Ephesians 4:5 - Ohiatonhseratokénti

⁵ Saiátak khók ne Roiá꞉ner, énskak khók ne tewetákwen, énskak khók natenekwahéston;

Ephesians 4:5 ပူးပေါင်းရင်းမြစ်များ

Zechariah 14:9

Ethò꞉ne ne Roiá꞉ner kwáh onhwenhtsiakwé꞉kon tsi enhonnonhtí꞉ioke; kwáh onkweʼtakwé꞉kon tsi enhonwahshén꞉naien tsi raónha ne Nʼi꞉io tánon ronwahienté꞉ri tsi ne shahoshén꞉na.

Matthew 28:19

Ȣasene kati, nok ietsirionnien, akȣekon nonkȣe, ietsinekȣahest raosennakon ne Roniha, nok Roienha neoni ne Ronikonriioston.

Acts 10:36

Sewateriéntare tsi niwateriwanothatseróten iesakothenietén꞉ni nIsraeʼrónons, ratʼroríhawe ne kariwí꞉ios neh skén꞉non raonháke ne Ié꞉sos Kerístos, tsi nikáien neh akwékon Tseʼsakoiá꞉ner.

Acts 2:36

“Onkwetaʼkwékon ne Israeronónke, káti, ahiakoteriéntaraʼne tsi kwáh oriwihioʼónwe ne kí꞉ken ne Ié꞉sos, tsi nikáien ne teʼtsisewahiásonʼte, tsi raʼónha ne Rawení꞉io rosennáhwi tsi Roiá꞉ner ó꞉ni ne Kerístos!”

Romans 3:30

Rahónhak khók ne Ni꞉io, kwáh ó꞉ni ensakotakwarísion neh Sitaeró꞉nons tsi natehóntere ne raónha neh entewanónton tsi nithonetákwen, neh nònʼne sháka ne iáh tehatisitaerónons.

1 Corinthians 1:13

Ne Kerístos iáh thaʼónton ne tahonwahkháh꞉shion. Tsi nónwe nikentiokwahkérons! Kór ken kahiasáke tsi sehwenhéiase níse? Tsi sehwahtenekwahéston né ken ne Kór ahatonkwetaráhko?

1 Corinthians 1:2

Ne thonwetákwen ne Rawenni꞉io thóh nónwe ne Corinth, tsi nihiákon ieiontatenáton ne Rawenni꞉io raotiokwahtokénti akénhake, tsi rahónha rahonkwetaʼshónha ne tsi tehonaterihwahshóntere ne Kerístos Ié꞉sos, rahtikwékon ne kwáh tsik nonwéson ne ronwahsénnaiens ne Ié꞉sos Kerístos, rahónha ne Shakoiáner ó꞉ni nonkwáhtiakes;

1 Corinthians 12:13

Kwáh ne sáka, tewahkwékon, tóhkaʼ Sitaeró꞉nons tóhkaʼ ó꞉ni iáh tehatiʼsitaeʼró꞉nons, tóhkaʼ ienáskwah tóhkaʼ ó꞉ni iontatewenhní꞉io, iontatenekwahéston eh skátʼke ne skaierónta né꞉ne sakanikónrat, tánon énskak khók nonikónra tionkihiáwi nahitewahnekíra.

1 Corinthians 12:5

Tóhka nahtetʼkonthihánions tsi ní꞉ioht tsi ahiakoióten, nók kíʼ né sahahiáta ne Roiá꞉ner ronwahʼiótense.

1 Corinthians 8:6

kwáh kíʼ nonkwahriwáhke saiátak khók kíʼ ne Ní꞉io, rahónha ne Kanísera, rahónha Rohshahánion noriwahkwáhkons tánon rahonháke nónwe niʼtsiónnhe; tánon saiátak khók ne Roiá꞉ner, né꞉ne Ié꞉sos Kerístos, rahonháke non niʼtiawénon tsi kashahánion noriwahkwékon tánon rahonháke nónwe nitsiónnhe.

2 Corinthians 11:4

Kwahronkaʼtén꞉ni tsi nonkwa ne Ié꞉sos, tánon wesewaié꞉na ne Oʼnikonhratokénhti, ó꞉ni tesewehtáhkwe nonkwaterihwahnotáhtshera. Nok wesewathón꞉tate ne ónhkak akó꞉ren aonsaiehtshiiaterihwahnóthahse thiká꞉te tsi ní꞉ioht tsi ionkwaterihwà꞉note tsi nonkwa ne Ié꞉sos. Ó꞉nen kiʼ wesewatateweiennén꞉taʼne thikaʼnikòn꞉rate aonsesewaié꞉na, ó꞉ni ne aontesewé꞉taʼwe thiká꞉te ne aterihwahnotáhtshera.

Galatians 5:6

Asèken ne nónen Kerístos Ié꞉sos tehionkwateriwasóntere, kwáh nèn꞉ne iáh thènen thatekatíhas aiontatewarakwétaronke tóhkaʼ ó꞉ni iáh, kwáh iáh thènen tewatsterístha; tsi nahóten iorihowánen nehne tewetákwen tsi iohiótens ne kanoronkwaʼtserákon.

Ephesians 4:13

Tánon káti tewakwékon entewateróhroke nethóʼnon tsi sahonkwaríwa íken tsi ní tionkwetákwen ó꞉ni tsi tsitewanikonraiéntas ne Rawenni꞉io Roiénha; kwáh káti entewathonkwetísa, iéntewawe kwáh tsi nihanenhiésonʼne ne Kerístos.

Philippians 2:11

Tánon kwáh tsi niaʼtewenhnáhsake tsi enkariwahniráton nètho Ié꞉sos Kerístos tsi raʼónha ne Roiá꞉ner, tóh nètho raohiatanerakwatsherákon ne Ní꞉io Kaníhsera.

Philippians 3:8

Iáh tekáien nó꞉ia ehnaʼiohriwanerakwáthon ne ahonwaientheríhake ne Kerístos Ié꞉sos natsiánere. Kwá oriwakwékon wakatiakwaríson nohiáson nakariʼoténsons ó꞉ni ehnithekétanon tsi ní꞉ioht ne atkarokwasónhas. Kwá Kerístos khók teʼhiʼ iatonwentsióni

Titus 1:1

Kór nón nitiawénon, Rawenni꞉io rihiótense tánon rihiateriwanotánis ne Ié꞉sos Kerístos. Iontiatarákwen ó꞉ni iehionkateniéhton nahkesniénon ne thoʼnethákwen ne Rawenni꞉io sakohiatarákwen tánon nakhehéntense ne kariwahkwarishiontserákon tsi nihionkwaweientetáʼon nonkwariwiʼiostóntshera,

Titus 1:4

Í꞉seh Titus iakonhiátonshe, rohriwahtóken riʼiénha tsi nókwa ne tewetákwen né sateionkeníriwahke. Aiáwens ne Rawenni꞉io ne Kanísera ó꞉ni ne Kerístos Ié꞉sos Sonkwaiatákwas nahontáhion kenténrat ó꞉ni skénnon.

Hebrews 13:7

Sehʼhieiárak ne thóh tihénton iesenhenteséhaʼkwe, tsi wahesataráhkwenh ne Rawenni꞉io raoteriwahnotátshera. Ionshahsanonthónnionf tsi ní꞉ioht tsi ronónhʼnhekwe ó꞉ni ronenhéion, tánon kwáh ne sáhka tsi sehnéste tsi thetsetákwen ne Roiá꞉ner.

Hebrews 6:6

Tánon wahonthewénhthete né rahonetakwéntshera! Kwáh ionikonrókʼtha né sékon tahontahonwahnák꞉tate ne sékon ahonshahontatʼréwahte, tioríhwa tsi sékon teshonwahiasónʼtha ne Ní꞉io roiénha tánon onhkwé꞉ne niehonwahiaténhas nahonwahtéhathe.

Ne꞉ne Sák Rohiaton 2:18

Nók ónkak enhiaiéron, “Énskat nónkwe iakóien ne tewetákwen, nóhia kahioténsera.” Ní꞉i tsi takeriwaseráko, “Takenathónhas onhʼní꞉ioht nónka aiakoiéntake ne tewethákwen iáh kanèka ne kahioténsera. Neh enkonʼnathónhase naketakwéntsera tsi niwatiotenseróten.”

1 Tiér 3:21

Neh ioieronnítston iehiótsate naʼtenekwahestátsera, tsi neh ónen tsi sanónstats. Iáh nehne tsi ahonsashenóhare tsi taisahiatationtónhake, nók neh tsi ronwarahratsʼténni ne Rawenni꞉io tsi nihiakonikonrí꞉io. Tsi saniakéntha rahonháke ne Ié꞉sos Kerístos tsi shotonnhéton,

2 Tiér 1:1

Simon Tiér nón kíʼ nitiothawiton, rohiótense ó꞉ni roteriwanotáni ne Ié꞉sos Kerístos— Tsi niháti ne thonʼwanáwi né teskaieróntare ne iorihowánen tewetákwen sateionkwahrihwáhke ne tsi nitóhrihwaiéri ne Rawenni꞉io tánon ne Sonkwaiatákwas Ié꞉sos Kerístos.

Jude 1:20

Nok ní꞉se, tewatenrosónhas, iasewatasónteren naihsewateiaronháse ne iotokénti tewetákwen. Thónon nasewaterennaiéntak ne rahoshaststensherákon ne Ronikonrí꞉ioston,

Jude 1:3

Tekanó꞉rons tewatenrosónhas, kwáh iatkatatʼtsáhate tsi iakwahiátonse ne ahoriwà꞉ke ne kahiatakenátsera tsi satehionkwáwenk, ne sakatʼthoke tsi teiothonʼontió꞉on ó꞉nenk iakwahiátonse nakwanikonraní꞉rate iasewathasónteren tsi nih tisewethákwen kwáh tió꞉konte ne kénhak ne tsi nitesakó꞉wi ne Rawenni꞉io rahonkweʼtasónha.