Ephesians 4:30 - Ohiatonhseratokénti

³⁰ Tánon tóhsa tsiónʼnien ne Rawenni꞉io Raonikonratokénti nahonikonráksen; Asèken rahonháke ne Ronikonratokénti nón ne Rawenni꞉io roieronnístʼthon níse tsi rahónha rahonkwéta, neh kariwanírats tsi ienwatenniseríhewe ne Rawenni꞉io tsi enshanerénsi.

Ephesians 4:30 ပူးပေါင်းရင်းမြစ်များ

Genesis 6:3

Eʼthó꞉ne ne Roiá꞉ner wahén꞉ron, “Iáh takheríhon nón꞉kwe tsi nénwe ahonnónhnheke; enhonniheiónhseke. Ken ienwatáhsawen iáh isi non ne énskat tewenʼniáwe tánon tewáhsen niiohserá꞉ke nenhonnonhnesonke.”

Genesis 6:6

Ne Roiá꞉ner kwáh íken tsi satateriʼwáhsten tsi shakoiaʼtíson nonhkweshón꞉a ne tsi ionwenhtsá꞉te, tanon kwáh íken tsi raʼwe꞉rhiasanonhwátʼta.

Psalms 78:40

Tonihiorihwáʼke waʼhonwaterhiasaníratʼtse ne iahonwenhtsatʼénhake nón꞉we tánon toniʼiorihwáke ronwaʼnikonrakʼsáton!

Psalms 95:10

Asèken kaiéri niwáhsen niʼioseráke kenakwáhsene nètho onkweshón꞉has waʼkíron, “Né꞉ne onkweshón꞉has né iáh tehiakorihwaʼtóken, tánon iáh tehonthóntats nahontewénnahrakwe nakerihwatatʼtséras.”

Isaiah 43:24

Iáh tesetninón꞉se ne tehiotsikhétare ohhé꞉re ietsiʼkhetonniátha nowístha ahiʼshakariáktonke, khés né꞉ne ahontaskenikonraieríhtonke ne iorésenhs sateskontákwen. Ók ne waʼskerieniátsʼteten ne sarihwanerahák꞉tsheras; ne waʼtesetwisenhehiáthaʼkwe ne sarihwahetʼkénsera í꞉ken.

Isaiah 63:10

Ók iáh teonatewenhnará꞉kwen tánon wahonwaʼnikonhrakaréwaʼte né raoʼnikonratokentítshera; né káti wahónhni wathontáʼtsion; kwáh kí rahónha wahonterí꞉io ne ronónha.

Isaiah 7:13

Ethó꞉ne ne Isaíah wahénron: “Satahónshatat kí ó꞉nen, Ó tsi ronón꞉shote ne Táwit! Shóʼtsikén kén niʼiorihwáha ne thénhnen ní꞉se asateniénhten ne raotinikonriʼioserákon ne ronhnón꞉kwe, nètho ní꞉se kwáh sateniénhten ne raonikonriʼioserákon ne ná꞉ke Ní꞉io ó꞉ni?

Ezekiel 16:43

Tsi shanikonhrénhen tsi nikonhiatiérahse ne tsi thishahiónha, tánon né waskenahkónhniathe tsi nahorihoténsons tsi nahshatieráhnion. Né aoríhwa wahkonhiónnien akwékon ahonsaskárhiake. Onhniʼiohtʼtiéren tsi iaháseste ne kentétshera kanahkwahieshátshera nohiásons nikarihoténsons ne ioteriwahtehashón꞉as tsi nishatieráhnion?” Ne Ronhnontí꞉io Roiá꞉ner wahatáti.

Hosea 13:14

Ahonsakhehiatotaríhsi ken tsi nokwáh nahoshatsténhsera ne Sheol? Ahonsakheniá꞉kente ken tsi nokwáh ne kenheiát꞉ne? O Kenhé꞉ion ká꞉ne sanratarihnétsheras? O Sheol, ká꞉ne sáwenk atkaronhiátsheras? Ne kenthénrat iotasehthénhni ne kát꞉rake.

St. Mark 3:5

Ateriatikhonserakon ȣasakotkatoseron, ok ikene ȣahonikonkararen tsini honeriasaniron. Ȣahaȣenhase kati ne ronkȣe: sanentsakȣarisi, ȣahanentsakȣarisi nok oksaok eh nonsaioianerenne tsiniiot ne skati.

Luke 21:28

Neh kati nonen enteȣatasaȣen eh nenhiaȣenseron, seȣatarakestsko nok ehneken iaseȣatkatto, aseken onen akta iȣe ne seȣaiatakennhatsera.

John 3:33

Nok onka rotaonsatati, roriȣaniraton ki tsi Niio ihken ne Niio.

Acts 7:51

“Tsi nisanontsistaníron!” ne Stephen hiahatasónteren tsi róhtare. “Tsi niseweriasák꞉sens, tsi naʼtesewahontakwékon tsi nòkwa ne Rawení꞉io rahoteriwanothátsera! Kwáh tsietʼtsiʼiéren ne ietʼtsisottonkonkén꞉ens: í꞉se ó꞉ni iáh nonwénton thetsisewawenʼnarhákwen ne Ronikonratokénti!

Romans 8:11

Tóhka ne Rahonikónra ne Rawenni꞉io, tsi raónha shokhétskwen ne Ié꞉sos ne kenheiátʼne, seh nikwékon, éhʼtho káti tsi nikáien shokhétskwen ne Kerístos ne kenheiátʼne, neh káti ó꞉ni enrónʼnhete tsi nihiotsihióha sewaieróntas ne tsi niwéhne tsi sehwakwékon ne rahonikónra.

Romans 8:23

Nók iáh kíʼ nek khók tèken tsi nahoténsons ne kashahánion; onhtionháke nón nikénteron nonikónra, neh tewatierénta tesonkwáwis ne Rawenni꞉io káti ó꞉ni skát꞉ke tsi ionkwanikonranónwaks, tsi nihionkwárare ne Rawenni꞉io thoʼní꞉ioht tsi ahsonkwakenhénion tsi síken ní꞉ioht neh rahónha sonkwaiohokónhas íken, tánon ó꞉ni kwáh tewahiatakwékon tsi ahonsontatewenní꞉ioʼne.

1 Corinthians 1:30

Nók Rawenni꞉io tahiaiaténhawe ne taitiateriwahshónteren ne Kerístos Ié꞉sos, tánon Rawenni꞉io wahahónnien ne Kerístos rahónha nonkwahnikonrowahnhátshera akénhake. Rahónha shaʼshonkwarihwahserónnien tsi natetewáhtere ne Rawenni꞉io; Rawenni꞉io rahonkwetatókenti weteʼwáhton ó꞉ni setewahtatewenhní꞉ioʼne.

1 Corinthians 15:54

Káti nónen kí꞉ken thóh neniáwenhne, tánon ne iawenhéion ne teskaténion ne ionnhehónwe, ehʼthóhʼne noriwahtokénti énwahwe noriwí꞉io; “Kariwahthónton ne kenhéion; nahtesenniétshera kwáh ieiotéshon!”

1 Thessalonians 5:19

Tóhsa tsiótats ne Ronikonriʼióstons;

Hebrews 10:29

Nahó꞉ten, káti ónen, tsi niháti ronwahkenronni ne Rawenni꞉io Roiénha? Tóh꞉ní꞉ioht tsi ronnonthonnions iáh thenen tekastha nohnekwénhsa ne Rawenni꞉io rahoterihwahseronniennitshera tsi ní꞉ioht tsi tiakahonnahkanonni tsi nókwa ne karihwahneren? Rohnónha konwahnikonratsaton ne Kashastensera ne kentenron? Kwáh sehwahnonthonnionf tóh ní꞉ioht tsi sénha kowahnen ne karewahthatshera enhatiʼié꞉na!

Hebrews 3:10

Tánon kíʼ kenakwáhsene nètho onkweshónha tánon wahkíron, ‘Né꞉ne onkweshón꞉as ne iáh tehiakorihwaʼtóken, tánon iáh tehonthóntats nahontewénnahraʼkwe nakerihwataʼtséras.’

Hebrews 3:17

Ronónha ne Rawenni꞉io tsi shewahnakwáhsheʼne ne kaiéri niʼiohseráhsen nikaríwes? Ne nónkwe ne iakoriwáhneren, kahentakekówah nónwe nahonníheie.

Judges 10:16

Sók kíʼ é꞉ren shahatihawithánion ne rahotihiatonhnisónhas tánon wahonwasénhnaien ne Roiá꞉ner; tánon waʼtathatenikonhráhren tsi nòkwah ne nʼIsraerʼró꞉nons rahotironhiakénsera.