Ephesians 4:31 - Ohiatonhseratokénti

³¹ Sahtsiakwarísi tsi nahoténsons ne iotakwáswat, ateriatikhónsera, ó꞉ni kanakwásersa. Tóhsa ónen tahonsesahénrete tóhkaʼ ó꞉ni asenikonrakaréwate, tóhsa ó꞉ni aseswénseke ne kwak tsi nahontahiotieráton.

Ephesians 4:31 ပူးပေါင်းရင်းမြစ်များ

Genesis 27:41

Nón꞉wa ne Esau róhswenhskweʼ ne Jacob, ne iorihonní꞉ʼon ne kaiaʼtateríhtshera ne roʼníha tsi roiaʼtateríhston ne Jacob, tánon ne Esau raonhá꞉ke khók tsi wahén꞉ron, “Ne wentaténionʼs nahonwatshón꞉nionʼse ne rakeʼníha ákta taiawenonhtonhátie; eʼthó꞉ne kíʼ enhinonhwariá꞉kon ne iatiatateʼkén꞉ʼa Jacob.”

Genesis 37:21

Ók nó꞉nen ne Reuben sahothón꞉teʼne, sahoʼniá꞉kenhte tonsashakohshiotaríhsi, ratónnions, “Tóhsa kiʼ tsi tewanonhwariá꞉kon.”

Genesis 37:4

Ók nó꞉nen ne rontateʼkonʼokón꞉ʼahs sahontkáhtho ne ronwaʼníha tsi sénha Só꞉se ronorónhkhwa tsi ní꞉ioht ne ronátiaʼkes rontateʼkoʼokón꞉ʼa, wahonwáhswenh iáh tewá꞉tonʼskwe ne skén꞉nonʼk khók tsi ní꞉ioht tsi taonsahatihthá꞉ren ne ráonha.

Genesis 4:8

Cain wahawénhahse ne iatatekén꞉ʼa Abel, “Ánion kahéntake niétene.” Tánon nó꞉nen kahéntake sí꞉neʼs, ne Cain iahotiaʼtón꞉ti ne iatateʼkén꞉ʼa Abel, tánon wahononʼwariá꞉kon.

2 Samuel 13:22

Ók ne Absalom wahowenhnáraʼne ne Ammon ahontakariwaiérike khéhs nahonhetkéntake; asèken ne Absalom róshonskwe ne Amnon, tsioríhwa tsi thontashakonóntonhse ne iatenosénha Tamar.

2 Samuel 19:27

Wahakanowénhten raonhá꞉ke natiá꞉ner ronnontí꞉io. Ók natiá꞉ner ronnontí꞉io kwáh ne teshiatiéren ne raoronhiakeró꞉non Ní꞉io; thóh nátiere tsi nahó꞉ten ne tkariwaiéri akénhake ne sariwá꞉ke.

2 Samuel 19:43

Ók nʼIsraerʼró꞉nons watonwatiriwaserá꞉kwase ne Judahró꞉nons, “Oiéri niʼiorihwáke sénha í꞉i ionkwariwaien ne raonhá꞉ke ne ronnontí꞉io. Ne nònhne sá꞉ka ne Táwit sénha tsi ní꞉iot ní꞉se. Onhnontiéren káti tsi waskwakénron ní꞉i? Iáh kén í꞉i tetionkwatierénton tsi wahakwénron tentetsiʼtewahiaténhawe ne ronnontí꞉io?” Ók ne raotiwenhnaókons ne Judahró꞉nons sénha ne iateononniáton ne raotiwenhnaókons tsi ní꞉iot nʼIsraerʼró꞉nons.

Psalms 101:5

Ónhka ne ataséhtonhke sakonikonhrakarewáʼtha ne tehonnonsanéken kwáh kí enhiʼiátonhte. Kwáh iáh taʼihiatáktsthaʼte ne rónhkwe ne ratatónhni ó꞉ni ratatkowáʼnen.

Psalms 140:11

Tó꞉sa satónhtat ne iakenhnasát꞉sen naʼiakoianerenhseraiénhtake tsi ionhwenhtsáte; sathón꞉tat ne karihwahét꞉ken iostorekéha tsi ahiakotórahte ne ratinikonrahét꞉kens!

Psalms 15:3

Ne rawenhnáson iáh tewatátis ne karihwahét꞉ken í꞉ken. Khés nashakokarónhni nakóren, khés nashakonikonrakaréwate ne tehononsanéken.

Psalms 37:8

Sahtaʼtiéna ne tóhsa aisanákwen, kwáh satewénhtet ne kanakwátshera. Tó꞉sa sehnoshásek nék khók nenʼné꞉e iewahtihéntʼthos ne kaʼrihwahét꞉ken.

Psalms 50:20

Sathateweienhnenhtáhon né thènen ahonthatsérase ne tiatatekénʼha; tseriwattsiénhriase ne sanisténha ronhwaiénha.

Psalms 64:3

Né ronhnasáke thóh niiohiotí꞉ie tsi ní꞉ioht nasarekówa, thóh ní꞉ioht tsi thatiwenhnínekens ne kawenhnákʼsenhs tsi ní꞉ioht ne ahionrón꞉thate ne kanonkwahtsherák꞉sen iehióhare ne kaienkwirakénhiate,

Proverbs 10:12

Kahswènhtshera nek tkáhas kaʼnikonhrharáhtshera, nok kanoronhkhwáhtshera tsoʼnikónhrhens akwé꞉kon nahò꞉ten iakoʼnikonhraksá꞉tha.

Proverbs 10:18

Ónhka ionhséhtha atatswénhsera iakonó꞉wen. Ónhka teionterihwarenià꞉tha tánon teierihwenhawíhtha iakononhwaró꞉ri kiʼ.

Proverbs 14:17

Nón꞉kwe ne ratinaʼkhwahseró꞉henʼs teiotenonhwarorí꞉tonte tsi nenhontieránion; ók ne tehotiʼnikonhráthe thaʼtehonató꞉te.

Proverbs 18:8

Taierihwenhá꞉wihte tsi iawékon tewanón꞉weʼs iaietewahnéhkwane!

Proverbs 19:12

Ronontí꞉io raonaʼkhwènhsera ne shá꞉ka ne kèn꞉reʼks tsi ratonriá꞉iens, nok ne tókaʼ enhtshateweientón꞉hahse ne táhseren tsi ni iotshennónnia nó꞉nen eniokén꞉nore.

Proverbs 25:23

Taierihwenhá꞉wihte nek tkáhas kanaʼkhwénhsera ne taié꞉ren tsi oʼthorè꞉ke ówera tewatenniéhtha naiokén꞉nore.

Proverbs 26:20

Tókaʼ iáh teká꞉ienhtaien enwá꞉swaʼ tsi iotékha; tókaʼ iáh thaʼtahserihwenhá꞉wihte tenká꞉taʼne ne tahsaterihwakén꞉ni.

Proverbs 29:22

Nón꞉kwe ienaʼkwahseró꞉hen tkáhas wé꞉so ne taionterihwakén꞉ni ó꞉ni kaʼnikonhrharáhtshera.

Proverbs 29:9

Nó꞉nen ónhka teiakoʼnikonhráthe tsi teieiaʼtorehtáhkhwa enhonwahiatónhseron ne tehotenonhwarorí꞉tonte, nek ne roiéshon tánon iorakaré꞉ni tsi ni꞉iot tsi enhatonkweʼtáksaʼte.

Ecclesiastes 7:9

Tó꞉sa senahkwastó꞉rek, asèken ne kanahkwáhtshera watenaʼtónhnis ronhnenhskwenáhkon ne tonathónʼnokʼthe.

Jeremiah 6:28

Kwáh rathikwekon rothinonhtsistahnirons ionkwetatʼsenhs, thóh nihionirons tsi ní꞉ioht ne otsínekwar nikaristhotens ó꞉ni ne karisthatsis. Rathikwekon kahetkenton, tehonahkwahtahsehatie tánon aktsioken tehonahreniá꞉thonhatie.

Jeremiah 9:4

Kwáh tsi niaʼtehionkwétahke tsi enhonthatennikonhráhren tsi nòkwah ne rontenroshón꞉a, tánon iáh ónhka thahónton nahontahonwenhnéthaʼkwe ne rahothiwáhtsires; asèken rathikwékon ne rahothikwáhtsires thóh nihathinikonhráhtha tsi ní꞉ioht ne Jacob, tánon kwáh onhkwetahkwékon sahkotinikonhrahkareʼwáhtha ne rontenroshón꞉as.

Acts 21:30

Kwáh kanatakwékon wathonanithónʼnien, tánon nonkwesónhas rathikwékon iathonwaráhthate, wahonwaiéna ne Kór, tánon wahonwahiatísere tsi sahonwahiathínekenwe Nʼononsatokentíke. Kwáh óksaʼk onthenóton Nʼononsatokentíke.

Romans 3:14

tsi rathisakaróntes kwáh titkáhere ne ionewárat tánon iotakwáswat.

1 Corinthians 14:20

Tóhsa iekʼshahnéha tsi ní꞉ioht tsi sewahnonthonniónhek, tewatenroʼshónʼa; tesewahtetʼshathóntat tsi nióre ne kariwáhneren tsi ahonnontonniónheke, ónk sewahthonkwetisonhónhak tsi ní꞉ioht tsi sewahnonthónnions.

1 Corinthians 5:8

Ánion tewahtenikonróhri nonkwáhwenk wahtohʼhesthákwen, tánon, iáh né꞉ne kanátaro ne tekaiéston ne akáʼion iontʼtenkwáhtha kariwáhneren ó꞉ni ne kariwáksens, nók né꞉ne kanátaro ne iáh thènen tathekaiéston ne iontʼtenkwáhtha, né꞉ne kanátaro ne aóskon íken ó꞉ni kariwahkwahrishión꞉tshera.

2 Corinthians 12:20

Thiwákterons nó꞉nen téntke tóka iáh shaʼonkwaʼnikòn꞉ra thakénhake. Thiwakteronʼón꞉we sewatiaʼkéhshon tensewarihwatirón꞉take, tensewatateʼnósha, tóka ó꞉ni tensewatatenahkhwá꞉se, tóka ó꞉ni ensewatehtshén꞉hake, tóka ó꞉ni taisewatatenowenhtaniónhahse, tóka ó꞉ni aisewatshokentonníhake tánon taisewatateʼnikonhrakaré꞉wahte. Kwáh ó꞉ni thiwákterons nontié꞉renk aisewanaiéhake sók eh naitsonhnhoténhake tsi ní꞉ioht ne tehatinenhrahrí꞉tha.

Galatians 5:20

konwatisénnaiens kaiatonnisónhas ó꞉ni iontenénnaras. Nonkwesónhas tenhotiriwaráseron ó꞉ni enhonterihioháton; tánon enhatinosháseke, enhotinakwenhénhake, ó꞉ni enhonatetʼtséntake. Enhonnitiokonniánion;

Ephesians 4:22

Kwáh kíʼ iasewárek ne sewaweienʼnakáhion, tsi ne iónʼnis ne séhkon thoʼní꞉ioht tsi ahisehʼtsiónnheke—neh oweienʼnakáion tsi wahthónton neh tsi nikanikonráhthakwe nahoskanéktseras.

Ephesians 4:25

Iáh ónen nohnówen, nekáti! Kwáh tsi sewahiatátʼtions ónenk tsi tensewatatróri ne ronatsiakhésons tsi nithonethákwen, neh tsi akwékon thó꞉non nitewaiáthare ne rahoiéronke ne Kerístos. Iáh káti ónen thènen nohnówen! Kwáh tsi sewaiatátʼtion ónenk tsi neh꞉ne oriwí꞉io enientʼtsiróri nakorénson ne thonethákwen, neh tsi akwékon skát꞉ne nón nitewaiátare ne rahononsatokentíke ne Kerístos.

Ephesians 4:26

Tóhkaʼ ensatenakwatserónnien, tóhsa satʼthóntat ne saʼnhakwátsera iahisahsárine ne kariwanerahatʼtseráke, tánon tóhsa kontatiekówa ahisanakwéhen.

Colossians 3:19

Ne sewaskenrakétes, ieʼtsinorónkwak ne sewahniatʼkons tánon thóhsa tahó꞉ten naieʼtsiiatniráttshe.

Colossians 3:8

Onk ó꞉nenk ki tsi kwáh orihwakwé꞉kon ensahtiakwaríhsi ki nahorihoʼténhsons: naiakonakwen, kanakwáhtsera, tánon ahsehsónseke. Tóhsa thé꞉nen ne ahsenikonrátsate tóhsa ó꞉ni nonhwén꞉ton ne kawennakʼsens ahsatatiáte ne tiakéhsons.

1 Timothy 3:11

Neh konhnónkwes onónha ó꞉ni ahówenk nahiotihianerenserihióhake tánon iáh tehiówenk nakonkʼtsiokentónni; kwáh ahówenk niatahiononniáton ó꞉ni kwáh tsík nahorihothénshons tsi ahioterihwathokénhake.

1 Timothy 3:3

iáh tehówenk nahanekahkátsʼtake tóhkaʼ ó꞉ni naronkwetatʼsénhake, ónk ahontahorihwahiérike ó꞉ni sákʼtakénhake; iáh tehówenk nahawistanorónkwahke;

1 Timothy 5:13

Tánon ó꞉ni wahkontirén꞉na nakontenniseratiésaʼthe tsík non iehiotinonsokàton; onk sénha wahétken, wahkontirén꞉na nakontsiokentónni ó꞉ni nakontiritsʼtónni, neh iotitarákwen nahóten ne iáh tathehiothonwentióʼon.

2 Timothy 2:23

Nók satatiathotàro tsi nòkwa ne ononwahrorítha ó꞉ni takariwahwénron; sateriéntare tsi neh iewahtihénthos ne aterihotarókʼtseras.

2 Timothy 3:3

iáh tahontahotirihwaiériʼke, enhoneriasaníronke, enhotihianerenseraksénhake, enhonnonkwetaʼtsénhake, enhatiniakátsʼtheke; enhatisónʼsheke ne ioiánere;

Titus 1:7

Asèhken ne sakohéntense nononsatokentíke raónha roteriwatsʼteríston ne Rawenni꞉io rahohioténsera, kwá kíʼ tóhsa thènen ahonhíkonke. Iáh tehiówenk naronkwetatsénhake tóhka ó꞉ni ahanakwastó꞉reke, tóhka ó꞉ni ahanekahkátsthake tóhka ó꞉ni ronkwetátsen tóka ó꞉ni rotwistatékʼtien.

Titus 2:3

Kwá nòn꞉ne ne sáka ietʼtsirihónnien ne tiotíʼions konnónhkwe, nahkonterihwahténtiate tsi nahtehiothonwentióʼon ónhka ne iakoriwiʼióston tsi ahiakónnheke. Iáh teiówenk nónhka ahiakotisennákshate tóhkaʼ ó꞉ni tahiotirenkénnion nakontinikírake notsítsia. Ónenk tsi enhiakotirihónnien nahóten ne ioiánereh.

Ne꞉ne Sák Rohiaton 1:19

Né kí꞉ken sewehiárak, tekanórons tewatorhosónhas! Kwáh onkwetaʼkwékon tehiotonhontióʼon nahieʼhiathastóreke nahiontahónsathate, nók ahionteráhrate tsi ahiontháti tánon ahiakohiathakenhéhionke nahiakonákwen.

Ne꞉ne Sák Rohiaton 3:14

Nók tóhka ne seriá꞉ne ne iónnis nasatekéf꞉fa, asonkwetaʼtsénhake, ó꞉ni satétʼtsen, tóhsa ne seriwanérat né tkariwaiéri tsi natasathaterénsaron ne satʼthokhátsera.

Ne꞉ne Sák Rohiaton 4:11

Tóh꞉sa tesewatateriwákwas, tewatenroʼshón꞉a. Tóh꞉ka tensewatateriwákwaʼse tóhka ó꞉ni teietʼtsihiatórete nakorénson né rothiriwiʼióston, wesewariwákwaʼse tánon wathiʼsewahiatórete ne kaianerénsera. Tóhka tenshiatórete ne kaianerénsera, khakáti níse iáh theshesatewennarákwa ne kaianerénsera, nók í꞉se né teshiatorétase.

1 Tiér 2:1

Sewatiakwarísi, káti, akwékon ne kariwákʼsen; tóhsa ónen sasewanowénhtak tóhsa ó꞉ni thaseiéron tóhsa ó꞉ni naisatekéfʼfen tóhsa ó꞉ni naisatewennátkonhake.

1 Sawátis 3:12

Iáh tateiothonwentióʼon nahonsatsitewaiéren ne Cain; neh꞉ne ranikonráksen rahonkwéta kèn꞉ne tánon wahoséh꞉te ne kwá rahónha iatatekénha Abel. Onʼnihiotiéren ne Cain tsi wahoséh꞉te? Neh tsi nihotieránion tánon tsi natehoterientawénrie, nók ne iatatekénha tkariwaiéri ne tsi nihotiéren.

1 Sawátis 3:15

Ónhka ne iontátswens nakorénson ronʼnónha ne sakonashéta, tánon sewateriéntare neh sakonashéta iáh nèn꞉ne tehotíʼien ne hionnheónwe atónnhets.

Revelation 12:10

Eʼthò꞉ne onkathón꞉teʼne iowénhte thóh karonhiá꞉ke, watón꞉nions, “Ó꞉nen ón꞉we natesenhnié꞉tshera tánon ne kaʼshatsténhsera tánon ne raonhnontiiótshera nonkwáh Ní꞉io tánon ne raokweniátshera ne roiatarákwen Kerístos, asè꞉ken ne sakoriwá꞉ros nonkwatatekénhas ó꞉ni nonkwatenhoséntsheras tsi thonwaiathénton, raónha sakoriwá꞉roskwe tsi niwenhní꞉seres ó꞉ni tsi niwasón꞉tes raohén꞉ton ne Ní꞉io.