Ephesians 4:6 - Ohiatonhseratokénti

⁶ saiátak khók ne Rawenni꞉io tánon akwékon neh Ronwaníha nonkwesónha, rahónhak ne akwékon tiesakoiánere, kwáh rathikwékon sakoioténstha, tánon kwáh rathikwékon tsi skát꞉ne íken.

Ephesians 4:6 ပူးပေါင်းရင်းမြစ်များ

Genesis 14:19

Tánon wahoiataté꞉rihste tánon wahén꞉ron, “Aiá꞉wens ne kwáh Thótte Rawenni꞉io, ne ne róson tsi karonhiá꞉te ó꞉ni tsi ionhwentsá꞉te ahoiaʼtaté꞉rihste ne Abram;

Psalms 95:3

Asèken ne Roiá꞉ner tsi roshaststenhserowaʼkenkówa Rawenni꞉io í꞉ken, tánon rosasthenserowaʼnenhkówa tsi ronhnontí꞉io í꞉ken tsi nitesakoniaʼrotáron ne ronatsákes nʼiohokónhas.

Isaiah 63:16

Asèken í꞉se né takwahiénha, iawerohátien né Abraham tsi iáh shonkwaientéri tánon nʼIsrael iáh teshonkwaʼrihwaniráti; í꞉se, Ó Saiá꞉ner, né takwahiénha; né tionkwahiatákwen né osthénha í꞉ken né shasénhna.

Malachi 2:10

Iáh kenh tewakwé꞉kon shaià꞉ta khok ne tshitewaʼníha í꞉ken? Iáh kenh shaià꞉ta khok ne Rawenni꞉io ne shonkwaiaʼtíson? Oh katí nontié꞉ren tsi iáh teionkwarihwató꞉ken ne tshieiorihwakwé꞉kon tsi nokwá ne tewatateʼkoʼokón꞉ʼahs, ionkwenʼtaksatonhátie ne raonaterihwahseronniáhtshera ne iethihsothokonʼkénhen?

Numbers 16:22

Ók kíʼ ne Mahís tánon ne Aaron wathiaʼtshàkete ohontsáke teniká꞉nere tánon waní꞉ron, “Ó Sewenní꞉io, í꞉se akwékon tsatakwení꞉io ne tsi iakónhnhe. Nó꞉nen tsaʼkwahiatáʼtshons enhiakwarihwánerake, kanakerasehrakwékon kén ensehnákwahse?”

Matthew 6:13

Nok tosa aionkȣasenni ne kariȣaneron; ehren tanon takȣariȣakȣiten ne iotaksens, aseken ise ne tsiniienhenȣe ensenakereke, kasastensera oni Kanentonsera iah takariȣentane. Amen!

Matthew 6:9

Kenh kati nenseȣaiere nenseȣaterennaien: Takȣaienha ne Karonhiake tesiteron! aiesasennaien!

John 14:23

Tontahoȣennaȣeron ne Iesos, nok ȣahenron: nonka rakenoronkȣa enhateȣeienton nakeȣenna, neh enhonoronkȣe ne Rakeniha; nok nii entsiteȣaiatorenne nok raonhake ienteȣatien.

John 17:26

Kherori oni ne Sasenna, nok sekon ensekherori; naontonseke tsinikanonȣetseroten tsi takehnonȣehon neh ahonatienhase, nok oni nii akheiatienhase.

John 20:17

Tontahenron ne Iesos tosa kenh niiatatier: aseken areko Rakenineha tiieseȣakenon; ȣas tanon seroriana nʼiakȣatatekenha: Rakenineha sake, nok etsiseȣanineha oni nise; Ake-Niione, Etsiseȣa-Niione oni nise.

Romans 11:36

Asèken oriwakwékon Raónha Rawenni꞉io róhson, ó꞉ni akwékon Raónha roteriwahtentsiáton tánon kwáh hiatehaʼiáti. Ahonwasénʼnaien ne Rawenni꞉io ne tsi nihohiatanerákwat tsi nénwe! Éhʼthoʼnaiáwenʼne.

1 Corinthians 12:6

Tóhka natetʼkonthihánions tsi nahiakokwénionke nahiakohióten, nók kíʼ né sahahiáta ne Rawenni꞉io takáwas tsi nahiakokwénionke ahionteriwahténtiathe ne katokénston kahioténserah ahiakoióten.

1 Corinthians 8:6

kwáh kíʼ nonkwahriwáhke saiátak khók kíʼ ne Ní꞉io, rahónha ne Kanísera, rahónha Rohshahánion noriwahkwáhkons tánon rahonháke nónwe niʼtsiónnhe; tánon saiátak khók ne Roiá꞉ner, né꞉ne Ié꞉sos Kerístos, rahonháke non niʼtiawénon tsi kashahánion noriwahkwékon tánon rahonháke nónwe nitsiónnhe.

2 Corinthians 6:16

Thó: ónhte kenʼ tiónakte ne Rawenni꞉io raononhsatokenhtí꞉ke ne kaiaʼtonniʼshón꞉ʼa? Onnonhsatokénhti ne wáhi tsi tiónhnhe ó꞉ni otionhà꞉ke nón꞉we nihèn꞉teron ne ronhnheʼón꞉we Rawenni꞉io. Ne seʼ aorì꞉wa rá꞉ton: “Eniakwakwekonhatié꞉sheke Iʼi ne raotiní꞉io enkénhake tánon akwé꞉kon I꞉ʼí akonkwé꞉ta enkénhake.”

Ephesians 1:21

Éhʼtho nónwe ne Kerístos rathikwékon tesakoniarótaron ne karonhiáke, rathironhiakerónons, kasatsténseras, ó꞉ni ne Rotiʼiáneres; neh rohsenʼnontákwen neh tsiahonhá꞉a tiótʼte tsi níkon ne kasénʼnas ne kén ionwentsiáte ó꞉ni nó꞉ia tsionwentsiáte.

Ephesians 2:22

Tsi tehionkwateriwahshón꞉tere ne keristos í꞉se ó꞉ni skát꞉ke sewaʼtón꞉on naʼkorén꞉shon nénskat khók tsi nón꞉we iehiotón꞉ʼon ne ne tsi nón꞉we nihénteron ne Rahonikonriʼiosthóntshera ne Rawenni꞉io.

Ephesians 3:17

Tánon wakaterénʼnaien ne Kerístos ne hiahatenakthónʼni ne sewerianésons taʼiahonkóton ne tewethákwen. Wakaterénʼnaien neh kwáh taiahoserénhen ó꞉ni ne ahionniáton ne kanoronkwátsera.

Ephesians 6:23

Aiáwens ne Rawenni꞉io ne roʼníha ne Roiá꞉ner Ié꞉sos Kerístos nahontasakáwen tsi niʼiákon ne iakoriwihióstons skénnen ó꞉ni kanoronkwátshera skátne ne tewethákwen.

Deuteronomy 6:4

“Israerʼró꞉nons, Sewehiárak kí꞉ken! Kénh ká꞉ien tkonwakowá꞉nen: Ne Roiá꞉ner nene Okwaní꞉io íken, ne Roiá꞉ner rahonhatsíwa khók íken.

1 Sawátis 3:24

Tsi niʼiákon ne iontewennarákwa tsi nihariwanóntons ne Rawenni꞉io thóh non nenʼiakonnhétie tsi tehonateriwasóntere ne Rawenni꞉io tánon ne Rawenni꞉io enhatikwekónhake ne ronnónha ne tsi rahónha tehonateriwasóntere. Tánon neh tsi nitesonkwáwi ne Rawenni꞉io nonikónra ionkwateriéntare ne Rawenni꞉io tsi tehionkwateriwasóntere.