင်းရင်းမြစ်များ

Job Tánon ne Raoronhiakensera 1:21

Wahèn꞉ron, “Akenehóskonk tsi nitewakè꞉non nakeʼnisténha tsi iewiraráhkwah, tánon akenehóskonk ki tsi thóh nón꞉we nienhénske; ne Roiá꞉ner taʼkáwis, tánon ne Roiá꞉ner ieshá꞉has; tehiontenonhwerá꞉ton ne raosénhna ne Roiá꞉ner.”

Psalms 34:1

Kwáh kíʼ tiókonte tsi tenhinonhweratónhsehke ne Roiá꞉ner; kwáh iáh nonwénton takát꞉kawe tsi tehinonhweratónhnions.

Isaiah 63:7

Kwáh enskatʼró꞉ri tsi niʼkanoronhkwahtsenhrénhaʼwe ne raoʼhioténhseras ne Roiá꞉ner, tehiotonhontsóhon ne tahiontenonweráton tsi nihó꞉ienhre ne Roiá꞉ner, tsioríh꞉wa né norihwaʼkwékon nètho Roiá꞉ner tsi nishonʼkwahtiéraʼse, tánon né teiotenonʼianíton wahatenóronste tsi kanónshoʼte ne Israerʼronónke né tsi nisakonatón꞉ni né tsoianénha né raoʼtaniténhrat, né tsoianénha né iaʼwetatsáni né iorihwatóken raonoronkwáhtshera.

John 15:16

Iah ȣahi ise teskȣaiatarakȣen, ii tanon ȣahi kȣaiatarakȣen, kȣanaktaseronnienni oni, naontonseke akȣekon naonteseȣete, nok aeseȣateiaronhase, tiotkon oni eh naiotonhatie, neh oni ne tsi ok nahoten atsiseȣariȣanontonse ne Rakeniha ii aksennakon, entetsitsion.

Acts 5:41

Tsi natonsahontetʼkhaʼshiónko ne ratikweʼkónʼne ó꞉ni ne Ratitsiénhaiens, kwáh rohnatʼtsennón꞉ni, Asèken Rawení꞉io sakohiatarákwen neh tsi iatekaiéri tsi nihotikwénion nahontéʼen ne Ié꞉sos rahoriwá꞉ke.

Romans 1:8

Tiotierentákwen, Tehinonwenráthons Nakení꞉io rahonháke ne Ié꞉sos Kerístos neh kwáh sewakwékon, Asèken ohontsiakwékon iakoronkenhátie tsi nithiʼsewehthákwen.

1 Corinthians 1:4

Tiotʼkonhónwe tenʼinonweráton ne Rawenni꞉io níse sewahriwáhke tsoríwah tsi nitʼiáwi ne kenténrat rahonháke ne Kerístos Ié꞉sos.

1 Corinthians 15:24

Ehʼthóhʼne ne tsi iehiotótʼthe énwahwe; Kerístos tsienshakowenhní꞉ioke ratikwékon ne kariwiʼiostóntshera ronsárine, ratikoráhsons, ó꞉ni kashatsʼténseras, tánon entʼtháwenh ne kanahkeráhshera ne Rawenni꞉io ne Kanísera.

Ephesians 5:4

Iáh ó꞉ni tetsiaténro naíhsewatsʼte natehénsera ahowenʼnasónhas, naihsewariwaiésahte, ahisewaianeraksénhake. Khèkenk tehiothonhontióʼon tatsisewanonweráton ne Rawenni꞉io.

Philippians 1:3

Kwá tsi niʼioriwáke níhse enkwanonthónnionwe, tenʼihnonweráton ne Rawenni꞉io.

Philippians 4:6

Tó꞉sa thènen tesewathatenikonráren, ók oriwakwékon sewaterennahienthatsherákon tsi sewariwahnónhtons ne Rawenni꞉io tsi nahó꞉ten tesehwathonwenhtió꞉ni. Nónenh thènen iensewaterénnahien ne rahonháke, kwáh oriwí꞉io kénhak sewéneste tsi tentsisewahnonhweráhton.

Colossians 3:17

Kwáh tsik nahorihoʼténhsons tsi naisewáhtiere tóhka ó꞉ni thé꞉nen aisewénron, é꞉tho káti, naiá꞉wenhne rahoshén꞉nakon ne Roiá꞉ner Ié꞉sos, tsi rahonhà꞉ke tensatenonwerá꞉ton ne Rawenni꞉io ne Kaʼní꞉sera.

1 Thessalonians 3:9

Ónen káti enwáhton tatsitewahnonweráton ne Rawenni꞉io ne sewahriwáh꞉ke. Tetsitewahnonweráton ne atʼtsennónniat tsi ionkwáhien ne rahonháke í꞉seh tsiorihonníʼon.

1 Thessalonians 5:18

tesewahtenonweratónsek kwáhk tsík nahiorihoténhake. Thóh kíʼ natehotonwentsió꞉ni thóh náshiere ne Rawenni꞉io tsi nishón꞉ne ne tsi tetiaterihwahshón꞉tere ne Kerístos Ié꞉sos.

2 Thessalonians 1:3

Tewatenroʼshón꞉a, kwá tiókonte ioteriwíshon tsi tasakwanonweráton ne Rawenni꞉io ne sewahriwáhke. Kwá ioiánere neh naiakwáiere, tioríwah ne sewehtakwátshera tsi nióre tsi ioteiárontse ó꞉ni tsi natesewahtatenorónkwa sénha iotehiaróntie.

2 Thessalonians 2:13

Teiontonwenhtióhon ne tiókonthe tahsakwanonweratónseke ne Rawenni꞉io níse sewahriwáhke, tewatenroʼshónʼa, í꞉se ne Roiá꞉ner tsi sewahnorónkwah. Asèhken í꞉se tisewahtierénton ne Rawenni꞉io tsi sewahiataráhkwen ne kwáh sontontáshahwen naisewahniákenthe ne Rawenni꞉io raoshatsʼténsera ne í꞉se rahonkwetatokénti aisewáton ó꞉ni tsi tisewetákwen ne oriwiʼioʼónwe.

Hebrews 13:15

Ánion tewahtátʼrek, káti, tiotkonʼhónwe ietewáhtat ne kanonwerahtóntshera rahonháke ne Rawenni꞉io né꞉ne onkwahtaʼtewenhniʼiótshera tsi nòkwah ne Ié꞉sos, né꞉ne iewatʼkáwenh tsi nitiawénon ne tsi ieshakáronthe tsi nihiákon ne iakoriwahniráhton tsi rahónha ne Roiá꞉ner.

1 Tiér 2:5

Kásewe tsi ní꞉ioht ne iónnhe onénias, tánon sewathóntat naʼietsiʼiastste tsi akanonsonníhake ne ionnheʼónwe ononsatokénti, thoʼnónwe nensahióten tsi ní꞉ioht ne rotokénti ratsihénstatsi nasétatʼtse kariwiʼiostóntsera tánon ne kaienawasétsera ó꞉ni naontatsenikonraiérite ne Rawenni꞉io rahonháke ne Ié꞉sos Kerístos.

1 Tiér 4:11

Nónka ionteriwahnótʼtha ónenk tsi ne enhionteriwahnóhten ne Rawenni꞉io rahotheriwanohtátseras; ónhka ne iakohióte ónenk tsi ne énhionste ne kasatsʼténsera ne Rawenni꞉io tesakówis, nekáti kwáh oriwakwékons nahónton rahonháke ne Ié꞉sos Kerístos tsi tahonwanonweráton ne Rawenni꞉io, rahonhatsíwak rahówenk ne kahiatanerakwátsera ó꞉ni kasatsʼténsera tsi nienʼhénwe ó꞉ni tsi nénwe. Éhʼtho naiáwen꞉ne.