Ephesians 5:10 - Ohiatonhseratokénti

¹⁰ Sateniénten ne sahióten nahonthatsenikonraiérite ne Roiá꞉ner.

Ephesians 5:10 ပူးပေါင်းရင်းမြစ်များ

Psalms 19:14

Aiáwenhs nakewenhnasónhas ó꞉ni nakanontonnióntsheras ó꞉ni tsi nikatenikonraiéntons nakweriáne aeserientí꞉io, Ó Saiá꞉ner, iséke nón꞉we nikathasehtákwah tánon í꞉se sestsiatákwen.

Proverbs 21:3

Tho ná꞉tsehr tsi nahò꞉ten ne tkariwaié꞉ri, ne sénha enhawerienʼtí꞉io ne Roiá꞉ner ne aontahtshawíhten ne karihwiioseʼokón꞉ʼa naterennaientatsherá꞉kon.

Isaiah 58:5

Etʼken ní꞉ioht tsi wakerákwen tsi aiakawenhtón꞉tieʼte né wenhniserontákwen ne etʼtàke ahionthatónhni? Né kén ne tahiontsakéte kwáh né꞉ne ohshonwennitakówah, tánon thóh ahiontsiaʼtiónhnite kaiaráke tánon ne okenhrá꞉ke ne wakenronhtákwen? Kwáh kén né kí꞉ken ensenátonʼkwe ne wenhtonhtiéton, né wenhniserontákwen nahawerientí꞉io ne Roiá꞉ner?

Jeremiah 6:20

Nahó꞉ten katsteristhákwa ne wenhnekeráhkon tionhkhawitenni ne Sheba nónhwe, ó꞉ni ne iekhwá꞉konhonsthákwa ne ahinónhson nióres tionhontsiaténion? Iáh thatiéna ne rahonahthatawítsheras iáh ó꞉ni tahonkherientí꞉io ne rahothiriwiʼiosehokónhas.

Romans 14:18

Tanon nónen thoní꞉ioht tsi entiótense ne Kerístos, entsenikonraiérite ne Rawenni꞉io tánon ne ronatiakhésons enhatiriwanónwehʼne tsi nihoiéren.

Philippians 1:10

Nahontakariwaiérike tsi ní꞉ioht tsi tensewaiatohréhthake. Ne entionniʼiósthakwe ó꞉ni iáh othé꞉nen taihsewateriwaéhsten nó꞉nen thé꞉tre ne Kerístos. Ó꞉ni káti tsi nió꞉re ienwatenniseriéhwe

Philippians 4:18

Kwá akwékon sewakatkarhiákʼse, ó꞉ni tsiníkon ioteiarónhon. Kwá íken tsi wakerientí꞉ios tsi nahoténsons waskwawíhon neh Epaphroditus thakawitén꞉ni. Neh teskaieróntare ne kwá teiohtsikhétare tsiniwenserákon ionthatáwis tóhka ó꞉ni ne kwá tkariwhaiéri ne hiontsenkwaronniathákwa ne rawehrienthiʼióstha ne Rawenni꞉io.

Colossians 1:10

Eʼthò꞉ne káti khók enskwé꞉ni nasónnheke tsi natehontonwentióni ne Roiá꞉ner tánon ó꞉ni thóh nénhsere tsi nahó꞉ten ne rawerientiióstha. Tsi tiónhne niaté꞉kon tsi ní꞉ioht tsi enwehiá꞉ron ne kahiotenserí꞉ios, tánon kwáh ensatehiá꞉ron tsi nentseriwahientérane ne Rawenni꞉io.

1 Thessalonians 5:21

Orihwakwé꞉kon sát꞉kens: sateweiénton nahóten neioiánere

1 Timothy 2:3

Ne kí꞉ken ioiánere ó꞉ni rawehrientiʼióstha ne Ní꞉io Sonkwaiatákwen,

1 Timothy 5:4

Onk tóhkaʼ ne iotheréʼons iowíraien tóhkaʼ ó꞉ni iotherésen, neh kwáh tiotserentákwen nakothirihwahiériʼthe tsi naʼtehiothonwentióhon nahothiʼriwiʼiosthóntseras tsi nòkwa ne ahothiwáhtsires tánon neh kí꞉ken enkarihónni nahonsahonwahthikárhiakʼse ne ronwahtiʼienha ó꞉ni ne sakotisótʼtha, tsioríhwa tsi neh kí꞉ken rawerentiʼióstha ne Rawenni꞉io.

Hebrews 12:28

Ánion kíʼ tethewahtenonwerátonsek, káti, tsoríhwa tsi entewahiéna ne kanakerásera né꞉ne iáh tahónton tahiotihéntonwe. Ánion ionkwatsennonníhak ó꞉ni tetsitewahnonweráton ne Rawenni꞉io né꞉ne ahkakwéni ahawerientí꞉io, aterennaientaʼtsherákon ó꞉ni kakwenienstátshera;

1 Tiér 2:20

Nahóten nèn꞉ne kástha nasatakátsthate naʼiesanonwenserário tsi natesaténtion ne tsi natesaterientawenréʼon? Nók tóhkaʼ ensatakátsthate ne karonhiakénsera séhkons ó꞉ni nónen thènen tisaieríton, neh kíʼ enkarihónni Rawenni꞉io enhiaiatatériste.

1 Tiér 2:5

Kásewe tsi ní꞉ioht ne iónnhe onénias, tánon sewathóntat naʼietsiʼiastste tsi akanonsonníhake ne ionnheʼónwe ononsatokénti, thoʼnónwe nensahióten tsi ní꞉ioht ne rotokénti ratsihénstatsi nasétatʼtse kariwiʼiostóntsera tánon ne kaienawasétsera ó꞉ni naontatsenikonraiérite ne Rawenni꞉io rahonháke ne Ié꞉sos Kerístos.

1 Samuel 17:39

Ne Táwit wahawahnerénkʼkhon ne Saul raosarehkó꞉wah éhʼneken ne raotsheronhniákwahke, tánon tsi nahateniénten netahatekháhaʼkwe, asèken iáh teorenhnáhonhne ne ne áratste. Eʼthóhʼne ne Táwit wahawénhaʼse ne Saul, “Iáh tatkwéni tahkatekhá꞉hakwe tsi ne kí꞉ken wakatstánion; asèken iáh kiʼ tewakerenhnáhon.” Káti ne Táwit saharishiónhko.